老闆火鍋冰室

營業中

休息中

元朗一向美食多，火鍋店亦唔少，今次行過比呢間吸引住，皆因裝修設計好有心思，估唔到食物都有驚喜！值得回頭之選。環境設計都幾有特色，符合返冰室主題，有好多懷舊嘢，顏色以綠色為主，就有啲好似學校嘅感覺，都坐得好舒服。餐牌唔止火鍋，仲有雞煲可以食，不過今日我哋就食火鍋，而佢亦有普通茶餐廳嘅食物。 胡椒豬肚鮮雞鍋(半隻) $138近來食火鍋多咗食啲滋補嘅湯底，可能隨着年紀大啦，都要補下身🤣揀咗呢款胡椒豬肚拼鮮雞嘅湯底，有驚喜，因為十分足料！雖然係半隻雞，但係好似食極都食唔完咁，雞件都帶有胡椒豬肚嘅香味，亦都有好多豬肚，件件都大大件，湯頭雪白色，皆因都熬左8小時！推介呢款湯底，老少咸宜。美國雪花肥牛(小) $108 高質牛肉， $108有咁大盆，可以見到雪花嘅紋路分布非常之平均，每件都大少少嘅肥肉，配上胡椒豬肚鮮雞湯底，豬、雞、牛三者合併，夠哂血氣！芝士手打牛肉丸及手打流心鹹蛋豬肉丸(各半份四粒) 各$28好欣賞呢度嘅丸類可以半份咁嗌，唔使下下食咁多粒，又可以試多啲唔同嘅款式，揀咗兩款都有餡料嘅丸，芝士手打牛肉丸咬口唔錯，芝士如果多啲就更好，而手打流心鹹蛋豬肉丸，以為釀左鹹蛋會好鹹？又唔會喎，比例

嘩！唔經唔覺真係好耐冇打過食評，有成半年因為真係好耐冇出街食，最近疫情算係緩和咗，久違嘅出街打邊爐，揀咗呢間裝修設計可以打卡嘅餐廳。餐廳內外設計都幾有特色，符合返冰室主題，有好多懷舊嘢，顏色以綠色為主，就有啲好似學校嘅感覺，都坐得好舒服。食物選擇唔止火鍋，仲有雞煲可以食，不過今日我哋就食火鍋，而佢亦有普通茶餐廳嘅食物。 鹽香脆炸魷魚鬚 $48未打邊爐之前嗌左款小食， $48好抵食，炸粉好薄，魷魚鬚亦都唔會呃秤，做餐前小食啱晒。 胡椒豬肚鮮雞鍋 $138 (半隻) 眾多款湯底就揀咗呢款胡椒豬肚鮮雞鍋，唔好以為半隻好少，食到最尾啲雞都仲未食完咁，湯底好濃郁，店員告知原來熬足8小時以上，唔怪得咁濃味啦！胡椒味突出，豬肚亦都好多件，唔會有內臟嘅腥臭味，呢款鍋底夠晒滋補。極品安格斯牛頸脊 $198 (小) 打邊爐又點少得叫牛肉呢？因為想食多啲款式，就冇叫拼盤，而嗌左呢款牛頸脊，睇色水就知道係靚料，色澤紅潤光澤，每一件分布均勻，咬落有嚼勁冇渣。手打流心鹹蛋豬肉丸 $28(四粒) 比較少見嘅款式，入面釀左鹹蛋，配豬肉丸有幾夾啵。芝士手打牛肉丸 $28(四粒) 要留意煮嘅時間，否則煮耐左入邊嘅芝士就

<<Thursday Couple 尋食記👣😋>> 今日去咗睇戲，好想整返個雞煲，所以同男朋友去咗呢間老闆火鍋冰室，見到好多評論話啲食物質素好好，所以嚟試吓啦❤️呢到好有懷舊嗰種冰室嘅感覺，格仔階磚，三葉風扇，霓虹燈，都好有feel，而且侍應嘅服務非常之好，好有禮貌👍🏼🤙🏼人越大覺得食嘢除咗野食質素之外，服務同埋環境都係好重要！呢間野就真係俾咗個好嘅印象我👍🏼👍🏼👍🏼我哋叫咗個鮑魚雞煲試吓！佢哋啲鮑魚如何！🥳一打開已經聞到好香嘅麻辣味，仲有花辣八角嘅香氣!!😚😚😛餓了！一眼就見到唔少鮑魚係個煲到，好似有成四五隻😂😂🤣佢用嘅係新鮮嘅鮑魚，同好林！個雞煲，我哋食落去發現佢同一般嘅麻辣雞煲有啲唔同，好似冇咁多味精感覺，比較柔和啲，但係佢又夠濃味喎，所以我同男友都好鍾意呢一個雞煲，停唔到口！連雞翼尖都食埋😂😂同出邊嗰啲真係好唔同，起碼唔會食完覺得好口渴，加上佢啲雞好嫩好滑，落咗好多花椒同八角，令到成個雞煲提曬味，足料！唔馬虎！同埋真係估唔到佢呢個價錢都比到咁多隻鮑魚我哋🤣🤣😂好抵食！☺️☺️🥰超級香，薑，蒜，八角，花椒，洋蔥乾蔥，辣椒，所有香料！正 🥰食完個雞同鮑魚，

