老長沙湘菜館 (已結業)

店家态度极差。外卖自取到时间，店家还没做好，又等了十五分钟才出餐。一个戴眼镜的店长说是平台原因和自己家无关。然后店长和店员用广东话讲，叫店员不要再和我说话了。真的非常没有礼貌。我追问怎么这个态度，你们和平台之间的事情，跟我没关系吧，你是不是起码要对顾客要有个道歉，店长摇头晃脑很差很恶狠狠的态度，明显就是口是心非的说对不起。后来我走了，他又追出来对我喊谢谢，我喊你够了，他就大声喊cnm。这种店长的店，看看大家还要不要去吃吧，

第二次嚟食午餐，上一次係散叫，今次試咗佢嘅木桶午餐，選擇有好多，最平46蚊有交易我就叫咗一個56蚊嘅小炒雞，其實係可以揀唔辣嘅，不過我就選擇咗小辣，點知食咗一啖已經好後悔，因為超級辣，佢其實係辣椒炒雞丁，而且入面仲有三款唔同嘅辣椒，分別係紅辣椒，青辣椒，同埋醃製過嘅辣椒，根本係喺辣椒入面搵返啲雞丁出嚟食，但我當然知道長沙人係連辣椒一齊食落去㗎啦味道係好嘅，非常之有鑊氣，好惹味，而佢嗰種辣係只係口腔同嘴唇會感受到嘅，唔會落到喉嚨或者個胃，令到你唔舒服，但係下次如果再食，會問佢有冇微辣

放工同同事係路過興起走左入去食老長沙入面環境都闊落有烤魚套餐幾吸引不過我地2個人食好似太多我哋2個人叫左佢嘅二人套餐睇落都幾多野食每枱都會開壺茶同有碗酥脆花生開下胃花生咸香咸香食到停唔到口涼菜有手拍青瓜味道清爽 口感脆嫩香口 開胃一流主食有酸菜魚酸菜魚酸味好夠魚肉完全冇骨同酸菜份量十足酸菜嘅酸味同魚肉嘅鮮嫩口感相互融合 非常滋味 送飯一流仲有唔少蔬菜 夠曬入口農家小炒肉小炒肉切成薄片 肉質幾嫩滑同鮮美配菜青椒增加左碟餸嘅口感同清爽嘅味道令到小炒肉唔會太油膩有家常菜嘅味道有機花菜花菜加左少少肉同辣椒炒到好香入口味甘爽脆幾有獨特風味紅糖糍粑即整熱辣辣質地好綿軟 口感糯得嚟又有彈性味道甜而濃郁沾埋糖漿一流整返罐可樂同王老吉更加滿足二人套餐份量都好多 食到好飽好滿足

今日放假同朋友仔去尖沙咀行街買野，順便去佐敦揼個骨，出黎見到旁邊有間川菜「老長沙湘菜館」，啱晒我地口味😆店家除咗有湘菜，仲有烤全羊🐑同烤魚🐟，烤魚套餐仲有啤酒送，等下次嗌多幾個朋友仔黎試埋呢幾款招牌菜😋擂椒茄子皮蛋推介👍🏻將茄子、尖椒、皮蛋、蒜頭樁爛，軟滑香糯夠晒入味，老少咸宜，鍾意食皮蛋嘅必點，送飯一流農家小炒肉店家招牌菜，豬肉片同尖椒以豆豉、蒜蓉、辣椒去爆炒，夠晒鑊氣，香辣又惹味毛氏紅燒肉色澤光亮，肥瘦相間嘅紅燒肉，外皮經炸過再以香甜濃郁嘅醬汁去炆煮，肥而不膩，入口即溶，十足十家鄉嘅味道蛋黃茄子入口滿滿嘅咸蛋黃香，茄子軟稔多汁吸滿蛋黃香，沙沙嘅口感同時亦食到茄子本身嘅清甜味道，亦係一道非常下飯嘅菜式農家窩窩頭正宗嘅農家菜，窩窩頭口感鬆軟，中間位置挖空，放入咸鮮香辣嘅梅菜，兩者味道融合配搭得宜📍老長沙湘菜館 (佐敦)佐敦吳松街149-151號龍匯商業大廈地舖人均消費：$200-250食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️⭐️

