159
73
29
| 餐廳: | 老趙越南餐廳 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
開飯介紹
Out of the 3 chains, this Jordon-based Lo Chiu is the most popular one. Customers usually without fail order the beef pho noodles followed by spring rolls. Its authentic-ness and enticing menu spoil the guests for choice.
繼續閱讀
獎項殊榮
最優秀開飯越南菜餐廳 (2010), 最優秀開飯東南亞菜餐廳 (2011-12)
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
老趙越南餐廳位於佐敦文苑街，經營接近50年，連續獲得7年米芝蓮風味推介，有好正宗嘅越南風味，除咗傳統越南菜式更有提供其他越南餐廳好少見嘅食物款式。✿ 蟹肉粉絲肉碎金磚 $62好有特色嘅越南菜😳外型睇落都精緻✨粉絲份量頗多，每一口亦嚐到蟹肉新鮮🦀鮮味十足。✿ 燒甘蔗蝦 $44甘蔗蝦爽滑，外皮金黃酥脆🦐蝦肉帶有香甜甘蔗味道，可以沾上梅子醬食用。✿ 椒鹽軟殼蟹 $168半煎炸加上乾蒜 椒鹽粉 檸檬椒鹽等等，口感香脆可口🦀軟殼蟹外脆內軟，陣陣新鮮鹹香。✿ 老趙無骨雞飯 $72近年好中意食雞飯，呢度有當然都要叫。雞肉嫩滑可口🐔油飯粒粒分明，亦不至於太過油膩。✿ 泰國直送新鮮椰子水 $36泰國直送果然係唔同啲😆椰子水非常清甜，椰香十足🥥仲食到唔少香甜椰肉，比想像中有驚喜好多。✿ 斑蘭椰汁紅豆冰 $36漸層好靚💚🤍❤️斑蘭汁味道自然清甜，連同椰汁紅豆冰一齊飲用係另一種特色風味。✿ 椰汁拉椰卷 $34顏色鮮艷而且香味濃烈💚質感煙韌軟糯。
繼續閱讀
呢間越南餐廳已經開咗接近50年啦，有好耐嘅歷史，主打越南菜式，佢仲連續七年攞咗米芝蓮推介食肆，所以更加肯定佢啲嘢食一定唔錯😍 所有最傳統嘅菜式佢都有，河粉檬粉都有，仲有多越式小食 🍢蟹肉粉絲肉碎金磚 🦀 第一次見呢款越式小食，都幾得意，佢係用咗蟹肉粉絲牛肉碎，造成一個好似金磚嘅形狀🥠 燒香茅牛肉濱海 🥠叫咗個香茅牛肉濱海，牛肉炒得好香口，仲可以包埋新鮮生菜食添🥬蕃茄蟹膏湯檬 🍅 自己最鍾意食蕃茄蟹膏湯檬，有蕃茄嘅甜甜酸酸做湯底好惹味，仲有好有份量嘅蟹膏蟹肉 🦀 老趙牛肉粉 🥩 當然唔好唔記得叫招牌老趙牛肉粉，個湯底整得啱啱好，牛丸好彈口，係必叫菜式 💯 椰汁紅豆冰 🍹越式特飲一定要叫椰汁紅豆冰，加埋紅豆口感豐富啲 🫘香甜椰汁冰 🍸純椰汁冰都好好味㗎，甜甜地好解渴 🥥
繼續閱讀
