聯華茶餐廳

營業中

休息中

jun 06, 09,3人來2nd round tea,叫咗 : 1) 羅宋湯 (跟豬扒飯送)-佢都算幾多菜料,而且都酸味味咁,味道唔假,比想像中好味-但怕佢用上"師傅',所以只飲咗少少,其餘由友人們包辦 2) 豬扒飯-呢個喺該店出名之作-都幾大碟,我自己1個嘅話,1定食唔晒-飯喺炒底,而且1粒粒,炒得叫做合格-豬扒友人就話做得不錯,大抵喺因為又腍又鬆,又夠味啦-但個汁嘅顏色就假咗少少 3) 紅豆冰-甜咗少少,d豆少數有少少硬 4) 凍檸樂 5) 凍奶茶

9-2-2009「收工」後「順腳」行了落正街, 諗住食個桑寄生蛋茶先返屋企, 但實在太肚餓了, 一碗糖水應該唔夠, 結果入了隔0黎呢間茶記坐低, 又腿蛋治烘底 + 熱奶茶 (total $20).先0黎奶茶, 未飲已聞到勁重奶味, 飲落亦然, 奶：茶比例近乎 4:1, 唔0岩飲.再0黎腿蛋治烘底, 炒蛋勁多, 幾滑溜, 不過蛋香一般; 火腿好細塊, 但幾厚身的, 食落就稍鹹, 不過同較淡的蛋一齊食, 都 ok 的; 麵包就烘得好鬆脆, 啖啖 crunch crunch crunch, 正!0係門口唔為意, 原來呢度係冰室格局, 但同好多冰室唔同, 呢度超級乾淨, 實在喜歡!放低 $20, 下次再0黎食焗豬扒飯及 Oli 食評相片的勁吸引蛋牛治吧.

某日假期，同老婆來試下聞名已久的焗豬扒飯。37蚊一碟焗豬扒飯，不包飲品，真係幾貴，但一場黎到，試下啦。等了20分鐘，原來真係幾大碟，兩個人都夠食。豬扒是炸過才焗的，吃的時候外皮仍脆，炒飯底幾香，茄汁底也不錯，明顯是用心之作，肯定好過大字頭的連鎖快餐店。另點了茶餐，要$24，有叉燒湯意粉，火腿奄列、牛油方包和熱飲，但水準只屬一般行貨，不算吸引。意外是奶茶相當滑，連平日不飯奶茶的老婆都話好飲。埋單72蚊，茶記來說不算便宜，但偶然一次就算啦。後記：最近的中午幫襯了三次午餐，$26蚊，連湯、飯、茶。講質素，真的很一般，第一次吃葡國雞飯，全碟只有三小件雞，薯仔就大把；另一次吃丹沙豬扒飯，豬扒幾大件，但硬掘掘，乾爭爭；最近一次食黑椒雞扒飯，兩塊雞扒大大件，但都係硬掘掘，乾爭爭。羅宋湯亦很稀。不過講份量，真係大件夾低食，大男人都一定食得飽。以咁既價錢，間中都可以一試。

我的死亡4星期終於完結!放學後又要立即返工，不想再次係巴士上草草"享用"午餐，寧願冒著遲到既危險也要好好坐低食個晏。紅湯一般質素，但比上次好，至少不會覺得很人工。香腸肉醬意粉由於是快餐，不一會就送來了，當然賣相亦不討好，就是一pat肉醬撻左意粉之上，再加一條滿佈皺紋既(巢)皮腸。不要緊，就重要還是好食就得啦。估不到店舖係肉醬中加入香料，挺特別既味道，只是略嫌意粉煮得太稔，很易斷。焗豬扒飯可能已經吃光整碟意粉既關係，所以今次好似無左份驚豔。不過豬扒同炒飯仍然咁了不起，只是略嫌醬汁不夠撈飯食。熱啡勁難飲，很酸，酸得要命，飲左少少就放棄了。

