美味餃子店

營業中

休息中

雲耳椰菜餃拼韭菜餃（7隻）$51雲耳椰菜餃好有口感，韭菜餃就不過不失💁🏼‍♀️每隻餃子都漲卜卜，餡料飽滿，皮偏厚😌湯底係野葛菜生魚豬骨湯，但味道較淡，唔係好飲得出🥹推薦大家加埋辣菜脯一齊食，入面有豆豉，令味道更有層次👍🏻餐廳裝修較舊，座位都擺得好密，多人既時候應該會坐得好辛苦💦個人覺得唔洗排隊既話可以一試！

Hadn't been to this dumpling restaurant for a long time because there was a significant drop in quality in my last visit. Last time they had a very young team, poor service and most importantly the dumplings were cooked terribly. The dumpling skin was broken and overcooked.Yesterday I happened to be in the Prince Edward area and didn't feel like eating something heavy. So I gave them a second chance. I picked my favorite black fungus cabbage dumpling in soup. Took around 10 mins from order to be

回訪這間餃子店，因為我想食佢哋嘅巨型多餡水餃。呢度長期係午餐定晚餐時間都係要排隊入坐，真係有好多人嚟食。雲耳椰菜肉水餃拼白菜肉水餃 (HK$56/10隻)．每隻餃子大大隻，比湯匙大好多．咬一口，看得見餃子皮薄但實正，裡面飽滿的餡料，平均分布，一點空隙都無！．呢度不用清湯做湯底，而係用野葛菜煲生魚豬骨湯做湯底，靚湯、足料、美味．成碗連湯都食晒，滿足❤️*自製豆漿 (HK$10)．豆味濃郁，口感水潤，無豆渣嘅粗粒感

係朋友介紹之下，決定去朝聖一下，話晒開左10幾年又出名，去到見到門口已經排左一條長龍，目測起碼有10個人左右，一場黎到，都照排隊啦，門口講明無分店，只此一家，好吸引，好想知有幾好食。我同朋友排左45分鐘左右，一入到去諗都唔洗諗，一份煎白菜豬肉餃，一份韮菜肉湯餃。我首先試煎白菜豬肉餃，個餃子皮煎到金黃色，好香，好crispy ，而且入面仲有肉汁，真係無介紹錯，我好中意食，再食埋個韮菜湯餃，皮薄餡靚，韮菜同豬肉既比例適中。我覺得呢間鋪頭啲餃子既特色，就係隻隻都大大隻，抵食👍🏻自從自己食過之後，一直都介紹朋友去試試。

呢間餃子店都幫襯過好多次亦都係長龍名店😅 因為餃子份量多而且味道不錯👍🏻作為平民美食非常有質素😚 ⭐️ 雲耳椰菜肉餃 🤎⭐️ 白菜肉餃 🥬⭐️ 野葛菜煲生魚骨湯 🍲先飲一啖餃子嘅精華就係湯底😅魚味唔算特別濃 🐟但帶清甜充滿滋潤嘅感覺👍🏻 餃子份量偏大 餡料飽滿😚但皮仍然做得好薄 個人比較偏好白菜餃🥰味道較清而帶出肉嘅鮮味🐷 雲耳餃反而帶一點點草味 PS佢嘅辣菜甫比較特別帶點豆豉🖤 重口味嘅朋友會比較喜歡🌶

