船記

營業中

休息中

隨着灣仔利東街項目幾年前重建完成，附近一帶舊樓也靜悄悄陸續拆卸重建或者翻新，轉型成為住宅樓宇或服務式住宅，直接帶旺了周邊的橫街，很多地舖也順勢轉手成為各式各樣的餐廳，其中的船街就是餐廳集中地之一。船街上，大部份都是西餐廳，【船記】應該是僅有的中菜館，而且是粵菜，網上評語亦普遍正面。2021年底開業，2023年版《香港·澳門米芝蓮》已授予「必比登推介」的新上榜餐廳之一；雖然根據過往經驗，《米芝蓮》對於中菜評價的可靠性未必高，但仍然有一定參考價值，今年的第二輪團年飯就選址【船記】。位於船街一楝舊式商住兩用大廈1樓，樓面面積本身已經唔大；當晚是年三十晚，靠近外牆玻璃位置用活動屏風間了幾個臨時包廂，餘下的大廳空間更顯得細小。由於是團年飯，大廳佈罝了六至八人枱為主，令原本已經侷促的空間變得更加擠迫，正中位置還有一條混凝土結構柱，視覺受阻，觀感更差。一如既往，香港的粵菜酒樓每逢過時過節的晚飯時段，通常會分兩個時段，又只做套餐或者減省了的散叫主餐牌，以求提升廚房效率，一晚做兩輪生意。【船記】也沒有例外，但仍然有部份精選預訂菜式，客人可以提前兩日落單。很多粵菜小館都有的餐前小食黃金豆腐粒（$68）做到

一個星期前訂位，前日Reconfirm Booking 同訂菜，訂菜時😅訂左芝士蟹蓋5隻、爵士湯、茶薰雞，之後想訂埋龍躉尾竟然唔比訂，重話我已經訂左3個，其他果啲現場叫。到正日坐低點餸，當然點唔到龍躉尾，阿部長一開口就話我冇訂冇得食喎，之後就話我訂左7隻蟹蓋，我話好肯定係5隻，個部長硬要我地食左多出嚟果2隻，我當然拒絕左佢，經過左40分鐘，部長反覆3次問我地食左蟹蓋未….條友由頭到尾扮傻，其實將果7隻蟹蓋賣咗俾其他人，之後40分鐘後就話賣晒，我都係第一次預到依條數學題7-5=0 😅，之後個Shirley 部長就hard sell 價值$2xxx 嘅翅….，叫左介菜果個餸又消失左，最後上左個米芝連叉燒，冧到打破左我對叉燒的認知，成餐飯除咗一言難盡都唔知講咩好！

如果以普通餐廳去食這餐飯，感覺都唔錯，而且個別小菜味道都幾好，但係比較多人介紹的，例如叉燒，爵士湯，未至於有驚喜的層次，亦都未至於米芝蓮級數的感覺昨晚好彩有訂位，我們只是10個人，空間感還好，但旁邊兩張枱都係坐12個，張枱同我哋一樣，擠迫好多，都冇上菜來可言今晚特別想試佢哋的爵士湯，但係與其他有名的爵士湯差咗少少出名的叉燒，屬於好味，但未至於有驚喜另外訂位時點咗茶王雞，呢個可能係今晚較為好的一道菜，訂位時，他們有介紹冰鮮雞和新鮮雞的價錢差，但我都想試一試冰鮮雞，結果冇令我失望✨不過他們價錢唔算貴，性價比比較高

唔夠人手要自己斟水都勉強會接受，不過問攞冰又唔比。。我以為去左茶餐廳。仲有，一到 10 點就趕收工，連週未都係咁就不能接受 (除非訂位個陣講明到 10 點)。有時食物可以但服務差都會令客人卻步。

Weekend 同朋友們 farewell我朋友就一早 book 左 6 點半，total 12 個人一黎到就話冇 booking，搵搵下又話原來係 7 點半 11 人，但明明先前個日佢地打比我朋友 confirm booking 係 12 人 6 點半，算！一入到去，夠膽死比張 10 人檯叫我地 12 個人坐，都算！上菜上到鬼死咁快，根本就食唔切，d 餸菜又擺到涼哂，野食係好食既但未到 wow，最搞笑係預訂左個籠仔蟹飯，完全未上就幫我地分鬼左去，都算！最癲既係待應就 10 問 9 唔應加水又冇人加問佢攞甜品 menu, 成檯揀好哂先話因為廚房忙冇甜品供應食到一肚氣，建議大家唔好交智商稅

