花園餐廳 (西洋菜南街)

營業中

休息中

花園餐廳都算香港扒房啦，起太子附近穩野食，見到原來附近有間就沿樓梯落去啦，呢間係地底花園餐廳，幾有香港特色，係香港呢D地少人多城市先會連餐廳都要擺起地底/.\。入到去係港式西餐廳感覺，檯細細，凳多多，密密麻麻咁，檯就鋪左條紅色格仔Old School Picnic檯布，哈哈。入來扒房，雖然係Tea Time梗係要嗌個扒啦，就叫左個西冷跟紅湯，西餐有餐湯就有餐包，據我所知傳統扒房係有添包Service，見今次serve嘅包暖笠笠，所以添包盛惠3蚊，配埋個紅湯幾好味咖；至於個Main Course呢，原本都醒咖啦，知佢會跟鐵板上就嗌4成熟，上到檯變左7成，肉質係好味嘅。另外仲嗌左個乾炒蝦醬牛肉河，呢個就普普通通啦，都係要陪辣醬先岩味，好茶記Style。

其實都去過呢間餐廳食過好多次，之前食物都不是太好吃，服務麻麻地，但座位就舒適既，所以間中都會落吓去，今次去，食物沒有改進，但服務質素就好左小小。不過如果我下次再去，一定不會食豬軟骨，做得很差，不好吃，但有一個後生仔侍應，又勤力，又有禮貌。只有佢一個係最勤力做嘢，其他就懶到出汁，服務好左既原因都係因為昵個後生仔待應，食物就真係差差差，唯一係因為坐得好舒適，所以先會落去hea下，希望下次再去既時候，食物有所改善..................😊豬軟骨，杰撻撻，又一浸豬臭味，難食到😫😫😫😫😫😫😫😫😫😫😫😫😫😫

呢日屋企人生日，打算鋸排慶祝下。花園算係港式豉油西餐嘅始祖之一，就諗住去試下，門面裝修都幾靚，不過入到去嫌個場唔夠光，好似摸黑進食咁，menu都睇唔到，扣分！叫左3個餐，a級肉眼排，牛柳，同埋海陸空套餐（西冷排、燒乳鴿、海蝦）。全部肉都叫5成熟。湯有d淡，無乜味，不過不失啦。肉呢，肉眼同牛柳都幾好食，夠腍，不過肉味唔重。不過個海陸空套餐就岀曬事啦。個隻乳鴿同成個餐好唔夾，好似微波爐叮岀黎d急凍野咁，好奇怪，d西冷排都好韌，完全切唔開，成碟野得d蝦係食得過。另外，雖然野食黎得幾快，不過d服務真係好一般，我地食完d野，想叫人收下d碟，點知fing曬手都扮睇唔到，叫足差不多有5分鐘，先有人黎幫手，有d失望。總體黎講，坐得尚算舒服，性價比頗合理。

繼5月尾音樂會完場後跟本人母校師弟一起去過一次，事隔一個月再度光臨同一地方。是次對象是一班志同道合工作的同事，下班後一起晉餐慶祝老闆升遷。兩次光顧的對象雖然處於同一環境，品嚐食物的口感嚼勁已大相逕庭。這間餐廳以意大利及德國菜為主調，主要以巨型扒類作主要食材，一塊扒已是一雙手掌般大小。而且絕大部份也是以高溫數百度燒成的鐵板底的熱力把食材加熱，而不是把它全面燒熟。我們點了蝴蝶肉眼扒及洋蔥豬扒各一份，兩者雖然形狀及做法相約，反而這樣鎖住肉汁沒有因此流失，保持當中的脂肪及細膩肉質。油而不膩，配合醬汁進食更能進一步品嚐它的真材實料是這麼用心才能製成的。還有少量不是以鐵板扒的菜餚，本人誠意推薦平時罕見的「海陸空三軍」。它是一道海鮮盛合，包括大頭虎蝦、紅燒乳鴿及迷你雞扒三種性質不同的食材。蝦肉爽脆一股香甜的鹹水味; 乳鴿肉質一絲絲分佈平均，跟雞軟骨硬度相約; 雞扒跟雞肉般一嚼下去肉汁十足爽滑，有點入口即溶的感覺。各位食客下次光顧同一餐廳值得一試這道特別的菜式。

