自助山

5月之星生日飯，今次去自助山，果期做梗優惠買4送1，真係好耐冇去了，360度旋轉餐廳，居高臨下欣賞美景。晚市自助餐6:30-10:00。大約6:00去到可入座，我們4人坐窗邊欣賞到風景，夏天日長夜短之下欣賞到清晰的景緻，夜景都好靚但玻璃有點反光，坐位子時感受到微微的旋轉。坐左陣即行下轉睇下有咩食。日式刺身、沙律、印度咖喱、熱盤及甜品等。上一層的幾間房子有冷盤海鮮、燒烤及中式。包一杯飲品，要了凍檸茶。第一轉來個刺身，三文魚、吞拿魚、帶子、甜蝦及三文魚子，肥美新鮮。冷盤，長腳蟹、麵包蟹、龍蝦及青口等。麵包蟹好多膏幾正，龍蝦正常水準。長腳蟹味鮮甜唔太鹹。冬蔭功小籠包，好特別即試下，內裡肉餡及冬蔭功湯唔太辣。海參花膠扣鮑魚，必食!好足料又名貴，湯汁濃稠，花膠厚身爽口，海參口感軟滑，鮑魚鮮甜彈牙，美味。淮杞燉螺頭湯，飲下湯水滋潤下，湯頭鮮甜美味。焗蠔，因為冇生蠔食，見有焗蠔必食，焗蠔肥美飽滿又惹味。和牛，燒得香口，肉質軟嫩牛味濃郁。燒味，味道不俗。牛扒，肉質鮮嫩。冬陰功，足料唔太辣。開心果慕絲蛋糕，開心果控必食!外層係有脆粒朱古力脆皮，內餡是開心果慕絲，開心果味濃郁，口感幼滑，美味。招牌海鹽焦糖鮮忌廉蛋糕，賣相似天使蛋糕，海綿蛋糕鬆夾軟，忌廉軟滑，味道鹹甜，正常水準。榛子泡芙，口感外脆內軟，內餡是濃郁的榛子味忌廉，味道香甜。椰汁千層糕，味道清香。Tiramisu，質感軟滑，有咖啡味及微微的酒味。炒雪糕，口感較冰，味道有點似Oreo。招牌咖啡雪糕，濃郁的咖啡味，不俗。北海道牛奶雪燕蛋白及芒果布甸，味道正常。火焰雪山，又到表演的時候，好多傳統Buffet都出現，引來不少客人觀看及排隊拎蛋糕。雪糕蛋糕，有懷舊之感。好飽，食飯後果，見有蝴蝶酥就試下，口感酥脆，好強烈的肉桂味。雲朵棉花糖，過下癮食。食物有水準，環境舒適，風景無敵，服務有禮，愉快的一餐。…查看更多

合和中心的旋轉餐廳，有着的是長久的歷史，以及不斷的轉手經驗， 20多年前我吃的是西餐，然後曾經轉過做Fine Dining，在這些年由普京酒店下的自助山接手，有着大集團的支援，這餐廳總算穩定下來，不說裝修和食物，旋轉餐廳的轉動也沒有以前的順暢，真的會轉得有點頭暈。食物方面，價錢其實和澳門差不多，但選擇相對少了一點，這裏的強項我相信是冷盤，特別是海鮮的選擇，令你有龍蝦和麵包蟹的自由，如果純粹以抵食來說，但是吃這兩項很快就回本，海鮮的味道和乾淨已算不錯，特別是爆膏的表現。相比起來熱盤水準有所不足，特別是煎炸類的相對比較馬虎，至於肉扒類的是最大路的Sunday Roast，略嫌脂部不夠香。最後如果以自助山來說，最想吃上葡京那裏的早餐，相傳相當高質。The revolving restaurant at Hopewell Centre has a long history with multiple ownership changes. Twenty years ago it served Western cuisine, then fine dining, now operated by Regal Hotels‘ buffet division with corporate backing. The rotation is less smooth, causing slight dizziness. Pricing matches Macau but with fewer choices. Its strength is cold dishes, especially seafood - unlimited lobster and crab offer excellent value with fresh, roe-rich specimens. Hot dishes, particularly fried items and Sunday roasts, disappoint with insufficient fat flavor.…查看更多