元朗食嘢真係好多選擇😃呢兩日凍返少少又想打下邊爐，朋友提議想試下新嘢，呢間大家都未試過，見佢新裝修，懷舊茶餐廳feel。行完千色過到嚟7點左右，唔洗等位。好多湯都想試🙈唔想食太辣，想保守啲試下豬骨。最尾揀咗胡椒濃湯豬骨窩一嚟到已經嘩一聲好香豬骨味，聽店員講係用新鮮材料煲足八個鐘🤭煲滾咗嘅奶色好正有勁大舊豬骨，有雞腳、粟米、冬菇、紅蘿蔔好足料😆湯料好好食鐘意品嘗大豬骨唔好錯過😌店員推介安格斯牛頸脊👍🏻冇介紹錯，靚牛好好食☺️叫左份細嘅份量都好夠兩人食草莓熱情果梳打好好飲熱情果加草莓一酸一甜好夾😊我哋兩個人叫左三杯。推介👍🏻芝士墨魚丸黑豬肉呢間嘅職員服務好好不時望下個煲會幫我哋調整火嘅度數👍🏻我哋可以專心食嘢😀夜晚打邊爐又多個選擇😊

No matter come with a group of fds or with yr beloved one, it is suitable 👍🏻☺️The environment is different from other 火鍋/雞煲 restaurants. This is clearer and more comfortable 👍🏻 the waitresses are polite ☺️We ordered ,胡椒豬肚雞（有半隻架！）湯，more than enough , just cost $138Half dish of 牛脷托～will not be too heavy and fat, suitable for girls 😛 the flower 🌸 decoration is beautiful too豚肉～ very fresh Octopus 🐙my favorite as I love eating seafood 鮮蝦滑～配上蟹籽very delicious 🤤 wanna re-order!!!鯇魚片， 好快熟👍🏻👍🏻👍🏻Overall, I g

經過呢一個疫情，真係少咗出去可以晚市食野，今次終於放寬啦，梗係出去慶祝吓啦。呢排天氣涼涼地，咁你走去食雞煲火鍋啦。今日約咗朋友去咗元朗一間嘅雞煲冰室食雞煲^_^。入到去個環境充滿咗香港嘅懷舊特色，喺眾多鬧市之中非常突出！最重要環境衛生都好好，好乾淨！好啦事不宜遲啦，肚仔餓啦！餐廳嘅餐牌有好多種類，有火鍋🍲湯底，配料同雞煲啦啦，有唔同嘅小食小菜，都有唔同嘅特色飲品。價錢相當唔錯！嘩！仲有花膠啊花蟹啊同埋鮑魚添！今次帶咗特別開胃嘅重慶酸辣雞煲～重慶酸辣雞煲好味指數：10/10可以講嘅係，餐廳可以話係落足材料！我地左半隻，但係啲雞肉好厚身，好多肉～所以你哋要煲來啲，因為啲肉厚到未咁快熟！店員服務非常之好，幫我哋去烹調同攪拌均勻。淨係睇見都流口水🤤啊！好啦終於完成咗啦，即刻夾幾塊嚟食，入口完全多汁入味，又唔會完全蓋過雞肉嘅鮮味～啲雞皮薄，無乜脂肪，肉紮實鮮嫩，最重要嘅係啲配料：洋蔥🧅，蒜頭🧄，蔥都非常好食😋！仲有我哋食咗好耐一直都唔覺得好頸渴！自己食過咁多間餐廳個雞煲，呢間係元朗裏面係數一數二，非常推介大家去食！我哋都叫咗好多唔同小食！泡椒無骨鳳爪好味指數：8/10除咗主打嘅雞煲火鍋之外，小食

