聚豐燒鵝小廚

喺元朗附近做嘢就順便揾下有咩食店試下，見到有人話呢間啲梅菜蒸鯇魚幾滑（雖然佢餐廳名賣燒鵝），咁就試一試佢。入面係普通茶餐廳格局，一張大圓枱可以坐4～6人，繁忙時間有機會需要同人搭枱。入舖一坐低就唔多諗直接叫梅菜蒸鯇魚，配凍飲+$3，店員會主動問你想要咩部位，我就一定㨂魚腩，而個餐跟例湯，當日應該係椰子雞湯，都算夠味、唔似味精湯。大約10分鐘左右之後就上埋蒸魚，睇落條魚應該係即蒸，啲肉嘅口感係新鮮，唔似某啲餐廳一早蒸定、啲肉霉霉哋/嚡熠熠。食飯途中都有其他人叫蒸鯇魚，可能真係呢間舖嘅招牌菜之一。…Read More

好食先寫食評～放工番到屋企見電視播大排檔，即刻忍唔住要搵間嚟食！係OpenRice見啲相都幾四正，就揀呢間試下～晚餐叫小菜食，由伙記推薦開左支25年嘅青島😂🍺🍺燒鵝叫左個下庄，非常出色！豬油渣炒通菜，識叫一定叫豬油渣！豉椒炒粒花甲，好食冇沙，但有都幾隻冇開口🥲想加碟炒米粉，可以自選配料幫我炒，正宗大排擋人情味🙂‍↕️環境乾淨，有電視睇👍4個餸加支啤酒，埋單448，留港消費之選…Read More

元朗聚豐燒鵝小廚嘅小炒幾有鑊氣，而且價錢又唔貴，我同父母都鍾意嚟食🥰椒鹽九肚魚 $98九肚魚嘅外層煮得夠晒香脆，椒鹽嘅調味同佢配搭得好好！九肚魚肉質鮮嫩，令人食指大動😍金菇肥牛煲 $88金菇肥牛煲非常足料，底部仲有粉絲做配菜！金菇同粉絲吸收晒醬汁嘅精華，好開胃😉豉椒炒蜆 $98炒蜆堆疊成小山，蜆肉飽滿，仲完全無沙，咬落去仲即時爆汁，夠晒鮮味！姬松茸嫘片燉老雞湯 $48店家落足晒料，仲完全無味精，有媽媽嘅味道！…Read More

是日想食下小炒，到左朗晴邨的聚豐，呢間小炒夠鑊氣，仲有靚燒味添。八點左右黎到，食客都幾多，好幾圍大枱好不熱鬧。⭐鯪魚赤小豆粉葛燉脊骨湯本想叫白肺湯，但賣曬🥲轉叫粉葛湯，湯頭濃鬱鮮味，湯料煲到軟腍，好好飲，可惜份量太少了，唔知有無大煲叫？⭐涼瓜炆倉魚倉魚好大條，肉質鮮味有咬口，醬汁調味不錯，涼瓜爽口🤤⭐蝦醬炒通菜大大碟菜正呀！蝦醬鮮味，濃味野特别啱送飯。⭐炸大腸最後就係香口野，屋企難整嘅餸梗係要出街食，炸得好香脆，大腸煙韌有嚼勁，下層菠蘿鮮甜，好食🤤⭐白飯大大碗熱辣辣😋啲餸真係得，大碟又好食。…Read More

叫左聚豐薏味包魚炆雞煲（半隻）小辣 ，鮑魚炆雞煲的雞肉好嫩滑，味道濃郁，裡面嘅鮑魚小小隻，好可愛🤣🤣微辣嘅風味啱啱好，唔會太猛。煲仔嘅熱氣保持住整道菜嘅溫度，食落真係十分滿足。蜜盞薯仔牛柳粒幾香，口感柔滑，牛柳粒質感唔錯，整體搭配得宜，真係飯桌上塊好選擇呢！甜味同牛肉嘅咸香互相襯托，感覺幾家常。通菜清淡可口，口感清脆，讓整餐唔至於太油膩，補充咗其他菜嘅豐富味道，食上一口都覺得清新舒服。呢道菜正正符合我對綠色蔬菜嘅需求。overall聚豐嘅環境簡單舒適，好合適同朋友聚餐，值得再來試一次！…Read More

呢晚嚟咗呢間喺朗屏站附近嘅餐廳小廚食晚餐🤣$78「豉汁蒸排骨」：加咗豆豉、香蔥、醬油嚟蒸排骨，提升咗排骨🐷嘅鮮味🤣$98「金銀蛋芥蘭苗」：「芥蘭苗」新鮮又爽脆，金銀蛋煮法令味道更好😋$198「筍殼魚（油浸/清蒸）」：要咗清蒸，「筍殼魚」非常新鮮，肉質好鮮甜兼嫩滑，加埋醬油芫荽就更加好味😋，而且呢條「筍殼魚」有好多魚肉🤣$52「貴妃雞飯」：「貴妃雞」幾好雞味🤣；配有勁多白飯，我哋將啲白飯撈蒸魚汁同埋蒸排骨汁再加埋魚肉又加埋芫荽蔥一齊食超級惹味🤩「貴妃雞飯」跟熱飲我哋要咗杯「熱檸水🍋💦」，簡單清新好飲🤣…Read More

