翡翠拉麵小籠包

營業中

休息中

今日又入屯門搵朋友，佢好鍾意食上海菜，話一定要試下呢間翡翠拉麵小籠包！店新裝修，環境衛生，光線充足，幾舒適。店以推崇中國傳統飲食文化，以少鹽少油的烹調，以京川滬的特色菜為主！麵師傅在現場拉麵，有點似蘭州拉面風味，我地叫左酸辣湯配麵、金銀蛋浸莧菜、湯羹，仲有小籠包及開胃前菜。麵條煙韌彈牙，配合香港經典口味融合，味道酸酸甜甜，用料新鮮，質量唔錯。湯底以香濃鮮美，價錢親民。金銀蛋浸莧菜，唔會腥，菜都算嫩，但味道較淡，質素一般，但可以接受。小籠包足料多肉汁，絲毫不馬虎，值得一試！

今天一人到屯門翡翠。服務一直很好，幾家人堆在門口想就咁入座，但我已取票排隊，職員很負責的先讓我入。秋天到，翡翠已有幾年推蟹粉莱式和套餐。由於我一人胃口有限，點了蟹粉伴拉麵和小食腐皮卷。蟹粉一定少，不像名上海食肆金黃色幾百元一碗，又明顯只見蟹肉，混了炸葱絲。所以只能叫“止吓咳”。建議加枱上的黑醋，以提升蟹粉味道，使更好吃。反而腐皮卷就做得不錯，皮脆餡中冬菇粒調味配合做得不錯。這一餐連加一並不便宜，收$20X。你可能認為不值。

今日中秋翌日同呀媽行下街， 就於起身遲，所以兩點幾先嚟食中午飯🤣 由於係公眾假期所以座位都有八成滿，不過唔洗等位蟹肉小籠包😋，食咗一粒先記得影相🤣比想像中有驚喜，入面都幾多蟹肉， 一啖食落肚，又多汁皮又薄，正！蛋白賽螃蟹，呢個真係唔太得， 完全食唔到有蟹肉， 同蟹肉小籠包實在太大對比， 不推介🥲銀絲卷， 其實唔係好分得清佢同炸饅頭有咩分別， 應該係入面嘅質感係一條條， 味道都幾好食，而且價錢抵食😋蝦仁帶子炒飯， 炒飯粒粒分明， 有鑊氣得呢夠乾身， 味道中上啦🤗

今日收工係屯市搵野食，見到翡翠唔洗等位，就入去試下佢既小籠包，睇下係咪真係咁好食！四川擔擔麵，小小香辣，個湯底都幾重花生味，同啲麵都幾夾，啲麵都係岩岩煮好，條條分明老乾媽炒牛肉，牛肉都夠滑，啲香菇都入味，少少辣，味道同份量正常小籠包，皮夠薄，有唔少既湯汁，新鮮蒸好夠晒熱，加埋彊絲同醋真係幾好味！上海粗炒，份量都幾多，夠2-3個人食，個人感覺味道就偏淡，加埋辣椒油食就唔錯生煎包，包皮都幾薄下，而且包底都有脆口，食得出係新鮮整好既，包入面既肉都會有少少肉汁，一個人食左兩個都唔會覺得好飽今晚餐廳既侍應服務都唔錯，都會有主動幫手添下茶，執下臺，但到多客果陣就有少少甩漏，一碟辣椒油要叫三次先送上，可能係人手不足啦，所以都唔怪佢地

屯門市中心既上海菜唔多，翡翠拉麵小籠包一直都係我既首選～以前下下等位都要等成半個鐘，而家真係少人食左，有時候星期日晚都唔駛等位添！今日平日去食lunch，都一樣係唔駛等位～小籠包必食推介，皮薄餡靚，正呀蠔油抄手辣度適中，個皮好薄，蒜味都好香上海粗炒今次比較油，差左……味道上都咸左啲雞火炒飯呢個就比較淡，不過加埋豆辦醬就啱啱好炸銀絲卷內脆內軟，鍊奶2碟都唔夠呀高力豆沙唔係用油炸，係用一部機翻熱，相都睇到，淋哂……好難會好食值得一讚：員工們好勤力又有禮貌

