聚豐燒鵝小廚

營業中

休息中

聚豐燒鵝小廚 (元朗)元朗橫洲路9號朗晴邨青朗樓地下1號舖大排檔風味的小店已經買少見少，難得在元朗找到一間有鑊氣小菜店，可以約埋三五知己來飲杯。餐廳就位於大橋街市附近，經過時也很容易找到，裏面加個光猛整潔，坐得舒適。豉椒咸菜鵝腸$88鵝腸熱辣辣上桌，香氣四溢，新鮮鵝腸條條都帶厚脂膏，油脂滿滿十分吸引，豉椒帶甜絕非死鹹，配上鹹菜風味十足，鵝腸越嚼越出油脂甘香，鵝油佈滿整個菜式。金沙 九肚魚 $98外脆內軟且能保持魚的鮮味，這個菜式十分推介！一定要趁熱食。金黃色的造型十分吸引，每條九肚魚外層都被蛋黃所包裹着，滿滿的鹹香味在口腔仲迴盪。能夠揸得外皮香脆，粉漿不會太厚，內裏的九肚魚鮮嫩可口，廚師工架十足。腰果大蝦仁$98西芹炒蝦仁旁邊配上香炸的腰果，蝦仁大大粒，爽口彈牙的肉質，明顯非常新鮮，果仁除了香口外，還富有豐富蛋白質，西芹爽脆。這道菜式不單止營養豐富、口感爽脆，還有就是很適合老人家和小朋友食。Hoegaarden$40食香炒小菜，又怎能夠少了啤酒呢？所以點了一支Hoegaarden大大知自己一個飲係飲唔晒。

食評，睇就多，寫真係第一次😌因為朋友開既，點都要支持下💪💪話晒疫情😷下仲開舖，堅係勇氣可嘉👍🏻🤣今次已經係第三次幫襯，雖然係朋友，不過如果食物唔得，都唔會一家大細黎完又黎😄今年冬至飯仲要長輩們提議去聚豐🍽️😆😆😘晚飯無加一係長輩們好like既因素之一🤣🤭（可以慳到碟叉燒架）兩年無出街食冬至飯，今年難得就食得豐盛少少喇。因為海鮮都係大人鍾意食，小朋友臨場想食咩又再加點，反正過冬想食咩都無問題😉😉燒鵝，叉燒，燒腩，雞，乜叉都叫一餐🤣🤣⋯⋯重點，係13個人乜叉都食晒🤣🤣🤣

朗晴邨呢邊開左間新小炒店，見唔少谷友推介，就過黎試下佢。店內不大，但氣氛很熱鬧，店員同食客都有說有笑感覺唔錯喎。店員送上熱茶同qr code，可自己落單好方便👍🥢豉椒咸菜鵝腸一上枱已聞到香噴噴，豉椒味勁惹味，鵝腸有咬口，吸飽醬汁好正。🥢椒鹽鮮魷併九肚魚又想食鮮魷又想食九肚魚，咁就整個雙併啦！超香脆，椒鹽下得多好夠味，鮮魷有彈牙，九肚魚嫩滑，兩樣都好食。🥢椒鹽自家製雙層豆腐嫌唔夠香口野，整多碟椒鹽豆腐！呢度個豆腐好得意，雙層雙色，好睇又好食，外脆內軟，推薦😋🥢蒜蓉炒西洋菜太多重口味野？咁就整碟菜啦，叫左蒜蓉炒西洋菜，大大碟重蒜香，西洋菜翠綠，好味好味。🥣杏汁白果燉豬肺湯最後仲整左碗豬肺湯，奶白色～味道濃郁，原汁原味呀，飲完暖笠笠好舒服。個qr code 落單介面真係要讚下，好易用，又多選擇，想點客製化都得，就算幾部電話一齊log in個code又得，對方仲即時睇到落左咩單添，勁👏

聚豐燒鵝小廚 (元朗)元朗橫洲路9號朗晴邨青朗樓地下1號舖燒鵝例牌$130 今晚食燒鵝例牌，賣相靚，燒得脆卜卜嘅燒鵝皮，夾着一層薄薄透明嘅肥羔，甘香肉滑，多汁，好好食😋😋😋極力推介燒腩仔半斤$68 新鮮出爐嘅燒腩仔，香噴噴，熱辣辣，燒得皮脆肉香，啖啖甘香，肥瘦均勻，好入味，超好食，🥳🥳🥳水煮魚$188 大大盤嘅水煮魚，材料十足，大大件嘅雪白魚塊，嫩滑鮮甜，闊粉條，煙韌彈滑，蓮藕片，萵筍，芽菜仔，云耳，豆卜，酸菜，芫荽香芹，辣椒，材料豐富，味道好到冇得頂，必食👍👍👍羅漢果茶$23 夠冰凍，茶香濃，潤喉可口🍹🍹🍹菊花蜜$23清心潤肺，解熱毒，正😄

世宙樓下新開咗間港式餐廳，於是晚餐去試吓～🦑 椒鹽金沙鮮魷 $98外層炸得酥脆香口，內裡嘅魷魚口感彈牙，配埋鹹蛋黃醬，再點下豉油，好惹味🤤🐖 冰鎮脆脆菠蘿咕嚕肉 $118係招牌菜之一，咕嚕肉外脆內軟啖啖肉，冰鎮咗之後口感一流，而且份量好多；水果有菠蘿同埋哈密瓜，又甜又涼爽😋🦞 麻辣小龍蝦 $168大大盤都有好多隻小龍蝦，非常麻辣鮮香🌶️❗️肉質嫩口，仲有好多瓜作為配菜🥒🥤 汽水 $12食辣嘢所以要嗌凍飲，叫咗芬達。老闆同夥記嘅態度都好好，呢度啱晒一班人嚟聚餐👍🏻💯

放假同朋友去了踩單車去南生圍，之後落元朗食埋飯先返屋企，兩個人去了朗屏附近食小菜，6點都已經坐了8成滿。先叫了盅杏汁白果燉豬肺湯，杏汁味濃郁，湯甜且無味道，豬肺煲得夠腍而且無怪味。麻辣脆腸十分爽口惹味，麻辣味不會太辣，麻香味十足，還拌上爽口青瓜及雲耳。蜜汁叉燒要了半斤，以鐵板燒著上菜，不怕凍了影響口感，叉燒表面有蜜汁香沖味及帶焦邊，肥瘦均勻，肉質嫩腍。冰鎮脆脆菠蘿咕嚕肉一定要叫，咕嚕外脆肉嫩，用了梅頭豬肉，所以啖啖肉，酸甜又開胃。黑松露香檳脆蝦球有十件，超級大份又大體，炸脆粉漿適中，表面舖上黑松露，蝦肉爽彈。兩個人埋單都係三百幾蚊，十分抵食又好味。