之前去湖南旅游的时候，对火辣辣的湘菜记忆犹新，后来因为比较远就没怎么再试过了，没想到在万里之遥的香港居然吃到了味道超棒的湘菜！还是那个味道，而且只能说是更上一层楼！ 这家「老长沙湘菜馆」坐落在九龙半岛繁华的佐敦，一来到门口，就能看到水箱里的生猛海鲜，一推门，熟悉的辣子味一下就扑面而来，就是这个味！ 既然是追寻记忆的脚步，就一定点之前一直想再试一试的菜： ⭐首当其冲的就是：农家小炒肉！湖南菜必点的有没有，肉特别新鲜，吃起来暖乎乎的嘿嘿～ ⭐乡里扣肉不咸不腻，味道刚刚好，有一点微微的甜味，入嘴即化！下面的菜也很入味～ ⭐爆炒腰花好香啊！菜还没上桌我就闻到了哈哈哈，和朋友不到5分钟就炫完了～ ⭐农家窝窝头吃完了刺激的湖南菜，最后少不了夯实的馍馍，哈哈哈，味道超级棒！ 这家店离佐敦地铁站也非常近，附近的小伙伴可以来感受一下，正宗的湘菜～

今日去開佐敦，就同朋友嚟咗呢間湘菜館食。餐廳嘅Menu圖文並茂，非常精美，睇住圖片會更加容易落到選擇。水煮魚 ($298)平時多數會叫水煮魚或者酸菜魚之類嘅菜式，今次都特登叫水煮魚，睇吓佢得唔得。水煮魚有得揀大中小辣。呢個水煮魚係用咗桂花魚，魚片厚薄適中，而且夠哂嫩滑，同時都處理得好好，冇食到有碎骨同魚鱗。個水煮魚落咗好多花椒，好香麻惹味，另外佢都落咗大量芫荽調味。除咗水煮魚片，其他配料有萵筍片同木耳，澱粉質就有幼嘅水晶粉，口感適中之餘全部都好入味。蛋黃茄子 ($78)好少喺香港食到啲呢味餸，加上本人係鹹蛋黃愛好者，見到就即刻忍唔住點咗。每條茄子都沾滿咗蛋黃碎，色香味俱全。茄子煮到好軟身，入口都唔洗點咬。不過呢味餸偏油，鍾意清淡嘅朋友就要留意啦。白飯 ($15)兩樣餸都送飯一流👍茶水 ($6 一位)

Thanks god it’s Friday!!呢晚約咗朋友嚟食湘菜之前聽過港島有2間分店 原來佐敦都開咗店面裝修光猛企理門口仲有幾個大魚缸 生猛新鮮餐牌選擇花多眼亂 樣樣都好想食最後要咗個二人餐 經濟實惠又多款式 先食涼菜 係手拍青瓜 份量都幾多 酸酸辣辣好開胃青瓜好爽脆 主食係酸菜魚 話係二人份但都一大鍋剛整好就上枱 熱辣辣魚肉嫩滑鮮甜 雖然有花椒同辣椒 但辣度適中 唔食得好辣嘅人都食到 酸度亦剛剛好入面仲有大量酸菜、木耳、芽菜 好豐富👍🏻小炒有2款農家小炒肉湖南青椒爽口 肉片滑嫩 加埋勁香嘅香料 味道好地道有機花菜辣椒炒椰菜花 加埋半肥瘦肉片好香口好啱送飯最後叫咗個紅糖糍粑個樣好靚😍暖笠笠 糯米食落去煙煙韌韌 沾一沾紅糖醬汁 好sweet好滿足😌

