老街 (已搬遷) 新店位置

有同事去完台灣旅行回來，帶左一些台灣小食做手信給我們，又拍左一些台灣美食的影片給大家看,一邊看一邊說,睇到我們都想食，有位女同事提議不如今天放工大家去食台灣野，佢話旺角豉油街有一間食台灣野的，名叫老街，好食又抵食，招呼吾錯又吾洗加一服務費，大家都贊成，放工一齊去！香酥排骨肉燥湯麵：湯底濃郁鮮甜，麵質爽滑，肉燥惹味！香酥排骨即是炸豬扒，豬扒厚度適中，炸至金黃色、外脆內軟，十分美味！蒜香豬軟骨肉燥湯麵：豬軟骨入味林滑，蒜香味濃，肉燥湯麵惹味彈牙，湯底鮮甜！滷水豬手肉燥乾伴麵：豬手入味林滑，肉燥伴麵十分惹味，麵很爽滑，肉燥不肥，值得一試！酥脆鹽酥雞（大）：外層酥脆，內層雞肉嫩滑味鮮，十分可口！木魚炸豆腐（大）：嫩滑的豆腐沾上木魚，炸至皮脆，再加上秘製醬汁，十分惹味，令人食不停口！夜市小香腸：台灣著名食品之一，皮脆肉嫩，味道鮮甜。台灣咖啡和台灣奶茶，雖然味道比港式咖啡奶茶淡一些，但都很好飲！

是日行程好緊湊，先去食lunch 然後打羽毛波，再黎MK食飯睇戲，落大雨都無阻好心情！黎到大多選擇既旺角，有時真係唔知食乜好， 食D試過既野食？定係挑戰新野？我地揀左後者！老街又係我through openrice搵到的（雖然之前都試過中伏，但我相信食神會照住我既！）6點鐘入到去1個客都無，我地心震一震，唔通又中伏？但要面子的我們入到去都廢是走，出面仲要咁大雨， 點呀。坐低後好快手咁點左一人一碗麵，2杯飲品，同2個小食（係，我地大食）。﹣我既茄牛麵：蕃茄湯底令我罪疚感減低，微酸既味又帶點蕃茄蓉既濃稠，湯都保持流身，係我鐘意既蕃茄湯！麵質正正常常咁，煮得岩岩好，唔會太淋一夾就斷；牛肉好味道，淋身，唔肥，雖然配左蕃茄湯但都仲食到牛味。﹣雙拼花枝牛腩麵：偷食左幾啖，都OK架。﹣肉鬆皮蛋豆腐（凍）：雖然係百福豆腐咁既樣，但出乎意料OK喎！原盒軟豆腐切左4份，各鋪上1／4塊皮蛋，再撒D肉鬆同蔥花，淋上味道似稀身燒汗既醬，仲有D木魚添！好一個日式台灣小食，凍凍地一啖食落好豐富，皮蛋雖然睇唔到樣但係係零鹼味，唔會有果種金屬既臭味，仲有小小糖心添！ 都幾有驚喜既小菜！﹣相反個炸雞就一般般，其實唔差，佢

收工出旺角已經十點幾，本身諗住星期五啲餐廳都會收夜啲但少年你太年輕了，全部都十半last order，突然醒起呢間台灣野，姑且過去，果然未閂，快啲醫肚先好鍾意呢啲小店風黎呢度一定要嗌肉燥飯，今日唔係太餓，所以叫左個大既同男友share再叫啲小食肉燥飯係半肥半瘦既豬肉，所以食落唔會太乾，汁都似台灣，甜甜地，不過隻滷蛋就唔夠入味了鹽酥鷄非常酥脆，外層加了椒鹽，但其實鷄塊應該無醃過，所以咬落鷄肉無味，台灣腸就不過不失，反正都係台灣腸應有既味埋單兩位都係咁既價錢，我覺得都算係咁架喇

同阿爸出街食飯，黎左食台灣野，店不大，人很多，好彩早黎未洗等位，過一陣就要了。餐牌有不少選擇，主食有飯，湯麵，撈麵等，仲有大量小食，飲品，左睇右睇最後揀左下面呢幾樣。滷味切大腸（$28）滷得入味的大腸切成絲狀，方便入口，個滷水汁好正。滷味切豬耳（$26）豬耳比大腸有咬口，同樣滷得入味。紅燒牛肉麵（$58）牛肉炆得軟腍，入口無渣，湯底清甜不油膩，仲有個麵都好正，彈牙掛湯，正不正宗就不知了，但很對胃。鹽酥雞滷肉飯（$48）阿爸揀左鹽酥雞飯，滷肉賣哂轉左肉燥，都ok，個汁幾正，幾顆雞球炸得香口，飯份量很多，一般人絕對夠飽的。珍珠奶茶（+$12）自己點左杯珍珠奶茶，茶香奶滑，珍珠有彈Q，要求走甜的真的一點甜味都沒有，很好！台式凍咖啡（+$10）阿爸的凍啡，咖啡好香，少甜剛剛好。食物ok價錢合理，只是店有點迫，不適合一家大細了。

