翠林辣蟹舫

營業中

休息中

外賣之夜～上到餐廳見到全場坐滿，仲有客等緊位，餓底的我唔想等唯有外賣買返上office 食咯🫠🥢避風塘炒蟹當然要試下佢地招牌嘅避風塘炒蟹，一打開外賣盒已經好香，香脆的蒜蓉配埋大大隻蟹，肉質唔係咬落去霉鬆散個隻，而且蟹煮得啱啱好仲食到鮮味🥢黃金流沙蝦球鹹蛋黃嘅香配上啖啖肉大大隻嘅蝦球，而且味道唔會太咸肉質彈牙，絕對係邪惡核心食物之一🥢啫啫生菜至於個菜就較為有啲失色，有啲淡而且獲氣好似爭啲，不過味道還好嘅🥢豉油皇鵝腸鵝腸煮得爽口加埋索哂汁嘅芽菜，鵝腸嘅肥美豉油嘅鹹香絕對係完美結合😌總括嚟講佢地嘅海鮮都做得出色，最後我地仲避風塘炒咗嘅蒜蓉用埋黎送啤酒🍻而且等外賣期間我見到堂食嘅擺盤都幾靚，下次我要book 定枱打多次咭先得💙

带外地朋友去吃饭，两人在open rice上定坐加购买980元套餐。看评论觉得的差不多，也预计套餐不够吃，所以在点餐时就加了去壳濑尿虾一只，店员说498一只，之前在铜锣湾附近的店铺试过类似的菜品，大概也是这个价钱，但是没想到上来的濑尿虾只有火腿肠大小（见下图，是三分之一的濑尿虾），朋友还以为是送的小菜，问了之后才知道是价值498的濑尿虾。后来向店员查询，店员坚持说这就是我们点濑尿虾，本人十分气愤，觉得货不对板，再次沟通，表示会向消委会投诉，店家才同意取消。如果没有吃过的，或者忍气吞声的，这样就被“一条火腿肠”收了498，商家的良心在哪里？套餐内容除了一个螃蟹正常上后，其他菜品许久都不见上菜，催了之后才来。超级不推荐

內地朋友特登嚟香港旅遊，想尖沙咀附近食啲特色野，最終帶咗佢嚟呢間，撞啱lunch時間都好多人，終於有返啲人氣。 夥計上菜迅速，會推介撚手菜(啱晒我呢啲選擇困難症嘅人士)！ 最後食咗：話梅涼瓜 = 本人平時唔食苦瓜因為怕苦，但呢度前菜有驚喜，苦瓜卜卜脆，入口甜甜地，咬落先至有少少苦味。 黃金流沙蝦球 = 一碟兩件，偏貴，屬於招牌菜，黃金味道唔算太出，不過隻蝦就好爽脆好大隻，成隻手心咁大！ 蜜桃咕嚕肉 = 肉質唔算特別好味，肉味味9成被蜜桃味覆蓋，少許失望------- 平心而論，成餐不過不失，買單大約六百幾。 餐廳主打係蟹，但係因為食晏真係食唔到咁多，下次會試吓

我們4人點了花膠雞湯，瑤柱龍蝦，避風塘辣蟹，炸蝦，店員推介嘅豬油渣炒豆苗，還有炒飯食到七七八八先發現花膠雞湯冇落到單，向落單嘅店員查詢，對方望一望和我們說「下次啦」完全冇話道歉補做番的打算味道方面，瑤柱龍蝦好食，辣蟹味道都OK，只是感覺比店員拿出來給我們揀蟹時細隻咗，炸蝦應該是不是新鮮蝦服務方面，食完成餐海鮮都冇店員幫我地換過一次碟環境方面，同茶餐廳差不多，非常受內地遊客歡迎，非常熱鬧

終於來吃到了, 看了那應多好評，我終於來了!和家人一起來試了，今次我們豪氣一點，點了龍蝦，蒸東星斑，雞湯，蒸聖子，所有海鮮類都很好食，CP值高，雖然期望得高，真的沒有失望!會再來呀!

