翡翠餐廳

營業中

休息中

如果12:30前落餐會平$2，但因為諗唔到什餐食，所以最後叫左常餐，沙嗲牛肉通粉，配滑蛋，多士；野飲就叫左熱禾古力，total$40-$50，價錢都ok牛肉唔錯，可惜沙嗲味唔夠，湯都冇咩色，但整個通粉又唔會冇味，只係沙嗲味比較淡多士脆卜卜，記住要快食，如果唔係就會變林嫁喇滑蛋好香，好正啊最特別係熱朱古力，杯熱朱古力好多粉，所以整杯都好甜，D粉仲要冇搞勻，超甜呀整體尼講都唔錯，不過份量一般，如果舍常餐想做午餐的話可能會唔係幾飽，下午餐就ok la

今日12點幾打去落單叫外賣，結果等左90分鍾1點45先送到黎，都唔緊要，今日黃雨，一次半次算。結果你地送錯左餐，入面的根本唔係我叫。打電話去叫你地送返岩，聽電話個啊姐態度極差勁冇家教，你自己送遲又送錯道歉都冇，仲同我講今日好忙叫我食左呢個佢。我話更係唔得啦！你就話咁你等吓啦就直接ＣＵＴ左我線。請著你Ｄ咁的員工真係趕客。

本來想試吓樓上cafe，但公眾假期冇開，行吓行吓去咗海濱公園，想揾地方食下午茶，呢間算平，入去試吓。叫咗松露炒蛋脆豬，紅豆西多，炸魚脆豬。其實食物新鮮炸起一定好味，紅豆西多夠厚，但紅豆唔多。炸魚夠脆，脆豬都脆卜卜唔錯。松露炒蛋就梗係冇乜松露味啦，但都好滑嘅。

今日中午一行7個人去食，有大有小朋友，坐8人位，12：45分落order，食到1點15分就比兩個大媽職員趕我地走，前後都未到半個鐘，一間不知所謂茶餐廳，永不再去！

牛頭角工廠區冇什麼餐廳選擇， 最就腳是這一間，因此此餐廳已成為我的飯堂。即使我已在早上11時入座， 餐廳有近60個空置座位， 通常我在離開前(1140前)仍有40個空置座位， 他們仍指使你的座位，有時明明有十張空枱(不是座位)仍把客人硬塞在你的位置。但由於真的這區冇乜選擇， 翠華又非常貴， 唯有都是選擇這一間。另外，為了快點清枱，他們像其他茶餐廳一樣不會問你，就會收取你的碟。客人多，他們不在乎。不過，今天我終於有了一個原因把它列在黑名單。就是我平常在茶記吃早餐，有炒蛋的時候，都會要求要少少茄汁，加在炒蛋十分好吃， 以前他們會提供，但今天去過，現在要加5元才可有茄汁。如今唯有練下腳力去遠少少吃飯吧，無論點餐或付款，不想再受氣。

今日lunch去左公司附近食飯，呢間已經好耐無去食，今日再去幫趁薑汁肥牛米線:我完全食唔到有薑味，米線好軟身，我中意食，肥牛份量就一般啦，不過我唔太意個湯上面個層野，俾人感覺好唔乾淨，不過勝在個湯好飲附送多士同蛋，味道正常不過杯檸水就真係好難飲，因為飲落去好大陣霉味，飲左2啖放棄左，因為檸檬好唔新鮮

平時lunch都有去食，都係一般茶餐廳既食物。尋日去買下午茶外賣到附近的觀塘海濱坐著吃。之前食過公司三文治好好味，佢特別之處係有芥末沙律醬，口感層次多左，會有少少刺激，但又有甜味。而且成份三文治好足料，一set有四件，食兩件已經飽了。$40都算抵。唯一不足係特登拎盒去比佢裝，打算環保啲，侍應話會照收$1，我話ok，佢望左一下就話我個盒唔夠裝，仲話：mission impossible。事實係，佢本身個外賣要掉轉裝夾硬黎先放到入去，但我個盒夠裝有餘。希望餐廳可以支持走塑～一齊為地球出一分力啦

本想到觀塘海濱道公園附近的MG Cafe，可惜他們食品供應的選擇，比第一次（兩年前）及第二次（一年前）少了許多許多，最後唯有選擇了他們隔壁的翡翠餐廳。很懷念MG賣相一絕的冬陰公蝦 Pasta 啊！從前翡翠餐廳的位置，應是另一間餐廳，是間暗暗燈光的、像是只做夜市的餐廳，跟海旁滿有綠意的感覺很不合配。所以之前到訪兩次，也從沒想過光顧，但現在變成了另外一間叫翡翠餐廳，是間typical的茶餐廳，裝修光猛，帶點local的型格感覺，主打茶餐食品。而常餐在早、午、下午茶市，價錢都不一樣。是日點的是「常餐」𥚃的鮮茄炸雞翼米線配黑松露炒蛋加牛油脆豬 （$38）及「午餐」干炒肉片河。鮮茄米線的鮮茄湯底，味道像鮮茄燴意的汁的味道，很不好吃，偏酸偏甜，自家略加了偏咸的辣椒油，給湯底調個味，反而茄味更鮮更出。炸雞翼做得香脆，是一貫茶餐廳水準和味道。干炒肉片河 （$45），肉片用上豬頸肉，河粉與肉皆有鑊氣且香口，但頗油膩。其實，豬頸肉原是豬肉中最高脂肪比的部份，有69%+（衛生署數字）之多，比較之下，連一聽就知道是肥膩的豬腩，都只是53%左右，而大腿肉（即赤肉）佔的只有大概5%。所以干炒豬頸肉河，簡直是超級邪