美味餃子店係其中一間我最鍾意嘅餃子店呢到嘅湯餃同煎餃，我都試過邪惡嘅煎餃😈， 一煎好就上枱，金黃香脆😋，強烈建議堂食，因為試過外賣，一焗啲皮就淋咗，嘥哂～不過呢～～湯餃先至係我嘅最愛，尤其係配佢個野葛菜煲生魚豬骨湯湯底🥬🐟🐷♨️♨️今晚同朋友又嚟食餃子朋友喜歡濃味，”韭菜肉餃”係佢嘅至愛，我就叫咗”雲耳椰菜肉餃” (因為至愛嘅白菜肉餃又售罄喇～ 🤷🏻‍♀️)鍾意《美味》嘅餃皮厚度適中，每一隻都包滿餡料，餡料無論係調味，定係菜、肉嘅比例都啱啱好，餃子大大隻，真材實料，包得紮實，一口咬唔哂，剩低嘅都唔會散開🤲🏻加埋個冇味精嘅野葛菜煲生魚豬骨湯，超好味呀~~~ 👍🏻x 10!!唔可以漏咗佢自家製嘅豆豉辣菜脯，爽爽的又惹味，襯餃子或者加落佢哋嘅湯麵都一流，非常受顧客歡迎，店員不時要逐枱refill～ 呢到嘅餃子確係餃如其名 ～～ 😋😋😋

今日行吓行吓去到太子嘅時候見到呢一度有一間美味餃子店，諗住簡簡單單食幾件餃子，於是就走咗入去試咗呢一個雲耳椰菜拼白菜豬肉水餃！呢一度嘅餃子真係非常之大粒，而且呢度嘅湯底好清甜，重點嘅係呢度嘅餃子餡料真係非常之多！

本身唔係特別鍾意食餃子，但行行吓路經間舖頭，又有少少肚餓，check 下open rice 啲啲comments 唔錯，所以就決定試吓。點左一個椰菜雲耳豬肉餃，一入口就食到個皮好薄，啲餡好新鮮，夠juicy。另外枱上面嘅辣菜脯係任食，我當辣椒油咁點嚟食，真係好好食，有豆豉香，真係會食上癮

食過好多次😂每次水準都一樣！雖然餡料選擇好少，得三款，仲要白菜基本上六點後去到都賣曬😂韭菜：韭菜又香又爽口！原本唔鍾意食韭菜嘅我次次黎都嗌韭菜😂椰菜雲耳：爽口，食到菜味肉味，但應該啲菜肉新鮮所以冇乜調味，如果唔加菜脯覺得太淡味白菜：好香白菜味，黎十次應該有兩次會食到😂湯底：勁鍾意飲！好鮮甜又帶點胡椒味😋❤️飲完唔口渴👍🏻菜脯：自家製👍🏻有豆豉、辣椒好香，用油炒過唔會好似出面嗰啲咁乾憎憎，同餃子一齊食好夾！呢間啲餃子帶點煙靭，厚薄適中，唔似得外面好多一係太厚一係太薄好易穿，呢間食過十次以上每次都完整冇穿👍🏻餡料新鮮，所以冇乜調味，點菜脯就啱啱好😋鍾意湯餃多過煎，湯餃食到餃子皮嘅煙韌，煎餃反而冇乜特別同有啲油膩

成日食粉麵飯食得多 都想試下其他野西餐又貴 今次食返d平民少少既食物兩拼水餃10隻 $53 雲耳椰菜肉餃 雲耳切絲 一條條咁 有咬口 爽爽地 椰菜又係偏有咬口既菜 成隻餃就好夾 白菜餃 偏軟 食到佢既肉汁既白菜味 唔好睇少呢10隻水餃 食完都好飽

星期六傍晚嚟食都有人排隊，不過等2分鐘都已經可以入去。點左煎木耳椰菜餃子及韭菜餃子雙拼，53蚊。 睇到員工喺到包餃子，好有家庭感覺。上碟果時好熱嘅亦都好脆，不過可能才菜比較多嘅關係餃子好快就變淋，餡料味道正常，每隻餃子都好大隻。個人偏好韭菜。有個菜甫可以自己加，辣辣地幾開胃。佢湯底喺粉葛生魚湯，下次再嚟會試湯九餃，應該好食啲。

