翡翠拉麵小籠包

營業中

休息中

屯門一間用心的餐廳，由帶位姐姐到送餐姐姐，你會感覺到員工用心工作，為你奉上細心的服務，至於食品，每次我都會將桌上的東西全部吃掉，吃不完就打包回家。現在有这種服務的餐廳 - 真的很少很少，值得比個

黎到屯門行下, 之後搵地方食dinner 屯門市中心又唔算好多野食同埋都多連鎖式, 今次係唔想搵太耐之下就揀左呢間食, 等左一陣就有位點左小籠包同鍋貼小籠包 (正常), 熱同埋皮唔算厚, 不過不失.鍋貼  (正常), 熱同埋鍋貼底都個少少脆小菜份量就真係算少, 雖然圖片只供參考, 不過係細碟左D點左上海粗炒 同 金銀蛋浸時菜 上海粗炒 (細碟), 揀左唔油, 出到黎都算係可以接受既... 叫做比最油係少左油既. 味道正常金銀蛋浸時菜 (太細碟) 味道正常, 不過真係好細碟, 份量太少, 呢個價錢就唔會值了.不過呢間分店環境算係坐得無咁擠迫, 比其他店相比之下坐得舒服D. 整體黎講, 小菜細碟, 味道正常而已, 呢個價錢就唔太值了. 其他就可以接受既.

一班同事中午聚餐, 有房, order左6人餐, 有松子魚, 上海小籠包, 花雕醉雞, 鎭江排骨, 京燒明蝦球, 酸菜魚, 東坡肉, 津白, 雪菜蝦仁炒飯等等 食物美味 性價比高 酸菜魚特別美味

這家餐廳給予我們一個極致美味的用餐體驗。從入口的第一口開始，食物就展現出高品質的新鮮和熱情。菜單提供了多樣化的選擇，每道菜都經過精心設計和製作，味道濃郁而且讓人驚艷。服務人員非常專業細心，耐心地介紹菜品，使整個用餐過程更加順暢和愉快。用餐環境舒適雅致，讓人感覺放鬆舒適。特別推薦他們的招牌菜，絕對不容錯過！不論是與家人共享美好時光或和朋友聚在一起，這裡都是一個絕佳的選擇。我期待著再次光臨這家餐廳，真心推薦給您！

上菜快，服務好.我一家人都十分喜歡在這個地方用餐，這裡的員工都非常友善。當然，餐廳的食物質數也很高，雞肉非常美味，加上蒜醬很完美，強烈推薦！(My family and I are huge fans of this place. The staff is super nice and the food is great. The chicken is very good and the garlic sauce is perfect. Ice cream topped with fruit is delicious too. Highly recommended!)

今天再去食小籠包又有一番驚喜。叫咗個好耐冇食嘅紅燒獅子頭，肉質鬆軟飽滿，津白清甜，冬菇燜得好入味小籠包保持水準，皮簿湯汁仍在小籠包裹面，肉質飽滿好Juice跟著再叫咗個口水雞拌麵，炎炎夏日有個凉麵食好適合，口水汁不太辣，雞肉嫩口，青瓜丝與麵一起伴住食好爽口食完後有種消暑嘅感覺，好正，值得一試最後再整個甜品黑糖糍粑，外内內軟。今天嘅新菜式令我好驚喜好满足雖然侍應人手不足，但服務員質素沒有降低服務態度親切

好耐無食⋯同班朋友帶住小朋友見到有大檯所以選咗坐呢到！味道唔錯，食味選擇方面都多好多都岩小朋友食我就叫左菜肉雲吞拉麵比小朋友小朋友一個人都清晒朋友仔叫兒童餐比孩子，賣相都靚靚仔仔上海炒年糕都好入味成班坐下吹下水，好舒服！因為一點都唔迫我地仲有叫山東手抓餅擔擔麵鍋貼樣樣都熱辣辣，幾好味

