聯華茶餐廳

營業中

休息中

豬扒在很多人心目中很多時侖為配角，看!牛扒多幸福!永遠受歡迎的程度都是跑贏雞、鴨、鵝、猪、羊......但近年來，雞己成為後起之秀了，看!泰國人海南雞飯就像7-11連所店，"緊有一間係左近"。至於豬嘛!正努力地超雞趕牛改變其下價的形像，見牛也可分等級，自己也不甘示弱，甚麼黑豚肉呀!黑毛豬呀!也在近年努力地爭上位希望能進級成為上等豬。平時甚少留意豬，但眼見近年豬己改善其形像，於是專乘來到聯華茶餐廳，目的就是要看猪的形像改善了多少?首先，為了能拍得到豬扒脆卜卜的大特寫，所以放棄了吃焗豬扒飯而選取了吃吉烈豬扒，目的只是不想蕃茄汁令到酥脆的豬扒變稔，更重要的是不想讓淋上面的蕃茄汁影響了拍攝出來的效果，這樣做才能將最脆最juicy的一面展示給廣大食評家監賞。在豬扒還末上桌前，回望四周，像走進六七十年代的茶餐廳格局，"唔!很有黄家偉feel"其實自已一向很不喜歡坐的位子下面放了一箱箱雜物貨，但此處倒沒有。老公是貓癡，他看見此處的貓行來行去，單是上落樓梯已不知上落了多少次，他看得很是雀躍。當貓兒經過時，他喜歡用腳左檔貓兒的去路，真是可愛得很。說回上了桌的吉烈猪扒吧!外層的麵飽糠酥脆，最難得是吃到最後

係一間六,七十年代既舊式茶餐廳裏竟然要用$37黎食一碟焗豬扒飯,重要唔包野飲,果然係非一般!!!飯夠晒大碟,比較細食既可以兩個人share都得豬扒食落夠鬆化,皮夠脆d汁本身都好夠味,不過就唔係好夠多黎撈飯雖然價錢比較貴,不過都幾好食...冇估錯應該係即叫即做,咁樣就夠晒新鮮本來想上閣樓坐,但係果晚無開到...想一嘗居高臨下既感覺既朋友們就要try下其他時間啦

由於工作嘅關係，阿K經常都要穿梭各區，所以佢會特別留意各區嘅特色食肆。前一陣子佢聽見我講「美都」食「焗骨飯」嘅經歷之後，佢同我講話响西環「正街」一帶發現咗一間舊式茶餐廳，「焗豬扒飯」都幾出名。既然呢期食得多焗飯，我諗不如就嚟一個小小地嘅焗飯巡禮，睇吓邊間餐廳能夠脫穎而出。是晚胃口不大好，所以我同阿K一齊食一客「焗豬扒飯」，我再加一杯熱奶茶。豬扒嘅份量都幾多，吉列皮仲未比焗汁整淋，仍維持香脆狀態；肉質本身鬆軟，但有點人工味道，我想可能係「梳打粉」作祟。老實講，香港有邊幾間茶餐廳唔用「梳打粉」整鬆肉扒呢？幾希矣！至於飯方面，水份嘅控制稍欠火喉，令到個飯偏濕同埋淋，我覺得乾身些少會好啲。奶茶滑但係唔夠茶香，唔駛問阿貴，一定係用「立頓」茶包去沖茶嘅。講到飲奶茶，我唔係「精」，而係「仙」(說笑而已)。一客「焗豬扒飯」三十六蚊，如果唔太計較嘅話，此焗飯可以滿足你嘅要求。

一入聯華，就竄上蛇竇：「典型閣樓」在七十年代已開始倒數。快餐一點也不快，但有專人捧餐（靚姐一手飯，一手湯加餐茶，行樓梯捧上來）：「吉比打豬柳飯」，跟「金必多湯」、「瑞士雞翼」一樣，是港式豉油西餐。西湯的羅宋湯，有濃濃的洋蔥、忌廉，竟跟豉油西餐廳的紅湯看齊；吉比打汁，比蕃茄洋蔥汁還要甜- 不可能只因那幾粒提子乾作祟吧；兩塊大豬柳喻作去骨豬扒更為貼切- 如港式焗豬扒飯一樣，用鬆肉粉massage 過的。正有如斯品評時，瞥見牆上雜誌報道云云「吉列豬扒炸得香脆，食落是新鮮貨色」…（幸未見「蛋炒飯食落是新鮮貨色」）不過有時都幾informative 的：至少知道為何奶茶那麼淡（黑白淡奶+ 有Lipton 紅茶的茶膽）。典型閣樓不同一般閣樓，可以居高臨下的看茶餐廳的格局、形勢，夠哂PTU - 尤其是被一班仍在吞雲吐霧、貌似古惑仔的幫辦圍住的時候。

