肥姐麻辣餐廳

營業中

休息中

隱世川菜館荃灣美食眾多，但好食嘅川菜不多，今次就黎一試麻辣餐廳有幾麻辣！餐廳內部環境比門面更為美觀，有點小驚喜，有用心裝修，有川菜館嘅氣派，而且主要係卡位，坐得非常舒適。口水雞(例) 口水雞係一道非常傳統的川菜，味道鮮美，香辣可口。外觀睇起黎已經非常誘人，雞肉色澤金黃，表面均勻地覆蓋著辣椒油和花椒粉，讓人不禁垂涎三尺。食起來，口感非常爽脆，肉質鮮嫩多汁，辣味和麻味交織在一起，令人一口接一口食唔停。配上酸酸辣辣嘅手拍青瓜，更加開胃。呢個口水雞不單只味道好，而且非常開胃，係非常值得一試嘅菜式。辣子蒜香排骨味道香辣可口，並切至一口一粒嘅大細，令排骨更易入味之餘，亦方便食用，更令人一口一口咁食唔停。排骨經過煮熟後，再用特製的辣椒醬，大量乾辣椒，及蒜末拌勻，讓排骨入味。吃起來，肉質非常嫩滑，辣味和蒜香交織埋一齊，令人垂涎欲滴。另外，呢道菜的外觀亦非常打卡able， 排骨色澤金黃，表面均勻地覆蓋著辣椒和蒜末，伴隨大量嘅辣椒，令人一看就知道是一個非常好食嘅菜式。呢道辣子蒜香排骨唔只味道好，而且口感豐富，係一個非常值得推薦的菜式。酸辣土豆絲酸辣土豆絲係一個非常傳統的川菜，味道酸甜可口，非常之開胃。土豆

睇左米紙介紹一間荃灣隱世地道四川菜，介紹新鮮地道既酸菜魚，睇完好想食，所以特登約埋朋友去食。鋪頭係滿樂大廈果邊，但係當日都有其他客由其他區專登去食。鋪頭裝修都好有心機，卡位隔離都會擺啲小盤栽添生氣。當然要叫佢既地道酸菜魚。雖然係四川菜，但辣度係可以揀既，因為朋友唔食得辣，揀左個唔辣，雖然係唔辣，但因為佢用左海帶，椒同酸菜煮，同樣好香，酸菜都增加左湯頭既鮮甜味。😋湯底鮮甜都可以係咁飲👍🏻👍🏻👍🏻老闆娘話佢地用左新鮮鯇魚做，同出面唔同，有晒魚腩魚尾，係原隻新鮮鯇魚即湯即煮即食的。😋😋食落好明顯，魚肉勁新鮮，超級滑。本來我不是好中意食魚，但依個酸菜魚做得好出色真係👍🏻👍🏻👍🏻連湯都飲晒😂再點左炒包心菜同黃金皮蛋👍🏻黃金皮蛋有少少辣油加勁多蒜蓉，超級香。中意食口味野會覺得好正，皮蛋不是平時食到果種深綠色既，而係真係黃金色，好特別👍🏻包心菜平時好少有得買，食落勁新鮮，爽口。咬落仲好脆，好新鮮好甜。總括來講，鋪頭每樣食材都用上最新鮮既，好有心，對人客同食物都好尊重。係值得再食既地道小店👍🏻👍🏻😋

呢排天氣悶熱，無咩胃口，所以就想搵下d 酸辣野嚟食下，酸菜魚係首選，所以搵間小店試下！酸菜魚，小辣 $168酸菜味夠出，花椒份量適中剛剛好，唔會令個味道太麻食到好辛苦。雖然鐘意食辣，但唔係好頂得到太勁，所以我地都係叫個小辣就算，食得辣嘅朋友可以試下叫大辣，我見好多熟客都叫大辣，似乎唔錯。魚肉雖然係用鯇魚，但處理得唔錯，魚肉係滑嘅，無泥味值得一讚。部位亦採用較無幼碎骨嘅位置，食得方便好多招牌口水雞 $88比起一般嘅口水雞，呢個更重麻花生醬味，層次好好多，辣之餘令到味道無咁單調，雞本身調味都係足夠，令到雞嘅底味無被重味嘅口水汁完全蓋過。清炒土豆絲 $88呢個係想唔到嘅驚喜，炒土豆絲平平無奇嘅樣，食落個薯仔味好香口，濕度適中，條條口感分明，唔食飯嘅朋友，唔夠飽肚嘅話，都推薦叫個土豆絲嚟代替飯，又好味又飽肚。