船記榮獲2024香港澳門米芝蓮指南必比登推介，一向鍾情中菜嘅我，躍躍欲試，約番三五知己食就可以試多幾款菜。不過要留意，某啲菜式需要預訂，好似乳豬、海鮮。1. 堂剪原隻乳豬（需預訂，可叫半隻）乳豬熱辣辣，外皮燒到卜卜脆，伴有肥膏帶點甘香，豬肉柔軟。2. 花膠爵士湯（需預訂，6-8人份量）湯味濃郁帶蜜瓜清甜，仲有大大隻花膠。3. 船記XO小炒皇是必點，炒得香口之餘，最鍾意內有炸脆咗嘅芋頭絲，增加脆脆口感，佐酒一流4. 豉油王吊桶仔，豉油鮮味，吊桶仔非常軟熟。5. 咖哩脆皮牛腩，偏乾身，一般。6. 蝦多士（需預訂），件數可按人頭叫，大蝦爽口，多士外脆內軟，好好食。7. 胡椒大芥菜粉腸蝴蝶腩煲，胡椒湯底好夠味，不過蝴蝶腩（豬肉）都係偏鞋。整體覺得海鮮、乳豬、燉湯較出色，服務比想像中好，我哋最後點了桂花糕，店員好熱情提我哋要留肚食奉送嘅糖水，要求幫手影相亦好用心影每一張相，下次會再幫襯試其他菜式。

五個人訂了這飯店去食生日飯. 叫了一隻片皮鴨二食,要等三十分鐘. 五個人食一隻一定夠食,皮都有廿多塊,因是二食（+$88）便要了涼瓜煮鴨,大大舊但涼瓜應可以多些. 除了叫了一隻片皮鴨外,還叫了南乳齋煲, 因為生日,便叫了伊麵. 也叫了一煲坑腩煲. 有飯有麵. 食完後, 便訂了大大個的壽包和送好味的腐竹糖水. 這樣食也只是$1,420. 不貴. 招呼友善,很好,可以再去.

中午訂位去午餐，冒名而來，米芝蓮推介！一行10人，坐大檯十分擠迫，環境算不上好。不得不提是叉燒，是我吃過數一數二的，肥瘦適中，軟糯口感，邊邊微焦，伴隨蜜糖芳香。就算來只吃叉燒也非常值得！！另外還叫了不少點心，都不錯，燉湯非常出色，精華都全部濃縮在裡面了，還有很多湯渣，絕對是用心之作！炸軟殼蟹和炸豆腐都很好吃，酥脆可口！食物份量都合理，炒粉麵飯都合格之上，唯一美中不足是環境較侷促。價格都不算很便宜，可能是頂著米芝蓮推介的頭銜原因吧！

今日去一間所謂米芝蓮推介嘅食店食物還可以，但值得一提是此處的職員態度惡劣，十分沒禮貌，話說我點了一款點心：竹笙蟹肉餃，但送到時一睇明明是蝦蛟，我再三確認侍應，佢話沒有錯！於是我咬開一半，再叫侍應查看，沒有竹笙也沒有蟹肉，明明是一隻蝦餃！之後有一位侍應還再三強調這是我叫的竹笙餃！她態度非常惡劣，還說咁係咪唔要，你唔駛拗啦，就攞住籠點心走咗去！喂，咁即係點？送錯嘢，要求換番啱係咪過分要求？唔道歉仲要指鹿為馬顛倒黑白係唔啱囉⋯⋯香港飲食業之死咪就係人囉！

The staff in black has a racial discrimination☹️, which makes me feel so disappointed for the restaurant. The others staffs are fine. Please respect everyone, regardless of race and language.The foods and environment are on the average level.

6月中嘅星期六，特意早啲起身由新界過海去灣仔同食友試吓船記。酒樓門口比較穩秘，令我入錯咗隔離西餐廳。我哋有7至8人，試咗多款點心，全部即叫即整，水準合理，冇伏，蝦餃大隻，牛肚入味，出名嘅叉燒，肉質鮮嫩，肥瘦合適，蜜糖甜味出。餐廳推介嘅半隻燒鵝反而冇乜特別，可以唔食。蝦多士好脆，蝦大隻，值得一試。荷葉飯好大隻，味道好足夠。另外叫咗兩個煲，菜名已經唔記得，湯底好鮮值得一試。整體水準中上，叉燒好味，但唔會再得登過海來食。