好耐冇寫食評,最近有個新開始,人都開心d.. 呢次山長水遠專程過海走去西環食晏,為o既係一個朋友個朋友介紹俾朋友食但又食唔晒o既焗豬扒飯..好開心, 又搵到一間比較舊o既餐廳, 雖然個名冇冰室兩個字, 但d格局就十足十老牌冰室咁, 有樓上雅座. d欄河都舊過人, 好好feel..再睇個餐牌, 好多都唔知係乜,唔係度度都有.. 一入到去, 滿晒人, 唔理咁多沖上樓上, 一個人都冇, 非常好, 但亦冇人理, 要自己跑番落樓下order野, 一個焗豬扒飯, 一鴛鴦, 一奶茶... 奶茶好滑, 加埋個厚身茶杯, 正宗香港奶茶.. 個焗豬扒飯仲以為係好似大家樂咁成個焗飯咁上, 唔係, 佢將個飯倒上個鵝蛋形碟上, 滿晒... 好大呀.. 好味道, 好多豬扒, 又稔, 個吉列皮仲脆... 個飯因為我好開心, 已經唔太記得個味點, 總之好味喇.. 一路食一路傾, 坐左成半個鐘, 太飽, 冇得食甜品.. 但好好feelo既香港茶餐廳. 仲有仲有, 一路食, 一路有好多人上樓上雅座.. 走時都好多人.. 星期日都咁多人, 唔少野...

20070203無暇午餐，忙完了餓得來胃口又不甚好，黃昏五點鐘時間，竟然想吃麥皮。想來想去屋企附近也無甚他選。鮮奶麥皮作價15元，略貴過牛奶麥皮1元。店家用了一隻廣口淺碗墊一隻碟子來上，又奶多麥皮少，稀稀的，所以端上來的時候感覺像貓咪食物：P沒有加煉奶，我又不愛加糖，是完全的原味。總的來講感覺一般。Honey要了一個快餐，免翁鴦扒，跟意粉、湯及餐茶，只收23元，確實很抵。出品就屬典型的茶餐廳式西餐，豬扒牛扒各一件，大大份，上面淋的洋蔥汁有些過多過稠，要刮開一層才可入口。時間問題，人並不多，店裏的氣氛格外悠閒些，偶爾有幾個相熟的街坊過來吹吹水，看看電視，令我這樣的“外人”也覺到幾份溫情：）

先聲明, 焗飯一向不是我那杯茶.尤其焗豬排飯,無論什麼情況, 我, 一個人, 永遠幹不掉一客.宿命般的疏離.舊區覓食, 眼光總有意無意間,落在懷舊茶餐廳的地磚上,要趕在市區重建的烏雲密布來臨前,儲一點回憶.樓上雅座並不太雅,有一小窗戶,兩塊玻璃,想起"熱狗"巴士樓下後座.牆上貼著"飲食男女",主打照片是一客豔麗焗豬排飯.賣相還不錯.破一次例吧.有湯送, 要羅宋.飯來, 並不如照片中,放在圓砵裡,打了折.飯不太乾, 但也炒得不夠香.肉呢, 外脆, 內嫩滑, 不俗.味道全來自汁, 好傳統, 一個字, 膩.無言的結局, 60%送到紅膠筒.

叫左個外賣快餐, 鮮茄龍利柳,唔記得同佢講飯定意粉, 佢比飯我, 其實我想要意粉, whatever,好西/中湯, 揀左中湯西洋菜, 睇某雜誌話佢冇味精, 我覺得有d呀...之後味道可以啦, 好正宗港式味,個檸蜜勁好味呀!!!外賣要加$2, 支持環保下次都係堂食啦

一間很有歷史的食店. 很有懷舊feel.價錢不貴, 幾大碟, 抵食. 食物款式算幾多.set lunch 只是一般.叫小菜較好.

呢度係一間好有人情味既茶餐廳, 個叔叔粗粗魯魯但好好人, 食野會請你飲大大碗西湯唔收錢, 仲好風趣~d 野食夠經典, 環境夠舊, 係一間令人想坐耐d既好餐廳!

身為街坊經常光顧早點，通常是麥皮餐或者通粉蛋治餐。蛋治熱騰騰彷佛蛋汁快流下來，奶茶亦香濃，十七大元都算經濟，絕對是週末早起的推動力。

哈哈，睇怕都幾十年歷史，有樓上架。我最鍾意佢既豬扒焗／會意粉，好大碟，豬扒同意粉都好香口，有咬口唔會淋bei bei，好多一舊舊蕃茄tim，好好味。另外d常餐都唔錯。

今日來吃午飯，米睇佢間舖舊舊地，但午市都算幾多人幫襯，之前幾次都試過不得其門而入，一個人搭檯是方便好多，好容易就有位。見周圍的食客不是叫會意粉就係叫午餐，就叫了個蓮藕腩仔飯的午餐。湯是羅宋湯，味道一般，普通港式茶記貨仔；蓮藕腩仔飯碟頭唔細，蓮藕唔算好腍，但腩仔就是五花腩，肥肉廋肉相間，味道唔錯，加上南乳汁送飯幾適合。連熱咖啡一杯價錢只23蚊，幾經濟，唔怪得咁多人。食完仲可以過隔離源記整番碗桑記生蛋茶添！