老街 (已搬遷) 新店位置

去完台北之後，好掛住台灣嘅野食呀！即刻捉埋朋友去食台灣野先～珍珠奶茶+冬瓜茶，同我喺台灣飲到嘅味道係一樣，唔係普通珍珠奶茶店嘅行貨糖水味道，冬瓜茶係必試，香港未飲到一間係咁正宗呢～兩款小食拼盤：鹽酥雞+台灣腸：鹽酥雞炸得好金黃脆口，唔會油淋淋。比起普通香腸，我更愛甜甜地嘅台灣腸。滷水蛋+豬耳+豬大腸+牛根：滷得好入味！豬耳好爽脆，同埋豬大腸切走晒肥膏，處理得好乾淨，過牛根亦好淋紅燒牛肉麵：呢個台灣經典麵食，唔需要多介紹，基本上試佢呢個麵就可以知道呢間餐廳合唔合格，牛肉係牛腩位，炆得好淋，入口即溶，麵質又好彈牙！蘿蔔都炆到淋晒，索埋個湯底好好味！番茄牛肉麵：番茄湯底好清甜開胃，同埋唔係罐頭湯嘅味，牛肉同埋麵條都係同台灣牛肉麵一樣肉燥生菜：今次無叫肉燥飯，肉燥生菜都好好味呢～肉燥送飯一流，下次可以試下肉燥飯回味台灣之旅成功！

老街位於旺角豉油街，由於餐廳細細間，座位唔多，我們當日七時到達，已經見到有人等位，不過，等左一陣好快有位餐廳牆上掛滿懷舊相片，木條餐牌牛腩牛筋麵，湯底清甜、牛味香濃牛筋滑溜，好入味，牛腩略為瘦，有少少靭，麵軟梗度適中，滑滑地，啱囇我涼拌小黃瓜小黃瓜爽脆多汁，酸酸地，淸新又美味五味小茄子份量一尐都唔少，上面擺左滿滿木魚絲茄子外面乾身，𥚃面一絲絲，多汁，加左酸酸甜甜醬汁及木魚絲，令到味道更為豐富椒麻牛肚絲牛肚煙煙靭靭，有口感，椒麻更加刺激味蕾，食到停唔到揀左杯健康飲品-洛神花茶

呢幾日天氣熱到不得了,同大爺企係條街好迷茫,肚餓但又熱到唔想食,行過豉油街見到呢間食台灣野既舖有乾拌麵食,我地就決定試試佢我叫既係鹽酥雞肉燥乾拌麵$55,可能人客比較多,都等左成15分鐘先有得食,鹽酥雞入面無乜味肉質有d實,但外皮夠脆,初初叫乾拌麵係以為佢係涼涼地既,但原來係熱既,有少少失望,不過肉燥既汁撈個麵又幾好播,麵既質地有少少似油麵其實佢地既主要推介係牛肉麵,下次等天氣無咁熱既時候先再試過先

因為要交收手信，約了朋友在旺角相聚，朋友強烈要求先來個輕食，再去附近吃甜品吹水聚舊，行到豉油街尾都未決定到食甚麼，但見有一堆人聚在此店門口，是一間主打台灣食品的小店，看了看餐牌，價錢合理，便登記等位。等了一陣便有位，我一早已決定要食牛肉麵，而有選擇困難症的朋友由等位開始到坐下來都未有定案！大熱天時，大家都叫了凍飲，朋友的荔枝QQ紅茶內有QQ的啫喱物體，甜味適中，我點的洛神花茶初時味道適中，但坐久了冰溶後就味道轉淡。叫了兩碟小食，魚酥皮蛋豆腐極力推薦！雖然明知是盒裝豆腐加皮蛋，但要調味得宜也考功力！而點了的細size鹽酥雞比想像中多很多，感覺好像正在吃台式麥樂雞。更要讚的是紅燒牛肉麵，麵條彈口，軟硬適中，濃濃的湯底，真的可以媲美在台灣吃過的！是很用心的製作。👍🏻👍🏻👍🏻而朋友點的三寶肉燥新竹米粉，最正的是台灣香腸和貢丸，而且份量很大。總的來說，小店雖小，但流動性很大，就算要花小小時間等一陣位也是值得的，而且價錢合理，是旺角區不錯的選擇。

