自助山

營業中

休息中

旋轉自助餐相信是不少香港人的回憶，但對於新一代的年青人如我就有很大的新鮮感。😂老實說，這次預約自助山的其中一個大原因是想體驗一下一邊用餐，一邊觀看變化景觀的不同感受。食物種類：首先在食物方面，選擇繁多，無論是刺身類、壽司類、海鮮類、熱食類、甜品類皆有不同選擇。回本食物有生蠔（3款選擇）、鵝肝、燉鮑魚海參、凍龍蝦🦞、麵包蟹等。特別的食物有乳豬片、人手即煎薯餅（我吃了五塊）、熊本黑毛和牛、榴槤系列甜品（我不好榴槤，所以沒有試，喜歡榴槤的朋友就有福了）味道：我認為自助山自助餐食物的味道都正正常常，起碼沒有讓我覺得難食的東西。有時在五星級酒店吃的自助餐的質素參差，這裏沒有這樣的情況。在熱盤方面，有清蒸石斑，我自己稍為覺得這裏的蒸魚豉油的香味略淡，但可接受。生蠔方面，清洗得乾淨，味道正常。龍蝦🦞多肉，但鮮味欠奉。熊本黑毛和牛，吃過之後完全不覺得自己是在吃和牛，無論香味、肉質都與普通牛差不多。我自己很喜歡吃即煎薯餅，因為是師傅一塊一塊落鑊煎（說穿了其實我是薯仔控），一絲一絲的薯肉薯餅在街外太少機會可以吃到，而當日師傅亦要不停煎不停refill，因為實在太受歡迎。意見：餐廳提供的是炒雪糕🍦，我個人來

呢個自助餐十分之不過不失，啲嘢食冇我想像中咁多選擇，而且服務態度都十分一般，去到攞龍蝦嗰度，聽到啲師傅大聲呼喝啲客人生熟要分開擺，雖然佢嘅用意係好，但態度就十分令人難受。全場唯一覺得值得再食嘅係煎薯絲同煎鵝肝，然而呢兩者其實都係其他地方可以食到，價錢仲唔使咁貴，雖然佢個旋轉係一個gimmick，但其實星期六日每一個時段只係限兩個半鐘(感覺有啲似食放題)都冇咩時間去欣賞呢啲景色。而其他在場侍應嘅態度都一般，去到食雪糕嗰度，見到有一個係個板整到啲雪糕好薄再整成卷卷，諗住去到問佢可以叫乜嘢味，個男師傅只係冷淡講一句係隔離雪糕櫃選擇咗味先，同時間有一個出名嘅女明星喺附近，唔知係咪因為我同我朋友講得大聲俾佢聽到，之後佢都淨係留意住個明星而唔再理我地三位埋單 $22xx連加一，如果唔係為咗滿足家母呢個心願都唔會食。題外話: 全場最好服務嘅應該係幫手買單嘅經理？建議各位如果想坐窗口位而又揀星期六日嘅盡量早啲book，我係一月頭book嗰陣時都已經冇窗口位了

新一年黎一個自助餐， 因為想睇夜景， 所以選擇自助山。1.建議選6點個時段黎，因為天還光， 可以影到日景也同時可以影夜景；2.招呼週到， 大部份員工都親切殷勤；3. 講到食物， 熱盤選擇唔算多，魚生質數一般，但冷盤，如龍蝦，蟹卻不錯， 味道鮮甜。4. 甜品， 除左雪糕， 其他真係唔多吸引。5. 唯一我覺得非常好係， 鵝肝配多士， 鵝肝係厚切，而且質數不錯。 另外，點心如蝦餃、蟹粉小籠包、燒賣都頗有水準。還有， 熱檸茶會用鐵壺裝著，讓茶可以保溫一段時間， 這點餐廳做得很細心。總括而言， 已一個$688+10% 的價錢（成人）， 我覺得大概約值70-80分， 尚有很多改善空間。