雖然住係西環，但若非睇OR，真係唔知呢度既豬扒飯咁出名。是日上堂上到成點鐘，黎到呢度已經2點半。不一會，奶茶同中西湯送上。是日中湯乃紅蘿蔔煲豬骨，加入蜜棗，清清甜甜的，亦不覺味精存在。至於西湯就係羅宋湯，但就不對我口味，感覺好酸，味道人工化，但亦十分足料，甚麼紅蘿蔔椰菜洋蔥都是大堆頭。後來燴海鮮飯都到了。大碟白飯上鋪了層厚厚的白汁，擺左2大塊魚柳，還有零零丁丁的蟹柳紅蘿蔔蘑菇洋葱同粟米粒。材料是挺豐富的，然而白汁是溫溫吞吞，全靠白飯的熱力才不致冷冰冰的難以入口。更重要的是魚柳有點腥，吃不到數口我已經放棄，後來只用白汁撈飯。等了又等，主角終於出場...果然同之前食評所講一樣咁大堆頭。未食已經覺得好好味，只見豬扒炸得香脆而不帶燶邊，粉漿也是薄薄的一層，即使淋上少量茄汁仍是脆卜卜的。一食落口，的確是鬆化可口，肉質一點都唔鞋。除了男主角豬扒，當然少不了女主角--炒飯。粒粒分明，全部都比蛋漿包圍住。由於2碟飯都太多，最後我地更係捨白飯而取炒飯。

Went to this place for lunch during the Mid Autumn Festival holiday. I read from food magazines that the attic seats are "cozy", "lots of privacy", "really special" .....etc. So we headed upstairs but found the whole area rather dark and groomy. Not attractive at all! In the end we managed to find a booth downstairs. It was much brighter downstairs, and believe me, in this kind of eating places, it is better that the interior is as bright as possible.As pork chop rice ($37) is very famous here,

專登坐車去西環食源記甜品，之前順便過來這裏試其焗豬扒飯($37)。幾檯客都是點了焗豬扒飯，齊齊等了至少十多廿分鐘。雖然早看過食評，但看見勁大碟飯送上時仍有驚喜感。豬扒已去骨切件，炸過的表面香脆，肉質鬆化而厚度適中，炒飯不油亦不「立」口，難得沒有膩滯感覺，如果焗到有些少焦就更好。另叫的茶餐(牛油餐包、火腿奄列、叉燒湯麵及奶茶 - $24)就麻麻：不是熱的餐包難有好感；叉燒看上去又瘦又鞋，雖然食落不算差，但個湯得個鹹字；幸好奄列香滑，奶茶也夠濃滑，無損整體滿意感覺。是日國慶賽馬，開跑時老闆、侍應與食客打成一片，嘻哈論馬。這種舊式茶記特色，有時又覺得幾親切的。

我星期一同同事特登撘的士去食呢到聞名已久的豬扒飯，但係真係失望。本身豬金係炸得脆脆，但入面d肉真係太"林"，仲有少少發粉味。另外d飯太濕，唔似其他出面食既乾身飯粒。有d失望.....................

因前排週刊曾報導，故跟朋友慕名一試豬扒飯。賣相其實一般，豬扒表面的脆漿做得不錯，薄薄的，但問題是豬排，真的太"林"了，發粉是落得太多，完全沒有肉的質感。另外，飯粒不是乾身的，也是太"林"，太濕了。而茄醬也不夠。比想像中是有一點差距，朋友也說不太好。

來聯華，就是想試他們的焗豬扒飯。茶餐廳不是很大，搭枱難以避免。找了位置坐下來，就落單要了這個招牌菜。焗飯需時，等了十多分鐘才送來。飯和豬扒已經倒扣在瓷碟上，很大堆頭，兩個人不太肚餓的話，也夠吃。先試一口蛋炒飯，不會濕淋淋，不油膩，味道不俗。再吃一口連番茄汁的，噢，這個要叫人喜出望外！很怕那些芡汁汎濫的飯餸，這個番茄汁不但做得濃稠適宜，而且份量適中，加上香甜味美，當中還有不少番茄和甘筍，就是用這個汁來送走一碟飯，也無不可！厚身豬扒已經切開了五六塊，薄薄的脆漿，包着鬆軟的肉身，豬扒入味，雖然連汁焗過，但外層還帶點脆，邊緣有少少焦燶，相當可口！午飯時段，跟送餐湯一碗。是日的菜乾湯，雖然不是什麽老火靚湯，但足料炮製，絕不是找來味精充數。焗飯收$37，比一般碟頭飯和午餐要貴。但水準不低，味道誘人，比起美都，就個人而言，更覺好味。進餐期間，正播放國家隊摘下第一金（女子48公斤舉重），如要頒獎，這個焗豬扒飯，也值得來個金牌！

