睇到好多推介必試 所以去到西貢 就決定試一試佢 要左「經典髀魔」 閒日去既 無咩人 等約十分鐘左右 即叫即制既感覺😚😚 一拎到既時候都感受到熱辣辣香噴噴嘅感覺 因為條街太熱既關係 都係返室內地方先開餐😝 隔左一陣時間既 雞髀仲係熱辣辣香噴噴 仲配埋膠手套一對 放便用手進食😚 非常貼心❤️ 用手 真係有一番滋味架 感覺上都好食啲🤣 炸髀外層好香脆 醃料調味，剛剛好😋 最外層雞皮脆到好似薯片😍 內層係超級嫩超滑 骨位都做到剛剛好熟透🥰

首爾醬油咖喱粉炸雞 $128/6 PCS
好香口， 炸得好香脆，上枱仲係熱辣辣
少少咖哩粉都好夠味 有咖哩香味 但唔辣😎
脆皮都算少少厚身 但唔太油 算較乾身
肉質都嫩滑 😗😚

群蟹派對 $163/10‘
超級豐富 每一啖都食到配料
食到除左茄醬 仲有海洋醬？ 甜甜地幾好味
木魚花完全落到好似唔洗本咁😂 勁多
為成個pizza加唔少分👍🏼👍🏼👍🏼


今次兩個人食唔到好多款
下次，再有機會可以五六知己朋友一齊去
會食多幾款野🤭🤭
睇餐牌真係有太多款pizza 同炸雞既選擇
好似都好正 好想試哂佢地😋😋

補腎合桃糊 （生磨）$27 性價比好😄 好滑 好香 無一粒粒無一舊舊 滿滿既合桃香氣一啖接一啖🥰 一啲都無苦澀味 食完成碗都無😌 唔算好 hold 食完都唔會好膩 加左小丸子 有啲野食下 開心啲😜

好抵食既台式料理， 懷舊滷肉飯$44 滿滿嘅滷肉醬汁，好有台味，味道非常豐富。 肥瘦比例適中，醬汁同肉嘅比例好平均。 好好餸飯☺️ 名正言順既白飯小偷😂😂 成碗清光光。 香酥雞扒滷肉飯$53 雞扒偏簿，但係粉同肉既比例合理 好香好脆，好滿足😌 雞肉同滷肉既份量好足料❤️ 海苔肉鬆起司蛋餅$38 睇到都知比既料一啲都唔孤寒😊 每一啖都食到材料 蛋皮好有口感 唔會太硬 但蛋皮唔太有味 要靠點醬料先至有味。😗 九份芋圓$40 仙草豆花芋圓❤️😍 芋圓超級煙靭 煮芋圓既時間應該控制得啱啱好 粒粒都好平均 無硬左一粒粒粉 仙草豆花都好有味 唔死甜

有一段時間冇食過椰林閣 見到夜晚個餐牌唔錯，所有再試吓 叫咗一個燒春雞配薯菜 燒春雞外皮香脆☺️ 雞胸部份意外地嫩滑 我本身對燒雞嘅雞胸部份，冇乜期待感 但呢個雞胸仍然保留住肉汁😋😋 好香 可惜嘅係雞髀嘅部份有少少唔太熟 整體來講係好味嘅😄 另外叫咗一個牛柳配烤大蝦 牛柳叫咗五成熟 好有肉味😙 大蝦都烤得香，但有少少過左火

中午食飯時間 好想食台灣野😆 有朋友推介 決定一試 黎左一個花雕麻油雞湯麵 湯底好清 好香 再加埋花雕 超好味😋 份量好多有四大塊雞卷 食得好滿足🥰🥰 另外再叫左一份鹽酥雞同炸𤐶 好香脆😙😙 唔太鹹 唔夠喉再黎多一份迷你仙草芋圓 仙草好夠味 帶微甜 🥰 芋圓非常煙靭 煮得剛剛好 值得一讚👍🏼👍🏼

蒜蓉蒸開邊蝦⭐️⭐️⭐️ 叫左半斤 兩個人食剛剛好 中蝦都幾鮮甜😊 肉質係爽口既 一啲都唔黐殼 都幾新鮮🥰 呢一味係食海鮮餐必叫既 無令人失望 份量都算 豉椒炒蜆 ⭐️⭐️⭐️⭐️ 好友鑊氣 豉椒味好惹味😋 蜆肉唔算大隻 都算飽滿 份量都幾多 無咁咩吉殼🤣🤣 豉汁蒸䱽魚⭐️⭐️⭐️⭐️⭐️ 有17両 中size 好新鮮 蒸起就上枱 碟都仲係好熱辣辣既 魚肉好有鮮味 食得好開心 忍唔住都叫左碗白飯餸 🤣🤣 魚汁 魚骨 魚腩 咩都清哂 酥炸鮮魷⭐️⭐️⭐️⭐️⭐️ 好香鹹蛋黃味，唔太會厚粉 香脆香口野 唔覺唔覺食哂 鮮魷爽口 總言成餐都食得好開心 無伏🤣🤣

