興記菜館

營業中

休息中

煲仔飯係香港冬季美食，寒冷天氣食熱辣辣嘅煲仔飯係冬天最窩心嘅美食。如果去埋廟街，坐喺帳篷下嘅大排檔食煲仔飯，就更加有風味👍好似穿越返去早期香港咁，相信全港可以感受到呢個氛圍嘅地方唔多，食完一次真心推介 🔔另一個特別之處食具係鐵匙羹，別具風味🔔先落單，上齊食物先付款🔔唔洗怕醜，店員都好好人🔔 上枱後不要即刻攪拌，隔一陣就可以有飯焦 章魚雞粒煲仔飯($57)💕章魚切碎成細細粒，帶有咸香，滑雞都切粒方便進食，飯粒粒分明仲有飯焦㖭+潤腸($10)係我至愛，因為加咗潤腸嘅飯真係超級香。令個飯嘅味道更加複雜👍 白鱔煲仔飯($79)💕除咗臘味煲仔飯之外，最期待就係白鱔煲仔飯，因為魚油融入煲仔飯，加埋豉油汁，真係絕配白鱔肥美，肉質好滑 興記煎蠔餅($45)💕差唔多間間煲仔飯都會有蠔餅，唔知點解會扯上關係。即炸嘅蠔餅好酥脆，蠔仔都算大粒唔腥，加上秘製調味醬汁辣辣地十分開胃 抵食指數 🌕🌕🌕🌕🌗打卡指數 🌕🌕🌕🌕🌑推介指數 🌕🌕🌕🌕🌑推介菜式會以💕表示

一到冬天就要去廟街食煲仔飯，興記由細食到大，食足三十年從來未失望過!兩個人點一煲飯，一個湯加一個細蠔餅剛剛好。章魚雞粒煲仔飯超好味，鹹蛋芥菜肉片湯冇得輸，廟街蠔餅係世界級好吃

#草根美食 好多人都會覺得大排檔好污糟，但由於屋企人鐘意飲啤酒嘅關係，我由細到大都經常進出大排檔、茶記、酒樓 😆 令我完全唔介意，只要唔好俾我見到就得啦！食大排檔嚟講，香口、鑊氣、風味係我最重視嘅，雖然依家人大咗都相對小去，但其實我係幾鐘意食㗎🤘🏻💰臘腸滑雞煲仔飯 $52💰梅菜肉餅煲仔飯 $54煲仔飯即叫即整，非常抵食🤑 個人覺得有臘味香嘅煲仔飯好食好多，而且雞件好滑，坐街邊食覺得特別幸福！肉餅就相對無咩味，同埋個豉油比較淡，有啲失色！💰蠔餅 $45最推薦係佢哋個蠔餅，我哋叫咗半份，有啲後悔，因為好食到我哋絕對可以食得哂一份☺️ 佢個炸粉係有啲似芋角果種，相對蛋味較輕，但食落無咁油膩，我好鐘意💥

早幾日天寒地凍 去左食人生第一次既煲仔飯當日2個人6點半鬆少少去到 即刻就有位可惜室內坐滿哂 要坐室外如果怕煙味 建議等到室內有位先入座過多一陣已經驚現人龍 仲要長排長有1️⃣ 章魚肉粒飯 $57上飯個陣 連埋鐵蓋仔 可以淋完豉油再焗一焗但係章魚奇少 仲要切到米碎咁細粒(好刀法）肉粒幾多 不過有好幾粒都係全肥肉飯粒分明 證明佢火候同水份控制得幾好鍾意食飯焦既 會好開心 因為夠燶味2️⃣ 滑雞臘腸飯 $55滑雞鋪滿飯面 又做到幾滑 不過有骨都係鍾意食肉粒 啖啖肉中間加條臘腸 真係冬風起 食臘味不過飯量黎講 女仔就岩岩好 但男仔可能就差啲了Ps 當日落住微雨 睇住店員就咁拎住餸菜野飲行過露天路面去上菜

我地order佐嘢食後，再叫埋杯凍檸茶，服務員竟然話唔得閒整，仲非常之理所當然嘅態度🤷‍♀️ 第一次見人咁做生意，咁唔得閒，你不如唔好開門做生意喇！實在太差，唔會再幫襯

天氣涼涼地最岩食番個煲仔飯🍲想同時食到唔同款式既你， 就要試下油麻地興記煲仔飯份量適中，而且價錢由$45起 腊腸滑雞煲仔飯 $52白鱔煲仔飯 $76北茹滑雞煲仔飯 $52 PS: 食之前倒上豉油，然後焗一分鐘先開始起筷 