好耐無返來香港，甚是想念避風塘海鮮，好多同事朋友同埋明星推介，特登揀咗呢間餐廳回味一下。中午時段人客唔多，唔需要訂位直接入座。避風塘炒蟹入味而且香脆，辣度方面揀咗微辣，基本嘗試唔到辣味，下次會嘗試中來，黃金蝦球配搭沙律醬非常好味，話梅苦瓜爽脆而且甘香，苦瓜嘅苦澀味基本被去除，話梅嘅酸甜味仲有回甘相當開胃，味道非常之驚喜食神炒飯粒粒分明亦都相當之有水準～可惜兩個人食量有限，未能嘗試魚肚浸勝瓜，下次會再來幫襯！

同呀爸賀牛一，見到開飯喇文章介紹有個海鮮餐$500/位9道餸，有蟹有蝦有魚等等，預早訂位，訂餐要打電話去預訂。去到環境寬敞，4個人坐張大檯，上菜會一道道上，唔會好急，全部新鮮熱辣辣，好大碟夠份量，先上前菜小食黃金皮蛋，拌醬好香再來係招牌菜大蟹，可以簡唔同煮法，今次簡左避風塘味，熱辣辣，好香口黃金流沙龍蝦，都係可以簡唔同煮法，肉質彈牙，但略為唔算好有咸蛋味，金沙係炸香左既麵包糠？魚炸得好香口，下次可能試下蒸可能更鮮味黃酒煮雞，好足料，唔識飲酒，食到成身熱辣辣😂好補福花炒肉片，略咸蟹粉豆腐，豆腐滑，蟹粉有夾雜蟹肉，食到哩到，開始已經見飽炒飯好香口，好有鑊氣，好飽都食左兩啖，最後打包走紅糖糕，煙煙韌，好清甜，好食👍🏻好飽但食哂😂整體來講價錢覺得合理，份量好夠，4人表示撐住肚走，員工好熱情，態度好好👍🏻

喺網上面睇好似好正，啲相又好似好得，所以趁屋企人生日就嚟呢度慶祝，點知係伏伏伏。首先嗰隻蟹，我哋叫咗辣椒蟹，個汁偏酸，一啲都唔香辣 ，十分普通，失望！然後係隻龍蝦，我哋係八人餐，點知隻龍蝦一人都分唔到一舊，隻龍蝦仲細嗰啲KOL拍片時嗰隻四人餐，真心嬲咗！另外條筍殼魚，網上介紹是職員話係越南貨，點知我哋現場問另外啲職員話係香港貨，即係點樣！？最後，福花炒豬肉，舊豬肉偏鹹，而全晚最好食嘅嘢就係福花。最重要係$500一位，但啲食物質素唔值得呢個價錢。所以總括四個字「不會再來」，完！

🦀間中經過都想試下，終於搵到個鐘意食辣又食得辣既人陪我🤭🔸避風塘炒蟹成個擺盤打卡一流😆上到枱已經聞到炸蒜味，蟹殼炸到好脆，蟹鉗錘碎左，食既時候方便好多，隻蟹好新鮮，用質好實淨同鮮甜，炸蒜係炸到好乾身，一啲都唔會油膩，越食越辣超惹味🤤🔸話梅苦瓜平時都會食涼瓜既我，一啲都唔抗拒，味精醜醜甜甜，只會食到好微好微苦瓜既甘味，口感爽爽脆脆，好開胃🔸生煎菜甫黑豚肉菜甫同肉粒切到差唔多大細，好容易俾佢混淆左🤣除菜甫同肉粒，仲有薯仔粒，炸到外脆內軟，豬肉半肥瘦，食到好軟腍🔸海味雜菜煲湯底好鮮甜，仲要係奶白色😍配料超足，有乾魷魚、魷魚鬚、蝦米、櫻花蝦、蝦仁，啲菜同粉絲索哂湯既鮮味，正👍🏻整體推介指數 : 🌕🌕🌕🌕🌗