翡翠拉麵小籠包 (屯門)屯門屯順街1號屯門市廣場1期2樓2131號舖🍊橙香蝦球$178大大粒蝦球，而且每粒蝦球都有一粒大大嘅蝦🦐，加埋啲橙味感覺好FRESH😝鎮江肴肉🥩$68係我最鍾意食嘅一道菜，係凍食嘅，面頭有一層啫喱狀，再加埋肉一齊食，一啖一口絕對唔係問題😆 韭黃炒鱔糊$168鱔糊滑捋捋，配埋韭黃一齊食係絕配㗎！松子魚$228係一條非常大嘅Fish🐠,味道係酸酸味味令人好開胃！而且面頭係有少少脆咁樣真係除咗好食就係好食🤤🦛重慶水煮牛肉$125味道有啲辣，不過牛肉份量十分之多，而且好入味鍾意食辣嘅人唔可以放過！雪菜蝦仁炒飯$98蝦仁又係大大粒好爽口，炒飯嘅份量亦都好足夠三個人食鮮肉鍋貼🥟$50鍋貼嘅皮有少少脆㗎，一咬落去爆咗啲鮮嫩嘅肉汁出嚟😝，而且入邊🥩既份量都好多，呢個價錢真係好抵！百步香蔥油餅$38咬落去真係好想講好香蔥味呀🤣雖然有啲油，但係我鍾意🤪#美食 #香港美食 #美食介紹 #美食博主 #飲食 #飲食推介 #香港 #內地 #澳門#foodporn#foodpics#foodiegram#snapshot#discoverhongkong#delicious#yummy#i

行過屯門翡翠，門口職員好熱情同我介紹下午茶，發現有我中意嘅排骨面，而且價錢經濟實惠排骨炸到鬆軟酥脆，非常之入味，套餐仲包埋三款小食，一次過滿足四種口味，只能說呢款下午茶真係超抵食😋下次會黎再試☺️

母親節比平時人龍多出一倍，好彩小編係網上拎定飛，去到門口等埋執枱就入得。環境乾淨舒適，座位闊落，價錢方面比較大眾化，款式亦好多選擇，不過服務就爭小小，多次舉手侍應見到都擰轉頭行左去。————————————♥———————————- - - - - - - - - - - - - - - - - - - - - - - - - - - - -♥️ 花雕醉雞酒味相當濃郁，雞肉嫩滑，不過帶少少苦澀味。♥️ 雞絲粉皮好濃郁麻醬，個醬夠杰身，撈起黎每一條粉皮都有麻醬，粉皮滑身，雞絲同青瓜比例剛好。♥️ 蒸銀絲卷銀絲卷做法係將甜麵糰同整拉麵一樣，重複將粗條拉成細絲，再係細絲上掃一層油，咁就成為銀絲，蒸熱銀絲卷，質感軟綿綿，沾煉奶食，簡直就係絕配。♥️ 上海生煎包外皮軟熟包底脆口，入面有少少肉汁。♥️ 奶油津白簡單但又難整得好味既菜式，菜煮得淋身，食到淡淡奶香。♥️ 上海小籠包外皮厚薄適中，一啖咬落去充滿湯汁，肉質鮮嫩，味道唔錯。♥️ 雲吞雞湯湯夠哂熱，老人家最鍾意既溫度，食材足料，略嫌雞肉粗糙啲。♥️ 高力豆沙鋪頭招牌甜品，高力豆沙面頭佈滿糖霜，咬開入面滿滿豆沙餡料，甜度適中，食多兩粒都唔會膩。- - - -

🤷🏻‍♂️居住屯門多年亦沒有發現屯門市廣場翡翠拉麵居然有素食餐牌，，簡直是我們素食喜好者的福音🥦🥬🥒下午茶時段沒有太多人等位即刻入去試一試，雖然是素食餐牌，但點心意外出色。四喜烤麩比外間一般素食店或高級上海菜還要好吃，軟腍入味，沒有油膩的感覺。蒸素餃不是工場製作的貨色很美味，朋友雖然不是素食愛好者但亦稱讚口味清淡的銀絲卷及蔥油餅，即叫即整鬆脆又夠熱。環境又寬敞舒適。必定會推介給予喜歡素食的朋友