七月尾家人生日，成10個人浩浩蕩蕩，揀咗合和頂樓嘅自助山旋轉餐廳，雖然一開始有啲失望，因為book唔到前排觀景位，但係去到發覺，原來坐後排嘅梳化座位更好，因為我哋一張大枱出入係好困難，而且除咗頭嗰兩個之外，其餘人都係要遠距離觀景，反而後排嘅梳化位坐得闊落舒適，出入又容易，大家仲可以坐坐下又交換梳化坐，變咗一家人更加開心，環境冇得彈，裏面嘅燈飾、裝置都好有心思，除咗窗外風景超好之外，室內令人有一種高貴得來又輕鬆嘅感覺，顏色配搭亦都好悅目。食物方面更加冇得彈，選擇非常多，而且質素都係好好，最喜歡佢嘅和牛配上柚子鹽，真係必食之選，仲有燉花膠湯、魚生刺身、泰式食物、海鮮…..數之不盡，中間仲有個特別環節，就係會即場炮製火焰雪糕，佢會響起鐘聲，仔叫大家開始排隊，然後就喺大家圍觀之下，點起啲酒精，變成一個藍色嘅雪山，然後再分俾大家，呢一個特色令到大人細路都零舍開心，更有氣氛！推薦去食自助晚餐，因為可以觀賞到未日落之前黃昏同埋夜景，一次睇晒，價錢的而且確唔平，差唔多成千蚊一位，但係生日嘅可以買四送一，計落平返少少，而且環境同埋食物質素都值回票價，一家人去十分驚喜，服務態度就OK啦，同埋佢現場都仲有另外嘅酒精飲品，可以加錢即場購買，我就唔飲酒，但係同行嘅屋企人有人飲，覺得個選擇都算幾多，而且價錢都合理，所以一大班人有特別日子搞慶祝活動，呢個地方雖然貴啲，都係令到大家都食得滿意，傾得開心，係值得嘅。…查看更多

自小就聽過旋轉餐廳，今次終於有機會試下，就算黑雨都冇阻我哋嚟食buffet廳嘅決心。在合和中心要轉兩次𨋢先至上到去。 但一抵達62/F 立即有職員招呼安排入座。雖然黑雨， 都幾乎滿座。 由於天氣欠佳，窗外的景色並不是看得很清楚。幸好一小時後天氣轉為穩定，可以看到維港景色。 食物種類豐富，海鮮，刺身，西冷牛，羊架， 烤類食物、天婦羅， 甜品等等味道都不錯。招牌海鹽蛋糕好好味。 service 方面， 服務員有禮， 收碟勤快， 亦適時幫我哋加水。 唯一係餐飲等得耐少少。 之前見到啲comment唔係咁好， 但係我今次嘅體驗又唔錯。 …查看更多

好多年前嚟過呢度食自助餐，當時喺另一個名：旋轉XX。今次係因為天氣太熱，又想同外國返嚟嘅朋友食飯，就揀咗呢間。沒有生蠔，魚生新鮮，其他食物味道正常，炸軟殼蟹仲係脆:)蟹腳細隻偏鹹、翡翠螺好硬食唔到花蟹細細隻但好甜大部分食物都係放喺下層，即係跟住一齊轉，但凍海鮮、中式點心、燒味、天婦羅….就喺上層(唔會轉)。如果好似我咁想添食花蟹，就可能要走一圈先搵返海鮮個counter甜品蛋糕唔太吸引，雞蛋仔普通。自家品牌餅食可以即場購買。曲奇鬆脆、蝴蝶酥甜咗啲。雪糕都係自家製 - 水果茶有果粒但偏淡；咖啡味比一般牌子濃。最後一杯淡淡的咖啡。當日上晝仲落緊雨，中午放晴，我哋真係好彩，所以就算食物一般，欣賞景色先係重點…查看更多