自助山

營業中

休息中

好食又有靚景既buffet 一定係揀自助山。今次黎食lunch buffet 選擇都好多，由冷盤熟食到甜品都好啱食。長腳蟹夠新鮮，亦有足夠份量唔會成日無得拎要等。熟食方面除左一般野食仲有點心，做得唔錯，不過經常比人拎曬要得耐少少。仲有個喇沙湯麵都好食架，夠味粉又唔會太林。仲有個中式雞湯都好好飲。而我最欣賞係佢既甜品，有waffle 同雞蛋仔，夠香脆，仲好食過街邊果啲呀！佢其他小蛋糕都好食，cheesecake 夠凍夠味。我最最最鍾意係佢個macaron！係我食過最好食既macaron呀，仲好食過出面幾十蚊粒既，呢到仲有得焦限食超滿足哈哈！紅色係rose，好香唔會假，白色vanilla 唔會太甜，最好食係綠色，初初見綠色唔太靚，幾次都無拎，後來甜品姐姐推薦我試下就即管試下，原來係袖子味，好清新好好食，可能因為顏色唔係最靚所以都見好少人拎。自助山既macaron 好食之處係佢夠脆，但中間夾心又啱啱好唔會成舊太乾，而味道都做得好好，唔會太甜，又唔會係藥水假味食十粒都唔會覺得太多。我都唔係啲好鍾意食馬卡龍既女仔，但佢既真係太出色，我覺得成個buffet 最好食就係佢HAHA！

今天老闆請吃飯，當然要吃好一點。這次選了自助山。餐廳在合和中心頂層，因為餐廳是可以轉動，可以360度觀看整個香港。坐久了會有點頭暈。餐廳是提供自助餐的，有很多款式的食物，有點心，墨西哥菜，扒類，日本餐等等。海鮮有長腳蟹，貝類。點心的尺寸都很大，味道比一般酒家好。而且很搶手，出來沒多久就沒有了。素食漢堡，尺寸很小，基本上是一口的份量。中間的漢堡扒廚師會即叫即弄，味道非常濃郁，跟肉類沒有太大分別。可惜的是牛扒比較乾，肉汁不多。卡邦尼意粉算不錯，沒有煮得太軟。

雖然已經唔係第一次食呢度ge自助餐, 但公眾假期+dinner食就真係第一次~ 呢間值得encore再encore, 因為每次都無令我失望! 紅日食好食ge dinner buffet一般都唔會平, 呢間當然都唔例外, 不過! 我會覺得值呢個價嘅! 食物質素整體都高, 款式多到無咩可能樣樣都試到一次, 個景靚到不得了, 靜係呢幾點就物有所值啦! 另外今次食仲有d配合復活節主題ge甜點! 如果要講有咩不足呢, 可能係飲品有限, 無得任斟, 壽司相對比較一般般, 部分海鮮鹹咗dd, 但呢啲都係見仁見智~ 我仍然都係比呢間好評, 希望有機會再食!

第三次食自助山但今次終於肯寫食評😂自助山係我寫過算香港最高質，款式亦算係最好，even洲際既dinner buffet 都只係一般；the market 就比較好，拍得住。相比其他，自助山有幾樣我覺得特別值得食。嗰度既牛扒，燒得成數剛好，肉質嫩，牛味重，我唔會落黑汁食，只會加鹽食，呢度淨係鹽都有好幾隻俾人選擇。另推介生蠔，鵝肝都，長腳蟹都係貴價之中佢比其他buffet 餐廳都好食既。鵝肝我仲意佢可以加塊蘋果肉一齊食，少許酸味配搭上黎令鵝肝食起上黎唔會太漏，攪到我食左好多件🤦🏼‍♂️🤦🏼‍♂️

星期日下午，我4大人2小孩到自助山食中午自助餐，一個大人要6百至7百元。環境：環境是這裏的賣點，360度迴旋餐廳，可以環顧到港島區一帶景色，可惜我下午去，我相信夜景應該一絕，坐位亦寬敞。服務方面：無特別，正常自助餐水準，食物refill好快。食物：自助午餐有生蠔，夠新鮮，是最特別的，但應該是星期日才有供應。種類都好豐富，代表作有中式點心的鮑魚燒賣、西式的鵝肝多士。最差的是甜品，款式少，味道差，完全失望。總結：雖然偏貴，但仍然是不錯的。