最近大B樂成日賣鋸排廣告搞到我都想去鋸下排但又覺得大家樂價錢同其他有哂餐湯既排房唔係差太遠咁岩又同媽咪行經花園餐廳就入左去食 久唔久都要鋸下既排一如以往飲紅湯不過不失湯同包包都未食完就上左牛排 如果可以遲少少上就更好我要左西冷 五成熟都唔錯都有牛味 都真係做到五成熟我要求唔係好高 始終唔係貴但薯菜用小棠菜又好似有D 奇怪假日想鋸下排 又唔想太多人 可以慢慢坐下 傾下哩到係唔錯既選擇題外話 衞生可以加強小小 女待應拎兩杯水過黎的時候 手指掂住杯邊 感覺唔太衞生希望可以改善一下

差到不得了全部都係根服務態度極差，羊扒全部都係跟，薯條全部都係凍嘅唔知咩鐵板餐服務態度勁差完全冇人收拾東西另外一個晚餐大蝦豬扒嗰啲客係好似剝假牙都咬唔到嘅蝦，差

周末逛始創買手機, 攰了行過有花園餐廳。太子這間未試過, 又有下午茶, go! 要落樓梯到地牢(即係食完要上返黎😅) 膝蓋有事者要留意啊。下午茶有成十幾廿款(詳見上載菜單), 全部40幾元, 包熱飲。(+$10有餐湯及包)叫了豬軟骨烏冬+熱鴛鴦 豬軟骨ok啦，個汁咸少少, 味似黑椒汁! 烏冬好一般 (其實係個湯底一般囉)===== 猛男點左個午餐 ====鐵板牛眼扒來喇!!!! 點知... 冇"咋"一聲, 因為冇汁呀 塊扒夠大, 要7成 都做到。味道可以, 有些肉汁。墊底薯條就唔係即炸, 麻麻! 不過把刀就奇怪D... 👇 唔知以為食魚扒😂都切到咁啦！ 後記: 至正係個餐湯及包 (下午茶加$10)羅宋湯夠熱又夠味, 多料又大碗。個餐包熱呼呼(sorry冇相)環境一般, 舊的感覺, 空調不足。冇地方咪去去吓囉😅😅

今日早收工去左太子花園餐廳食🍴個🐮扒先返屋企點了個晚餐$98羅宋湯,跟餐包，T骨拼薯菜，凍檸水餐包~凍及乾硬羅宋湯~濃郁多什菜有少許牛肉，好味T骨~很薄又細件似T骨頭'雖然送多件薄肉放面'但質素很差'很韌，叫5成熟'來到9成熟🥵🥵👎👎凍檸水~正常装修完質素差了'I

昨日午餐去左太子搵食，突然醒起花園餐廳既午市優惠都好抵食，我同朋友都係揀左特快餐，平靚正，無加一，分別56元。我食個安格斯牛排陪薯菜，性價比覺得好亮，咁既價錢，肉質都保持著。而我朋友食的是蕃茄豬扒魚柳陪飯，都好大碟，仲有湯同餐飲。不錯吧！

平時會光顧樓上老誌號，今日就試吓呢一間。午餐西冷及雞扒拼煙肉意粉，湯一紅一白。平日食呢間其他分店都會連同餐包，但呢間就要加三蚊，咁梗係唔加喇。湯比預期好，特別係白湯，不太稀，紅湯內蔬菜都好足。雞扒超大件，西冷有肉味但過火，所以鞋口。最驚喜係意粉，煮得好食，應該係即叫即煮。

好少話人差，亦好少話食物差但真心寫唔出任何好既野。入餐廳到坐底都係自助式然後餐廳所有staff起碼9成都係新移民連叫個扒有咩汁都唔知？態度差叫左兩個澳洲西冷既餐啲staff錯哂，眼見得4張枱上夜都可以混亂到staff唔知枱號由聽住鐵板炸炸聲去到無聲放低左無人support甚至唔記得加汁所以塊扒係凍既蒜汁無味牛扒無味淨係得杯熱檸水係正常收人一個餐$97加一實在有唔知醜既感覺花園餐廳之沒落，實在好可惜

