美味餃子店

營業中

休息中

一直心心念念美味餃子店嘅野葛菜生魚豬骨湯同佢嘅豆豉辣菜甫。平時好少會經過又冇乜經會特登過去食，所以對上一次食都應該係半年前了。3種餃入面最濃味係韮菜餃，口感最有層次係雲耳椰菜餃，所以揀左韮菜餃拼雲耳椰菜餃（$56）。如果10隻餃$56的話其實唔算抵，我會寧願食雲吞麵店嘅雲吞/鳳城水餃。不過個湯同辣菜甫真係水餃嘅靈魂，缺少左是但一樣，都唔會完美。啲餃子真係好大隻，餡料好足，食到第6隻其實已經飽，因為成碗湯都俾我趁熱飲晒。不過食晒啲野係對廚師基本嘅尊重，所以最後我係食晒嘅。

「天寒地凍搵餐食」系列之美味餃子很美味話說「又到聖誕~ 又到聖誕~」又係時候同老友囧囧約出黎食飯吹水串下咀。天寒地凍飲熱湯食餃子就至岩啦 ~呢間傳統餃子店淨係得 3 種口味 - 雲耳椰菜肉餃、韮菜餃、白菜肉餃, 可以配湯或煎, 即叫即整, 廚房入面幾位姐姐不停咁包, 咪話唔新鮮今晚 6 點幾到, 門口已經唔少人排隊, 而已已經聽到樓面姐姐話白菜肉餃經已售罄, 真係好好生意呀雲耳椰菜肉餃併韮菜湯餃 : 2 款都好好食, 一啖咬落去, 饀既菜肉比例好均勻, 菜比例多啲, 所以食成 10 幾隻都唔會覺得膩, 唔會過咸, 雲耳椰菜好爽脆, 韮菜好香濃配埋個野葛菜煲生魚豬骨湯底, 成碗飲哂都冇問題, 個湯好鮮濃, 餃子連湯全部掃哂, 成個人又飽又暖煎韮菜餃 : 大推, 煎香左既餃子更加將韮菜既香帶出黎, 少少油, 卜卜脆, 好滋味重要提示 : 個辣菜圃好好味呀! 一定要試!!

感覺好多街坊去食，個個都10隻10隻咁叫，都有唔少人叫外賣。我嘅朋友話2-3年前個餃子皮韌啲、好食啲，而家冇以前咁高質。美味餃子都有辣菜脯，比較乾身，又香又重口味，但同我嚟講少辣。*煎雲耳椰菜肉餃 大碟(10隻) $54餃子好大隻，10隻裝滿成個碟。煎餃煎到卜卜脆，皮唔厚但唔夠韌度。雲耳椰菜係屬於淡味嘅食材，但係餃子餃絕對唔會淡味無味，味道豐富又口感多，食材都好新鮮，加埋少少醋更加好食！韭菜肉餃 大碟(10隻) $53湯餃都好大隻，滿滿嘅一碗。湯係野葛菜煲生魚豬骨湯，係幾唔錯飲。餃子皮浸湯會再腍啲，餡料新鮮，韭菜份量好多但未算好香。

太子餃子店多，今次嚟美味餃子，睇睇吓係咪真•美味。太晏去到得返椰菜、韭菜，直接嗌份雙拼。-▪️ 煎雲耳椰菜肉餃拼韭菜餃 10隻 $56▪️豆漿 $10🥟餃子分7隻同10隻，姨姨表示俾多$5，多3隻🫡煎餃大大隻，撇除面頭嗰兩隻，8隻餃子齊齊整整呈圓形咁排，賣相都幾靚。平時都食開韭菜餃，第一次食椰菜雲耳呢個配搭。食完覺得都係韭菜好味啲，雲耳就比較清淡。兩款餃子都係菜多過肉，所以食晒都唔會飽飽滯滯。畢竟係煎餃，油係多咗啲，飲啖豆漿清清喉嚨。-如果想食辣，美味餃子呢邊都有辣菜脯，不過唔會有其他辣椒醬/油。自家製辣菜脯入面仲撈埋豆豉，辣而帶鹹香，配煎餃係有啲刺激，可能配湯餃更好味。-如果食湯餃，湯底會係生魚豬骨湯。設最低消費，每人$30。

呢間小店話只此一家，主打餃子同埋招牌野葛菜煲生魚豬骨湯做湯底，聽講用呢個湯做湯底係佢哋第一個咁做，之後因為好掂所以開始出面好多人都咁做，不過都有一段時間無黎，今次硬係覺得無以前咁好食，D野好似退步咗。今次叫了雲耳椰菜餃並韭菜餃，要大碗的10隻，$56，煎餃同湯餃都係一樣價錢。記得以前D雲耳椰菜餃好似係漲卜卜D，不過好彩D餡料都算新鮮。韭菜餃D韭菜就唔夠香。另外要試吓佢嘅自家製辣菜甫，辣椒同菜甫之外仲有豆豉，仍然係好好味。