朋友想食台灣野，就選了呢間，地點係旺角，非常就腳。入到去望下個menu 就點了下面幾款。紅燒牛筋牛腩新竹米粉-好夠份量，有成6,7年牛筋同牛腩，件件都大塊。牛筋非常淋，唔會好似一般餐廳咁硬到咬唔到，牛腩半肥瘦，忟得好入味。米粉吸哂湯汁同精華，就咁食個粉都已經夠好味滿漢大塊牛肉麵-呢個咩都有，想貪心咩都試ge 朋友就最岩喇。同樣忟得好淋，非常好吃。魚酥皮旦豆腐-台灣冷盤，豆腐非常滑溜加上冷冷凍凍，猶如咸ge 豆腐花，配上皮旦木魚，口感好豐富，味道勁夾。肉燥青菜-好新鮮，係台灣A 菜，入口爽脆。香腸拼鹽酥雞-份量不算大，但足夠2位食用，台灣腸細細條但惹味，鹽酥雞炸得好香脆，好似去左台灣夜市咁。香苧奶茶-香苧味濃，甜度適中。巨峰qq 綠茶-有爆珠加上綠茶清清地，成個味道好夾好好飲。下次要帶多d 朋友尼食埋其他食物！

旺角一向都多嘢食，今日去到一於試下台灣嘢，本身想去間大型啲嘅連鎖店 ，可惜太多人 ，下午茶時間都去唔到，有排等位。老友上網見到呢間台灣小店， 一於試下 。我哋就叫咗鹵水豬手，鹵水拼盤 ，豬扒滷肉飯同胚芽奶茶。第一味到達鹵水豬手，分量唔算大分， 不過豬手鹵得好入味，又唔會太淋 軟中帶硬，口感唔錯。再來豬扒滷肉飯 ，滷肉汁鹹鹹香香， 又唔會過鹹， 滷肉又唔算特別肥膩，肥同瘦之間個平衡， 攞得啱啱好。唯一可惜就係豬扒，炸得有啲過火外面係好脆，但係中間太乾身。炸豬扒嚟講太多好過佢。鹵水拼盤到達，豬耳香脆可口 ，牛筋炆得好霖又入味， 但係我最鍾意食嘅就係鹵水蛋， 好香蛋味，又唔會過鹹，最重要係有 鹵水香。飲品就普通啲， 胚芽奶茶， 冇咩特色，勝在平同大杯。如果諗唔到食咩，或者其他地方太多人，我都會再來， 性在性價比高。

係網上見到呢間台灣菜評價唔錯呢晚特登過去試下但未過馬路已經見到不祥既景象， 就係好多人排隊 無辦法啦，一場黎到我哋地照 拎飛等啦，差唔多等左半個鐘先有得入裝修幾有舊式台灣風味，可惜入面唔算好大，座位比較迫喺出面排隊時就已經睇曬餐牌有咩食，所以一入黎已經即刻可以落單叫左個細嘅滷肉飯，可惜侍應話當日賣曬就轉咗肉燥飯肉燥比滷肉瘦，味道都ok， 不過唔夠多汁撈黎食，下次都係要食返滷肉飯先得 炸豆腐拼鹽酥雞炸豆腐炸得出色，薄薄既外皮好似薯片咁脆， 入面豆腐又滑又嫩而鹽酥雞就一般水準，炸粉都算薄，不過用雞胸肉就鞋左D五味小茄子，賣相唔錯，醬汁惹味滿漢大塊牛肉麵，好大碗，配料多又足，有花枝丸，金錢展，牛筋，牛腩識飲就梗係飲湯先，雖然個湯有d油膩，但有好濃郁既牛湯味，仲有少少藥材味而配料之中，金錢展肉厚，質感軟腍，最好食牛肉麵跟餐+$12可以要特飲，要左洛神花茶，最適合係咁熱既夏天飲，又解渴清熱，味道唔算好甜，甜酸適中