近排唔知點解成日好想食川菜 咁啱搵到依間肥姐麻辣 見佢好似幾地道就去咗食 餸嘅種類都幾多樣化 樣樣都好似好正咁 搞到諗咗好耐先決定到🤣前菜一開始上咗啲辣菜脯同花生 花生十分入味 忍唔住一粒接住一粒🤫酸辣土豆絲夠酸多辣！十分開胃 份量十足 食極都總有 抵食黃金皮蛋皮蛋裹滿哂川菜必備嘅辣汁 配上蒜碎一齊食 無得輸🤤招牌辣子雞好惹味！忍唔住即刻叫咗碗飯嚟送飯😋本身叫咗bb辣 所以一開始比啲辣椒嚇親 但好彩唔係好辣 對於食唔到太辣嘅又想食川菜嘅我 十分友好👍🏻啲雞都好入味 因為得兩個人 所以叫唔到太多 建議一大班人嚟食 可以食多幾款唔同嘅菜🤌🏼

📍肥姐麻辣餐廳 (荃灣)荃灣沙咀道169號滿樂大廈地舖簡約裝修 光線充足 落單時職員會詢問辣度 有BB辣/小辣/中辣/大辣 本身想嗌大辣😂想刺激一下味蕾 但同事話 試咗中辣先😏最後點咗4款食物-夫妻肺片絕對係經典川菜 夫妻肺片相信好多人都食過 有牛心 牛肚 牛舌等等 味道麻辣辛香調配惹味醬汁 蒜香濃郁辣得過癮令人垂涎三尺🤤-泡椒雞腳雞腳入味 酸酸辣辣又爽口 開胃生津-干煸四季豆干香辣爽 開胃醒神-辣子蒜香排骨有鑊氣 排骨外脆內軟 麻辣惹味😋蒜片 值得一讚 香脆帶點甜味 食到停唔到口👍🏾-鹹檸檬七喜-菠蘿雪碧🌟 整體用餐體驗🌟🌟餐廳環境( 4/5):簡約裝修
🌟餐廳服務 ( 4/5):職員態度親切有禮🌟食物味道 ( 4/5):絕對夠惹味

好鐘意食麻辣,見到幾多好評,一於黎試下我地兩個人,叫左泡椒雞腳+招牌水煮魚(細) + 酸辣土豆絲🍽泡椒雞腳朋友好鐘意食雞腳, 話出面比較少見泡椒雞腳,所以叫黎試試,雞腳非常入味, 皮煙韌有彈性,連無特別鐘意食雞腳既我都覺得好唔錯, 溫馨提示, 雖然睇落唔係好多辣椒🌶️,但佢既辣真係唔惹小, 過癮！剩係食個小食已經要叫野飲解辣, 戰鬥力係咪太低😂🍽招牌水煮魚(細) $168黎到主菜水煮魚, 叫左小辣細份,但原來細份都好足料,分量好多,用既應該係晥魚片,魚片幾厚身同滑身, 個湯好惹味,同平時食開既有d唔同,唔係剩係得辣,係豐富既味道,性價比高👍🏻🍽酸辣土豆絲$88叫左碟酸辣土豆絲代替白飯, 土豆絲係爽脆,酸味好重下,對我黎講就酸左d,但朋友就覺得好開胃真材實料既小店,推薦!

餐廳裝修簡潔，除左幾張圓枱，仲有卡位，坐得舒服；枱上面有D小盆栽，好精緻。一坐低，老闆娘就親自問我哋接受辣既程度，佢話呢度既辣度比出面辣兩倍，而麻同辣都可以自己揀，介紹得好清楚。餐牌主打食麻辣，分別有涼拌菜、霸氣辣子系列、重慶水煮系列、津味雞煲系列，仲有D唔辣既特色小炒、家常菜等，選擇頗多。我哋分別叫左3樣野，份量大，好抵食：涼拌粉皮：粉皮滑溜彈牙，配埋切粒蒜頭、蔥花、芽菜，冰涼味道，簡直一流。酸菜魚：酸菜味道鹹酸適中，令胃口大開。鯇魚肉新鮮嫩滑，配料有海帶、蒜頭、芫茜、蔥花、底部仲有好多吸滿汁既芽菜，我哋連湯都飲晒。清炒土豆絲：清爽帶麻油香味、炒得乾身不糊化、刀功好，切得平均。總結，食材新鮮，即叫即整，估唔到喺香港都食到咁正宗既川菜👍

