影片
更多
2023-01-11
455 瀏覽
第一個post 想介紹一間由中學食到出黎做野既小店☺️ 唔知開業實際係幾時，但最少15年+ ，見住佢由細鋪搬到大鋪， 太子街坊都一定識 😄 湯白菜肉餃 10隻 $55 3 個靈魂， 餃子， 湯， 同辣菜脯 🌶️ 餃子： 有三款，白菜，韭菜，同雲耳椰菜。 白菜係我嘅最愛，用既係小白菜唔係包心個種。 通常最快賣哂， 有時下午6點幾就冇得食。 原因係因為白菜處理工序比較多，一黎多沙，二黎煮完再揸乾水先可以包餃子，店舖人手有限，所以每日供應都有限。 餃子皮薄、煙韌又飽滿， 煮完會喺外面會透到啲菜嘅翠綠色，食落會咬到新鮮蔬菜應有嘅爽脆，唔會覺得自己淨係食緊一舊冇層次嘅肉團。 野葛菜煲生魚豬骨湯： 鋪頭唯一一個湯底，味道好特別，鮮甜順喉， 唔係雞湯/蕃茄湯咁常見，而喺出邊搵唔到嘅。以前唔覺得呢個湯底有咩咁特別，但後來發現佢係令人最懷念，最令人想番轉頭嘅味道。所以我每次都會飲晒！辣菜脯： 菜脯調味辣度適中又有油香， 加埋豉油，咸香辣既組合會令到一碗清淡簡單嘅餃子，惹味10倍！ 所以無論重口味定淡口味嘅人都可以滿足得到 ☺️除左湯餃之外， 都有脆卜卜煎餃，但因為太欣賞個湯，次次都會叫湯餃😋 男士黎到怕唔夠飽
湯白菜肉餃 10隻 $55
3 個靈魂， 餃子， 湯， 同辣菜脯 🌶️
餃子： 有三款，白菜，韭菜，同雲耳椰菜。 白菜係我嘅最愛，用既係小白菜唔係包心個種。 通常最快賣哂， 有時下午6點幾就冇得食。 原因係因為白菜處理工序比較多，一黎多沙，二黎煮完再揸乾水先可以包餃子，店舖人手有限，所以每日供應都有限。 餃子皮薄、煙韌又飽滿， 煮完會喺外面會透到啲菜嘅翠綠色，食落會咬到新鮮蔬菜應有嘅爽脆，唔會覺得自己淨係食緊一舊冇層次嘅肉團。
野葛菜煲生魚豬骨湯： 鋪頭唯一一個湯底，味道好特別，鮮甜順喉， 唔係雞湯/蕃茄湯咁常見，而喺出邊搵唔到嘅。以前唔覺得呢個湯底有咩咁特別，但後來發現佢係令人最懷念，最令人想番轉頭嘅味道。所以我每次都會飲晒！
辣菜脯： 菜脯調味辣度適中又有油香， 加埋豉油，咸香辣既組合會令到一碗清淡簡單嘅餃子，惹味10倍！ 所以無論重口味定淡口味嘅人都可以滿足得到 ☺️
除左湯餃之外， 都有脆卜卜煎餃，但因為太欣賞個湯，次次都會叫湯餃😋 男士黎到怕唔夠飽仲可以加底/ 叫車仔麵 ！
鋪名真係改得好好， 餃子美味，實而不華。
張貼