無假期所以無得去旅行 所以有時會諗起每度地方的美食 今晚同老公傾開講開話好想快閃台灣 食食食 兩公婆講起都開心 我最喜歡鹽酥雞 花枝丸 台式香腸 老公最鐘意紅燒牛肉麵 去到台灣必食 就係咁即刻上openrice揾 係旺角去近近地嘅老街 店鋪不太大但也算多位 而且客人流量快 等一陣就有位 坐低睇Menu 竟然有我地之前講嘅野喎 巧高興紅燒牛肉麵 $58味道正宗 但無左種台灣湯底有嘅香辣味 麵質彈牙 牛肉係用上牛腱 有牛味之餘還鬆軟 滿漢大塊牛肉乾伴麵 $68多種食材一次過試晒咁多 包括左花枝丸 貢丸 金錢 牛腩 同牛筋 乾麵唔夠乾身 他們選用麵質跟湯麵同一樣 牛腩最入味 牛筋膠質重 牛鬆軟牛味濃 酥炸花枝丸 $26重手左 外皮金黃但偏鹹 但又惹味 肉燥青菜 $28肉燥用左魯肉飯嘅肉燥 味道惹味所以同無味青菜配合 小香腸拼鹽酥雞 $42熱辣辣嘅鹽酥雞 表面粉漿好薄啖啖肉 好爽 小香腸就彈牙有咬口 肉質較實 甜甜地 凍珍珠奶茶 $22奶味不太重 跟台灣飲差不多 要讚係d珍珠剛剛好質感適中 彈牙又E E Un Un 凍冬瓜茶 $18清甜解暑 大熱天時首選 可惜好快就聽到話賣晒 好彩我地早

豬先生最愛就係台灣美食 什麼牛肉麵 鹽酥雞 魯肉飯 佢諗起就開心啦今晚旺角行街街 經過「老街」一於入去try一try「老街」環境相當old skool 很多懷舊poster及擺設 很有七 八十年代的感覺台式滷味拼盤有四款食物 包括係牛筋 豬大腸 豬耳及滷蛋鹵水味道算醃得入味 鹵水調味適中 不會過咸過淡牛筋炆得夠腍好易咬 豬大腸洗得乾淨有咬口份量唔少 做兩人前嘅前菜剛剛好！相反另一款台式小食涼拌小黃瓜性價比就無咁高了 細碟啲小黃瓜用醋醃過 味道既甜帶酸 應加入少許蒜同辣椒吊味 更顯惹味！小香腸拼鹽酥雞上碟時熱辣辣 台灣香腸豬先生最鐘意食了鹽酥雞一啖一粒 size岩岩好雞肉炸至外層香脆 但雞肉未算嫩滑多汁 而且鹽酥風味欠奉呢因為滷肉賣哂 所以改為台式肉燥飯肉燥飯果然大碗！主角肉燥味道濃郁 不會太油膩 好岩送飯食不過旁邊的雜菜粒另我們摸不著頭腦 加了雖然營養會均衡點 不過好像不太正宗啊牛肉麵叫左個終極版 滿漢大塊牛肉麵！滿漢意思有金錢 牛腩 牛筋 花枝丸及貢丸 相當豐富先飲一飲湯底 深啡色 甜中帶甘嘅湯頭 係好正宗及令人熟悉嘅味道 台灣風情出哂尼！牛牛全都好入味好軟腍 少食肉嘅豬小姐都忍唔