來到西環, 梗係要試下聞名中西區的焗豬扒飯啦, 食午飯時候來到, 都幾多人, 呢度的環境都係一般茶記咁, 衛生麻麻, 有樓上雅座咁....我就上左閣樓坐低 ,即刻叫左個呢度最出名的焗豬扒飯($38), 呢個係散叫, 無套餐, 不過都送左個雜菜湯, 呢個類似羅宋湯的湯好足料, 不過就無咩肉味, 應該落左好少, 甚至係無落牛肉去煲...仲好清清地, 唔駛咁肥膩等左十幾分鐘, 飯終於送到, 飯已經由廚房倒左上碟, 賣相當然無咁靚, 但份量卻十足, 應該夠2個女仔食, 聞落去同睇d色水, 應該都幾對版, 首先食一件豬扒, 係炸過再淋汁先焗, 但豬扒仍熱同少許脆口, 無一般餐廳 '林'晒的通病, 算係唔錯, d汁酸酸地, 配上粒粒分明乾身, 而且唔油的蛋炒飯底, 開胃非常, 唔怪得咁多人推介, d街坊都叫來食茶餐廳有咁嘅水準同誠意, 實在難得, 如果行開西環咪試下囉!! 都幾好食架, 就係出名的源記附近, 好易搵架!!

行山到西環後就係黎正街搵食看過某期飲食男女後念念可忘, 決心必食 5:30 開餐 二話可說: 焗豬扒飯 2 客 送餐湯 $33 紅湯2 客 : 比出面飲開既例湯大3份1 size 油份不多, 料多但飲到最尾都唔覺有肉, 減了肥膩感, 但叫菜湯會比較合適 酸甜度也合我意呢 由於係即制, 主角於等了 15 分鐘, 千呼萬喚此出來, 喂…點解唔係原個上架, 影出黎唔靚架…老細…. 不過倒左.. 失策, 下次醒小小啦 飯底果然好野, 雞蛋炒飯, 頗干身, 絕不油 90分豬扒 : 用麵包行炸過, 肉質保持一份肉汁, 外 x 內 x, 約有6-7 塊, 真係啖啖肉, 名不虛傳, 絕不比 吉列豬扒店遜 80 分 得一個缺點就係, 茄汁太小, 亦唔夠酸味, 失左靈魂 -扣 10 分如果改差就係一個傳說中既焗豬扒飯啦 細食既女仔最好shape, 真係好大碟

其實聯華正正就係自己屋企附近,但鮮有機會先去食一次,因為一來女朋友唔太喜歡,二來本人好少係西環區既茶餐廳坐低嘆茶食飯,但話說早一兩個星期,有日女朋友補假唔使返工,我LUNCH時就返黎西環同女朋友決定去聯華食番個LUNCH...我叫左個洋蔥豬扒飯SET LUNCH,之後女朋友就叫左個麵餐....羅宋湯太淡,還以為有種老派茶餐廳的味道,不過蔬果仍很足料....豬扒飯上檯,一陣濃郁的美極味,本人食落都覺得不俗,而且豬扒真的一流,咬落啖啖肉,而且唔會太硬,味道亦唔會因為落得太多疏打粉去醃而變味...隨後,女朋友跟餐既一份油多,亦都唔錯,烘得岩岩好,不過略嫌牛油搽得唔夠多....其實我已經去聯華好幾次,但一直都冇機會試焗豬扒飯,點解?因為佢冇跟餐,要嗌一定要散嗌,咁咪唔抵!????哈哈...不過下次去,一定會試....

又經網友介紹另一間茶記，原來就是出名糖水舖隔離，單看這個門面已知是老店，室內地方闊落，樓上雅坐，更是舊式茶餐廳的標記，還有小貓走來走去「招乎」客人。山長水遠來到，當然不可不試招牌焗豬扒飯，焗後將飯下碟才上枱，豬扒及炒飯份量很多，豬扒已切成長條狀，可想而知那塊豬扒很大塊，肉厚又鬆化，很難得的是炸豬扒仍然保持口脆，其中有幾件較燶的，更加滲出焦香。炒飯不算太爽口，幸而蕃茄汁不會太糊口，免得令到炒飯更加濕。其實那碟飯只足兩人6成飽，初時有點後悔多叫了一份的蛋牛治。當食落的發覺沒有叫錯，三文治的饀料豐富又熱辣辣，雞蛋有蛋汁之餘，鹹牛肉亦經過炒香。而即沖的奶茶非常燙口，可惜唔夠濃香。

吳去源記，都吳知這裡出名豬扒飯，即刻就黎試一試。晚飯半滿人，算可以了，即叫即做，要等二十幾分鐘；一望，嚇一跳，好大碟飯，38元包有湯，好抵啦。豬扒果然好食，局得微焦，外脆內又軟，粉不厚剛好，飯是炒飯底，過得去拉；唯一差一點是沒有菜，應算是增肥餐。吃著吃著，不覺已用茄汁撈左成碟飯，可想而知幾正。現叫現局，誠意是有的，仲好大碟。