聯華茶餐廳

營業中

休息中

專登坐車去西環食源記甜品，之前順便過來這裏試其焗豬扒飯($37)。幾檯客都是點了焗豬扒飯，齊齊等了至少十多廿分鐘。雖然早看過食評，但看見勁大碟飯送上時仍有驚喜感。豬扒已去骨切件，炸過的表面香脆，肉質鬆化而厚度適中，炒飯不油亦不「立」口，難得沒有膩滯感覺，如果焗到有些少焦就更好。另叫的茶餐(牛油餐包、火腿奄列、叉燒湯麵及奶茶 - $24)就麻麻：不是熱的餐包難有好感；叉燒看上去又瘦又鞋，雖然食落不算差，但個湯得個鹹字；幸好奄列香滑，奶茶也夠濃滑，無損整體滿意感覺。是日國慶賽馬，開跑時老闆、侍應與食客打成一片，嘻哈論馬。這種舊式茶記特色，有時又覺得幾親切的。