炎炎夏日，不然聯想起陽光與海灘同冰凍特飲~~My飛佛(台式奶茶), 於是同友人走進台式小店，本應只想order特飲解解喝， 歇吓腳 ！不過大家都不敵牆上菜牌的吸引力。決定在此大塊朵頤！店鋪不算大， 具有台灣特色， 還未到食飯時間，卻擠滿食客。台灣著名嘅滷肉飯 ，當然必食 此外牛肉麵也是名不虛傳 ，今次要試係用新鮮蕃茄做湯底， 蕃茄台灣牛肉麵！湯濃味美，麵質爽口。魚酥皮蛋豆腐，係用目魚鋪滿軟滑可口嘅凍豆腐上， 而皮蛋壤在凍豆腐中間， 頗為特別！ 我最喜歡係牛肉拼盤，分别有牛筋，牛腩同金錢。筋淋腩脆牛香！ 仲有一味炸豆腐拼鹽酥雞， 甘香鬆脆 ， 值得一試！美食份量好大碟，我二人已經感到十分滿足 ， 出面排隊人龍非常之多， 我哋係時候讓位給其他人品嚐呢間台灣美食店！

旺角洗衣街花園o附近有好多小店，呢間食台灣嘢未食過，入咗去試滿漢大塊牛肉麵 $68好大碗，好多料，有花枝丸、貢丸、金錢展、牛腩同牛筋同蘿蔔湯好清甜，蘿蔔牛腩味～   牛筋同金錢展軟硬適中，好彈牙。 蘿蔔無渣，清甜。 番茄牛肉麵 $65好濃番茄湯，酸酸甜甜，好濃郁，好開胃～ 牛肉燜到剛剛好。珍珠奶茶  （跟餐 + $12）滑～  食台灣嘢，唔係唔飲珍奶呀～冬瓜茶 （跟餐 + $10）消暑一流～ 小香腸拼鹽酥雞 $42香腸好味，唔會太肥好多肥肉咁。 鹽酥雞係一個個波波咁，一啖一粒，炸到好脆，香～酥炸花枝丸 $26彈牙，上面灑有椒鹽，好香口五味小茄子 $28有木魚片，茄子炸過然後淋上番茄味酸汁，有少少似咕嚕汁旺角鋪租咁貴，呢度環境算坐得舒服

一家人陪媽媽到旺角配眼鏡，配完眼鏡便在旺角吃點東西。主食有豬手便當及牛肉麵，兩者都十分抵食。豬手入味，豬皮不會油膩，有彈性，都是骨膠原！滷水蛋不會過鹹，一啖放半隻蛋入口，十分滿足。牛肉麵的牛肉十分出色，夠腍，夠入味，而且肉味十分濃郁。我喜歡它附上牛筋。牛筋十分容易咬開，但仍然能保留牛筋的富有彈性的質感。到台式餐廳不能錯過的小食，鹽酥雞及台式滷味，雖未能帶我跨越空間去感受台灣人的執著，但味道十分配合香港人的口味，是百食不厭的味道。牛肉及豬手十分出色，因此各多點了一份。以份量來說，豬手便當及牛肉麵較小菜抵食。又是不能錯過的台式奶茶，我選了少糖的飲品，我頗喜歡這奶茶。

近幾年成日掛住去日本，已經好耐無去過台灣，好彩香港都有好多台灣餐廳，令我係香港都可以搵到台灣的味道老街位於旺角，食飽飽先再行街是常識吧，牆上用左小木板寫上不同的小食餐牌上每一款食物都充滿住台灣風味，令我每樣都好想點黎試下香芋奶茶加珍珠 ($15)、珍珠奶茶 ($12)飲品加珍珠只係$3，最鐘意台式飲品可以隨個人口味揀甜度同冰度，兩杯我地都揀左少甜，而其中一杯更走冰，但飲落又唔會太甜，珍珠煮的時間好足夠，粒粒都QQ的夜市小 ($28)台式腸係特別好食的，口感是厚實的，而且肉味較濃，切左一片片的小香腸外層煎得有少少脆滷味切豬耳 ($26)滷豬耳都係好地道的東西，滷得好入味，爽脆的口感令人欲罷不能肉燥青菜 ($28)青菜上面加左肉燥，成個菜即刻變得無咁單調紅燒牛腩牛筋麵 ($58)紅燒牛腩牛筋麵簡直就係台灣的代表作中的表表者，老規矩，先飲一淡湯，湯底無味精，牛清湯飲落好舒服，牛腩牛筋炆到好淋，麵質亦不錯，只係$58好抵食鹽酥雞肉燥乾拌麵 ($50)試左一個湯麵，再試埋乾拌麵，鹽酥雞鹹鹹地，外層脆皮唔厚，乾拌麵有唔少青瓜絲，將麵同青瓜絲再拌勻肉燥，跟湯麵完全另一種風味，呢個岩晒夏天食食完呢餐台

