花園餐廳 (西洋菜南街)

營業中

休息中

計埋加一要$61  TEA來講真係貴左D不過我當佢係DINNER 甘食，  未夠5:30 來到叫就食同埋貪佢份量夠大份夠哂飽叫左杯凍檸茶，要加錢服務態度同服務其實無咩比到，唔明點解都要加一，只係TEA不過佢一向都有收加一既味道就唔錯，所以上次同今次都食呢樣野下次就試下新野

今晚又要去上堂放左工來到都未夠6點甘就食個TEA啦叫左個蝦醬炒牛河，蝦醬好香，又夠味同有獲氣，簡直一流牛河係油膩架啦，但又唔係特別油相比出面食既$58一個TEA 唔算平，但當晚餐食都OK既，因為夠大份夠飽配埋杯熱奶茶呢間店係可以用信用卡埋單

西洋菜南街花園餐廳位處地庫，面積都幾大，但四人卡位比較窄，非煩忙時間，兩人就坐得舒適。傳統茶餐廳紅湯羅宋湯，煲得熔化入味香濃，熟悉感覺返晒黎。餐包仲係熱既，配埋牛油，好味大蝦牛柳鐵板餐，轉碟上。開邊大蝦改咗用炸既方法去煮，仲要包住一層炸粉，無以前咁好味。牛柳要8乘熟加黑椒汁，師父一般會煮得比較生，上枱時用鐵板煎一下就會剛剛好。可惜我係用碟上，所以牛柳依然血淋淋，下次要記得叫熟啲啲。另外叫咗雞扒鐵板餐都係轉碟上，大大件煎香，好味。餐飲轉黑牛，可樂加朱古力雪糕，童年回憶👍*店舖好多人叫鐵板餐，但枱面仍然乾淨，不覺得黏膩👍

中午覓食 路過花園餐廳 －於入去愐懷下啦點左扒點及虎蝦天使麵 西湯點了羅宋湯 味道剛好不會太酸 可惜越飲個人越熱 話說－入去話師父搶修冷氣中 好快 结果等了又等 食完成餐都未整好 成程急急食完 只想儘快離場 時不與我

🖍️序👉🏻👉🏻2月14日情人節下午3點3竟然😂約了兩老食下午茶，食完還有節目，便是買魚缸，讓退休兩老有點勢藝～🏡環境👉🏻👉🏻餐廳在地庫，大約廿級樓梯，3點3這個時段，若有十枱顧客，全部都係坐卡位，燈光暗淡，可稱之為情調吧🙄顧客可能也算是街坊客，會有點聲浪，但不算嘈雜，座位也有很大程度的損耗～🍗食物👉🏻👉🏻點了乾炒牛河、咖哩牛腩飯、蒜蓉雞扒意粉，樣樣都很不錯！（無影相😛）炒河夠乾夠份量、牛腩肉 & 汁夠多、雞扒夠大夠味 & 意粉夠爽口彈牙～夾埋加一，全單$175～算係很不錯了！

突然間行行吓街好想食鐵板牛扒，抬頭一望就見到呢間花園餐廳，花園餐廳俾大家嘅感覺就係一間好懷舊嘅扒房，我懷着興奮嘅心情行落樓梯嘅途中已經感覺到呢間扒房嘅懷舊氣息，我哋一行五人叫咗三個餐，分別就係T骨牛扒，肉眼扒，同埋炸魚柳，首先地方係相當之大嘅，侍應食唔少添，我哋一坐低侍應就問我哋飲咩湯紅湯定白湯，當我哋完湯之後佢就9秒九好快手咁樣拎咗個餐包同埋個湯嚟，當我哋飲完個湯之際個鐵板牛扒就出現喺我哋面前， T骨扒個size竟然大個塊鐵板，有肉汁之餘，又有牛肉嘅香味，肉眼扒相當之出色，同埋有牛味，另外嗰炸魚柳打得非常之好食，我哋五個人食到好飽咁滿載而歸。

心血來潮有人想食扒就去食, 花園都好幾年冇食過! 12點左右到唔多人仲有卡位.先來餐包 - 表面熱, 中間凍, 個底仲硬到石頭咁. 以前個餐包好好食架!羅宋湯 - 酸辣程度剛剛好, 仲保持到蝴蝶型肉眼扒 - 比以前細左薄左, 5成熟出到來食入口都已經超過8成熟. 好彩仍然夠淋午餐) 西冷牛扒 - 叫5成一樣到左已8成熟, 肉夠淋, 條邊夠油香. 係個蒜汁比教咸左D. 整體上唔算差, 食物上可以再好D, 老牌平民扒房服務係咁上下, 已好好禮貌, 人手不足飲品出得好慢, 總要吹2-3次, 可能部份員工返鄉下探親掛!