在香港可以食到湘菜的餐館不多，經朋友介紹，今日來到佐敦吳松街的《老長沙》食湘菜，一嚐湖南的辣香味。店門前一個大大的魚缸，有不同新鮮的魚，其中一隔還有很多水魚呢！湘菜的小炒很夠鑊氣，紅紅綠綠的菜式，離遠都有陣陣辣香味。「乾鍋雞」$138先來一鍋雞鍋，上枱後繼續用爐熱著，保證熱辣辣，雞肉因切成細粒的原固，所以很入味和很容易食。招牌菜「農家小炒肉」$86豬肉片切得很薄，瘦中帶些少肥，連同湘菜特色的青椒一齊炒，非常惹味。「茄子豆角」$78茄子軟腍，豆角爽脆，一軟一硬的最佳配搭。「糯米蒸排骨」$128排骨隱藏在糯米飯中，鹹香惹味。雖然湘菜以“辣”著稱，但這幾味餸除了辣，味道還很濃烈醇厚，令人回味。

係哩間川菜試左個好好食嘅酸菜魚，真係超好味啊！魚肉好嫩，同酸菜嘅酸爽味道融合得好好，真係有特別嘅口感。酸菜嘅酸度啱啱好，唔會太刺激，同魚肉嘅鮮甜味道好夾好。酸菜魚嘅湯汁好濃郁，有酸菜香同魚味，飲到口口都想再飲返杯。仲有，菜裡面仲加埋豆腐同蔬菜，增加咗層次感同營養價值。總括嚟講，呢道酸菜魚真係好令人滿足，食完仲想再食多幾次。

自問重口味加愛辣人士, 所以對川菜湘菜依D都來者不拒。哩間D口味夠哂重滿足到我口味。環境簡潔企理, 每枱都有熱茶供應。小炒黄牛肉($168)用左我平時最中意既辣椒, 芫莤, 仲有種酸酸辣辣既辣椒仔, 牛肉同配料既比例幾乎1:1, 每一啖都會食到牛同配料, 超香超惹味! 乾鍋雞($138)用爐煲住, keep住熱辣辣既雞鍋, 辣度唔算好強, 雞肉入味沾滿咸咸帶微辣既汁, 會令人想一吃再吃。大盤有機花菜($78)連椰菜花都可以炒得惹味, 用左乾辣椒炒出黎香氣十足!黎哩度食真係要叫白飯, 樣樣都好惹味好好送飯送酒, 中意啤一啤既都好適合!

突然想食酸菜魚，行過見到呢間有又平🤩就入去試試佢😌花生🥜呢個係前菜，未叫嘢嘅時候佢就送過嚟，係有鹽嘅花生🥜脆口👍🏽唔錯唔錯😋😋認真推介：超值二人餐😏手帕青瓜🥒有蒜香味，青瓜脆脆，辣辣又多汁😋😋酸菜魚🐟二人份量都算好大，大大煲，魚非常滑、又有萵筍，芽菜，木耳，酸菜，辣椒好好味😋😋農家小炒肉🐽好出色👍🏽👍🏽非常惹味😋佢就係腩肉炒尖椒🌶️尖椒咬落去會爆汁，腩肉切薄片口感非常好，超級好送飯有淡淡的豆豉味蒜頭味仲有少少辣🌶️送飯一流😋😋乾鍋石門肥腸🌶️🐷成煲上，有個爐興住👍🏽超多舊豬腸同辣椒，最少超過20舊，又有少少韭菜，豬腸輕輕炸過外邊有微脆，如果炸耐啲就仲好😛酸辣魚皮🐟果然係酸酸辣辣👍🏽👍🏽魚皮爽口彈牙😋好多泡椒同指天椒😛都真係辣嘅😌黑糖糍粑我哋跟餐加咗$32，正常應該係四條，但係佢俾咗九條嘅份量我哋😂😂唔知係佢比錯咗定係特登請我哋食呢🙈因為佢一次過出，我見每枱都係九條，咁就照食啦😛😛好彩佢係好味嘅，佢係外脆內軟😋外邊落左黃豆粉，另外跟咗一碟黑糖汁，不過礙於我哋真係得兩個人😬九條真係太多啦，所以最後都係食淨咗一條🙈🙈