~🔹🔹🔹🔹🔹🔹🔹🔹🔹🔹🔹🔹🔹🔹🔹燒鵝例牌燒鵝非常出色，咬落啖啖肉又多汁，皮脆肉嫩🤤絕對唔會有柴嘅感覺，亦唔會覺得好肥😋豉油王炒麵個炒麵好有鑊氣，夠乾身👍🏻配埋辣椒醬食好正，唔想食飯既可以叫黎試下😋梅汁芝麻骨呢個芝麻骨酸酸地好開胃，有外脆內軟嘅口感，一碟入邊份量都好多，啖啖肉😆啫啫通菜個通菜一嚟到有浸蝦醬味好香，加上仲有肉碎，同個通菜好夾，食落鹹香鹹香咁，好好餸飯😆🔹🔹🔹🔹🔹🔹🔹🔹🔹🔹🔹🔹🔹🔹🔹…Read More

今日凍冰冰同拍檔做嘢做到五點幾先食午餐。之前係元朗做野嚟過呢度食晚飯，好多特色小菜，好掂。今次過嚟食吓佢啲燒味。一入店，老闆娘即刻奉上兩杯熱茶，真細心。呢度出名燒鵝梗係要試吓佢，我叫咗個燒鵝飯。大大碟有圖有真相；燒鵝熱到有煙出，果然有料到。皮脆肉厚，既有咬口又唔會韌；配埋酸梅醬，一個字：正。拍檔就叫咗叉雞飯；叉燒有瘦有肥；又香又有咬口。切雞肉夠鮮甜；配埋薑蓉送飯；正宗靚靚廣東燒味。配埋兩個即磨咖啡；當堂人生充滿希望。…Read More

清蒸海金錢班首先，清蒸海金錢班真係一絕！魚肉鮮嫩，肉質滑溜，唔單只味道好，仲有那種海鮮嘅鮮味，搭配上師傅特製嘅蒸魚豉油，真係好味到爆！而且份量十分足，食完絕對滿足，性價比高得唔得了！薑汁炒芥蘭苗然後係薑汁炒芥蘭苗，呢道菜新鮮到不得了！芥蘭苗色澤碧綠，口感脆口，加上薑汁炒出嚟嘅香味，簡直係好味又開胃，分量都係唔少，配搭飯食真係無得輸。鹹蛋蒸肉餅接住係鹹蛋蒸肉餅，呢個真係我嘅心頭好！鹹蛋嘅香味同肉餅嘅鮮香融合，肉質滑嫩，食落去好有肉汁，份量足，都幾難得咁多肉，性價比高到唔敢相信！涼拌海蜇涼拌海蜇亦都好正，清清爽爽，海蜇新鮮得黎，加上特製醬汁，食落去酸酸甜甜，真係解膩好選擇，分量都唔少。總括而言，今日食嘅菜每一樣都超新鮮，份量夠又性價比高，真係一個好滿意嘅用餐體驗！下次一定再嚟！…Read More

呢間位於朗晴邨的小店，充滿人情，味道很似家常菜，無味精。中午點兩個午餐，由$54 起梅菜蒸鯇魚 $58鯇魚肉質鮮嫩，蒸得恰到好處，魚肉入口即化，完全沒有腥味。梅菜的鹹度適中，不會過於搶味。口感滑嫩，非常驚喜。雪菜肉絲炆米 $54充滿了家常風味，米粉吸收了雪菜和肉絲的精華，口感軟滑卻不失彈性，肉絲的份量也相當足，非常飽足的主食。紅豆冰 跟餐加$3紅豆煮得軟糯綿密，甜度適中，不會過於甜膩.鮮牛油煉奶奶多士 $28多士外層烤得金黃酥脆，內裡卻依然保持鬆軟。牛油搭配煉奶的甜潤，口感豐富而不膩。價錢平民化，抵食，如果下次入元朗，都會再幫襯嘅。…Read More

今日同朋友去元朗行街，行到肚餓，就去附近呢間聚豐燒鵝小廚食小菜😍餐廳乾淨舒服，選擇都幾多！首先上枱嘅係鯪魚赤小豆粉葛燉脊骨湯，粉葛同脊骨嘅味道都好出，飲完之後成個人都暖笠笠，好適合呢啲天氣飲🥰魚香茄子煲嘅茄子煮得好淋，魚香味道好濃郁，夠晒惹味開胃。再嚟就係椒鹽九肚魚，九肚魚炸得外脆內嫩，椒鹽味好香，好適合送飯😛；蜜餞薯仔牛仔粒嘅牛仔粒煮得好淋，蜜餞味道甜甜哋，同薯仔好夾。最尾食完咁多嘢，飲返杯凍檸茶真係好爽！…Read More

