羲和雅苑

營業中

休息中

有聞這家烤鴨店已久，他們的店遍佈北京、上海等地。他們設店海港城新翼，採全景落地玻璃，維港景色，盡入眼簾。餐廳裝潢古樸又時尚，以雕花木屏風作分隔，格調高雅。雖然環境高格調，但週一至五的午市價格親民。夏曰特價午市自選套餐有齊自選前菜、主菜、鴨湯、時菜同甜品，只是$128！認真抵吃！我們一行二人，一於點一個套餐同以優惠價$198點半隻招牌烤鴨share.前菜：蜜汁脆芋絲嘩啦！估唔到前菜咁震撼！有一大盆炸芋絲！這芋絲炸得酥脆，而不油膩。每條芋絲都均勻地沾上蜜汁，味道香甜而不膩，帶陣陣芋香，令人吃過不停，好吃！福建炒飯$128這福建炒飯材料都幾豐富，有帶子粒、雞蛋、菜心、雞肉、蝦仁、冬菇和紅蘿蔔等等。炒飯炒得好香，芡汁鮮美，滿有瑤柱同上湯的滋味，口感濕潤。羲和鴨湯：雖然是餐湯，但絕不馬夫，湯頭鮮甜，完全吸收了鴨殼的肉香、還有紅蘿蔔和粟米的蔬菜甜味，不錯。田園時蔬：即使是灼菜，也用上湯灼熟，帶一點油光，清淡而味美。甜品是楊枝金露，口感滑溜，芒果味十足，味道酸酸甜甜的，是清新的甜品超值優惠價$198羲和招牌烤鴨半隻，一鴨三吃。這烤鴨分三個部分品嚐。首次是烤鴨胸皮：這烤鴨皮比平曰吃的較為厚身，皮下完全

今次最主要黎食既係北京烤鴨。但食完冇乜驚喜。價錢我都覺得偏貴。佢有個爆炸糖點烤鴨，我覺得幾有創意呀。創意就滿分啦，烤鴨嘅味道都好味既，皮脆肉嫩多汁。但就係無驚喜。另外，佢個海蜇頭好好味。同其他食物都唔錯。

好難先至book到星期五6:30。非常期待食好味的片皮鴨。坐低冇幾耐，侍應已三番四次提醒我哋8:15要交枱。你要叫菜啦、你要上菜啦、如果加餸你要而家即刻加 、你要埋單啦！客人嚟到你哋要走啦！諸如此累的說話。尢其部長級個兩位。面黑黑。好似我哋阻住佢張枱。見到我舉手叫佢，等一等都唔講。當睇唔到咁行過。話晒都係高級餐廳。這是什麼服務態度。7個人都叫左$3500 嘢食！我覺得成餐都係背脊骨落。成餐飯都係恐懼之中食-因為要準時交枱。我相信我哋都唔會返嚟食！

那晚跟客戶簽了一份大單，真的非常開心，佣金相當不俗，晚上要跟爸媽吃頓好菜，拉他們們來這店共嚐晚飯。我爸很愛吃烤鴨，朋友在尖沙咀工作，知道這店烤鴨很有名，況且這裹維港美景盡收眼底，令人陶醉，特來拜訪。先來頭盤北京烤鴨，即席有師傅坐陣，表演片皮鴨刀功，可謂賞心樂事。師傅片皮功甚為了得，三兩下功夫以將鴨起成三款不同結構，單吃皮油香又脆，皮帶肉豐膄中有餘香，還以粉皮包上山渣條，京䓤，洋䓤又或是甜醬或芥醬，再不然爆炸糖吃法，各具風味，我新派和舊派吃法都吃過，還是比較愛吃山楂伴吃，會減膩又開胃。吃罷，我們喝了一壺尚好龍井，茶香伴鴨肉，真妙栽! 金沙鮮魷厚厚脆漿皮，是滿滿咸香的咸蛋蓉，香脆，惹味，又鮮又彈牙的魷魚，太美味了! 青梅一字骨，好特別，炸排骨外表帶薄薄脆皮，那青梅醬有果香，酸甜俱備，很開胃，比中式的話梅骨更入味，更有層次，肉汁很豐富。上湯牛油蝦球伊麵，那伊麵真好吃，索得滿滿的牛油上湯，好香好多汁，蝦又鮮甜，我爸愛死了這道菜。整晚最特別是吃到蝦乾冰菜，冰菜很爽脆，味道帶少少咸，有少少酸，有一種特別草青味，其實口感清新，配咸香蝦干好夾，表面上粒粒結晶，好似冰粒，怪不得叫冰菜呢，店員還說冰菜