呢間位於旺角既台式菜餐廳，小妹就吾係第一次食，再幫襯係因為位置方便、食物選擇多，價錢合理，味道是不過不失。首先，台灣有好多正既小食，我地叫左鹽酥雞 小$30 ，有五塊，炸粉吾算厚，不過吾夠多椒鹽味，如果重口味d會更好。番茄牛肉麵 $65 次次黎都會食呢個！因為個湯底實在太正！蕃茄味濃郁！😍最中意蕃茄湯底，令人特別開胃😋 呢個仲有三大塊牛肉，肉質比較上軟腍，同埋都幾入味👍🏼蒜香豬軟骨肉燥乾拌麵 $55 味道調得好好！恰到好處，攪拌後食味道更均衡，好好食！豬軟骨口感都幾好，而且呢個份量算多。五味小茄子 $28 大大碟，從茄子既紫色可以睇到佢地整茄子既技術一流，個汁幾好味。蔥油青菜 $22 面頭既乾蒜好野味，不過生菜煮得有點過時間、有點乾身。飲品方面，叫左熱香芋奶茶 $20 香芋味濃郁，不過偏甜。另外，百香果QQ綠茶$25，叫左少甜，但都係好甜🙈 最後叫店員再加冰之後就ok .

早排去完台灣, 超想食返台式美食所以特登約左出黎去佢食返個台式晚餐!!估唔到呢間餐廳細細, 晚市都坐爆左好彩等左10分鐘就已經有位了鐵路雞扒滷肉飯56最欣賞佢既雞扒同個雞係分開放, 咁樣就可以方便我地食到雞扒好嫩滑, 最正係個醬汁, 令到個雞扒唔會太dryd滷肉都好好味, 撈飯食一流台式滷味拼盤48一次過滿足哂我地想食咁多隻唔同滷味既願望, 有牛根, 大腸, 豬耳, 滷蛋, 我最鐘意就係大腸同豬耳, 好入味之餘仲要份量唔少木魚炸豆腐35一碟係有4塊大豆腐, 上面既醬有少少甜, 中和番炸豆腐既油膩感, 豆腐皮脆肉嫩, 用筷子大力少少夾都會碎, 口感一流!!珍珠奶茶22去到台式餐廳點可以唔叫杯珍珠奶茶, 呢度食仲要有跟餐優惠只係加12蚊就有一杯味道的確好台式, 唔會太甜, 而且珍珠好好嚼口, 食完飯再慢慢食一流

台式餐廳係香港都唔少但好食得黎又唔會太貴既真係唔多今次食既呢間我見到個價錢唔算太貴而且佢唔同時間都有好多promotion可以食到今我地食既係紅燒牛筋牛腩麵$58紅燒麵不嬲都係台灣既必食checklist之一, 超好味, 呢度既麵份量超大, 我覺得係夠2個女仔share黎食, 麵唔算硬, 吸收哂牛筋牛腩既腩汁味道, 好入味, 值得一試酥脆鹽酥雞$38鹽酥雞係夜市必食, 而呢度既鹽酥雞又大粒又夠味, 食到我地停唔到口, 叫左大size我覺得份量對得起個價錢!! 唔錯唔錯香滷滑牛筋$32呢度既牛筋 超 大 粒 !! 對比起外面車仔麵食既牛筋碎, 口感一流!! 而佢因為滷過既關係, 所以好夠味, 又有嚼口, 最正係佢吸收左滷水既味道, 餸飯一流