呢間店去過好幾次，每次都食到滿肚而歸，今次都唔例外。早鳥我同囧囧老友6點到場食晚餐，當然唔使等位啦。呢間店小炒夠鑊氣，出菜都算快。腐乳通菜帶小小辣，唔會太咸，腐乳味剛剛好，菜好靚同冇渣。白鱔黃鱔煲一開蓋，香到差啲唔記得影相，飯焦味好吸引，飯加少少豉油攪拌均勻再配黃白鱔，天氣凍咁食真係好窩心。蠔仔餅係主角，每次都叫細份，兩個人剛剛好，蠔仔夠肥滑、蛋夠酥香，推薦俾各位食客。椒鹽鮮魷係因為食到最後，要一邊吹水一邊搵野咬而叫，炸到好酥脆，配啤酒一流。呢間店最令人欣賞既係，每次食完都唔會出現因為味精而令人口渴既情況。值得支持！

天氣開始轉涼，同朋友兩個走去廟街食煲仔飯～之前一直食開四季煲仔飯，今次就因為興記唔使點排隊，所以就試吓呢間都係廟街幾出名食煲仔飯嘅餐廳！因為太肚餓，食咗少少先記得影相😂我叫咗個章魚雞粒飯，章魚好入味，雞粒超級滑！朋友叫咗麻辣雞煲仔飯，平時比較少見，但可惜食得辣嘅我哋，唔算覺得特別辣，下次都係叫返啲傳統煲仔飯😋

天氣開始凍，又到左坐街邊食煲仔飯既時候。講起煲仔飯就一定會諗起廟街，上一次去已經係幾年前，今次一於專程出去食。星期四晚6點半左右去到，見到廟街因為疫情關係加上冇乜遊客已經冇以前咁繁華，主要得返一兩間煲仔飯可揀，之前食開果間已經唔見左，所以就隨心入左是但一間。坐低一樣要度體溫，scan 安心出行/填紙仔。經過同朋友一輪商討，最後我地叫左4樣野：主角煲仔飯（咸魚雞粒煲仔飯），啲雞粒出奇地嫩滑，不過其他就正正常常，啲飯都唔會太硬太軟，冇乜特別，不過唔知點解近年食既煲仔飯都冇飯焦，明明最好食就係飯焦😫另一樣必食既就係蠔餅，呢份係細既有兩塊，大份既好似有4-5塊。蠔餅上枱時熱辣辣，外面炸得好脆，入面啲蠔又唔會過熟又唔腥。加上佢有個酸酸甜甜既醬跟埋，食到膩果時可以點泥食，好夾👍🏼之後仲叫左個腐乳通菜炒鮮魷，通菜正常發揮，唔會太咸，魷魚都唔會好韌，不過個人覺得魷魚少左啲，不過唔緊要啦60零蚊野🙃🙃呢個係個人喜好，沙嗲金菇肥牛煲，平時食既沙牛煲，好多時啲牛肉都會好多筋/好韌，但呢個唔會，啲牛肉好淋好正😍 粉絲都夠入味，不過我希望粉絲可以多返少少😋

天氣開始凍，又到左食煲仔飯既時候一講到食煲仔飯，朋友就即刻推薦我去食興記，我地8點左右去到，唔洗等位就有得入座我地一打開餐牌，見到超多款式既煲仔飯，有選擇困難症既我決定睇下邊啲菜式有就嗌個樣啦！😆最後我地2個人嗌左章魚雞粒煲仔飯、豉椒炒蜆、椒鹽焗鮮魷、啫啫通菜4個餸😋😋🦑🐙章魚雞粒煲仔飯我地一打開蓋，氣味撲出嚟，見到已經流晒口水！再加上豉油，配飯好惹味！雞既肉質好滑，飯夠乾身，有飯香，同朋友爭住食🤤食到最尾都有飯焦，但就比較痴底🌶豉椒炒蜆上枱個陣覺得份量都好多，不過食落都有啲係冇肉，味道整體都唔錯，夠香，餸飯嫁話冇得彈😋💛椒鹽焗鮮魷鮮魷香脆可口，食落唔會太外皮唔會太粉既感覺，如果飲酒嫁就嫁不妨嗌依個餸🍻😋😋啫啫通菜鍾意食菜既我，一定要嗌返碟菜！而依鍋菜的確冇令我失望，真係又香又熱又好食！😆👍🏻