唔想諗食咩，所以揀左信用卡套餐，食物唔算好高質，但份量好夠，食完好飽。原來仲有就咁買現金劵嘅優惠，所以呢個套餐唔算好抵，散叫自己心水野抵d，一句講哂，我懶。套餐 （星期六、日）$378，茶芥每位$10，醃菜$8，埋單$446。有5款前菜揀3款、4款小點揀1、海皇湯、4款主菜揀1、3款拉麵揀1、3款飲品/甜品揀2。小點當然揀上海小籠包，一定要食，皮薄餡靚，湯水滿滿，肉餡又香，非常好味。海皇湯熱辣辣，有小量急凍蝦粒，爽口魚肚，豆腐粒，味道無咩驚喜，但就溫和順喉，咸度剛好。前菜揀雞絲粉皮，個粉皮好厚，但食落又滑又軟口感都幾好，雞絲好少，不過個麻醬就好味；燻魚好夠味，甜甜地幾開胃，魚肉扎實；醃青瓜清新爽口。主菜揀黃金炸蝦球，好香口好脆卜卜，沾滿咸香惹味嘅咸蛋黃，味道濃郁，連米脆餅都好香脆，讚。五香牛肉拉麵，有5至6片牛肉，都好大塊，而拉麵亦多，所以份量好夠飽，湯底清香，牛𦟌柔軟帶少少筋，有肉感同咬口，牛肉亦帶香。甜品揀酒釀丸子，我個人覺得唔夠甜，男友就覺得岩岩好，丸子軟糯綿滑，不過無咩桂花味。服務好好，落單上菜都好快手。

好多位同唔多人，食物上得快，而熱，味道唔錯，用openrice訂位，好方便，酸辣湯面好好食，而份量大，很多員工幫手加茶，小朋友好喜愛食，下次會再去，方便同食物上得快

好耐無食呢間餐廳，之前一直都覺得唔錯，近排去食，品質一直keep住，之前食個時高力豆沙覺得唔錯，而且覺得好新奇。今次就食水煮牛肉拉麵同雞絲粉皮- 水煮牛肉拉麵食唔到辣既千萬唔好輕易挑戰，因為同伴表示一上枱就有陣辣味飄過黎。但對於食得辣既人黎講，其實係唔錯，牛肉唔會好難入口，都算嫩。麵係幼麵，可以選擇要唔要切開啲麵，啲麵好容易咬，所以算不錯。- 雞絲粉皮呢個不嬲都不錯吃既，粉皮同麻醬非常夾，麻醬既味道唔會太濃，但青瓜絲就少左啲啲，都好好食。

Shopping 完同屋企人食lunch 順便要坐下叉電再shopping🥰小籠包皮算薄，肉汁好多。蘿蔔絲酥餅外層非常酥脆，唔會太油，入面蘿蔔絲好味。菜肉雲吞湯拉麵有五粒菜肉雲吞，麵幼湯底略咸。嫩雞煨麵幾鐘意呢個，清清地。上海炒年糕呢個就差啲，味道係接近燶左😵‍💫麻婆豆腐呢個…唔係我杯茶，豆腐滑但唔麻唔辣仲要有啲甜，唔知上海既麻婆豆腐係咪咁😂試一次就好。好似真係有小小失左水準，可能要再隔一段時間先回頭。

今晚想吃上海小籠包，於是找呢間比較正宗啲又可以坐得舒服啲嘅歎下啦！見有個信用咭優惠套餐咪試吓囉！除咗前菜三味好好食之外，小籠包都算合格嘅！起碼皮薄但個人覺得湯味唔夠濃其餘嘅菜式都普通到普通可以講完全退步最差係碗羹淡而無味不得止係感覺飲緊「芡汁水」糖水點咗「酒釀小丸子」個人覺得又係好唔掂水汪汪咁下次我都係散叫單點好過選擇套餐了甜品一定唔會再叫有水成份嘅嘢