最近成日見人食大閘蟹🦀我就偏好多肉的肉蟹 豐富又滿足.🔸鎮店招牌蟹 $688 係用一斤重既越南蟹 而且多重煮法選擇我地揀左新加坡辣椒 有大量酸酸辣辣既醬汁坐住隻蟹醬汁結結地 個人覺得可以當酸辣湯飲🤣店會有膠手套提供 好貼心隻蟹多肉 嫩滑 吸哂d酸酸辣辣既汁 超級惹味.🔸酥脆蠔仔餅 $118即叫即炸 而且勁足料 蠔仔大大粒 肥嘟嘟個酥炸都唔會油 平時會唔食但呢個配埋蠔仔食 好有口感.🔸野山椒炒鱔球 $128用了辣辣地既青紅椒炒既鱔球鱔冇骨而且嫩滑厚身 .🔸話梅涼瓜 $68唔食涼瓜既朋友都話好食 我都覺得好有驚喜涼瓜吸收哂話梅味 而且有淡淡檸檬香酸酸地 勁開胃.📍翠林辣蟹舫📌尖沙咀亞士厘道24-38號天星大廈1樓A號舖

📸翠林辣蟹舫🦀長期滿座網紅蟹店有睇之前介紹大閘蟹post嘅朋友就知為食妹有幾鍾意食蟹！🤭緊係唔會錯過呢間超岀名網紅蟹店🦀早成個月book位都只係book到閒日晚巿，睇嚟真係好受歡迎，未食已經好期待！當晚食飯果然全場坐滿，想食嘅話真係記得要預先book枱😳🔸黑白胡椒蟹 $688話明蟹店緊係要試試佢嘅招牌菜～入座已經見到枱枱食客都有order，上枱前已經砌靚靚啲蟹件，打卡相輕鬆get！🤣📸未食已經聞到好香胡椒味，炒得好有鑊氣，夠晒熱辣辣🤤蟹嘅熟度控制得啱啱好，蟹肉好嫩滑，醬汁唔會太濃蓋過蟹嘅鮮味👍🏻眨吓眼就清咗碟，唔怪得見到枱枱都order一人一隻🤪🔸蟹粉扒豆腐 $188蟹粉有厚厚一層，仲有少少蟹子，上枱勁香好靚✨豆腐食落好滑，撈勻加碗白飯真係世界級，老少咸宜之選😆🔸蟹醬炒珍珠帶子 $188呢碟有啲似大排檔嘅小炒皇，材料一樣咁豐富🤩有珍珠帶子、菜甫、薯仔、青椒，好足料，超多珍珠帶子，仲炒得好嫩！炒之前微微炸過嘅薯仔好香口，炒完沾咗蟹醬都唔會淋晒，口感味道都好唔錯～加埋爽口嘅菜甫同青椒，呢個時候開返枝啤酒就perfect！🤣🔸蒜泥白肉 $58餐前冷盤小食～蒜泥白肉平時喺譚仔就食得多，最多分別

🦀避風塘炒辣蟹 $688🍲海味雜菜煲 $148🐷生煎菜甫黑豚肉 $128🥒話梅涼瓜 $68🔸三訪翠林辣蟹舫，每次都滿足而回🙏🏻招牌避風塘炒辣蟹名不虛傳，原隻越南肉蟹肉嫰滑鮮甜，配上炸蒜同蔥嘅避風塘風味，可以話係值回票價😍🔸今次仲試咗幾款之前無食過嘅小菜，海味雜菜煲可以話係大驚喜❤️❤️本身以為度度嘅海味雜菜煲都係差唔多味，但呢間真係著重細節，成就美味😎兩個特別嘅位，第一係平時海味雜菜煲嘅湯都係清清地，但餐廳煮嘅海味雜菜煲係奶白濃郁湯頭，直情想飲晒去😝第二係平時啲雜菜都係偏硬，但呢間可能煮得夠耐，菜變得軟身好味，吸埋啲湯真係無敵🥳🔸生煎菜甫黑豚肉同話梅涼瓜都係特別又好味嘅選擇，前者黑豚肉用咗類似梅頭位置，肥瘦比例完美；後者用咗話梅嘅酸甜去中和涼瓜嘅苦澀，層次一絕💕