晚上覺得胃口不太好想輕便一點吃餃子恰巧人流不多不用等位便吃到這家人氣餃子店🥟餐牌選擇不多 餃子餡料主要有3款白菜、韭菜、雲耳椰菜可選湯或煎餃（7或10隻、可雙併）當然兩樣都要試🥢上菜前先試吃了辣菜甫辣辣的挺開胃 略嫌太油煎餃賣相超吸引比想像中大隻是平日餃子的1.5倍😮韭菜煎餃的皮香脆足料可以醮點醋減少油膩感是一口吃不完的大小！湯餃則是較清淡選了椰菜韭菜雙併椰菜餃味道較遜色湯煮韭菜餃也很好吃吃飯途中有不少人點外帶抑或是內用都是首先想點白菜🥬卻是早早賣完了令人好奇味道是否驚為天人🤔喜歡這種親民的小店難怪平日有人龍呢

菜莆夠咸又有微辣，幾爽口。湯餃湯果然稀多，似水，無十年前好飲，餃比想像更大了，涵如常，但皮包得不黏口，有幾顆皮肉分離的狀態。煎餃就有驚喜多了，雖然有油膩感，金黃皮得剎食。皮出出出出奇的薄，一口就可以咬破外皮，不像湯餃皮那麼厚。吃著吃著發現可能包發也有些不同，煎的看上去是內褶，但死黨說好油，下次都是跟我食湯餃。現在有最低消費每人30元也輕易達到，餃子沒太多驚喜，變化不大，韭菜餡還是不錯，椰菜就好淡，白菜🥬做得少，經常賣光。

相信唔少人諗起食 #餃子 當然會諗起 #美味餃子店琴日咁啱揸車經過 趕時間都特登落車買個外賣 #懲罰 吓嘛企咗係門口一陣睇menu 有個姐姐就行出嚟問係咪叫外賣啦～仲話佢地出名就係個 #野葛菜煲生魚豬骨湯 所以當然叫湯餃啦😉本身想叫雙拼 可惜冇哂 #白菜肉餃 🥺咁就叫咗個 #雲耳椰菜肉餃 大碗(10隻) $54係等外賣嘅期間 見到佢地貼哂野「無分店 只此一家」就覺得好奇怪 印象中長沙灣都有間架🤔🤔再上網search吓 Diu🤬🤬🤬https://ppfocus.com/0/fo8813900.html🈲原來呢間唔係黃店嚟架🈲真係同長沙灣果間冇關！！！呢間可能真係原始店啦～但個老闆就特登澄清啲 唔澄清啲係到扮黃店 💙甚至係。。。💙當然 睇完篇報導都冇表明啲咩嘅 #自行判斷 😤中立啲講返食物質素先啦～以魚湯嚟講～ 佢真係做得唔腥！但堅要趁熱飲 怕腥嘅小編 凍咗都發現有輕微魚腥至於餃子方面 夠哂大隻 等於兩隻匙羹咁大😱獨食成碗 真係好飽😅料亦真心足嘅

2022-09月，只此一家的美味餃子揾食揾到去太子，記起朋友介紹有間小店食餃子，地址位於太子大南街74號地舖走在大南街的路上，已見有人龍在排隊，原來就是美味餃子店幸好是週六，原來星期日息時間約六時多，等了約五分鐘有位有多款不同餡料餃子供應，有放湯的，也有煎的，還有車仔麵點了兩款餃子: 10隻韭菜豬肉煎餃($53)第一碟上枱有點嚇一跳，隻隻餃子加加加大碼尺吋，外型金黃香脆飽滿扎實的煎餃，滿滿的韭菜，外皮香脆，好吃餃子有點多油，去油步驟有改進空間湯雲耳椰菜肉餃7隻($49)用上無味精野葛菜湯底，足料野葛菜、南北杏和蜜棗等熬製，不加味精，少鹽少油，食餃子之餘又可清骨火去濕熱又係好好好好大隻的餃雲耳椰菜做餡料，豬肉選八成瘦，爽脆有咬口，口感豐富桌上有醬油、醋，菜脯，辣菜脯爽口，不會太辣，保留著蘿蔔的味道進食期間，不停有顧客買生料餃子外賣，看來此店的餃子很受歡迎埋單: $102煎餃外皮比較油，湯餃較清新健康，真材實料，飽肚美味附近的街坊真有口福

由中學食到而家做咗嘢幾年，味道完全冇變，仍然係只有三種口味:雲耳椰菜/白菜豬肉/韭菜豬肉，但係整得好真係唔需要咁多花臣！佢個野葛菜湯底真係好好飲，完全係我既comfort food ，雖然佢搬過一次但係無論搬去邊度我都會繼續支持！