和朋友慶祝生日，到朋友居住的元朗區吃雞煲打邊爐。先點了半份重慶鮮辣雞煲，分量比想像中大，兩個人非常夠吃。雞煲遷就朋友點了超小辣，果然不太辣，仍然很香口惹味。雞肉很嫩滑，啖啖肉配上醬汁，還有煮腍了的洋蔥和大蔥，伴着吃更滋味。吃過雞煲就加豬骨湯加邊爐，滿桌火鍋配料吃得非常過癮。點了一份大的美國雪花肥牛，很有驚喜，質量比預期高，雪花均勻，一大碟讓人賞心悅目。手打四寶丸賣相別緻，當中以牛丸和墨魚丸最為出色，味道香濃，質感彈牙。必試手打鹹蛋豬肉丸，每粒都有一大粒鹹蛋黃在中間，令口感和味道更有層次。雲吞皮薄餡靚，每隻都很飽滿，雲吞餡的蝦肉很大隻，帶鮮味。豬大腸沒有腥味，入口滑嫩，朋友很愛吃豬大腸，吃得很開懷。粉腸也是爽口不會韌，愛吃內臟必點。粟米和山根都是打邊爐必點之選，山根吸滿湯汁精華，粟米則是一早放入湯底，爽口清甜。蔬菜拼盤有不同種類，生菜白菜菜心等等都有，總有一款合心意。檸檬冬瓜茶清新醒胃，酸酸甜甜，打邊爐有一口冰涼的飲品中和一下特別舒服。

鮑魚又大隻又新鮮，火鍋湯底好足料，蟹肉又多又大隻，雞煲d雞又大隻，咬口勁似新鮮雞，完全吾似冰鮮果d，個底料又夠辣又足料，老闆好好客，如果下次再食一定會搵翻呢間食

住係元朗係幸福、去到老闆係食福😋呢到座位就算冇限聚都好寬敞，食物質素高，份量好足！今晚我哋撐枱腳，食咗個好傳統既小菜👉花菇花膠鴨掌蠔皇蝦子麵。佢味道用料非常出色，不得不黎openrice讚讚佢對做菜既認真同用心！👍花菇屬中size, 聞到菇香。花膠有厚度，質地黏實而軟。鴨掌不難整得好食，但佢實在太正，筷子夾起唔會甩頭甩尾，一入口就連皮帶肉滑嘟嘟咁啜哂出黎，正到冇朋友😋😋，太耐冇食過呢個質哋嘞！蝦子麵粗粗的，見到點點蝦子㗎👍總之成個菜式有大酒樓質素，但價錢就只係一百頭咋！我哋仲叫咗兩個小食，泡椒無骨鳳爪同鹽酥雞軟骨。前者清辣、爽脆，愛辣一定喜歡佢。後者酥皮薄，同雞軟骨離身，所以會有兩個口感，唔係得啲粉痴住軟骨果款，香口抵食👍其實仲想叫好多款小食，見到好特別㗎，唔係周圍都有，所以決定下次一定再黎，仲要叫多啲朋友齊齊黎食多啲款式！

今日收工突然間心血來潮，想去食個火鍋因為而家有返晚市咁就約女朋友去元朗搵好嘢食！今次就揀咗「老闆火鍋冰室 」！雖然喺元朗大家都記得喺豐年路輕鐵站行過去係最近㗎，去到大大個招牌好易搵到，雖然佢係火鍋冰室但係一啲都唔重油煙味，每個位置都好闊落同埋裝修都好有格調令你坐喺度食嘢一啲都唔覺得係打邊爐！反而好有懷舊嘅感覺！雖然佢呢度都有雞煲揀，但係食得太多都好悶，所以今次就揀咗胡椒豬肚湯加半隻雞再加火鍋配料！胡椒豬肚雞窩個湯底一上到真係香到不得了，落足材料之餘個湯底都十分入味，酸菜豬肚再加埋半隻雞已經令到入味嘅湯底十分濃郁，再配合埋火鍋真係一流！金菇木耳娃娃菜今次揀咗呢幾樣蔬菜類火鍋配料，冰室都好細心有得俾你揀一碟或者半碟，令到你可以睇清楚個份量再加其他嘢食有多啲選擇，然而搬碟嘅份量都夠兩個人食，材料都好新鮮娃娃菜都好鮮甜！蟹子魚滑仲有叫咗呢個蟹子魚滑，拎到上嚟望住個魚滑，真係好足料，每個魚肉都沾滿咗蟹子，食落彈牙爽口簡直口感一流！雪花肥牛重頭戲就係雪花肥牛啦，佢嘅選擇一樣有大碟同埋細碟，當然兩個人撐枱腳一定食大碟牛喇，不過估都估唔到佢係厚切嘅雪花肥牛，雖然佢係厚切但係一啲都唔韌，雪花均勻仲有啲爽