[ 翠林辣蟹舫 ]呢間位於尖沙咀嘅中菜館之前食過一次，以炒蟹聞名，今次嚟到食下其他小菜先😋✿ 香醋青瓜海蜇 $78呢款餐前小食嘅青瓜&海蜇口感爽脆，而香醋汁帶點微酸，非常開胃。✿ 黃金流沙蝦球 🍤 $48/隻黃金流沙蝦球外表炸至金黃色，去殼後嘅蝦球好大隻，肉質彈牙，炸粉配上鹹蛋黃碎鹹香惹味，脆卜卜要襯熱食！✿ 薑蔥桶蠔煲 🦪 $248每煲有約9-10隻桶蠔，蠔肉肥大飽滿脹卜卜，煎得乾身無腥味，配埋爆炒過嘅薑蔥更香口。✿ 椒麻酸菜魚 🐟 $288餐廳好有誠意用咗龍躉魚肉做呢個菜色😮 去骨魚肉大塊又厚身，質感結實嫩滑，魚皮好彈牙。而麻酸辣味道恰恰好，唔會遮蓋魚肉鮮味。總結🫦呢間中菜館嘅海鮮&小菜味道都不錯，平日晚上座無虛席係有原因的👍🏻✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿翠林辣蟹舫地址：尖沙咀亞士厘道24-38號天星大廈1樓A號舖電話：2628 9888✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

避風頭炒蟹很讚！感覺可以來這家店專門吃海鮮、其餘的菜品可以按需求外加，海鮮一定要試一次！另外服務也很讚！看上去很忙但都有條有序，態度也很讚，很耐心！整體說值得再來！

🦀明星避風塘炒蟹🦀呢間出名食炒蟹嘅明星食堂 一早就因為好多明星同網紅介紹過已經bookmark咗🙈 見今晚去開尖沙咀 朋友又話想食蟹 就一於到訪吓佢啦 睇吓會唔會撞到啲星😜-🍈話梅涼瓜 $68苦瓜一早已經去咗白色苦澀嘅部分 再用咗話梅汁浸醃到入哂味 所以食到嘅係酸酸甜甜嘅味道 加上口感有啲似醃青瓜 食落都幾fresh唔驚會苦😚-🐣黄酒煮雞 $228秋冬最雖要嘅一定係滋補湯品 佢用咗半隻雞仲有紅棗同其他好多唔同嘅藥膳食材 加多隻煎蛋 夠哂補身😛 雞湯湯底好鮮甜 仲帶有陣陣酒香添👍🏻-🐮蜂蜜燒汁牛仔粒 $128成碟小炒都好夠鑊氣 牛仔粒充滿肉汁 而且唔會韌 不過同場嘅薯仔更有驚喜 佢用咗帶小小皮嘅薯粒 成得出脆脆地嘅皮 而入面就好綿好粉 配埋個小小甜嘅蜂蜜燒汁 即刻好想叫多碗飯😂-🦀避風塘炒蟹 $620成個擺盤已經好啱打卡 加上已經爆香咗又堆到成座山咁高嘅蒜頭同辣椒 聞到已經流晒口水🤤 蟹仲要大大隻咁 肉質扎實得嚟幾多汁 最啱一大班人叫齊齊share😋-📍翠林辣蟹舫尖沙咀亞士厘道24-38號天星大廈1樓A號舖