朋友介紹呢間餐廳叫我去試吓原因係佢嘅辣度好夠🤣🌶️但每天都在變老的我其實已食少咗好多辣果不其然叫小辣就等於中辣一樣如果大家去試記住留意吓👀水煮魚可以自選配料腐竹萵荀同寬粉係我通常都會嗌嘅嗌咗鱸魚冇乜骨但冇魚味亦都唔滑水煮嘅味道唔香亦唔算好麻反而條烤魚好味又大條煎炸過嘅魚好香個湯唔油又夠麻不過同好食都仲係有段距離辣子田雞食得出有鑊氣即炸即炒不過我又嫌少肉咗啲全部都係辣椒另外嘅野生椒錫紙焗花甲更差首先覺得上枱嘅唔係花甲有沙之餘亦淨係得鹹味（海水+調味）反而手撕包菜有啲驚喜花椒味同麻油味嘅椰菜但入口又唔油雖然嗰度嘅姐姐好好人又好禮貌但嘢食質素真係要提升吓先得

今日同朋友係附近行街 見天氣凍凍地想食啲辣嘢 咁啱行經間呢餐廳望下餐牌 阿姐出嚟話呢度有好多辣菜式 我地見價錢都ok就入去試下，入到嚟環境唔錯，有卡位坐得夠舒服。我哋叫咗個酸菜魚，辣土豆絲同口水雞首先最快嚟到就係口水雞，佢一送上嚟嘅貌相非常吸引,鋪面嘅蔥蒜加上紅油畫面，真係流晒口水！雞嘅份量都幾多，食落都幾嫩，味道唔會死辣反而係有啲後勁，果然好似店員話齋呢度嘅辣都好厲害，我地點微辣但係都唔簡單，岩晒好辣人士嚟挑戰下。呢個土豆絲就係朋友平時好鍾意食嘅菜式，看似簡單但都有唔少功夫，呢度嘅土豆絲係酸辣口味，應該係烹調時落咗白醋，口感爽脆又開胃！酸菜魚一送上檯嘅時候淨係個碗都震懾咗我哋，配料好豐富，魚好多而且非常新鮮，煮嘅時間亦都啱啱好，肉質嫩滑仲係切成厚身，食落更加啖啖肉，湯頭加左青辣椒同辣椒令到酸菜魚味道更加提升，另外有芽菜，海帶等配料吸晒湯汁，非常好味。

係荃灣睇完戲，又想食下辣野。四圍行又見到呢間野幾旺場，即刻入去試下先。例牌口水雞 $88 (小辣)好惹味，每舊雞肉都有濃濃麻辣既味道，好好食。一路食就覺得超級開胃。可惜朋友食唔到大辣。如果唔係一定會更加辣更加好味！下次一定會再黎食。招牌辣子雞$148 (小辣)睇下張相係咪好多辣椒呢，本身以為一定得個辣字，點知一啲都唔係。雞件炸到好好味。好脆口。送酒送飯一流。好惹味，而且份量好多。酸辣土豆絲 $88一上黎就覺得好大碟，夠晒飽。酸酸又有少少微辣，幾開胃。雖然好忙，但店主同店員服務態度都好好，係小店既人情味。抵讚💪💪

荃灣美食真係好多選擇啦，行過路過聞到一間好香既麻辣味，都係飄左入黎啦😂😂😂😂減肥中又為食既我，叫左個手撕包菜食，我的媽丫，好惹味丫，炒得好香丫，唔會咸又唔會重味精亦都唔油，係真香既麻辣味，所以可以解決下我減肥期間既口腹之慾😍😍😍😍😍🎉

