聯華茶餐廳

營業中

休息中

其實聯華正正就係自己屋企附近,但鮮有機會先去食一次,因為一來女朋友唔太喜歡,二來本人好少係西環區既茶餐廳坐低嘆茶食飯,但話說早一兩個星期,有日女朋友補假唔使返工,我LUNCH時就返黎西環同女朋友決定去聯華食番個LUNCH...我叫左個洋蔥豬扒飯SET LUNCH,之後女朋友就叫左個麵餐....羅宋湯太淡,還以為有種老派茶餐廳的味道,不過蔬果仍很足料....豬扒飯上檯,一陣濃郁的美極味,本人食落都覺得不俗,而且豬扒真的一流,咬落啖啖肉,而且唔會太硬,味道亦唔會因為落得太多疏打粉去醃而變味...隨後,女朋友跟餐既一份油多,亦都唔錯,烘得岩岩好,不過略嫌牛油搽得唔夠多....其實我已經去聯華好幾次,但一直都冇機會試焗豬扒飯,點解?因為佢冇跟餐,要嗌一定要散嗌,咁咪唔抵!????哈哈...不過下次去,一定會試....