花園餐廳 (西洋菜南街)

營業中

休息中

今天週未放工相約了朋友在旺角行街買衫同日用品，未開始行，我們找間餐廳吃一吃Tea先，因想找間便宜點而座位可座得舒服點，行了一會，看一看門口餐牌，之後入了現在這間吃，平時返工地方都有這間，多數吃午餐，午餐價錢不貴，份量大，個餐飽好軟熟，Tea比較少吃，我們選了卡位座，很寬倘，今次吃Tea餐很有驚喜，自己叫了馬來抄貴勺，貴勺抄得很乾爽同滑身，放上枱很香馬來辣味，不太辣，不吃辣的人適合吃，朋友叫了泰式豬頸肉煎蛋飯，豬頸肉厚身，烘得很香肉味，煎蛋，煎得很流心，有蛋香味

行過太子, 見到好耐無食既花園餐廳, 星期日中午仲有午餐供應, 梗係要食喇!😅午餐抵食, 仲有幾個選擇, 連鐵板都有! 叫左 🥩蒜蓉蘇格蘭牛扒拼 (三選一 - 白飯 / 意粉 / 薯菜) 🥩, $58, 有餐湯 (二選一 - 蘿宋湯 / 忌廉湯) 有牛油餐包, 有餐飲, 價錢真係好抵!😋牛油餐包大大個暖笠笠超軟熟!😋 牛扒唔鞋口亦都唔un, 亦都無鬆肉粉既感覺, 好食!😋 蘿宋湯多渣都唔錯, 係感覺淡左少少, 但都可以接受! 整體鋸下扒都真係幾抵食!

我完全唔理解唔到水喉膠管跌落杯野有幾好笑話說我本身對呢間野無乜感覺，普普通通，友人想食，咁就入去，無服務就預左，食物無素質都預左...同朋友一人一個餐，飲埋杯野就番歸，飲到尾，發覺有啲硬硬地嘅野，用支飲官篤住就發覺有支水喉膠管即刻問待應呢個乜野嚟，點知個待應即刻笑到卡卡笑，又話同事你支水喉落左人哋杯野到呀，笑到好似中左六合彩咁一啲歉意都無，仲要加多兩錢恥笑之後經理同水吧同事都有所謂嘅解釋同聲稱水機水喉膠喉好乾淨，但係一啲歉意都係無，一味解釋話好乾淨好乾淨，我憑乜野信你，連支水喉膠喉都管唔好對呢間野完全失望，無下次！

今日星期六諗住去旺角花園街買下日用品，未開始行動前，諗住搵個餐廳食午飯先，老公最中意港式西餐，記得附近有間花園餐廳，咁就揀左個度醫肚。鐵板黑椒汁肉眼扒雖然唔係d咩高級牛扒，但味道口感都絕對唔差，港式口味加兒時既味道已經好滿足。 牛扒5成熟, 生熟度岩岩好。佢跟餐個羅宋湯都好味道。蕃茄焗牛脷飯誠意推介，蕃茄味濃，牛脷份量多，炒飯底，成個配搭真係無得輸。焗法國田螺跟餐加$47就可以食到，田螺好肥美，味道都唔錯，加埋焗薯蓉墊底，整體味道都靠得住。兩個人食到攬住個肚走，埋單都係$209, 勝價比好高！！

#旺角 #花園餐廳 好耐無去地底嘅餐廳😂 好抵食，但味道一般，如果糧尾又想鋸扒，又想食飽，可以揀呢間呀!特餐A #肉眼扒配意粉 件扒夠薄身😂都有牛味嘅，不過侍應哥哥無問幾成熟，咁上到黎又唔算靭，意粉就好腍🤷‍♀️不過56蚊，又有餐包，又有味精餐湯，唔好咁高要求🤣🤣🤣特餐B #蒜香雞扒配珍寶腸跟薯菜 個蒜香汁淋咗係嗰片珍寶腸上面，反而令珍寶腸搶口咗，好食咗🤭另外，雞扒煎得好香口，外皮夠脆，唔錯👌#薯菜 浸咗落啲汁度，腍咗😓餐湯係#忌廉湯 係好普通嘅味精味😅反而#餐包 幾好食，少少甜，不過少少乾，搽牛油可以補償返😄侍應哥哥同姐姐態度一般，不過好肯收碟，會成日經過黎收，坐得都幾闊落，但係燈光好暗，唔係咁鐘意有得揀，會想去其他分店😆味道: 7/10味精: 8/10價錢: 8/10環境: 6/10服務: 5/10

