美味餃子店

營業中

休息中

平日晚上六點左右，黎到太子搵野食，天氣轉涼好想食啲熱辣辣既野食。位於大南街美味餃子店嚟遠見到 已經有唔少人買外賣，店內亦都已經座滿人，見到咁多人幫襯即管試吓啲餃子有幾美味先😌原本想叫雲耳椰菜肉餃拼白菜餃，點知白菜餃已經賣晒了🙈雲耳椰菜肉餃 大碗 （10隻）$51湯係用左野葛菜生魚豬骨去熬成，好清甜，無味精，可以成碗飲晒！餃子 超 大 粒！！！每粒都包到脹卜卜，皮厚薄適中，餡多，另外枱上有菜脯可以自己加，辣辣地既菜脯加埋餃子一齊食真係perfect！！煎韮菜餃肉餃 大碟 （10隻 ）$50好鐘意佢哋既煎餃！！！煎到兩邊金黃色，咬落入面好juicy,再加埋菜脯一齊食，味道好夾，建議兩個人食可以叫一湯餃一煎餃share食。若果一個人食煎餃感覺會好濟🙈因為每粒都好大粒！一定會再返嚟食，係目前食過數一數二既餃子呀🥟🤤🤤

*美味餃子店*太子呢間人龍🥟店相信無人不曉😍🥟有兩款：分別係湯餃同煎餃😛。🥟有三個味道雲耳椰菜肉餃、韭菜肉餃、白菜肉餃餃子皮薄餡靚，白菜鮮甜肉汁滿滿。配野葛菜煲生魚豬骨湯。飲完唔會口渴❤️足料！溫馨提示❤️餃子🥟分7隻同10隻，價錢只差$5，食得晒先好嗌。

今日帶左隻貓貓去睇醫生，要放佢低佢地喺診所兩個鐘～所以就喺附近搵吓有咩好食🙈🙈行吓行吓見到呢間餃子店門口好多人排隊，竟然咁偏僻嘅地方都咁多人，於是就上網搵吓，原來係一間好出名嘅餃子店👍-我叫咗湯白菜餃，湯頭係野葛菜魚湯，好鮮甜，飲得出冇味精，10隻餃子全部都大大隻，一個人食真係會有少少飽🤣🤣入面嘅餡超級多，而且好好食😋佢哋舖頭仲有菜鋪都好出名，辣辣地，用嚟點煎餃就最好食啦❤️❤️❤️❤️

今次推介既係長期都排長龍既美味餃子店﹗相信都有唔少人試過佢既餃子係幾足料同大隻架啦❣️❣️.除此之外，店內仲採用左無味精既野葛菜生魚豬骨湯底，真係好有家既味道架﹗重味係食完唔會瘋狂飲水嘛～🤫.性價比極高簡直就係平民美食啦～叫十隻既話連男仔食完都叫飽呀，而女仔就建議叫七隻啦韮菜煎餃即叫即整架，所以煎餃等待時間相對會再耐D。上菜真係會熱到辣口架，所以第一啖千祈唔好大大啖咬落去呀﹗🥴都係個句啦～煎餃要叫韮菜先夾架~再配上秘制辣菜脯真係會令人食上癮架﹗最重要係店內餃子都係多菜少肉嘛，食完都無咁大罪惡感啦～🤣-#白菜肉餃當然啦~要食得健康既一定要叫湯餃，食完再飲埋碗湯唔好浪費﹗白菜肉餃係大熱黎架，夜左去食試過幾次話賣晒呀如果唔中意韮菜既你不防試試白菜餃呀～🍀

近期愛上食餃子，太子特別多餃子店，今次試這間餃子🥟店，餃子款式唔多，主打雲耳椰菜肉餃、韭菜餃及白菜餃，分七隻同十隻，湯餃同煎餃，今次試多人推介的雲耳椰菜肉湯餃，可能比較多人，製作也需時，大約十至十五分鐘，食物上枱了，湯底係招牌野葛菜煲生魚豬骨湯，清清地不是濃湯來，飲得出野葛菜味，熱辣辣，幾好味，餃子脹卜卜，皮薄透出餡料，餡料足，椰菜雲耳爽口，大大隻，七隻一般女士當下午茶剛剛好，整體而言不錯，服務又幾好，會再幫襯.