晚餐去食~主要係好想食焗田螺,,香港地好似無咩連鎖扒房..?田螺有汁~撈埋好好食~整體黎講我覺得係對得住個價錢既又唔係話好差有D似以前港式扒房上菜好快你食完下一刻就黎收然後比下一道菜比你一落完單無耐就會黎湯~連埋餐包有D似以前既扒王之王~唉兒時回憶

下午茶一至日及公眾假期都有, 供應時間至到五點半, 行完花墟及花園街就過去探一探呢間老牌餐廳🥢皇牌咖哩牛腩飯$51咖哩汁濃稠適中, 唔辣, 但都香咖哩味, 不過咖哩汁份量唔多; 有兩舊牛筋唔會太淋或太硬幾好趙頭, 牛腩比較硬, 乾及鞋口, 唔太好食, 飯量適中, 裝飾嗰粒車厘茄好新鮮😝🍽️黑椒牛扒(可跟飯/意粉)$52兩塊牛扒大大塊及厚薄適中, 質地唔算差, 配得起個價錢; 黑椒汁偏甜不過都有黑椒味; 意粉質地正常, 份量亦都適中☕跟餐熱檸茶紅茶味都幾濃套餐另加12蚊可以有個餐包及湯, 今次我哋無加老牌嘅花園餐廳, 環境比較昏暗, 座位以卡位為主, 坐得舒服, 職員服務態度及衛生一般魚堅總評性價比 3👍(以5👍為滿分)

如題，價錢實惠味道唔錯，環境有d驚嚇。我比較少特登去記低個環境，但呢間一定要講下，因為真係偏污穢。同埋佢地比既刀叉望落係有「積」，記得要用熱水沖沖先好用。但野食平心而論，真的不錯。唯一係杯奶昔冇咩味。

差到不能再差，可一不可再，禮貌差、服務差，請都唔會再食，無樣嘢掂，d伙記（一定唔可以稱為侍應）服務禮貌差，問非所答，個嗰着黑色上衫喝住叫我唔好埋抬住，等佢哋執晒嘢先過去，其實無人理我，我先自己搵枱。之後問佢豬手伴意大利腸係用咩肉嘅腸，我同佢講因為我晤食牛同雞的，佢第一時間答我話我哋唔知架，咪一片片個d囉（無言，笑左）之後照order, 點知隻迷你豬手只有筋同一啖肉外，就只有皮同骨，極之埃塞俄比亞，人生中第一次食到無肉的無味豬手。另外order一個老虎蝦伴牛脷，牛脷應該係for無牙人仕而設，淋到不得了同質感其差，隻老虎蝦梅到一個點。總括來說，伙記非常之無禮貌，食物質素其差，扒房價錢，服務不及茶餐廳，仲學咩人收加一🤬

今日同3個朋友仔去試呢間以牛排🥩為主既餐廳，我地大約2點到餐廳，門口已經堆滿人。我地分別叫咗2份肉眼牛扒7成熟，一份西冷牛扒7成熟及芝士焗肉醬意粉🍝，每份牛扒都會配薯菜，醬汁可以選擇黑椒汁及蒜蓉汁，我地叫既係午市套餐所以會跟埋牛油餐包，羅宋湯或忌廉湯及飲品。首先嚟到既係餐包，嚟到時係凍及偏軟，感覺上麵包未完全發酵，導致口感十分一般。其次係餐湯，嚟到時湯上面有不知明毛髮，所以要求店員幫忙處理🤫之後就到主角牛排🥩岀場，嚟到時我諗塊扒都已經有9成熟，倒埋汁已經到10成熟😵塊扒好薄好韌🫣但我自己覺得呢個價錢我係可以接受既，$80可以有湯有包有牛扒有餐飲，係抵食既。但餐廳服務麻麻地，啲客人堆係門口都無店員幫手安排入座。入座後，我地向店員表示想要4杯水，到食完都無俾我地🥲

突然間想去据扒，於是揸車落太子第尾.點知門口排咗成二十幾人，樓下花園無人排隊，於是轉場.結果超后悔！點咗客T骨配黑椒汁, 7成熟.優點：1, 唔洗排隊.2, 可以用八達通消費劵.缺點：1, 叫個7成熟嘅T骨，得5成熟，太過生.2, 最大問題係，環境差到一個點，去廁所條路超跣，天花板D塵勁厚！睇到都唔開胃！3, 据扒其中一個重點係塊鐵板要夠熱，好明顯我個T骨鐵板唔夠熱，無哂鐵板獨有嘅咋咋聲！第尾排哂隊而花園無人龍必有因！

眼見洗碗呀姐勁大盤野要洗，之後可以唔洗3分鐘佢已經企左係到等野做（目測應該冇洗碗機），因為見佢地有手洗。叫左2個牛扒，已經唔記得係咩既扒，只知道加汁個陣拎左個鐵罐好似地盤佬裝修咁筆d汁比我，講真是但一間茶記應該好過佢

自問唔揀飲擇食，放得落口我都ok 個牛扒切咗成分鐘 都切唔開 咬又咬唔開😡😡😡杯凍華田淡到好似飲緊冰加水😡😡😡第一次食到d咁難食ge 牛扒 😡😡😡可以比0分ge話一定係0分