同女朋友行完市集梗係要搵d野食醫下肚啦，如果唔係要跪玻璃架啦😆😆😆😆而女朋友大人係食辣愛好者，所以隔條街就比我個鼻發現左呢間好香麻辣味既小店啦🤩🤩🤩🤩🥳🥳🥳🥳一入門口就撲面而黎麻辣香😍😍😍，女朋友大人非常滿意啦肉肉獸黎到梗係要食肉肉啦，所以叫左個例牌口水雞同埋麻辣厚切牛肉好多肉肉丫😍😍😍😍口水雞啲肉又滑又入味，呢個口水醬調得好好丫，雖然係肉類冷盤，但唔會覺得好膩好油，唔會影響跟住落黎嘅胃口，非常推薦😻😻😻😻😻麻辣厚切牛肉一上枱就吸引左女朋友大人既注意力啦，畢竟呢個鐵鏟造型別樹一格，得分👍👍👍好多肉，唔會止係得辣椒仲有超多肉，係掘極都仲有肉既出現架😻😻😻😻😻😻😻😻😻啲牛肉仲一d都唔小家，好大塊😁😁😁😁為左照顧女朋友大人既飲食均衡原則，所以叫左呢個手撕包菜，omg，單純得菜都炒得咁惹味，一d肉仔都冇，少少蒜片辣椒己經好好味。三樣菜式，光盤完成，份量太多，多碟都食唔落啦。🥳🥳🥳🥳肥姐好好客咁推介新菜式“明爐香辣魚”，並唔係冰鮮魚行貨，係有誠意既新鮮魚，重點係條魚冇骨，所以食落係啖啖肉，但可惜肥姐太遲黎介紹，我地已經冇力再戰😭😭，唯有下次再黎啦😆😆😆

今日去左荃灣行街，行過一間食川菜及麻辣嘅餐廳叫「肥姐麻辣餐廳」，比佢嘅香味吸引住😍，於是就入左去試一試。一入到餐廳坐位都唔少，亦都好闊落，店員都好主動介紹店內招牌菜，我地二人叫咗三樣菜。⭐️前菜泡淑雞腳：利用醃料浸雞腳，每隻雞腳都好入味，浸得啱啱好，唔會太淋，保持住雞腳咬口感😙，辣味十足。⭐️健康之選手撕包菜：用辣椒及醬汁快炒包菜，即係炒高麗菜，包菜撕到一片片，好易入口，而每片都炒到好均勻，🤤好夠鑊氣。⭐️招牌菜酸菜魚：有唔同嘅辣度選揀，我哋要咗個細份，但黎到時完全唔覺得係細，非常大份，有半條魚連魚片，魚骨及魚鰭，配菜有大豆芽及酸菜，湯汁配埋白飯食一流🥳。飲品方面有健康飲品，亦有酒類供應，食辣點可以唔飲酒，用黎解辣一流！🤩

外賣無仇報系列。試一次便夠野生椒錫紙焗花甲+ 粉絲。一打開張錫紙唔係芬香撲鼻唔緊要。但都唔係話臭氣熏天。明知死都照出。無得頂。雞油炒萵筍。好吃藤椒雞煲半隻。味道好酸菜魚細份。比起其他酸菜魚偏油膩。

今日行開荃灣, 路過見到依間肥姐麻辣🌶️, 見外面凍到10度唔夠, 就入去食d 辣野暖下胃😂✨前菜有醃漬蘿蔔, 酸酸辣辣好開胃🤓好快食, 另一個好辣, 唔太清楚係咩菜🤣 但食完兩秒即刻嗌左支藍妹解一解辣😂✨辣子肥腸（細）保守少少, 叫左BB辣, 辣度岩哂我依類「鐘意食辣但又唔太食得辣」既人😁 肥腸好脆, 好惹味, 佐酒/送飯一流, 不過份量可以再多少少😗 唔夠喉🥹 另外有炸蒜, 都食哂👍🏻✨招牌口水雞(例)雞肉質不錯, 醬汁麻辣帶點咸香, 再加左芝麻, 層次豐富, 味道恰到好處, 整體水準以上👍🏻。但份量都好似唔太夠🤣可惜, 想再食多幾舊😭✨清炒土豆絲一上枱就聞到好香蒜蓉味, 土豆絲爽口脆軟根根分明, 超開胃岩哂唔食得辣既朋友, 中和一下其他菜式既麻辣味😎✨紅豆冰因為前菜太辣所以嗌左杯紅豆冰解辣, 但紅豆冰奶味唔濃唔香🥲扣左唔少分, 好似飲緊紅豆水咁🥹肥姐好nice🤣會同我地傾計吹水, 隔離幾枱都應該係熟客黎🤔