老公生日， 不知道吃什麼， 最後選了自助山， 因為嫌佢夠貴，哈哈 這天是星期日， 我們選了吃brunch， 598加一， 果汁 任飲。 一去到， 二話不說看看有沒有自己愛吃的海鮮， 果然 貴得有道理， 生蠔夠大隻， 連蟹都有四款畀你選， 青口、蜆、蝦唔使講都有大量供應啦， 其他熟食都不過不失啦， 好多款， 甜品就弱了一些， 蛋糕的幾款選擇， 不過賣點不在此， 不要緊。 再講環境， 位於合和中心的頂層旋轉餐廳，高居林下，可欣賞四周山景，海景， 原來這個價錢就係食個環境， 我們還拍了很多照片呢！

🙋🏻‍♀️我來自助山已經有好多次,晚上buffet 及brunch buffet 都有來過,晩上buffet 黃昏🌆時段來到👀到日落景色🌄巧浪漫💕而日間brunch清晰可見全港外景🏙旋轉效果餐廳,座於62樓咁高🤭加上360度旋轉景觀🥰看得清楚美麗,每次來必坐窗邊落地玻璃位,食物質數加餐廳環境及外面境觀都是一流水準它收這高價嘅收費,我覺得係值得,比反這質數及效果本人去過很多名牌酒店🏨buffet,還未有一間可以及得上自助山更好的👍食物由凍盤至熱食再至甜品的都應有盡有,食唔曬😑我在圖片介紹食物給大家🙋🏻‍♀️

情人節朋友仔約我來這裏食自助餐， 當知道後超級開心呀！因為這裏的中午自助餐各式各樣好豐富，如果每樣吃一口都未必吃得完呀！情人節有小小飾物佈置未開始時我行了一圈影影相。日式壽司同小吃Parma Ham 我至愛各款芝士燒牛肉XO醬炒年糕長腳蟹 、大蜆、 大蝦、燒賣 蝦餃 魚翅餃士多啤梨芝士蛋糕、芒果熱情果慕絲蛋糕、意大利芝士咖啡蛋糕、啤梨慕絲蛋糕，每樣都食了一件 YUMMY。各樣菓凍，取了少少淺嚐芝士蛋糕、士多啤梨草餅燒味這裡都有得食，叉燒 烤鴨 豉油雞 鹵水紅腸柚子雪葩 也 好吸引   天婦羅 即炸即食     今日實在太滿足太豐富了。

今日上午要去港島做野大約十二點做完了工作，下午唔需要返公司難得可以放半日假不如去搵間坐得舒服既餐廳食飯先。行到合和中心附近對腳自然行咗上去搭電梯。平日唔訂位都還有少許位可以入座， 居高臨下望住風景食飯特別有feel。食個前菜先，大蝦沙律哈密瓜清爽大蝦新鮮。跟住行去拎牛扒，食肉獸的我取了兩片燒牛扒、薯餅、牛柳粒炒四季豆同西蘭花，之後點心時間，每人每次只限拎兩籠所以我走了幾轉，蝦餃一籠兩粒皮薄餡靚燒賣一籠一粒不過就好大粒。這裡連魚翅餃都有得食洋蔥湯煲得幾濃郁好飲。到甜品時間，取了幾粒馬卡龍一件芝士蛋糕同忌廉蛋糕。最後食埋雪葩真的好豐富好滿足啊！

趁男朋友生日，book左自助餐嚟滿足佢呢個食肉獸嚟作為一個小驚喜，而我自己就好鐘意食海鮮，所以自助餐可以一次滿足晒大家嘅願望。呢個人稱旋轉餐廳嘅好處係無論佢安排咩位置俾你都好，你都總有機會係可以望住個維多利亞海港食飯，因為佢係一個鐘轉一個圈嘅。講返食物先，佢啲海鮮選擇都唔少，而且添得好快，基本試次次出去都唔會缺貨。而其他熟食種類都唔少，點心有，燒味有，西式有，日式真係乜都有，甜品水果就更加唔少得啦！（我果晚掛住拍片，冇乜點影相😂）睇下男朋友個碟就真係名乎其實食緊座山。整體食物種類多，最重要係fill得快，而且食環境都一流

公司搞春茗，去咗自助山食自助餐。前身是R66，即每66分鐘自轉一次。晚餐時段加服務費要$758。食客可以係餐廳觀看維港。因是旋轉餐廳，可以坐係度360觀看維港夜景。間餐廳提供中、西、日、中東及各式甜品。我個人建議每次拿一碟國家菜式，咁樣可以品嘗每個國家每次單一口味。我個人先品嘗中式，取下油雞、燒鵝及叉燒。上等食材。一級廚藝。好食。肉質上等及好有彈牙。海鮮我取下天婦羅、焗蠔及龍蝦。味覺一般但也好食。日式我取下飯團及刺身飯。食材好新鮮，入口彈牙，肉質鮮甜。中東菜我取下薄餅、烤餅及中東式炒飯。加入地度醬汁，馬上置身中東一樣。我個人推介沙參玉竹燉鯊魚骨湯。個湯好濃，足料。甜品有馬卡龍、雪糕及mousse cake。每款都屬一口size。一個人可以食好多款mousse cake落肚。走前最好乘搭觀景子彈升降機。可以遠眺灣仔高樓夜景。