態度惡劣的餐廳，8:30入坐，9:45 Last call，10min 後上甜品，問收幾點，收11:00 ，進餐期間我有點要求，女職員又黑口黑面，又零反應，唔出聲行左去，叫其他同事拎過黎，後來我發現原來是趕收工，所以要盡快上菜，發現職員趕收工，我沒有吃掉枱上食物便離開，當時只是10:45，我走的時候有位較為年青白衫幾高偏瘦的男員工大大聲和其他同事說走啦，走啦，走啦，什麼樣的態度呢😡？我是付款的人，點解要有說話和面色睇，食物好味又如何，要我受氣的餐廳只此一次，我會通知所有朋友，不要去羲和雅苑😤😤😤😡😡😡

國內近年很有名大有來頭的烤鴨店。特地來在海運大廈嚐嚐看。被安排坐靠窗的位置。在考慮要不要點套餐的時候，經理說套餐夠5-6位但我們只有幾個小朋友，所以還是單點比較靈活。喜歡老實做生意的經理！烤鴨點了一隻，中規中矩還算不錯。因為我第一塊一定淨食肉不沾醬試試看。結果肉嫌有點「行」左d咁。鴨架加了津白做湯蠻好喝的。其他菜像宮保蝦、獅子頭、鮑魚、都ok。比較內地的風味，我個人不太習慣。最好吃的居然是熬湯的鴨和乾扁四季豆。

那天是小妹生日，家姐帶我來這店吃烤鴨，我好開心。我們坐的位置望到維港美景，我覺得好浪漫。烤鴨在我們面前奉上，我們要求切成帶皮肉簿片的，還奉上八寶盒食材伴烤鴨。赫然發現有炸糖，店員說味道好夾，又無咁肥膩，我試了，真是好吃，烤鴨的鴨香是我吃過最好的，肉味一流，而且配爆炸糖，口感特別，因酸甜味左舌頭上慢慢爆出，越吃越過癮也更開胃。家姐配山渣條和芥醬吃，也說山渣的酸令鴨肉更鮮香。金沙鮮魷好香口惹味，脆漿不厚，有滿滿咸蛋味，入面魷魚勁彈牙，又鮮味。上湯牛油伊麵蝦球，伊麵不會太腍但好索湯汁，蝦大隻又富牛油香。松露蠔仔蛋，蛋煎得嫩滑，有很多蠔，松露味有淡香，也好吃。青梅一字骨，好開胃，吃時皮脆肉汁多表面D青梅醬好醒胃。這頓晚飯回味無窮!

今次一行五人去到呢間位於海港城最遙遠嘅位置品嚐呢間聽講片皮鴨好出色嘅北京餐廳食飯，因為臨時決定所以無上網做定功課，我地先叫咗半隻烤鴨，一開始店員先係我地面前表演片皮，見到佢拎住大大隻鴨係我地面前，諗住好彩無叫全隻如果唔咪就食唔晒，結果鴨皮就分開咗三個部份，然後店員慢慢介紹鴨皮每個部份要點樣食之後就無再見到淨落嚟嘅嘢了，大家都覺得有點後悔點解唔嗌一隻，因為份量真係太少喇，而且佢地嘅三款新派食法，食完唔覺啲片皮鴨好食咗，個人覺得都係依傳統食係最好。之後再叫咗幾度餸，芥末沙律蝦球味道還不錯，蝦干冰草無乜特別，金沙鮮魷魚咸蛋唔夠，整體嚟講啲小菜無乜獲氣，因為啲小菜份量太少，所以我地都無興趣再叫其他野食啦，呢間餐廳勝在環境好，係食環境嘅首選，啱晒請客應酬嘅人士嚟食飯。