早餐:好好食午餐:好好食、好豐富晚餐火鍋：好好食、好豐富、超正😋😋非常滿足既一餐生日飯🎂👉我提意一齊黎老闆打邊邊😍。因為平時只有黎食佢早午餐，見佢晚餐menu好鬼吸引，又可以4人一枱，仲唔比我哋把握到呢個好時機？！Yeah! 食完大家都大讚！一黎就係set四式醬料，而其中一瓶仲係堅料XO醬，老闆真係老闆，豪！壽星揀咗“野紅茄極品牛尾窩”，呢個湯底出色到不得了，個個忍唔住口當湯飲🤣，佢好濃好甜，平時只愛辣湯底既我都比佢冧倒真心推介🥰。收爐前仲叫咗公仔麵同烏冬，吸到佢盡🤣（BTW, 真係要提，我哋加咗兩三次水去打，個湯底都仲好夠味）我哋叫咗座牛牛牛tower, 師傅set 到 high tea咁靚，一上枱大家係咁影、影同影🤩，唔只外表得，味道超好。三款分別係👉牛柳粒：味香濃；牛頸脊：味香質感厚；雪花肥牛：當然又腍又香啦。其實份量好足，堅大盤，但我哋K.O.得好快，實在太正啦！仲有白鱔片，肥美Yummy！其他特式丸我哋叫咗手打流心咸蛋豬肉丸n芝士手打墨丸。手打丸質地真係好好，鬆軟彈牙又有質量👍。飲得既一定要啤啤佢呀！🍻🍹

黎到老闆火鍋冰室，唔一定打邊爐既，中午黎食lunch都好高質！入面裝修得好有心機，有好懷舊冰室feel，好懷念以前啲高質冰室，唔似而家周街都叫自己冰室但完全唔好食。呢到就唔同啦，野食應有盡有，講得出名既大部都份有，仲要份份都勁大碟，包野飲，抵呀！呢個係xo醬雞絲鮑絲炒新竹米，賣相極靚，包例湯包野飲。先唔講好唔好食，上碟比客人第一樣野就係賣相，唔似一般茶餐廳求其炒雞絲炒個米炒就上台，呢到整到份餐好多色彩，睇見都食指大動。食落口xo醬好出，夠晒咸，而且雞絲都好足，絕對無偷工減料，一下就食晒！酥炸雞排肉燥飯，炸雞半隻碟咁大件，粉唔厚，入面啲雞亦鮮嫩多汁。肉燥咸度適中，唔會太濕，餸飯一流！最後要提呢個招牌咖啡，係用左手磨咖啡黎整，飲落真係有少少果酸味，唔似一般咖啡咁得個苦字，真係有另一種體驗！正呀！

今日下午同朋友路經元朗去了一間冰室，入到這間冰室給我第一感覺好有懷舊80年代感，環境寬躺好舒服，服務態度良好。餐牌食物種類很多價錢清晰可見，我選擇了一碟XO醬叉燒炒河，叉燒肥瘦適中，XO醬很野味，河粉炒得好好唔油膩，好好味極力推介。另外朋友選擇了一碗花膠雞湯米，花膠大片厚身鷄肉好滑，湯底全沒味精感覺一樣好好味。正👍🏻👍🏻👍🏻留意到晚市火煱食物種類很多很吸引，價錢合理不貴，必食😋😋😋

想食個下午茶，經過見到呢間餐廳裝修都幾特別就入去試下。煎雞扒脆脆朱 $32賣相整體都唔錯，不過食落就普通咗啲，脆豬唔脆，有啲失望。雞扒就嫩滑夠味嘅。而咖啡就普通粉沖咖啡+奶。

元朗出名周圍都好多好野食，不過有時放lunch自一個，都會想搵間又坐得舒服，又唔怕食食下又比人趕走既，可以慢慢坐低食下傾下禁下手機既電話。呢間老闆火鍋冰室完全乎合到我要求。lunch時間，人頭湧湧，不過呢間餐廳入面座位好多，所以好快會有位。而且入面環境光明，個設計都幾有特式，有好多古舊既設計，幾特別。食得又開心，坐得又舒服。而且食物種類又多，想食咩都有咁。有基本既湯粉麵、常餐、焗飯等等。怕煩唔知自想食咩又可以睇睇每日精選既午餐，咁就縮細左範圍可以易點選擇。今日我就決定試下新野，食返個新系列。鮮蝦推介。入面有4款唔同選擇。而我就選了鮮蝦蜆肉培根忌廉意粉。聽個名都知入面有好多唔同配料。而且份量都唔細架，大大碟，都食到好飽。鮮蝦原隻上，仲有幾隻架。鮮蝦啖啖肉，唔錯唔錯。入面仲有超多蜆肉、煙肉，所以每啖意粉都夾雜著唔少配料，超豐盛同滋味。忌廉夠曬creamy好惹味。冬天仲有得點返杯菊米蜂蜜潤返潤。正