秋風起，難得人齊，我哋五個人落咗去廟街食煲仔飯。叫咗3⃣️個煲仔飯同埋3⃣️份小菜：➡土魷肉餅煲仔飯🍚肉餅好厚好足料，一啖肉一啖飯好幸福，配埋煲仔飯專用嘅甜豉油，正😄！➡北菇滑雞煲仔飯🍚朋友落得太多豉油，攪到成個飯好咸😂🧂，但係雞肉好滑😍，好吃😋➡窩蛋牛肉煲仔飯🍚我哋覺得唔夠喉，追加咗呢個煲仔飯，今次學精左🤔，落咗豉油冚蓋焗5️⃣分鐘🕔，飯焦好靚🌸➡椒鹽九肚魚🐠原本以為會好多骨，但實情唔係！好脆好香，唔係好食到細骨🦴，惟一要挑剔就係太細塊唔夠喉➡蠔餅（大份）🦪太油膩，又太多粉，成件事好辛苦😵➡蝦醬炒通菜🦐🌱砂煲上，好新鮮好熱辣辣，蝦醬味令人垂涎三尺，配埋白飯就一流😌——————為食分界線——————興記菜館 (油麻地)油麻地廟街12, 14, 15, 17, 19號地舖推介指數 🤰🤰🤰🤰(4/5)好味指數 🤰🤰🤰🤰(4/5)抵食指數 🤰🤰🤰🤰🤰(5/5)環境推介 🤰🤰🤰(3/5)人均消費： $80

This is my first time trying the restaurant. We've ordered a 北菇滑鷄煲仔飯, 前蠔餅 and 豉汁炒田螺 for 2 persons. the 煲仔飯 is crispy and great to go with soy sauce, 豉汁炒田螺 is so yummy that good to go with rice. But one of their signature 前蠔餅 is a bit oily and too big portion for 2 persons as we have ordered large size. I would recommend to order small for this dish.

油麻地興記菜館嘅煲仔飯不嬲都好出名，今日經過廟街嗰邊當然要試吓，因為而家已經冇咗遊客嘅關係，所以位置都好多，坐低我哋就即刻點左潤腸滑雞煲仔飯，臘腸滑雞煲仔飯，另外我哋再點咗黃金鮮魷試試。煲仔飯即叫即整，所以我哋都預先知道要等15至20分鐘先有得食，首先嚟咗黃金鮮魷，每一塊都沾滿左鹹蛋黃，雖然淋咗蛋黃，但係依然食到脆口感，鹹蛋黃味非常香濃而且完全唔孤寒。等咗一陣終於到咗煲仔飯啦，我哋即刻打開個蓋淋上煲仔豉油再焗一陣，我同朋友都交換咗潤腸同臘腸嚟試吓，兩款臘味都非常香酒味，而雞件就嫩滑，煲仔飯個底亦都有脆脆嘅飯焦，食得好滿足

二人去食，叫了四味餸。1. 蠔餅本人最鍾意食蠔有關嘅食物。見人推介，咁就一定要試吓了！係幾唔錯嘅，煎得幾香，而且熱辣辣。蠔的數量亦適中及平均分佈，唔會話太少。2. 蜆勁香。又係熱辣辣，d豉椒汁勁惹味，夾埋冰凍既青島啤（唔記得影支啤酒，不過無所謂啦，係人都知乜樣)，簡直係享受，完美配搭。3. 啫啫通菜係侍應介紹嘅。果然係唔錯，啫啫煲令d菜更加又熱又香，d菜葉稔兼索咗啲汁嘅味！4. 麻辣雞煲仔飯因為佢自稱麻辣，所以要試，不過完全唔覺得有辣過。不過咁，d飯有水準，飯焦非常香。埋單一人138蚊，飲飽食醉，又有質素，我覺得好抵。

見呢幾日天氣涼咗，希望趕得切介紹煲仔飯俾大家，唔洗淨係打邊爐🤟🏻相信興記嘅煲仔飯大家都一定有試過，受到疫情影響，見到食客比以前少咗好多，基本上都唔使排隊一定有得食。·🍲麻辣雞煲仔飯 (HKD 66)今日嚟到想試吓fusion嘅煲仔飯。提提大家，呢個煲仔飯嘅辣度都真係幾辣㗎，但唔知係咪因為人客少咗冇咁忙，所以質素高咗好多，好多飯焦，雞肉好嫩滑，真係好食左好多👍🏼·🍲臘腸滑雞煲仔飯 (HKD 52)呢款應該都係你哋會成日食嘅配搭🤪加埋豉油焗一陣更正🤟🏻而且雞件數量好多，好滑身！朋友都大讚好食咗好多！·🧆避風塘炒蜆(HKD 70)炒蜆屬於微辣，味道好香好惹味，蜆肉食落就唔算好新鮮，可能蠔餅會比較好食！希望大家多啲支持下本地美食！