今日同媽咪去聚豐燒鵝小㕑食晚飯，發現佢哋啲小菜都幾抵食，價錢唔貴，而且質素重好高，非常有驚喜👍🏻冰鎮脆脆菠蘿咕嚕肉賣相一流，新鮮煮好的咕嚕肉放入冰塊入邊，令外皮急速冷卻，酸甜的醬汁在咕嚕肉外形成保護層。一咬落去，外脆內軟，無得彈，加埋新鮮菠蘿，可以餸好多碗飯🤣椒鹽九肚魚炸到好乾身，魚肉仍然保持鮮嫩，加上椒鹽粉嘅加持，非常惹味😋蒜蓉開邊蒸海蝦海蝦大大隻，肉質鮮甜，加上蒜蓉嚟蒸，提升了鮮味，好食到聽唔到口。咁多好嘢食，一定要飲返支陳皮檸檬茶，清熱消滯，咁就非常之圓滿啦。…Read More

大西北人士有福了，就在朗屏地鐵站步行幾分鐘發現了一間用心經營小廚，老闆新年都唔放假，係食客嘅福音，店員十分友善親切有人情味。🥰🥰我們點了幾款招牌菜🥢🥢豉油王海蝦✨✨豉油王海蝦十分新鮮，先用煎炸方法把蝦煮熟，再用特製嘅醬料去炒香大蝦，香噴噴，十分惹味，送飯一流。冰鎮脆脆菠蘿咕嚕肉✨✨菠蘿咕嚕肉為小廚必點之選，採用特色的烹調方法，先用咕嚕醬汁把排骨煮熟，再用大量嘅冰塊令咕嚕肉入口外脆內軟，配上新鮮水果菠蘿，中和了咕嚕肉的油膩感。海味雜菜煲✨✨海味雜菜煲為清淡之選，用幾款不同的時令蔬菜，加入蝦仁，魷魚及鯰魚腩，上菜時熱辣辣，有鑊氣。…Read More

朗屏人情味小廚今晚屋企冇煮飯，同屋企人去咗附近一間聚豐燒鵝小炒，招牌燒鵝、雞煲、羊腩煲。未夠六點已經可以見到街坊聽緊偈等開飯見到呢一款特色小食唔係度度可以食到，就係麻辣魚皮！一上枱已經見到滿滿一大碟，每一塊魚皮都超爽脆彈牙.配搭滕椒既麻辣味食到返唔到轉頭！仲有花生木耳生菜拼搭出唔同層次口感天氣凍，最好就係食吓煲仔菜，今次試咗佢哋嘅魚香茄子🍆茄子入口軟滑，香辣中透著醋的微酸，茄子經過油泡油炸軟，忍唔住就食哂成碗飯！見到有推薦特色小菜酥炸桶蠔，每隻炸蠔體型都大大隻，炸蠔外皮炸漿薄身香脆可口，每一啖濃濃蠔味！食哂成餐落嚟都係人均200！好抵食！聚豐燒鵝小廚元朗橫洲路9號朗晴邨青朗樓地下1號舖…Read More

📍 聚豐燒鵝小廚 (元朗)元朗橫洲路9號朗晴邨青朗樓地下1號舖 👉 蒜蓉粉絲蒸龍躉頭腩💰148😋😋😋😋.9/5蒸龍躉頭腩真係一絕！蒜蓉香味濃郁，粉絲吸收咗魚的鮮味，口感滑嫩。龍躉肉質鮮美，搭配蒜蓉更添風味，實在令人回味無窮。👉 韭菜花炒蝦仁鮮魷💰108😋😋😋😋.8/5韭菜花炒蝦仁鮮魷色香味俱全，蝦仁鮮嫩，鮮魷口感彈牙，韭菜花的清香襯托出海鮮的鮮味，清爽可口👍🏻👉 蜜盞薯仔牛柳粒💰128😋😋😋😋.8/5蜜盞薯仔牛柳粒是一道甜中帶鹹的菜。牛柳粒煮得剛剛好，外脆內嫩，薯仔吸收了蜜汁，甜味適中，口感豐富，令人一口接一口👉 陳皮檸檬💰12😋😋😋😋.7/5陳皮檸檬飲品清新解渴，陳皮的苦香和檸檬的酸味完美結合，帶來一種獨特的風味，特別適合飯後消食，令人神清氣爽👉 竹蔗茅根💰12😋😋😋😋.7/5竹蔗茅根湯是一道健康的飲品，清甜可口，對潤肺去熱有一定的功效，喝上一口感覺舒爽回頭: yesyesyes，總的來說，這些菜式各有特色，有鑊氣，無論是風味還是口感，都令人感到滿足。而且員工態度親切有禮，是一頓非常愉快的用餐體驗！…Read More