難得既高質cafe👍🏼👍🏼 無論環境食物員工嘅服務態度都係非常好 特別係嘢飲非常好飲同埋特別☺️ 宇治抹茶紅豆牛角窩夫⭐️⭐️⭐️⭐️ 牛角窩夫好鬆脆，好香牛油味🥰 紅豆同抹茶忌廉嘅份量不太多😄 抹茶忌廉好濃厚😈 份量啱啱好， 係足夠用嚟查每一啖嘅窩夫 每一啖都有滿滿嘅抹茶味 帶甘 紅豆夠淋 帶甜 好夾❤️ 海鹽焦糖忌廉蛋糕卷⭐️⭐️⭐️⭐️ 焦糖海鹽嘅味道偏淡 有淡淡的焦糖香 蛋糕做得非常出色，非常綿密鬆軟 提拉米蘇鮮奶咖啡⭐️⭐️⭐️⭐️⭐️ 提拉米蘇，超級好味！！ 香！滑！甜！甘！都做得好出色😆 係令人心情好好既味道 大人感既味道😂 提拉米蘇係冇蛋糕嘅部份 用放係面既手指餅 去吸收 😌 同咖啡係絕配！ 上面鋪滿嘅朱古力粉 係神來既點綴 苦甘味平衡返提拉米蘇嘅甜膩既感覺🥰 伯爵茶朱古力⭐️⭐️⭐️⭐️⭐️ 茶味同埋朱古力嘅配合程度係令人驚艷 飲咗第一啖已經係嘩咗一聲 好治療 好想一啖接一啖咁飲， 茶味同朱古力味好平衡 兩種味道好細味得出黎

餐廳環境對住正個維港 真係無得輸 🍜蕃茄蟹肉湯檬 $95 ⭐️⭐️⭐️⭐️⭐️ 蟹肉 鮮蝦丸 豬肉 海鮮濃湯 超級好味！！！ 原來蕃茄同蟹係好夾架！ 個海鮮濃湯個湯底，真係非常濃郁 睇落去好似好水咁 但味道係濃濃架🤭 又唔會過鹹 唔覺唔覺飲咗好多😝 同埋好多餸 好滿足😌 除左蟹肉同鮮蝦丸，都有扎肉 蟹肉相對地係少既，但勝在鮮！ 蝦丸， 唔係彈牙個款， 口感係軟既 一樣都係鮮！ 😂 檬粉唔係平時食嗰一種 有少少似米粉 好吸湯 好入味😋 🥘會安慢煮豬花腩$108 ⭐️⭐️⭐️⭐️ 純素穀飼豬腩 家鄉醬汁 越南香葉菜 肥而不膩 清爽易入口 😊 好有肉味 仍保留到肉汁 juicy😋😋 仲有脆脆地既肉位 但又唔係皮黎架啵 幾得意😎 有驚喜🥰🥰 點埋啲醬汁都好滋味 唔會過鹹 🌱西貢牙車快 $98 ⭐️⭐️⭐️ 手撕雞 椰菜絲 魚露汁 花生 表現一般般 手撕雞係嫩滑嘅🤭 但係椰菜絲帶有少少青澀味道 唔係太討好 調味唔係好夠 唔係太食得出有魚露嘅味道 份量都算幾多 😂

印式鑊仔雞 ⭐️⭐️⭐️ 顏色好吸引 一上枱已經香氣撲鼻🥰 入口既時候少少辣 但係後勁強😂 好好餸飯😂 但可惜無叫飯 雞肉係超級嫩滑 🥰🥰 蟹肉奄列⭐️⭐️⭐️⭐️ 好有驚喜 ！！！ 一眼睇上去好似蠔餅🤣🤣 好香蛋味，但有少少油膩感 如果個蛋厚返啲啲，會開心啲❤️ 都算幾多蟹肉， 每一啖都食到蟹肉😍 食落去，都算好鮮味， 唔似係罐頭貨 因為食到少少蟹殼碎，😂哈哈， 都可以接受既 感覺上好似真係拆出黎既蟹肉咁。😜 分量比想像中多， 好滿足。 . 泰式金邊粉⭐️⭐️⭐️ 中規中矩，味道本身偏酸🫣 仲要加多少少青檸汁汁，都幾開胃🤤 配料好足，成件事好豐富 蝦肉都好爽口彈牙🤭 整體調味幾唔錯 泰式雞肉酸椰子湯⭐️⭐️⭐️⭐️⭐️ 嘩！！呢個真係不得了😳😳 唔好睇佢碗仔細細，其實可以分到4-5細碗出黎 同4-6個朋友仔share就岩岩好🤓 同理好好好好好飲！！！！🤩🤩 見佢咁白，以為凈係得椰子味， 少少酸味 呢個湯係帶酸味既，都偏酸，但好易入口 唔會有‘’那‘ 喉既感覺，反而係同椰子味好夾 第一次飲呢個湯， 好有驚喜！🥰 而雞肉片都好滑， 大大塊，完全無投訴吖 Roti truss⭐️⭐️⭐️⭐️ 凈係賣相己經贏左！ 好I igable ， 好岩打卡😎 其實佢係甜既，裏面有加煉奶 可以黏住花生碎，甜甜哋又好香口 roti 整得好薄，簿既位置好脆😄 唔好睇佢大大份咁🙃 Meet 下meet 下 唔覺唔覺可以食哂🙃 蒜蓉炒椰菜苗 ⭐️⭐️⭐️ 蒜蓉好香！ 菜苗都爽身既 大大碟 都幾抵食 如果椰菜苗切返細少少 但容易啲入口☺️ 泰式奶茶⭐️⭐️⭐️ 都預左泰式奶茶係偏甜 好多時都係得個甜字 呢間都可以 仲有啲紅茶味出返黎😃 凈飲既真係會有啲膩 但配埋鹹食既都算係平衡番既