自助山香港自助餐最高級別的餐廳喜愛吃自助餐的人都讚不絕口今個新年,情人節,一定會係你既最佳選擇360度無敵海景多款國際美食4年前開幕至今,仍然一位難求,記得提早預訂地點位處合和中心的62樓由大堂上56樓再換乘升降機直達62樓餐廳如果早到場,可以欣賞到日落美景,美不勝收晚市自助餐 可以食足3.5小時,可以欣賞美景慢慢吃星期6就分為2場 詳情可參考官網 用餐座位靠近落地大玻璃窗,香港日與美的美景都盡在眼前海鮮區放滿各種海鮮即開生蠔,翡翠螺,青口,麵包蟹,長蟹腳,粗鱈場蟹腳帶子,熟蝦,蜆,龍蝦鉗(已代拆殼)生蠔味鮮濃,水準不錯海鮮補貨速度很快,幾乎都是滿的粗大如手的蟹腳,啖啖肉,食得過引,非常搶手！熟龍蝦，無限供應海鮮區有齊了香港人最愛的生蠔，龍蝦，蟹腳果真價得有價值！自家燒味 脆皮乳豬,蜜汁叉燒,油雞,燒味4款都相當出色,獨當一面,能擔起主角燒鴨皮薄脆香,肉質細緻油雞入味雞肉好嫩肉汁豐盈乳豬皮脆不膩叉燒甘甜肉質鬆化 自選麵食配搭各類海鮮,蔬菜,米粉河粉油麵可配喇沙湯底 有多款手工點心供應全部獨立小籠上菜保溫之餘又美觀蝦餃,蟹粉小籠包,燒賣,蒸羅白糕,奶皇包可配醋,辣椒醬,豉油,自家xo醬 

媽媽生日，我地去自助山同佢慶祝🎂🎂🎂都係食海鮮、壽司、甜品，最特別係個view間餐廳轉緊嘅時候，我地會回憶番细個嘅点滴，時間真係過得好快。6xx蚊D食物質素都好，D蟹腳及鉗好多肉，唔咸，有D餐廳浸到好咸咁，抵讚，食左幾斤，抵番哂嗰海鹽蛋糕好靚，食落都好清同埋唔太甜，我地食左大半個，超值有麥卡龍同朱古力粒，食左十幾廿粒反而D蒸蝦唔合格，D蝦唔新鮮，梅嘅，蒸蝦咁大路嘅食材，自助山都做得唔好，講唔通掛？？？？？

🌻自助山係位於灣仔合和中心62樓，佢係一間旋轉餐廳，環境都係以華麗裝修為主。食客可以觀賞到360度窗外嘅景色，但係部份人會有少少影響頭暈。🌻食物種類方面，就好似平時酒店自助餐一樣。海鮮方面，有麵包蟹、長腳蟹、青口、生蠔、蜆、螺、開邊龍蝦🦞另外熱食方面就有，乳豬燒味、雞肉牛肉豬肉等等。甜品嘅款式就可以話比較少，當中榴槤布甸比較出色，特別香濃。平時最鍾意食龍蝦嘅我，就覺得龍蝦肉略欠鮮味。海鮮當中係長腳蟹比較出色。鵝肝每人每次限制拎兩份，非常推薦👍🏻👍🏻👍🏻入口就溶🤤🌻平均消費大約每位700，貴在旋轉風景。但係食物質素都唔錯！

今天是老婆生日的大日子，決定一試城中著名品牌自助山，午餐價錢算是貴價，但提供的食物和環境尚可算合水平，但可惜是……蟹腳-每次去取，每次都要等補充或需叫店員入內取出，而數量每次補充也只是十至二十隻(縱使看見店員捧出一大盤)、生蠔-只得一位店員開蠔連清洗蠔肉，一腳踢，雖每人每次只是限取兩隻，即使您幸運地排頭位，卻仍是需花近三分鐘才可得到手，其實以這麼大的場地和人客數量，絶對是需要兩人來分別處理開/洗生蠔、蒸籠點心-每次補充，每款只是得兩至三籠，每人只可取兩籠，可想像人龍是極之容易地形成，等下次出籠補充，又要等5至8分鐘，若想等熱門食品，分分鐘要等三至四轉，才可到手。若管理層不是無能，便是不懂得管理，因稍有些微常識，亦應該知道這人手或出菜進度，是未能滿足這場地人數，須知，此乃是低劣食店或低價自助餐的控制成本的一貫手法，但以$660一位的價錢，或這樣的一個名牌食肆，以這手法來經營，相信是值得管理層正視和檢討吧！更覺任何一間中價酒店，亦不會用這低檔手法經營吧！這只會令消費者覺得自助山，只是得個品牌和景觀的食肆，但食店卻是一家極之欠缺誠意，而服務是走團購的低檔路線而已。結論，若食蟹脚或生蠔的喜愛者