我哋兩個都好鍾意花園餐廳...因為夠平民化，呢間雖然服務員唔多。但係勝位置多幾闊，尤其係卡位。而且燈光情調浪漫，給予我們舒服感覺。今天朋友好鍾意食拉麵！但係又唔想食得咁貴。出面閒閒地一碗拉麵都六十七元。這理卻是四十多。於是又來花園餐廳...兩人點了一碗海南雞拉麵和豬軟骨拉麵。2個湯底是清湯！！！海南雞拉麵：雞同麵就係分開上既。雖然是雞胸位但又滑又有雞味。特別既係佢個雞皮好清爽，入口唔會有肥膩感！加埋佢地個三個薑蓉就加正。食啖麵，但係啲麵質點解好似同以前....有啲分別咁嘅...麵似乎煮得未夠身，咬落有點硬。 豬軟骨拉麵：同様係豬軟骨同麵分開上。一樣的問題，麵有點硬...不過豬軟骨味道不錯。個汁好濃而且十分甜。本身豬軟骨就係食醃料味的所以入味。但豬軟骨咬落相當硬。好似食塑膠咁！！！硬就是煮得唔夠時間。最大件事都係2個湯好鹹！仲食得出雞粉湯...其實係呢間都食左好多次都唔錯所以覺得要分享一下今次真係死咸左少少。希望以後需要改善

19/2 和朋友路經太子，看到花園餐廳，便入去試試。一入去即給我太暗、光缐不足的感覺！吃了什麼也不太清楚？安排入坐也很混亂！沒有派號碼？待應執拾好枱後，便大聲叫邊個先入來坐！若多客人便造成混亂！！坐下後看餐牌，點了蝦跟雞排、羊排！先來羅宋湯，入口沒有湯的味道！似太多水！蝦跟雞排到枱時，只有雞排沒有蝦？詢問侍應？他說落錯了單，價錢一樣便算！沒有跟進便行開！！羊排只有三小塊？我和朋友吃完，要再去其他地方吃東西？待應服務態度，加上環境不會有下次！

尋晚約左2個朋友晚飯，由於本人近期食得太滯，所以請求2位陪我去食沙律，佢地問邊度會有？邊有餐廳有沙律仲要食得飽？來來來，跟我來！我帶佢地去左太子花園餐廳，呢間懷舊餐廳都有好多分店，但大家都只去食扒，好少叫沙律，我就次次去都食沙律喇，是問邊有咁足料沙律？我2個朋友都係叫肉，話抵食d，驚食沙律唔著數咁佢地叫左晚餐＜鐵板肉眼扒＞及＜鐵板肉西冷扒＞，包送餐包，湯，飲品。送到淋汁吱吱聲，非常過隱。肉扒不夠厚，但明白設合價格而言，也OK。我的大蝦沙律登場，有大蝦，西瓜，菠蘿及薯仔蛋沙律，我真係食唔晒。總括來說，整體都滿意，因為我目標完成。想減肥可以去呢度，唔洗怕增磅。

花園餐廳已經有五十幾年歷史，保留西餐得黎帶港味既傳統，分店雖多，經營雖耐，但keep得唔錯今次幫襯太子店既lunch，一於午市平價食個西餐門面一向做足，都係傳統港式西餐裝修，睇埋價錢，算係相當唔錯餐牌出名多選擇，午市又十幾個，下午茶又十幾個，晚市好多個，實在好多選擇可以焗下野，食個意粉又得，豪下個鐵板又得未食過花園既，就都要試下佢既鐵板既先上個湯，紅湯真係淡啲，加埋胡椒粉好啲，稱唔上享受，但都ok既再黎一個南中國海虎蝦伴雜菌天使麵，非常香蝦味，撈匀時白汁味亦幾香味道不錯 什菌同白汁同天使麵當然夾到，虎蝦開背煎，非常香肉質都ok，味道適中推另外梗要食下鐵板，鐵板肉眼(medium)配蒜蓉汁跟薯菜，賣相一流，傳統舊式香港地道鐵板，薯、菜在下，扒放上面，上枱之後侍應係你面前再淋上汁，「炸、炸、炸」肉質都算幾唔錯，厚身，牛味、牛脂濃，軟腍但入口口感不錯火候都拿攝得不錯發覺汁唔夠就加，點知，我以為加湯打邊爐咋，稀到一個點不過整體相當唔錯啦但埋單睇下價值，仲想點呢，超班呢個價有依個肉質係好正，最多唔叫蒜蓉汁唔怪得之長期多客#可能午市忙個鐵板唔太熱#如果啲伙記都keep到係舊伙記就好