在旺角區返工，唔想成日食茶餐廳，湯餃岩哂。呢間餃子店出名用野葛菜煲生魚豬骨湯做湯底，餃子大大粒足料，飲埋啖湯真係無得輸。價錢方面合理，雖然唔算好平，但係以質量取勝。店內座位就比較少，如果繁忙時間黎，預左要排下隊，但都值得嘅。 鍾意食辣嘅朋友，店內仲有辣菜莆（都好辣）免費提供，本人就不太食得辣。 店內仲有Open rice 外賣自取服務，岩哂繁忙唔想等位嘅朋友買走食一大碗10隻餃子，飲埋碗湯，飽哂。我今次就點左雲耳椰菜肉餃拼白菜餃 一共53$蚊平民優質餃子店 值得推介

又到放假出去搵嘢食嘅日子，呢日嚟到太子搵到呢間專食餃子🥟嘅「專門店」星期六嘅下午都有唔少人等位，不過好快就可以入座。餃子選擇方面基本上分湯餃類同煎餃類，另外比較特別就係有車仔麵選擇，真係一次過可以滿足晒3個願望！首選當然煎餃啦，有3款唔同口味，但煎餃必然係揀韭菜餃，無得輸！▶️煎韭菜餃 (10隻) - 每隻都大大隻，差不多1隻等如人哋2隻，而且皮薄餡料亦好豐富，必試之選！▶️湯餃就試咗白菜肉餃 (另加了米線底) - 亦都大大隻，但比較起上嚟，韭菜會比白菜肉香。湯底清淡得嚟有味，店員聲稱佢哋嘅湯底係無味精嘅生魚豬骨湯底，是真是假？反正我信了，哈！▶️車仔麵 - 餸料就一般有嘅大路選擇，我哋亦點咗大路嘅豬皮魚蛋試試，豬皮正常，但魚蛋就爭少少，無人哋街邊檔口嘅咁好食，而湯底亦欠缺了腩汁，如果加了色會更似一碗車仔麵，總結就係可以唔使試，直接食餃子就好！▶️辣菜脯 - 隨意添食，加落湯餃會更惹味，但其實都幾辣，自問食得辣嘅都辣到出晒汗@@總結：食物質素好好，「美味餃子店」又真係講得無錯，店內格局尚算整潔，但唔好期望會坐得好舒服，至於價錢方面貴定平就見仁見智，我自己就覺得無食過嘅不妨一試！

☕ 食物：👍🏻👍🏻👍🏻👍🏻 /5 💰CP值：👍🏻👍🏻👍🏻👍🏻 /5 🤵🏻 服務：👍🏻👍🏻👍🏻/5 🛋 環境： 👍🏻👍🏻👍🏻 /5係太子呢邊上堂，同學特別帶我黎呢間鋪頭食，午膳時間都有等一等先入到去食～雲耳椰菜肉餃及韭菜餃(湯餃子類）個湯底係野葛菜生魚豬骨去煲，因為湯底無加味精，成件事好居家又好清甜，真係可以成碗清哂 ！另外，餃子做到皮薄餡靚，好 大 粒又足料，粒粒都脹卜卜，枱上有既菜脯又為成件事加左好多分，比客人自己加，當然大家要自律啦，辣辣地既菜脯加埋落湯底再一齊食又係另一個境界 ！

食餃子最常覺得不滿嘅地方，唔係細隻無饀，就係皮厚或者煎完都係皮淋。相信太子嘅美味餃子，鍾意食餃嘅人一定識，所以可以直入正題。環境☑️☑️唔好諗住好坐又有view，呢度唔單止唔好坐，仲要得塊板仔同枱分隔搭枱客，不時有啲咳到癲嘅阿伯搭枱，呢個係我覺得唯一扣分嘅地方。味道☑️☑️☑️☑️☑️基本上次次都係「10隻煎韮菜，10隻湯白菜」。煎得脆口，加上韮菜香，強力推介！（注意：我好少寫強力推介呢隻字，因為覺得好廣告）；至於湯白菜，最正係湯底好Q好味，加埋枱上嗰個辣菜脯，好Q夾！性價比☑️☑️☑️☑️雖然差不多$50一碟or一碗，係貴！但餃子好味又大隻，相比出面$30幾一碟得6隻，呢度交足貨啦，想點呀！