因為有朋友推薦過這間酒樓，所以特別前來小試晚飯的水準。我們只得2位，點了和哥义燒、順德生燒銅盤三黃雞及雲耳鮮茄泡青蔬，最後加甜品蛋白杏仁茶。朋友雖說過這間酒樓貴，但以今次用餐經驗來說，我們覺得餐牌選擇頗多，而且以每碟件頭、酒樓環境及座位空間各方面來評論，定價算是有驚喜，而且豐儉由人。很喜歡上枱的义燒是厚切的(6大件)，咬落感覺比較豐盛。三黃雞用錫紙包住上枱熱度非常夠，件頭對比價錢來說不算小也足料，不過由於有濃味醬汁烹煮，似乎蓋過了雞本身的味道。另外雲耳鮮茄青蔬中的青菜用的是菜心，可能沒有加添任何特別調味或雞湯，所以味道比較淡，下次如果再光顧，會選較惹味的蝦醬生菜煲(聞到隔離枱傳來香味)。最後點甜品時，侍應說只供應2種甜品(但菜單應該有多幾款種類的)，所以點了蛋白杏仁茶。而我們也很滿意這個甜品，除了很足量(一大碗)之外蛋白也很多，及濃度適中。服務方面則不過不失。提一提我們是星期一去光顧的，雖是平日也座無虛席，似乎很多捧場客，而且場地唔算大座位亦有限，想光顧的話建議預先訂位。題外話，見有其他食家的評論說這酒樓是前富聲原班人馬開的，如果是真的，應該會有水準，因為以前我們也光顧富聲，覺得是一間

最近同家人一齊去咗船記食夜晚，估唔到甘有驚喜、比想像中有驚喜！當晚最出色嘅菜式非最出名嘅叉燒莫屬，非常軟淑、非常大舊、肥瘦適中、成舊叉燒都燒到入曬味、真係推介！除咗必食叉燒之外，我個人對風沙脆豬手俾極高評價，好少係出面食得到呢道菜、係用左避風塘炒蟹嘅方法去做、好香好野味！外脆內嫰，完全冇豬騷味，仲要粒粒豬手甘上，用嚟送啤酒一流！真係好食！其他菜式都一樣出色，我哋特別要推薦嘅佢哋嘅燉湯，連媽子都讚真材實料、完全無添加味精，啖啖都係精華，成盤湯料另上、好足料！同一家大細去就最岩、岩曬高要求嘅兩老！

今日來到船記，食米芝蓮推介既叉燒， 肉質鬆稔，有醬汁, 較大件, 味道唔錯, 另外點了籠仔鮮蟹肉三鮮蒸飯,有瑤柱,蝦乾,銀魚仔,魷魚,櫻花蝦,蟹肉 等,味鮮,還有鮑魚白玉腐皮卷腐皮卷，餡料豐富, 有豆腐鮑魚粒,伴有菜芯 ,不油,很清新。坐得較迫，服務態度很好，雖然價錢唔平，但都值得一試。

終於訂到枱有幸會一會呢間一直人氣高企嘅粵菜館，抱住一嘗美食心態，果然希望越大失望越大，中伏中伏……🤬🤬令我初次提筆一定要寫吓食評！1. 米芝蓮推介嘅叉燒：救命呀，大嚿有鬼用咩，又硬又難食，肉味重有豬騷味🤮2. 冰燒三層肉：一樣有豬騷肉，皮係濃肉係硬實😑3. 銅盤三黃雞：咩嚟㗎？全無雞味，唔新鮮肯定係雪藏雞🙄4. 胡椒大芥菜粉腸蝴蝶腩煲：除左湯水有些胡椒味外，粉腸牛腩係食唔出唔同的，因為都係無味無質感😓5. 咸蛋煎蝦：出古惑吧啲蝦係有兩款蝦，一大一細地排列博大霧，蝦唔新鮮兼有啲未煎透有啲過晒火😤6. 馬友咸魚煎肉餅：食唔到有一丁點咸魚味，肉嘅質感一定唔係人手剁的！🫤7. 清炒菜心：以為起碼有個菜食得吓，點知上碟嘅菜心被分屍一樣，係打直中間切開菜心，見到晒菜嘅心是白色證明超老，可能咁樣切先可以一棵菜一碟吧😡 埋單先知呢碟分屍菜心收$1287. 船記頂肺湯：果然飲到人頂心頂肺，雖然有一小塊花膠但都不至於膠晒口掛，豬肺及雞腳跟其他肉類一樣無味的，都唔知自己食緊咩🤬 收得人咁貴就唔該有番啲水準先出嚟開舖啦，魚目混珠做唔長㗎，已經唔講服務質素😤想食好嘢攪到食垃圾一樣🤬🤬🤬🤬