之前出IG story詢問大家有邊間餃子店係值得推介，好多人都話太子呢間「美味餃子店」去得過。我有位朋友係餃子控(可能佢快要離港去第二個地方生活，所以成日去食餃子🥟)，約埋佢一齊去食就啱晒。朋友話要避開繁忙時間，星期6下午四點去唔見人龍，不過店內都已經坐滿8成人。食物選擇有湯餃子、煎餃子及粉麵類。餃子款色只有三款，有湯及煎嘅製法。兩個人叫咗雙拼湯餃(雲耳椰菜拼白菜)同埋煎韭菜肉餃，一次過食晒湯、煎餃子。▫️ 雲耳椰菜拼白菜餃子 (HKD50) - 雙拼湯餃子$50 有10隻。人手包製嘅餃子大大隻，真係大過喺其他餃子店食嘅好多。湯底望落去有點混濁，其實係野葛菜煲生魚豬骨湯。▫️ 煎韭菜肉餃 (HKD42) - 餃子煎到金黃色，外皮好香脆，賣相係俾湯餃吸引啲嘅。煎餃子咬落口唔覺有油膩嘅感覺，反而覺得韭菜肉餡多菜汁，味道足。辣菜脯係一樣不能錯過嘅配菜，用來同餃子一齊食真係好好味。

我喜歡食餃子，因為keep fit來講餃子都一個好選擇😆😆😋所以去咗一間🤎香港特色小店🤎太子美味餃子店🤎試吓佢啲餃子，見到啲姨姨即場包餃子👍🏻👍🏻👍🏻都冇停過手😆😆😆我叫咗鴛鴦餃，椰菜豬肉餃加白菜豬肉餃，湯底係野葛菜生魚豬骨湯底，湯底整體都可以，餃子好大粒，重點佢有個辣嘅醬一粒粒類似冬菜咁好好味😋這個價錢來講都係物超所值，間唔中經開食下都係一個好好嘅選擇👍🏻👍🏻👍🏻😋😋😋

細細既舖頭 入面既坐位唔多 舖頭唔算新又唔算舊 但總係好多人排隊 一開始都唔明但原因就係 真係好好食!!!!!!😍我已經唔止一次回頭食😳🤣去相!!!湯餃子 雲耳椰菜肉餃 併 韭菜肉餃 （10隻）$50餃子超級大隻!!! 入面既餡超多😍😍皮厚度適中 完全唔厚 又唔會過薄10隻對女仔既份量已經多左😳但實在太好食 所以停唔到口❗️值得一提既係 佢個辣菜脯超級好食配埋個水餃!!係一流😍佢個湯係生魚豬骨湯底 食完餃子之後 我仲會飲埋個湯 實在太好食🤣🤣煎韭菜肉餃（10隻）$47係我食過最好食既煎餃top 3因為好多人叫 我估都算係即叫即煎🤣上菜果時煎餃仲好熱 外面煎得好脆 同香入面食落😍😍d肉同汁流出黎咁一個字 正!!性價比絕對超高😍唯一有改善係 餐牌種類少🤣黎黎去去都係食果幾款

朋友帶我黎呢間餃子店，雖然唔係好就腳，但我在星期一7點到此店，門口已有人等位，格局是舊式餐廳，有七八張圓枱，朋友覺得白菜餃最好味，但剛好賣哂，我地叫左10隻湯雲耳椰菜餃併韮菜餃＄53，七隻煎韮菜餃$47。我地三個細食都啱啱好。最正係個湯底係野葛菜生魚湯，飲得出係老火湯。啲餃子真係好好味雖然係要等10分鐘以上，因為真係見啲姐姐即包即煎。有啲失望食唔到白菜餃，所以第二天我自己一人再光臨，叫左7隻白菜湯餃加一杯豆漿。超飽，但好滿足。