LCX呢邊新開左好多新餐廳，仲要對住維港，咁靚既景無理由唔去一去打卡。見今日收工唔算晏，即刻約人去食，見到有得食烤鴨就更加諗都唔諗就衝入去！羲和雅宛～可能今日係weekday，人唔多，真係好好彩咁俾我坐到窗邊睇夜景！前菜篇食上海野，唔小心叫咗好多次前菜，第一味就係呢個「桂花蜜山藥」。第一啖食落去就覺得好幸福，佢桂花味好香但唔會落得好甜，好清香又唔膩，啲山藥都煮得啱啱好，好爽脆，又掛汁，真係好開胃喔！跟手第二樣就係「乾蝦冰草」，其實睇圖嗰陣唔知係咩黎嘅，純粹係諗住今日咁多肉，不如叫啲菜食下啦。不過睇嚟今日我真係非常幸運，個冰草係好得意㗎！佢上面有一粒粒嘅透明水珠，我一開始仲以為係真水，原來係冰草自己嘅表皮，口感爽爽地，但係好薄，冰草又有自己既少少甜味，食完其實我唔肯定佢煮過未跟住就到主菜- 烤鴨一見到個師傅喺後邊不停咁切切切，睇到都已經好興奮。佢上碟嘅時候先來配菜，比平時嘅配料多好多，仲有包爆炸糖，仲以為自己食錯野。鴨肉佢分左三碟咁上，第一碟比較脆，主要係鴨皮only。佢教呢個可以配爆炸糖同酸莓醬，配左之後佢即刻肥膩感大跌，好清新，爆炸糖無平時既咁爆，留返肉香，係幾頂癮既。（淨食唔掂醬絕

是日母親節,約好左小胖女一家人去食傳聞中既爆炸糖片皮鴨大家一睇都會覺得大欖都扯唔埋既兩雒食物點樣可以上碟呢?今日就由小弟去挑戰下餐廳環境佈置一流,夠哂寧靜,先上頭盤係麻辣海蜤,辣辣地幾開胃,之後上既係磯煮鮑魚,一人一隻,爽口彈口,,跟住上既就係今晚既主菜啦,羲和馳名烤鴨首先店員為我地送上一個係各式各樣既配料盒,有青瓜條同薄餅,仲有餐廳特色既山楂條同爆炸糖,另一方面,師傅已經切緊隻鴨,第一味上既係簿簿既鴨皮,好脆,唔包野就咁食都唔錯,第二味係鴨胸肉,肉味會重小小,包埋野黎食就無咁肥,最後就係正宗既片皮肉,配左爆炸糖黎食幾得意肥瘦均衡,大家唔洗跟傳統食法,可以自己點配野黎包都得,其他仲叫左幾樣小菜食,特別要叫好既係麻香蒜酥骨,夠香夠辣,但其實食個鴨都飽哂

工作關係，小弟曾於英國約克這地方居住四個月。約克的中國人不多，只有一間中國菜館。而這中國菜館亦順理成章成了我們華人的食堂，任何大小事情都在這裏用膳。那裏的烤鴨十分好吃，肉質鮮嫩，而且油脂感十足。即使回港多年，偶爾也會想念那烤鴨的味道。有見及此，本星期找了一間位於尖沙咀的烤鴨店，吃一餐好烤鴨。這間餐廳位於海港城，地點方便就腳。玩具反斗城旁邊搭扶手電梯一上便到達 ，十分容易找到。我們一行四人點了特色烤鴨和幾度菜。1) 芥末鴨掌(⭐⭐⭐⭐💢):這前菜大約有五至六件。鴨掌是預先去骨的，吃起來啖啖肉。配合微辣的芥末，感覺清新令人開胃。2) 磯煮鮑魚(⭐⭐⭐⭐💢):冰鎮的鮑魚經過磯煮的烹調方法，吃起來彈牙而入味，能吃得出日本醬油的微甜味道。而且鮑魚本身也相當大隻，我們一行四人點兩隻也十分足夠。3) 蜜汁脆芋絲(⭐⭐⭐⭐💢):芋絲炸得香脆，而且每條也均勻的染上蜜糖，吃起來既香脆，又有點點煙韌，十分特別。與其說是前菜，不如說是跟蛋散差不多的甜品。4) 馳名烤鴨(⭐⭐⭐⭐⭐):終於到夜晚餐的重頭戲。這烤鴨一共有三種食法。首先是鴨胸皮配上藍莓醬。吃起來十分重油脂感，但配上酸酸甜甜的藍莓醬，不是覺得十分油膩