今天放假到附近屯門市廣場搵食😋路過翡翠拉麵小籠包發現平時晚市大排長龍經常等位，下午茶唔使等位，所以入去試一試。蘿蔔絲酥餅有驚喜、擔擔面味道正宗，上海湯年糕抵食。埋單都係$200左右性價比非常高。因今天只是下午茶，沒有點太多食物。眼見亦有很多推廣，好想嘗試。父親節餐牌亦很有特色🥸晚市時段一定會與家人再嘗試其他特色小菜及點心.與職員溝通後，發現可以提早訂坐。即時預訂四位。與家人共度晚餐。相信老一輩的爸爸媽媽一定會很喜歡這樣的菜式。

這間上海菜娘親喜歡吃😛很多時候生日，或母親節那些都吃這間，可能不想想太多吧🤣但這間的確是不錯的，也吃過很多次了，環境也大，座的舒適。韭黃炒鱔糊🐟韭黃嫰，不會有渣，鱔糊也沒有骨，而且份量也多，這碟菜每次來也會叫的，推介😍重慶水煮牛肉🐂香辣惹味，用來配飯一流呢雪菜蝦仁炒飯🦐老爹至愛，炒飯夠乾身，配料也多，不錯鎮江肴肉🐷夠精美，啫喱一樣，像千層糕，冷冷的好吃😋四喜烤麩🍞甜甜酸酸，不過不失😌一品金蠔雞煲🦪雞煲特別，但蠔不算多🥲雞煲也入味，但沒有真正吃雞煲的惹味，正常味道😂鮮肉鍋貼🥟大大個，但皮太硬，不過餡料夠多🤪翡翠拉麵小籠包屯門屯隆街3號屯門市廣場一期2樓2131號舖

雞絲粉皮 $68 ⭐️⭐️⭐️⭐️⭐️味道好香濃，濃濃既花生醬，杰身得黎都易撈粉皮爽口，唔易斷/爛，有驚喜既感覺🥰雞絲同青瓜嘅份量唔算多，岩岩好😋 食得至好開心原盅雲吞雞湯 $64 ⭐️⭐️⭐️⭐️飲湯一定要熱，原盅好能夠保留到熱度😄湯味好有肉味、非常夠味，雞湯有雞味😂 睇相都知，好足料👍🏼 。 雲吞係爽口既，完全無浸到爛既感覺乾煸四季豆 $85。⭐️⭐️⭐️⭐️味道唔太鹹！值得一讚！ 調味做得至非常好！曾經試過其他到食，會愈食愈鹹。但呢一間完全無。 因為叫得太多餸，無特別叫白飯如果唔係，佢一定係白食小偷😂肉碎既部分，肥瘦平均，同四季豆好夾。上海小籠包（四隻） $45⭐️⭐️可惜外皮有啲易爛，有兩隻夾起都穿左肉汁同肉既部分係好味既配埋醋係好夾回鍋肉配薄餅 $88⭐️⭐️⭐️⭐️第一次咁食回鍋肉， 用薄餅夾食啲肉同菜食因為回鍋肉都算幾油， 薄餅幾乾身下😁😁兩者原來都幾夾下喎 唔覺唔覺食左3-4 塊 好好味 好好玩， 值得一試

我好鍾意食小籠包 雖然佢唔係最好食嘅小籠包，但係下午茶嚟講都算幾經濟實惠👍😊嗌咗個下午茶套餐 都幾多嘢食上海小籠包 多汁皮薄上海粗炒 都幾好食，唔太油紅油抄手 唔會太辣啦，唔食得辣嘅 都應該食到炒飯 夠鑊氣，粒粒分明😋😋😋前菜 有酸菜同埋中國茶更加甜幾分親切感