好耐無食過台灣野啦！見到門口餐牌上既食物好吸引，就忍唔著入左黎食啦！一黎好肚餓，二黎樣樣都想食，就嗌左成枱野食！正！！天氣甘熱，所以我地二話不說就叫左兩杯野飲先！夠晒冰凍！呢個時候飲超正！左邊果杯係香芋珍珠奶茶，好香香芋味，奶茶唔太甜，珍珠唔太硬又唔會糊晒，甜甜地，有咬口朋友叫左蜜桃QQ果茶，甜甜地，果味相比奶茶淡啲。底有唔少既椰果。小食叫左兩個呢個係併盤，鐘意佢物都有！包括有牛腩、牛展同牛筋。牛腩一夾，已經feel到佢炆左好耐！超淋！唔洗咬都夾得開甘濟。有少少肥肉或筋痴住，更好味！牛筋都一樣，超淋！而味道方面，好入味，有鹵水味，但唔會好重，加上少少蔥食更香。炸豆腐併鹽酥雞鹽酥雞好香淮鹽味，好脆口，入面雞肉好淋，啖啖肉。而右邊紅色果兩舊係炸豆腐。佢係用木魚絲去炸，所以外皮好香木魚味，好脆口，入面既豆腐好嫩滑！紅色果汁似泰式辣醬，唔辣，酸酸地，好開胃！滿漢大塊牛肉麵有貢丸、牛筋、牛腩、金錢展同花枝丸，好豐富！一如併盤，好林，好入味。牛筋大條，又林，好有骨膠原蕃茄湯排骨麵蕃茄湯酸酸地，有一舊舊蕃茄，夏天食好開胃！爭啲飲晒成碗湯！鹽酥排骨相比鹽酥雞濃味外邊炸得好脆，好香，咸咸地，排骨好瘦，又

早排去開旺角搵朋友拎notes, 之後一齊食晚飯～佢帶左我黎旺角既 "老街"，話快靚正！天時暑熱，一人要左一杯飲品！荔枝QQ 紅茶、檸檬綠茶，味道清新，即時降溫 =] 台式滷味拼盤～咩都有 d, 例如：豬耳、滷水蛋、牛筋、豬腸, etc...滷水滷得幾入味，唔會太咸，份量都唔算少呀！ 肉燥飯要左碗大既，肉燥煮得好夠味，撈飯一流！ 紅燒牛腩牛筋麵湯底清甜不油膩，麵質亦爽彈，牛腩炆得軟腍，牛筋彈牙爽口，好推介！ 酥炸花枝丸彈牙，皮脆香口，表面有椒鹽味！ 呢度有我最中意既小棠菜 =]翠綠清淡，唔會話有好多蠔油，正！ overall 埋單，超級抵食！每人＄100鬆d ~小評：味道：★★★★★環境：★★★★☆服務：★★★★★衛生：★★★★☆抵食：★★★★★

之前男朋友無意間發現旺角呢間食台灣嘢嘅小店，記住咗佢，今晚黎到旺角又想食返，咁我梗係陪佢啦！我就第一次入黎食，間餐廳佈置幾有台灣懷舊風味，所以就叫老街吧！冬瓜茶 主食加$10: 唔係超爆甜果隻，飲落幾舒服，食台灣嘢飲冬瓜茶幾夾。熱胚芽奶茶 主食加$12: 本想叫少甜，原來唔駛，因為係無糖，自己加的，奶茶幾香，胚芽份量都幾多。肉燥青菜$28: 平平無奇嘅生菜，加左肉燥黎食就無咁悶啦，每餐食啲菜就健康啦！魚酥皮蛋豆腐$29: 簡單嘅豆腐、肉鬆、皮蛋、木魚絲，加埋一齊食竟然會咁好味，豆腐好滑，肉鬆帶起晒成個味，有功勞！五味小茄子$28: 茄子保留紫色，可能走過油，不過唔覺肥膩，最特別係個汁，酸酸地，男友話好有台灣夜巿風味，似蚵仔煎個醬汁。小香腸拼鹽酥雞$42: 鹽酥雞唔算脆，但外層好香椒鹽味幾惹味，雞肉似係雞胸但出奇地好軟腍，香腸半肥瘦，再加青瓜絲幾啱味。台灣肉燥飯 小$28: 醬汁、肉燥、瓜仔，拼奏出正宗台灣肉燥飯滋味，肉燥肥瘦均勻，脂香美味，飯同料同樣多，抵食。紅燒牛腩牛筋麵$58: 湯睇落幾多油，如果可清一清油再上來就好，湯底有消藥材味，麵似手工麵條，牛腩較有嚼勁，牛筋軟腍。蕃茄牛肉麵