我相信往後十年我都沒錢和時間去旅行... 有時候facebook舊相重溫會閃過台灣旅行的照片，無論是當年和我去的人，或是當年吃過的食物，甚至是我失去的青春年華（嘆氣）我也十分掛念。來到老街就大吃大喝一頓，懷緬過去，過去的就如小鳥不會回來...只有脂肪永遠伴隨（苦笑）旺角橫街座位迫人流多是常識！有小朋友的話老實說我覺得是不太合適了。隨意點了每人一款主食，一些小食，和不能缺的台式飲品就滿桌了！感覺很豐富吧！老公最愛，牛筋牛腩新竹米粉，加底！超大碗！牛筋牛腩入味，彈牙和入口即溶，兩種口感都有齊了。湯底是濃郁的，當然不能和台灣吃到的去比，但實屬不俗，喝罷不算口喝，看來味精是有留手，值得一讚！老公愛米粉爽口感，加底後再大食的人也沒可能不夠飽的（笑）而我就比較喜歡麵條，有嚼勁且掛湯力高，總覺得紅燒牛肉麵是一種經典，不能取代！一口麵一口湯，超級滿足！台灣腸是我的最愛，配上肉燥，無飯不歡者可以一試，份量十足不吝嗇，還附滷水蛋半隻，誠意可加！小食點了幾款，當中我推介梅子粉炸蕃薯，炸物就是香口，蕃薯微甜，配上梅子粉的酸，惹味！已碗呈上，有十件左右，夠四人分享！炸醬有點厚，所以覺得更加飽…（哈哈）怎可能少得

旺角豉油街新寵 老街 台灣正宗風味 唔係講笑 堅係幾好食 門面細細 不過一啲都唔難揾星期一至五仲有午餐套餐 有飲品送 仲啱哂啲選擇困難既朋友😂 紅燒牛肉麵無諗過牛肉既份量好足 比起某王牛肉麵既分量多好多 牛展好腍 唔會痴牙 好易咬 麵得幼麵 不過相對彈牙 冇失望 大食既朋友可以加6蚊加底 鹽酥雞台灣小食點可以漏咗佢 有小份 大份 小份大概有7-8蚊 但估唔到咁大粒 啲炸粉好薄 唔會一舊舊 雞處理得好乾身 唔會好油 好熱氣既感覺台式奶茶好香奶味 超級好飲！！ 肥仔都要成杯黎啦🤦🏻‍♀️🤦🏻‍♀️

記得之前係台灣食過有間好好味既牛肉麵下次再去食唔知係幾時，唯有係香港食住先岩岩早幾日同媽媽行旺角，所以就去左依間店食下台灣野吊下癮舊式台灣既環境裝修，店內光猛我地點左台式滷味拼盤 $48包括有牛筋、大腸、爽耳、滷蛋每樣都滷得好入味平時我係唔食大腸，因為之前食過果啲都好韌依度切得又薄又稔，好味炸豆腐拼鹽酥雞 $42豆腐炸完後，上面灑在了醬汁唔熱氣之餘，醬汁還令豆腐更惹味鹽酥雞熟度岩岩好台灣肉燥飯 （小碗） $29因為叫左兩個小食所以肉燥飯就點左細碗雖然話係細碗，但份量絕對唔少肉燥煮得好夠味，拌飯食一流紅燒牛肉麵 $58牛肉麵湯底味道唔算濃，牛肉夠稔清淡既湯底，令牛肉味道更鮮飲品就點左蜂蜜柚子茶 $24、洛神花茶 $20

得記上次去台灣已經係幾年前既事啦，夜市小食既味道、氣氛同當地人既好客熱情一直都俾到我唔錯既印象尋晚睇返以前去旅行既相，又好想出走飛轉台北怒食一下啦啦...不過......既然無得出走住，就喺香港搵下台菜止住癮先啦啦啦啦見到呢間既裝修都幾有台灣風味啵，一於就食你啦除左有台灣唔少得既牛肉麵同滷肉飯之外，餐牌中都有唔少台灣小食供應，太好啦！！！方便我一解思念夜市之苦朋友係大胃王，咁我就可以放肆叫多幾款小食同佢share啦所以小食方面我地叫左好幾款：“五味小茄子”HKd$28熱辣辣既茄子配上濃味醬汁同木魚，幾惹味啵！“肉燥青菜”HKd$28好大盆生菜，爽脆“小香腸拼鹽酥雞”HKd$42好中意個鹽酥雞，完全搵到台灣既感覺，皮薄肉嫩，加上適量既調味粉，我食到唔停口“老街牛肉拼盤”HKd$55呢個拼盤都好正呀，滷得入味！牛腩重牛味，牛展嫩腍，牛筋軟滑“木魚炸豆腐”(小)HKd$28豆腐都炸得幾好，但個外皮厚左少少跟住朋友叫左個“紅燒牛肉乾拌麵”(加酸菜)HKd$60+6朋友話麵質唔錯我就要左個台灣滷肉飯(小)HKd$28當日滷肉賣曬，變左肉燥！肉燥無咁肥，但撈飯食同樣好味最後仲每人叫左杯飲品：“珍珠