翡翠拉麵名字不陌生，以前係銅鑼灣返工，間唔中都會幫襯，一嚟價錢大眾化，二嚟食物水準保持到，三嚟我係酸辣湯愛好者🤣。自無喺銅鑼灣返工之後，都無幫襯過。呢間分店喺屯門市中心，平時見到都幾多人等位，可能疫情關係，今日見到冇乜人，立即走入去懷念下😁。有午市套餐提供，可以揀一款主食，一款小食，一款菜半份，最後加一杯飲品或老火湯。我同老公都揀左酸辣湯麵，酸辣度適中酸辣度適中，好可口，溫馨提示，記得叫店員剪麵，咁樣會容易食啲。小食我哋揀左陳醋西芹黑木耳，陳醋味香濃，好開胃。 惹味伴螺肉，幾爽口。我哋都揀左芥蘭老火湯感覺無味精，飲完唔口渴。呢個餐一百零幾蚊，絕對超值。

香港開左好多分店但一直冇動力去試，其他餐廳都好多人，見得呢間有位就入去食過快飯，新年期間有推出盆菜優惠，或者多人套餐，不過價錢唔算好平，同埋埋單先知原來呢到除左要加一，仲有茶錢$10/人要收上海排骨拉麵｜$70由於排骨要炸，所以都等左一段時間，拉麵份量都幾足，湯羹上面仲有蔥同芫荽，不過我就唔鍾意芫荽，方便挑走，麵屬於幼身個款，帶點彈性，排骨四件炸得幾酥脆，肉質軟腍，肥膏唔算好多，但加埋一同茶錢一碗要$88就有點貴，未必會再黎

平日如果要外賣但想清淡啲，多數會叫翡翠。一家四口，兩大兩小，叫一個麵一個飯，加個賽螃蟹、銀絲卷就夠，今晚叫多左個麵，真係食唔曬，仲要疫情下除左八折外仲加送一客豆沙鍋餅。排骨麵雲吞麵賽螃蟹雪菜蝦仁炒飯蒸銀絲卷豆沙鍋餅因為外賣返屋企，食嘅次序好重要建議大家都趁暖食咗個銀絲卷，同趁脆食豆沙鍋餅。銀絲卷叫過廿次都有，有一次裡面唔熟，仲有一兩次阿姐漏畀連🤣 但其實一路而來，翡翠嘅銀絲卷好好食，我兩個女好鍾意食。豆沙鍋餅雖然已經唔熱，只係微暖，不過都仲有少少脆，豆沙都滑同唔「漏」。我發現賽螃蟹撈雪菜蝦仁炒飯係好夾架，賽磅蟹略鹹，要搵啲飯戥返勻。最後就食麵，麵同湯同排骨係分開，雲吞就喺湯入面，好多時雲吞都浸到甩皮，但今晚又冇喎，算唔錯，味道ok，不過排骨有啲「鞋」。整體來講外賣自取係ok合格的。

今次黎都特登嗌咗兩個少鹽少糖嘅菜式：清炒何蝦仁同埋瑤柱賽螃蟹。食落去非常新鮮好食，就算少咗鹽都唔會話冇味。賽螃蟹嘅蛋白都炒得好滑好好食，蝦仁就非常鮮甜，完全唔似少咗鹽，非常值得推薦。

椒鹽豆腐 - 看似平平無奇嘅椒鹽豆腐，能夠煮到外脆內軟，絕不容易，但椒鹽味不足，但適合老人家食燒椒小皮蛋 - 其實味道同三哥譚仔好接近，但佢有一大優點，佢粒皮蛋，細細粒，唔洗切開，一啖都食得晒，有細心設計過排骨龍鬚麵 - 排骨好入味，d肉唔會太實，龍鬚麵幼細，又唔會黐住一舊舊高力豆沙 - 入面嘅豆沙唔甜，啱晒長者食薑汁柚子可樂 （熱） - 比較特別少少，暖得黎仲要有汽，有柚子味，但薑汁味就唔覺，如果加一塊細薑就可能會好少少。