諗住已經好耐冇去過，突然間想去食下懷舊下，呢個決定真係錯不得之了，一入門口啲服務態度已經衰到唔想形容，坐低仲要掟個Menu過嚟，跟住個阿姐又大聲又冇禮貌，我叫塊牛扒七成熟，佢就求其俾咗塊兩成熟我，我從來未試過食咁難食嘅牛扒，一路食個心一路同自己講以後都唔會再嚟！不知所謂

血拼金魚街之前，首先要醫飽個肚先🍽️本來想食金華冰室，睇見出面等位條龍都唔想排，加上背貼背嘅坐位😖直頭怕怕最後去左花園餐廳，去到等左十分鐘左右就有位，剛好坐底時是2：30pm有下午茶，叫左個下午茶-炸魚柳薯條（$35），午餐-蒜蓉汁脆皮腸雞扒飯跟餐有湯餐包連飲品（$56）食物方面，炸魚柳 -塊魚柳無味之餘，有了點魚腥味，相信廚師應該係忘記落調味料😖忌廉湯- 又啖 又稀，飲左直頭覺得浪費左自己個肚嘅quota 蒜蓉汁脆皮腸雞扒飯-賣相唔錯，塊雞扒好大好吸引，可惜雪味重，食落覺得唔新鮮亦唔夠滑唔夠juicy比起太子區一般茶記，呢度環境算ok, 坐得亦算舒適。 呢頭order, 唔駛5mins就有食物上檯，趕時間一流。

今日出去太子旺角行街，一落火車就去左搵食，咁就去左花園餐廳。不過要留意因為在地庫，訊號收得好差，當然也沒有提供wifi(唔會教大家唔小心心收左萬寧個wifi)，邊食飯邊睇劇既人要唸唸啦。我地叫左 黑椒肉眼扒(跟飯)$56， 羊架2件(鐵板跟意粉)$70紅白湯大大碗，跟餐飽。我都愛飲大大碗的。羊架好好食夠淋，推介。肉眼扒不過不失。鐵板跟意粉，另外碗裝，加上忌廉汁，都很有趣，好吃。入坐時 12:00 左右仲有好多位，到1:00就突然多了好多人，服務員都很緊張，清理枱面。

行過太子原來👦🏽未食過花園餐廳！即刻捉佢入去😆叫左個特色海陸空3拼(肉眼牛扒 香草燒乳鴿半隻同南中國大虎蝦) 一次食3樣真係大滿足最正係肉眼牛扒 肉味濃又有筋 好有咬口🤤 香蒜汁又好味😋 我地揀左羅宋湯同沙律 羅宋湯有肉同薯仔吾會得菜 沙律勁大碗 $125加一好抵食😲

今日途經太子經過花園餐廳入去食咗個快飯，結果完全中伏😭😭😭港式扒房其實仲有好多唔同嘅牌子，花園旺角嘅分店亦都試過，記憶中旺角那邊亦都處理得不錯。但係冇諗到太子呢間可以差咁多。😔😔😔今日叫咗三個餐焗肉醬意粉 👌🏻蒜香紐西蘭肉眼扒 😡香煎雞扒伴意腸 😐焗肉醬意粉賣相真的很不錯，食落其實冇乜味，只係唔夠味所以都算👌🏻👌🏻蒜香紐西蘭肉眼扒，完全錯晒，點解會變咗西冷扒，塊扒嘅口感就好似一塊紙皮😡😡香煎雞扒伴意腸，比牛扒好少少，但係唔明白點解雞扒都可以咁乾😐😐羅宋湯OK，味道唔錯薯菜又係離晒譜，炸薯條竟然可以食完一條之後唔想食第二條😓😓唔好意思，本人亦都明白花園不是什麼貴價餐廳，只可惜他們仲差過一間普通嘅茶餐廳。真心認為係心態問題，真係完全感覺唔到啲食材有人用心處理😒😒慶幸嘅係，樓面有個阿哥，同幾位姐姐服務態度都算幾好，呢個係唯一呢一餐有分嘅地方👍🏻👍🏻👍🏻