星期六既朝早唔太多人唔駛等位, 上餐時間都唔會等太耐, 早餐既餐牌都算多種類揀, 但價錢方面, 其實同翠華有得比, 如果兩者作比較, 我會選擇去翠華沙嗲牛肉湯麵配炒蛋多士 - 賣相一般, 多士脆口, 但牛油太少, 沙嗲味唔太濃, 麵既口感麻麻, 唔爽口, 炒蛋有蛋漿流出, 但味道一般香煎雞扒配煙肉 - 多士脆口牛油太少, 雞扒皮煎得脆口, 肉質不算嫩口, 煙肉偏油冇煎過既痕跡, 蛋沙律既物體, 但最後冇食到五香肉丁配牛油脆豬及黑松露炒蛋 - 奶油豬口感麻麻, 黑松露炒蛋賣相麻麻, 味道都麻麻, 五香肉丁麵質唔爽口總結 : 只會試一次, 後會無期

某年某月某日的下午茶，孤身走到去觀塘翡翠茶餐廳食咗個下午茶餐。黃金西多$28，你厚多士呀，撞鬼吖厚到一個點呀，味道就正正常常，最鍾意佢用練奶特別覺得好食。這杯熱奶茶水準不錯，夠香夠滑好唔錯呢。

某一日下午放lunch ,原本想對自己好一點到另一間食西餐，巧遇包場。唯有到依間餐廳試試吧，下午茶餐有多項選擇，最後我揀了簡單既芝士黑松露西多士。多士烘得脆，芝士加松露另我有少少似食迷你pizza feel ,可以一試。一日一杯咖啡的quota 已經係公司用左啦，但呢杯奶茶都唔錯的，茶味香濃。

邪惡美食🍴黃金西多士🍴黃金西多士成吋厚，成塊面咁大！份量十足～～呢個西多最正在於，在金黃西多面抹上牛油，香氣撲鼻！外面十分香脆，食落「sha sha」聲內裡塗勻花生醬，口感香軟！一句講哂！呢個外脆內軟西多不得了！當係觀塘返工嘅你，做野做到想爆粗！食件西多，甜甜地，即刻開心哂！又或者當生日蛋糕同friend慶祝生日又得！

在觀塘區外賣$40快餐,都算平,水準都可以,只係快餐日日唔同,每日都要打電話去攞fax.堂食早餐都有好多選擇,要讚下雞扒麵,雞扒分開上,小朋友唔駛义住成塊食,咖啡好飲,凍啡都唔錯,無酸味又唔苦又唔係好甜.

職場上人來人往早已不是新鮮事，今天就輪到我做了farewell飯的主角。在最後一個上班天的午飯時間，來了海濱旁的翡翠餐廳。一早預計到餐廳會人頭湧湧，因為這裡食物種類很多， 單是是日快餐已有八款。常餐亦很特別地有得選配豬潤麵。但我們最後則選了叫餸食飯。咖哩牛腩 $70最快送上的是咖哩牛腩，但就奇怪在小鍋上的牛腩看起來一點都不熱。仔細一點看，原來牛腩不是以咖哩炆出來的，蒼白的牛腩上淋著微溫的咖哩，好不安。咖哩是偏甜口味的咖哩，不算惹味，但口感沒有過份的漿。食的時候有點微酸，依然令人不安。啫啫滑雞煲 $70另一道以煲仔上的小菜就出色得多，醬汁咸香惹味，豬潤不太乾澀。雞件少骨，而且肉質嫩滑。咕嚕肉 $70想不到在咕嚕肉中食得到鑊氣。咕嚕肉夠脆口，醬汁酸甜適中。菠蘿不是罐頭貨，新鮮清甜。

喺觀塘上班了數個月，但一直沒有留意這裡有一間茶餐廳，見今日午飯時間人也不算多，就入黎試一試！入到去餐廳既裡面，佢地都一般茶餐廳既裝潢，但是他們應該尚算新開的，所以感覺也十分企理，十分乾淨。餐牌有8個餐俾你揀，分2個唔同既時間有唔同既收費，方便控制人流而除了在餐桌上的餐牌外，他們有一個很大的display，每天的午餐一見目了然，這個設計值得一讚今次我點了C餐味菜牛柳絲炆米 （$46） 7/10茶記來說，這個炆米炒得不錯！ 首先，炆米炒得好乾身，沒有一般茶記的「多油」；牛柳絲也算多，有8-12條；整體也十分整潔，沒有「獲勞」，算是中上的表現。跟餐的凍咖啡也十分大杯，絕對夠我差差電，以應付下午的工作埋單$49 （因為凍飲要加$3）老真說，茶餐廳來說一點也不便宜，但是為求方便的話，可以一試