今日收工約朋友食飯，突然間好想食越南嘢，朋友聽完之後即刻提議去佐敦呢間經營咗接近50年嘅越南餐廳，佢一講，我都即刻認同，連續攞咗七年米芝蓮推介，最正宗嘅越南口味一定係佢！嚟得呢度梗係要叫佢哋嘅招牌老趙牛肉粉啦！肉嘅份量唔少，粉嘅質感都好好，不過最緊要都係個湯底，完全冇味精，我哋都差不多飲晒，後來都係因為呢個湯就加點咗個雪花牛肉鍋配牛骨湯底，呢個真係超經典，趁今日落雨濕濕有啲凍凍地，食呢個即刻好暖身，牛肉都好新鮮！上面有埋洋蔥，真心正。香茅豬扒飯都超級正，煎得香口，但係啲肉有保持到一啲都唔嚡，真心有係越南街頭食到嘅味道，正正正！要食得健康d，當然都要叫多d菜啦，就要左蒜蓉炒油麥菜同馬拉盞炒椰菜，兩個都炒得清脆，唔會油膩，正！
繼續閱讀
老趙越南餐廳地址：佐敦文苑街25-27號地舖50年老字號越南味！米芝蓮連推7年真係有料到✨ 香脆牛油雞翼 🍗 $98一上枱就聞到超邪惡嘅牛油香！👃🏼 外皮炸到金黃脆卜卜，咬落去「咔嚓」聲勁治癒～雞肉仲keep住juicy💦，醃得超入味帶微微蒜香，最正係面頭嗰層牛油蜜糖 glaze🍯，食完真係會吮手指！正老越牛肉粉 🐮 $88湯底飲第一啖就知贏晒！🐂 牛骨湯熬到超濃郁但唔油膩，仲有淡淡香料味🌿，河粉幼滑吸湯力max！牛肉片同牛丸都係高質，尤其牛丸彈牙爆汁💥，成碗清晒！ 正雪花牛肉鍋（沙嗲湯底）🍲 $168 沙嗲控必試！🥜 湯底濃到掛勺，花生香+椰奶香balance得啱啱好。雪花牛肉份量足，脂肪紋靚到似藝術品🎨，淥10秒食超嫩滑～撈埋個麵食真係無得頂！ 正😄椰汁拉椰卷 🌯 $34甜品時間！外皮煙韌似糯米糍🥥，椰香爆炸但唔會過甜，凍食仲有少少雪糕口感❄️，完美作結～ 泰國直送新鮮椰子水 🥥 $36真‧即開椰子！🌴 清甜到似喺泰國沙灘飲緊～解辣解膩一流，仲可以刮埋啲椰肉食，正過罐裝嗰啲十倍！ 正凍檸茶 ☕ $24 茶底夠濃唔苦澀🍂，檸檬落足4大片🍋，甜度適中，同濃味菜超夾，抵飲！
繼續閱讀
最近朋友介紹咗間特色越南菜，一試就愛上！😍 佢喺佐敦/柯士甸站附近，聽講已經開咗足足50年㗎喇，真係老字號！仲要連續七年攞到米芝蓮推介，未食都已經覺得好勁！一坐低睇餐牌，價錢都好親民喎，以為會好貴添。蟹肉粉絲肉碎金磚（4件）（$62）呢個真係必叫！第一次食呢種金磚，一咬開入面滿滿都係蟹肉同粉絲肉碎，好鮮味，口感好豐富，食完一舊想再食！越南雞絲沙律（$78）一上枱嚇親！堆到成座山咁高，勁大份！雞絲好嫩滑，配埋酸酸甜甜嘅醬汁，好開胃，仲有脆卜卜嘅蝦片一齊食，撈埋食真係一流！奧巴馬豬肉檬（$76）呢個真係超級推介！佢係用沾麵嘅食法，將啲米線直接放落個湯度浸一浸先食，咁樣啲米線先索晒啲湯嘅香氣同鹹度，味道真係好正！啲炭烤豬肉片燒到香噴噴，咬落仲有少少焦香，配埋紫蘇葉同生菜一齊食，好解膩。喺香港都係第一次食到呢種食法，真係好特別，一定要試！🍜雪花牛肉鍋（$168）雖然睇落價錢好似貴少少，但份量真係好慷慨！啲牛肉唔係平時嗰啲肥牛，係好似生牛河嗰啲靚牛肉嚟㗎，好有牛味！個湯底仲係生牛河嘅牛骨湯，好濃郁好鮮甜。呢個鍋三四個人分都完全冇問題，勁抵食！🍲椰汁拉椰卷（$34）食完飯梗係要食甜品啦！呢個拉椰卷好有驚喜，軟糯嘅外皮包住香甜嘅內餡，淋上Creamy濃郁嘅椰汁，面頭仲有香脆嘅花生碎，味道好夾，甜而不膩，perfect ending！🍮埋單計返，我哋嗌咗咁多嘢，平均都係百零蚊一個人，真係好抵食！難怪平日夜晚都坐滿人啦！呢間老字號越南菜，真係值得一試再試！強烈推介俾鍾意食越南菜嘅你哋！
繼續閱讀