記得卅年前，叫了一客焗魚飯，咸到難食，冇意要換，只反影部長，他聽了冇反應行開了事。從始廿年來不再幫襯。十年前曾到分店又試吃呠酒焗牛脷意，不錯，朋友認同此菜算唔錯。其後又試食鐵板牛扒，自稱牛扒之家，不知所謂，官塘店醬汁水稀稀似湯多啲。西洋菜街分店更差，牛扒似牛皮，鋸刀鋸唔開。不知所謂奉勸公司總廚要多巡查各分店，監控食品質素，知所改善。生意才興隆，越做越大

於5月26日晚餐兩位，order了一客西冷7成熟，一客大虾🍤生律，牛油餐包最好食、羅宋湯都可以接受，主菜嚟、鐵板唔夠熱加汁全完沒有 「za za」聲 。牛扒肥膏超多，著條好難食，唔食！大虾🍤 沙律賣相可以，但是4隻虾唔新鮮，沒有調味，如胡椒粉同鹽白焯！4塊菠蘿🍍、4件西瓜、下午用多塊西生菜墊底放入西芹粒、薯仔、青瓜粒）徬邊放咗兩棵生律菜 唔新鮮有若味！餐茶咖啡難飲到有噥味奶水，全完無咖啡味。凍檸茶茶味一般！班侍應生一流，流利鄉下話同一位客人（鄉里）高聲講鄉下話非常刺耳、嘈到無視，剛好有一位客人投訴食物問題！廚師處牛扒幾成熟爭拗中！結果那位客人氣沖沖走了。環境不能不提，我們坐的角位卡座，擺放一個冷風機，發現機身滿佈塵垢、恐怖！整整食完餐飯侍應兩位阿姐不斷傾計「吹水」，燈光突然之間調暗！好奇怪⋯⋯永不去！再見太子花園餐廳！真人真事

午餐時間去食，唔洗加一，但食物有些差😢，唔太好食。🤯好奇怪下午茶時段先要加一，可能大廚到時先反。🤣餐湯有紅白兩款選擇，白湯淡而無味，得兩粒粟米🥺。其實每一次都會好期待個白湯。餐包唔夠熱，牛油都溶唔到。主菜雞扒脆皮腸配薯菜🥗，雞扒有黑椒既味道但個餐係蒜蓉汁，🐔雞扒質感不算得上滑，係老雞🐔🐣。脆皮腸係最平價貨。🥗冇諗過西餐會用小白菜做伴碟，比較多水份，會影響個汁。得一粒蕃茄仔🍅，不過粟米🌽係甜既🥰。

係太子諗唔到食咩又想据下扒，見到花園餐廳諗住出名就食下啦，點知原來出名難食，一坐到叫左個鐵板肉眼扒要五成熟，忌廉湯，雪糕紅豆冰，再加10蚊要多個意粉，嚟到個所謂五成熟既扒，真係假牙都可以飛出嚟，十一成熟都黎，叫侍應換一個，今次要四成熟，因為鐵板既關係，四成其實5/6成熟架啦，點知再黎既扒我諗只有兩三成熟， 蒜蓉汁冇蒜蓉味，一啲都唔誇張，沒有更難食只有最難食，忌廉湯淡到飲水咁，個意粉冇味之餘又硬，雪糕紅豆冰又係冇乜味，成餐飯最好的應該係個餐包，真係冇下次，唔係錢既問題，依個價錢我寧願食普通茶記，大家如果要去食記得諗清楚，唔好後悔

花園餐廳都算香港扒房啦，起太子附近穩野食，見到原來附近有間就沿樓梯落去啦，呢間係地底花園餐廳，幾有香港特色，係香港呢D地少人多城市先會連餐廳都要擺起地底/.\。入到去係港式西餐廳感覺，檯細細，凳多多，密密麻麻咁，檯就鋪左條紅色格仔Old School Picnic檯布，哈哈。入來扒房，雖然係Tea Time梗係要嗌個扒啦，就叫左個西冷跟紅湯，西餐有餐湯就有餐包，據我所知傳統扒房係有添包Service，見今次serve嘅包暖笠笠，所以添包盛惠3蚊，配埋個紅湯幾好味咖；至於個Main Course呢，原本都醒咖啦，知佢會跟鐵板上就嗌4成熟，上到檯變左7成，肉質係好味嘅。另外仲嗌左個乾炒蝦醬牛肉河，呢個就普普通通啦，都係要陪辣醬先岩味，好茶記Style。