好耐以前就已經成日聽旋轉餐廳旋轉餐廳，想像是美好的，黎到第一次搭甘高嘅𨋢都驚架，62樓wo 好高，甘岩聖誕近新一年黎食都有feel嘅，近窗邊望出面個景都靚嘅，但d野食還好吧，又唔係話好好食又唔係難食，ok啦，但我鍾意佢嘅綿花糖 好特別因爲佢綿花糖支棒係發光棒所以整完閃下閃下 好靚

第二次再去，可能由於是禮拜日，因此價格已經貴了不少，但是原來，看看外邊的食物，原來會有生蠔的。生蠔那處，有個哥哥仔會為客人開蠔以及「洗蠔殼！」，然之後每次讓客人拿取兩隻生蠔。份量不算太少，蠔本身都大，蠔肉都大大件，哥哥仔洗得很乾淨👍🏾，幾隻都沒有找到蠔殼碎。蠔肉新鮮，而且味道濃郁，挺不錯的味道。其餘的海鮮，還看到有麵包蟹，但是看來沒有什麼肉，賣相亦不甚吸引，因此就拿了最大型，而且看來最多肉的阿拉斯加蟹。阿拉斯加蟹的硬殼，看起上來非常之堅硬，即使有鉗都好像難以破開，因此拿了中間的部份。中間的部份，亦都可以開到很多蟹肉，飽滿而豐富，蟹肉甚至彈牙都咬到牙較軟。其餘還有一些蜆類，但是味道好普通痛。反而在熱食那一邊，有些叫做中式蒸羅氏蝦，蝦頭裏邊有很多膏，吸啜完這些蝦膏之後，蝦肉不算太大，彈牙鮮味，實屬美滿。刺身部亦都挺出色的，有一名哥哥會為客人切刺身，無論三文魚、彰紅魚、吞拿魚，通通都挺大塊，而且切得相當厚身，甚或支付帶子刺身，亦都大大顆，非常之厚肉，不如其他自助餐那麼吝嗇，厚身而且爽口，味道鮮美。上次沒有看到的，就包括了這個鮑魚燒賣，下面的燒賣肉都難以再吃了，因為已經太飽，燒賣又有太大團肉，

自助山嘅Bunch同晩餐都食過好幾次，品質如何，就唔使講都知有幾好啦！今次想講嘅係佢嘅到會，適逢同一班朋友開聖誕party,咁知道自助山有到會，緊係要試下啦！當食物送到嚟嘅時候，見到運送包裝至食物水準都一絲不苟，真係性價比高嘅到會，值得一試！

香港人愛吃自助餐，三五知己任吃任吹特別開胃，價錢平貴任選，最近女兒生日特選合和中心62層高旋轉餐廳海鮮自助，任吃三個半小時，超靚維港夜景，令人陶醉，美味海鲜，款式齊全，服務體貼，座位舒適，環境一流，如要指定坐窗邊位就要早早訂啦，價錢要800蚊比較貴左，不過睇靚景值回