說早幾個月同友人去左台北旅遊，咁一向鍾情牛肉麵既我倆，當然係四周圍搜羅最有名最出色的既牛肉麵啦。短短六日行程當中，都已經試左四款不同的牛肉麵了。事隔多月，有天和友人行經旺角鼓油街，見到這間名叫'老街'的台灣餐館，睇到面門裝修以至室內的環境，都好有台灣的風味，勾起我吾少係台灣食牛肉麵的回憶，所以就決定入去試試啦。店內的裝修亦都好吸引我地既眼球，不論牆上一幅幅的掛畫及一些台灣品牌廣告，以至那些木檯木櫈，都係給人一種懷舊而有台灣風味的感覺。事不宜遲，先點兩碗招牌牛筋牛腩麵先。麻辣牛筋牛腩麵($62)牛腩肥瘦分明，同牛筋一樣咬落都好腍，又夠入味。麵質亦爽彈，湯底濃郁，我將成碗湯都飲完。呢碗牛肉麵相當接近我係台灣食到既味道。紅燒牛筋牛腩麵($58)兩碗除左湯底不同之外，其他係大致上一樣，友人亦都認為呢碗麵係水準之上。滷味切豬耳 $26切得細細地，方便入口，爽口之餘亦夠入味，不錯。台南滷水豬手 $45肥厚多肉，滷水幾入味，亦不會太咸。杯芽奶茶奶茶香滑，配上杯芽更添麥味和口感。芋香珍珠奶茶好濃既芋香味，黑珍珠分量好多，甜度適中。整體黎講，食物既質素都係中上的，下次有機會再黎即管試下其他野食。

星期日中午天氣又熱又濕，突然想喝珍珠奶茶，就想起吃台灣料理，午餐時間就來到這間老街台灣料理，店舖細細裝修也10分骨子，點了肉操飯青菜，朋友點了牛肉麵，再加兩杯台式飲品，肉操飯點了小碗的，對於我一個女生來說份量已經足夠，味道還不錯，青菜以為會是台灣的A菜，可惜來到是普通唐生菜，味道苦苦得不太好吃，朋友說他的牛肉麵牛肉非常入味和林，唯一美中不足是麵條過了一點火，口感立次次的，侍應生一般比較懶散，質素算是平均。

經過見到餐牌覺得食物選擇多,價錢貼地,就揀左食呢間.我地叫左蕃茄牛肉麵 $65 個湯底好濃郁! 😍最中意蕃茄湯底，一食就愛上!😋 有三大塊牛肉，夠軟腍，同埋入味👍🏼蒜香豬軟骨肉燥乾拌麵 $55 好大份, 拌麵好夠汁, 好好味! 豬軟骨好爽口! 小食就叫左鹽酥雞 小$30 ，有五塊，炸粉吾算厚，味道就不過不失啦.五味小茄子 $28 估吾到都幾大碟, 茄子煎得好好,個特製汁又好好味.飲品就叫左熱香芋奶茶 $20 香芋味濃，不過偏甜。另外，百香果QQ綠茶$25，叫左少甜，但都仲係好甜🙄