又係一間太子老字號小店 由佢以前荔枝角道柏樹街轉角小店開始已經幫襯 到而家搬咗嚟呢度嘅新鋪之後都一直有keep住幫襯 成日呢唔係冇原因因為畀佢個野葛菜煲生魚豬骨湯底嘅味道吸引到 食得出真係有餚過唔係齋味精 係真係要飲得曬嘅湯底 鋪頭主打手工包餃子 係真係有成隊姐姐喺度包餃 以前舊舖就係事頭婆同佢啲姊姊妹妹一齊包嘅 而家都好少見到是頭婆同老細了 不過味道一樣都係好好食 除咗有湯餃仲有煎餃車仔麵 既然招牌係湯底所以通常嚟食都係會食湯餃子 餃子皮偏厚不過係滑嘅 餡料大大粒塞滿曬 女仔一啖肯定食唔曬 我都係勉強塞得入口 好味道 再配埋佢個自家製菜脯辣椒油😋😋😋😋😋 又係一個字絕👍🏻

一直都知太子有好多好岀名嘅餃子店, 放假就終於嚟咗其中一間試🤪 美味餃子🥟.我地平日around 12:00到, 所以唔算好多人😛 叫咗煎餃同湯餃🙈 我地兩樣都叫咗10隻, 美味餃子嘅size真係偏大😂 每人食咗七隻已經飽飽地, 細食嘅建議叫七隻🤣.煎韮菜豬肉餃 10隻 $53真係超大隻, 一隻嘅size已經等如人地1.5隻😂 煎炸得好脆🤤 同埋好juicy!! 趁熱食係最好食, 但凍咗小小都唔會話扣好多分~ 韮菜好足料, 配埋醋/ 辣菜圃就更加正🤤🤤 .湯餃 雲耳椰菜肉餃 10隻 $54湯餃嘅湯係用佢地自己煲嘅野葛菜生魚豬骨湯, 唔算係好濃好鹹嘅湯, 啱啱好可以解煎餃嘅膩感😛 而雲耳椰菜餃真係好紮實, 皮唔算好厚, 但真係勁足料🙈🤣.辣菜圃都真係幾辣, 但配上醋就令到overall冇咁辣, 越食越多, 越食越上癮🤣🤣🤣.P.S. 叫得美味餃子, 啲餃子都真係好好食, 好美味🙈 值得一試😚

人怕改錯名除左Location Location Location 之外本橘認為舖名夠gimmick 都可以吸引更多客人-特別就係當美味餃子店啲餃子真係咁美味嘅時候-是日同同事係太子區吃便飯，同事知道本橘係餃子控就推介左美味餃子店比本橘-講實話，舖頭招牌同裝修吾算吸引，但係入面已經坐左8成滿，有麝自然香應該就係咁解-1/ 湯餃一坐低就先每人叫左個大湯餃醫醫肚，一個韭菜豬肉一個木耳豬肉，一個大set係10粒一碗，一上枱已經聞到好香好香，好香魚湯嘅味道，再睇睇餐牌，原來係生魚豬骨，吾怪得咁甜咁好飲-講返餃子，好大隻好好食，一咬落去連湯水同肉汁一齊係餃子皮入面噴出泥，非常滋味，菜同肉嘅份量相約，吾會只係得菜，認真做到皮薄餡靚，仲要係多餡喎，好回味-2/ 煎餃大食如本橘一份餃食完仲口痕痕，試左個煎白菜豬肉餃食下，超juicy 火喉剛剛好，吾會外面燶左但係入面都未熟，好值得推介，鐘意香口野一定要試-最後以一杯凍豆漿作結，又開開心心返工去，有時開心就是有點簡單

熙來攘往嘅街道，人來人往嘅社區太子一定係表表者。佢係一個比較舊嘅社區，亦都係一個比較有人情味嘅地方。除此之外，都有唔少餐廳。我喺茫茫人海中，同美味餃子店相遇。佢冇裝潢嘅佈置，玲瓏浮跨嘅餐牌。不過佢提供到嘅，係兒時嘅味道。仲記得細細個嗰時，阿媽會教我包餃子。進入餐廳望住廚房嘅時候，見着熟手嘅員工一隻一隻咁樣包，我就諗返起以前。雖然餐牌唔係包羅萬有，不過餃子嘅質素真係冇得輸。佢主要有兩個煮餃子嘅方法，分別係煎炒同埋滾湯，各有特色。我就比較鍾意湯餃多啲。你千祈唔好睇小佢碗湯啊，佢係冇味精嘅野葛菜茶魚湯。餃子個皮厚薄恰到好處，白菜豬肉餡了鹹度適中，再加上佢哋店舖獨特秘製嘅辣菜寶，就perfect la。P.S.雖然比較多人排隊，不過都值得等嘅🥰

最近口淡淡，想食啲煎炸香口嘢，經過依間平時排隊嘅美味餃子店，一於就睇下佢係唔係真係咁美味XDDD餃子有湯餃同煎餃，我見堂食嘅人叫嘅煎餃又超大粒，必須叫煎餃！返屋企開餐，隻隻煎餃都好足料，咬落一大啖韭菜豬肉，推介呀！