今次黎到佐敦呢間食中菜嘅餐廳食晚飯，餐廳有兩層，仲設有包廂，帶一家大細或者多人聚會過食嚟啱啱好👍🏻👍🏻👍🏻完全唔怕唔夠坐~坐低之後好似飲茶咁，有茶水沖洗餐具，餐具都乾淨餐牌選擇十分多，煎炒煮炸樣樣都有，望到都已經流曬口水🤤🤤🤤最後我哋一共叫咗四碟餸再加白飯~🧡涼拌海帶絲 $38好開胃嘅前菜😋😋海帶絲咬落好脆好爽口，拌得好夠味，仲有少少辣，正！🧡干鍋魚雜 $188😻😻😻推介！！雖然係魚雜但一啲都唔腥，而且好足料，魚雜份量好多，仲加埋豆腐一齊煲，又辣又好食，送飯一流！！🧡土匪豬肝 $128豬肝厚切又新鮮🤩🤩🤩炒得好入味，食落仲唔會硬梆梆~🧡蛋黃四季豆 $78未食已經聞到超級香蛋黃香氣🤤🤤🤤 蛋黃份量好足夠，完全融入四季豆到，每條四季豆都食到沙沙蛋黃，好食！！

平時講起威辣野，第一時間都係諗起川菜，但其實食辣黎講湘菜都好出色，早2個月佐敦就開左一間湘菜館，今日就同左朋友黎試下🐏手抓羊排 半份（$220）香港第一次食，羊排肥瘦均稱。本身係用水香烚，所以食既時候要點下乾碟同香料粉，如果想接近港式d可以點下辣椒豉油🐽爆炒腰花 （$128）味道帶酸辣，腰花鮮嫩爽脆，而且加入左泡椒、醃蘿蔔等等既配菜令口感更加豐富，送飯一流🍆蛋黃茄子 （$78）睇埋落相好普通，但入口就有驚喜，茄子吸收哂鹹蛋黃既味道，每一條都充滿鹹香，非常惹味🍞農家窩窩頭 （$68）窩窩頭口感似飯頭，中間有個窩，方便放梅菜落去一齊食，但個人鍾意惹味d。所以夾埋泡椒腰花一齊食～

手拍青瓜做個開胃前菜，青瓜爽脆，而且加上了特製的調味料，更顯出佢既鮮美同清新。每一口都能品味到青瓜的原汁原味，同時又帶有微妙的香氣同淡淡的辣度。作為開胃小吃還是配菜都非常適合！叫左個二人餐招牌菜農家小炒肉，係非常好食既湘菜，肉片入口有滿滿油香，配上獨特的湖南辣椒和香料調味，見到都流口水。如果你喜歡辣味同湘菜風格，絕對不能錯過呢款農家小炒肉！酸菜魚係最出色既一道菜，好食到讓人回味無窮！魚肉鮮嫩幼滑，搭配上酸菜和辣椒的獨特調味，口感十分爽脆。酸度辣度都夠，魚嘅份量都好多，抵食！孜然寸骨嫩滑多汁，搭配上獨特的孜然香料，口感和風味都令人驚艷。每一口都能品味到豬肉的鮮美和香辣風味，而且更加增添了飽足感。壇子菜炒五花肉真是美味到讓人難以忘懷！這道菜選用了嫩滑多汁的五花肉，再加上壇子菜的特殊調味料，口感和風味都非常出色。五花肉入口即化，帶有微微的油脂香氣，而壇子菜則散發出醇厚的辣滋味。每一口都能品味到豬肉和壇子菜相互融合的絕妙滋味。最後紅糖糍粑真是一道超級好吃的點心！這款糍粑外層鬆軟，內部則有濃郁的紅糖香甜。咬下去，口感滑爽且帶有微微彈性，每一口都能感受到糯米和紅糖完美結合的美味。

中午黎到佐敦食晏想食d過癮野，去左呢間餐館食酸菜魚！估唔到係巷仔有間出色既湘菜食，原來係香港都有好幾間分店！今日食左佢既酸菜肉二人餐，份量超級多，味道岩岩好好，好岩香港人食，亦都唔算好油膩！套餐仲包有前菜，炒油花同兩碗白飯，一定夠曬飽！幾中意佢既炒菜，非常之香口，送飯一流😙最後點少得要叫糍粑，呢度幾都好好味，紅糖味道好正，口感好煙韌我個人幾推薦呢間餐廳，味道幾正宗，但又唔會過份油膩，下次有機會再想試下其他