約咗朋友黎羲和雅苑食本身想約6點幾7點早一個星期book, 佢話冇位，要8點半先有位點知。。我地8點半去到成間餐廳冇人咁濟！！！早知我地早啲去walk in冇咁嬲！我地訂咗一隻片皮鴨佢每上一道菜都有介紹一下隻片皮鴨有三食都幾得意下 有藍莓醬好新穎！仲叫咗個前菜 -桂花蜜山藥 咬落去爽爽地，成條山藥都好平均咁吸哂啲桂花蜜味，又唔太甜，幾清新唔錯唔錯不過價錢都唔算平係食埋佢個環境同服務...同埋個茶我地叫咗白牡丹茶諗住有咩咁特別點知。。完全咩味都冇。。失望咗

半圍人來羲和雅苑食佢個套餐，$3988+10%，真係非常之抵食，份量好多而且食物質素佳。雖說是京菜一間，但係不論傳統菜式或是新派菜式同樣了得。食物就唔全部詳細講了。清酒海鹽鵝肝，淡淡清酒味，食既時候再輕輕點一下wasabi醬油，口感似鵝肝醬，非常好食。主菜方面推介既係椒麻牛肋骨，肉非常大舊，但係非常鬆軟，配上辣椒魚露，好香口下。金沙鮮魷，用上大條既鮮魷來做，魷魚本身肉質好厚所以以材料來講已經非常好食，再加上皮炸得脆加上淡淡既鹹蛋黃就更加邪惡。整體來講以食物係出色的，非常推薦。如果有機會book到房間就會更好，因為大堂冷氣唔多夠，會較熱而且房間有無敵大海景，食景都完勝。

那晚我嚐了一頓匠心獨運的京菜，伴䢫浪漫夜景，這夜實在是人生一大享受!先評青梅一字骨，排骨酥化香脆，肉軟腍而汁多，青梅醬的酸甜果味叫人如沐春風，胃口大開。而香辣惹味的宮保大蝦球，醬汁有麻又辣，加上辣椒干和香蒜，炸香腰果取代花生，蝦球鮮美彈牙，真是十分辣，勝在惹味且汁獻夠薄，佐酒必選。XO醬稻庭麵，稻庭麵是手工麵，口感Q彈有勁，有小麥的味道，伴著清新青瓜絲和香辣XO醬，妙絕。蝦湯海皇飯方面，清新鮮味湯湯底沒重重的味精，內有瓜粒，大地魚碎，很適合暑天吃。主角是甜品楊枝甘露，內有芒果香甜和豐富柚子，椰奶淡香，味道清甜微酸，一入口涼透心; 重頭戲紫薯燕窩那綿香蛋白味道和蓉蓉紫薯，滋潤無比，甜在心的感覺實在太棒! 這頓美宴，真要讚廚師的功架爐火純青。

每個食評都在讚 馳名烤鴨 的美味，不如我也推介一下其他吃過的美味菜餚。川汁青瓜球 一道非常青瓜味道的清新前菜，若要青瓜沾上川汁的辣，唯有留待在口腔裏纏綿相見。紅酒雪梨糯米藕 糯米藕的糯滑潤口，沾上桂花糖的一點清甜，伴吃是經過紅酒泡過的雪梨，甜香潤喉，真是喜歡！椒麻澳洲牛肋條牛肋肉本身已肉質細嫩，肥腴誘人，再配合特調的椒麻調味，口腔裏頓時有股清爽的涮嘴感。芝麻香餅層層疊疊的堆砌，是一道很飽肚的食品， 芝麻味道超級濃，層疊之間塗有芝麻醬， 多吃數啖會好口乾， 建議配茶來吃。馳名烤鴨 怎會不吃!  味道 4環境 4服務 4衛生 4抵食 4