好耐無食過啦韭菜湯餃-10隻每隻餃子都大大隻，食完10隻飽曬。湯底係野葛菜魚湯，每次食完d 餃子都飲曬d 湯，因為無無味精，所以唔口渴。 佢除左個湯底之外，最出名當然係佢嘅辣椒，裡面有菜圃豆豉，非常有咬口又惹味

聽聞呢度啲餃子幾好食所以專登過嚟幫襯，因為係小店嘅關係所以環境比較狹窄，坐得有d迫叫咗一個韭菜煎餃同埋白菜豬肉湯餃試一試餃子都幾足料粒粒都好飽滿，湯底係招牌野葛菜生魚豬骨湯，飲得出冇乜味精，都幾好味👍湯餃同埋煎餃相比之下我比較鍾意煎餃，外皮煎到好脆，一咬落去入邊啲肉汁必晒出黎，有好香嘅韭菜味😋

在五時左右到餐廳不用排隊 長接入坐了 第一次在這用餐 我們二人點了 1款煎餃 1款湯餃 每款10隻 桌上有三款醬料 鼓油 醋 及 辣菜脯辣菜脯值得一讚 夠辣 好入味爽口重口味的我 在等餃子期間 已吃下了一碟😳餃子一來到 發現..太大了吧雲耳椰菜肉湯餃先飲湯 野葛菜煲生魚豬骨湯非常清潤 沒有一點味精的感覺吃下去 發現職員真的不客氣每一粒餃子 都有滿滿的餡料煎韭菜肉餃 外皮煎得香脆皮薄餡多 雖不是多汁 但料多紮實記得試試配合辣菜脯一齊食啊🤫呢間有下次 平又高質食完出來發現又開始排隊了餐牌如下：

聽聞呢間店好出名，趁得閒就同朋友走左去食，下午1:45時段大概等左2分鐘左右就入得，入面係圓檯可以坐5個人，預作要搭檯。叫左煎白菜肉餃同埋雲耳椰菜肉湯餃（太心急食唔記得影），兩款餃子都好大隻，粒粒飽滿，同埋一個車仔麵配豬紅同冬菇。煎餃熱辣辣，落單後先煎好新鮮。肉質嫩滑唔散，白菜新鮮。煎餃要細口咬，要小心入面嘅湯汁，兩面都煎到金黃色，夠脆口。至於雲耳椰菜湯餃嘅餃子皮好Q彈，味道白菜款好食D。佢附上嘅野葛菜湯我同朋友就覺得麻麻地，有少少藥材味。另外佢地嘅菜脯都好出名，我同朋友就覺得不過不失，唔太特別，都係餃子味道特別D。（同埋唔知係咪因為菜脯免費嘅關係每次盛嘅時候都有人望住，有D尷尬。）車仔麵就普通嘅水準，份量正常但無食曬D麵，始終呢間店係主打餃子，唔可以expect太多，下次去只會幫襯餃子。

讀書時已開始幫襯佢，以前質素較好，價錢同食物都OK. 今日經過新店決定再試試，結果令人極之失望！😠首先，侍應服態度奇差，一行兩個人就隨便叫你去一人位坐，然後因為要一人位所以又推你去圓枱搭枱，安排混亂又冇禮貌！🤯雖然價錢不貴，不要期望有咩服務，不過老實講職員態度比一般茶記仲要差好多。到食物，今次叫左大既雲耳椰菜煎餃，超級油膩，每咬一口都有油滴出黎，質素認真一般！同行友人叫左湯餃加幼麵底，同樣油膩，煮得比一般茶記仲要差！😰下次都不會再幫襯！

Seeing a long queue right outside this local dumpling restaurant, we determined to wait for the good food even its 30 something 🥵🥵🥵 the dumplings are large and their signature Chinese herbal broth (?) does have a mild flavour. Pretty acceptable One thing to say the filling has loads off veggies!🤣