餐廳會旋轉🤩~.平時經過灣仔，會睇到一棟頂層360度自轉既大廈 一路都想知佢入面有咩食，原來係大名鼎鼎既自助山🤣一路喪食 一路360度咁俯瞰全個港島🥰午市又少人、員工服務態度又好(女員工麻麻😅)、餐廳環境又優美，食物選擇又多，閒日去大概$370一位，比晚市平成倍。聽講晚市好難book😛不過我就覺得，晚市除咗食物選擇多少少之外，就冇咩特別，因為日頭先可以欣賞到蔚藍既大海同翠綠既山幽，相信到夜晚，你望乜都係黑漆漆一片🙂講返食物，我估唔到lunch buffet可以有咁多野食😍海鮮刺身冷盤鹹食甜品樣樣齊。特別推介佢地既天婦羅🍤炸蝦同甜番薯係必食🍠！仲有佢地既點心都好高質，你可以自己揀食乜，師傅出點心都出得好快🤤每次出去都有新鮮出爐既點心食。另外，佢地既燒味都醃得好入味好香，特別係燒鵝同豉油雞，不過我最鐘意既叉燒食落就太乾😢呢個有d失望。甜品方面，我個人極之喜歡佢地個麵包布甸同藍色cream嗰舊蛋糕😍真係好好食，好食到我添咗兩轉😚佢地仲有朱古力噴泉、窩夫同好少喺buffet出場既雞蛋仔😇不過個雞蛋仔就真係好唔掂，擺到又凍又韌又冇蛋味，可以skip😂其他蛋糕仔都係冇話特別好食。如果再去，都係主攻

第一次來合和食自助餐, 首先講下訂位程序, 約二個月前上網訂位, 但我們是七個人, 網上最多只可訂6個人, 6人以上就要致電去餐廳訂位, 可是職員要求我們要先付每人訂金300元 即共2100元才可留位, 本來都無所謂的, 但他們說即使當天有事不能出席也不可改其他日字再食, 訂金也會沒收, 咁我們就覺得太無彈性, 於是便沒有在留位, , 因網上訂位就不用先給訂金, 於是我們就在網上先訂6人~到了用餐前二天, 餐廳致電來confirm booking, 於是我們也告訴他們我們是7人, 他們就立即要我們先信用卡過數給訂金2100元, 好吧, 還有兩天應該無乜變掛, 就先信用咭過數給訂金~當天下午18:00便急不及待上去, 首先搭lift 上17樓, 再轉觀光子彈lift 上56樓reception, 先向職員登記再坐下梳化等候~ 大約18:20就排隊再上62樓餐廳~上到去安排的座位唔錯, 是窗口位和先望維港景, 雖然每一張枱都一定會轉到維港景那邊, 但我們的位置是剛好晚上20:00 轉到維港景位置, 就可順便欣賞下幻彩詠香港~不過轉既速度比我想像中快, 如果你望住張枱和窗邊, 是好明顯見到張

老細好好人咁請咗我哋一行13人食自助山我哋Book咗六點半鐘 ( 最早時段)一入到去大堂已經好靚佢係外圍係旋轉嘅裏便係擺嘢食有冰凍海鮮 有龍蝦 有麵包蟹 有長腳蟹同埋生蠔食咗兩轉超級滿足日本嘢食有天婦羅 壽司 鐵板燒和牛 同埋鵝肝鵝肝真係超級好食 係入口即溶 食埋啲酸酸甜甜嘅醬汁 我忍唔住食咗五件另外亦都有明太子焗蠔 焗蝦 肉質鮮美食得出好新鮮中式擋 不定時會推出一盅盅嘅鮑魚花膠 但係要棋喺度等候 因為一出好多人就會攞甜品極多 有一個櫃入邊嘅蛋糕 但係真係太飽食唔到反而試咗個奶茶雪糕 奶味香濃 相當不錯呢度只係得清水和一杯餐茶供應 如果要飲紅酒汁可以去個紅酒櫃俾錢買總括嚟講八百幾蚊嘅價錢食到鵝肝~新鮮海鮮 還是相當OK的

自助山一向有點難訂位，看見平日午餐有位置，又還在放假，剛好可以試試。午餐的選擇也挺多，食物的款式也很多，有驚喜的是食物質素也不差，點心，叉燒，自家製的包很吸引。甜點類反而有點失色，但整體來說，也不錯。