翡翠拉麵小籠包

營業中

休息中

翡翠拉麵名字不陌生，以前係銅鑼灣返工，間唔中都會幫襯，一嚟價錢大眾化，二嚟食物水準保持到，三嚟我係酸辣湯愛好者🤣。自無喺銅鑼灣返工之後，都無幫襯過。呢間分店喺屯門市中心，平時見到都幾多人等位，可能疫情關係，今日見到冇乜人，立即走入去懷念下😁。有午市套餐提供，可以揀一款主食，一款小食，一款菜半份，最後加一杯飲品或老火湯。我同老公都揀左酸辣湯麵，酸辣度適中酸辣度適中，好可口，溫馨提示，記得叫店員剪麵，咁樣會容易食啲。小食我哋揀左陳醋西芹黑木耳，陳醋味香濃，好開胃。 惹味伴螺肉，幾爽口。我哋都揀左芥蘭老火湯感覺無味精，飲完唔口渴。呢個餐一百零幾蚊，絕對超值。