如果喜歡食物款式夠多的話呢度應該可以滿足到你，好多酒店暴飛應該有但未必有齊晒嘅款式佢都基本上有晒，兼且質素唔差，例如鵝肝，肉眼扒，生蠔(好似未必一定有)，點心如蝦餃有接近酒樓水準，燒味竟然有自助餐極少出現嘅乳豬，熱熏我冇乜點食唔敢評論只食過一味咖哩羊肉都幾好食，凍海鮮我就唔識分因為我覺得到到都差不多，刺身選擇以酒店暴飛計佢算多兼幾新鮮吓，連呑拿魚都俾接近中拖嗰啲位，甜品方面都ok唔錯但略嫌冇乜蛋糕揀同好多甜品偏甜咗少少，環境方面都唔算迫劫坐得都算舒服，待應服務態度未達酒店級水準但勉強合格，至少人手足夠唔會出現攞完嘢食返位但之前嗰碟食完嘅仲未收，有一樣不得不提係唔多見到大陸人食呢樣係食自助餐極緊要嘅，整體計平日夜晚$708略嫌貴咗少少但如果比起洲際酒店$9xx但坐得超迫劫嘅環境的話佢就算係非常超值

自助餐選擇真的很多，但論地點，款式，特色就非合和中心頂層自助山莫屬，一路嘆美食，一路觀賞夜景，何樂也地下乘電梯要在56樓轉乘另一部lift上頂層，出門便有專人服侍帶位，最好預先訂位，經常客滿，還可選定窗邊，已值回，款式特別多，圍繞住旋轉台，我就眼濶肚窄，掛住影，食唔切，3個半小時任吃，大胃王就啱晒，我就選擇性喜好，海鮮魚生已經夠晒皮，重包每人有一杯飲品，埋單每位連加一接近800，算比較貴，不過勝在夠特色。

旋轉餐廳新裝之後，一直想去試試，適逢媽咪生日，一家人去吃個豐富的Sunday Brunch吧。為了確保坐到window seat欣賞美景小妹一個月前便已訂位了！上網訂位時仲發現有新優惠，以62數字開頭的銀聯卡簽賬，三位成人惠顧，同行之一位小童可以免費(服務費除外)呢，有著數，好啱使👏👏👏！轉咗三次lift，17樓、56樓、62樓。我哋比預定時間早到，係56樓等到11:30am，才可以再上62樓。估唔到我家小朋友完全無畏高，坐lift都話好玩，順應要求，走嗰陣游多一次lift河🤣🤣🤣！嘢食認真多籮籮，除了甜品生果、芝士沙律、熱盤、刺身壽司等等分別擺係座位附近嘅唔同bar枱之外，其餘海鮮冷盤、燒物燒味、點心淥麵檔等等，特別設置專區擺放，唔行唔知係上一層㗎！海鮮冷盤麵包蟹，蟹殻有好多啡色精華，啱曬蟹膏迷呢。熟龍蝦鉗，大大隻，肉質有彈性，味道偏淡。熟阿拉斯加蟹腳，大大塊肉，鮮味十足。熟長腳蟹，肉質飽滿鮮甜。蜆、螺、蝦、青口等味道就比較一般。即開生蠔，肉質清爽。沙律、煙肉、煙三文魚、火腿、芝士等等，款式亦不少。刺身壽司三文魚、吞拿魚刺身，厚切肥美。帶子刺身鮮甜味美。壽司款式雖然少啲，但也有火炙類

今年公司annual lunch 有得去食自助山, 堅興奮! 畢竟成日聽人講好正, 又難book,所以好期待🙇無記錯的話，好似係合和中心搭左3個先上到旋轉餐廳，係17樓走上觀光，搭由17上61樓的風景好靚，不過天氣陰陰的，較多雲，景觀一般，有點可惜！但依然震懾，在如此靚景做襯托，心情特別好😀最鍾意沙律種類多，食左兩大碟！自助餐好少會食飯，但呢個「缽」太精緻，味道也不錯！中式點心也吸引，一籠一燒賣和流心韓牛率芝士餃， 就一定要食😋😋😋美食當前，平時最怕麻煩拆殼既我都食吾少長腳蟹，因為太美味啦！多肉多水份，好鮮！刺身雖然款式吾多，但勝在質素好！尤其三文魚！其實甜品先係主菜！好多款式之餘，細細件可以試哂咁多款！整體lunch buffet 很不錯， 不過種類不太多，但食物質素還可以！ 旋轉餐廳可以360度欣賞香港靚景，非常舒適！