美味餃子店

營業中

休息中

🇭🇰<< 美味餃子店 >> 皮薄餡靚💰 [ $ ~50 ]👯‍♀ [ <10 mins ]📍 [ 太子大南街74號地舖]⏰ Mon-Sat ( 11:00-22:00)☎️ 2309 7308———————————————1️⃣ [ 雲耳椰菜肉煎餃 拼 韮菜煎餃 ] ʜᴋᴅ50一上枱已經俾佢金黃嘅顏色吸引咗😍每一隻都煎得金黃香脆🥟🥟而且皮薄到可以睇到入邊嘅餡料一入口，不得了以為自己叫左湯餃🍲餃子充滿肉汁，外皮脆口新鮮熱辣咬一啖，滿口都係餡🤩菜同肉嘅比例啱啱好，每一隻都脹卜卜調味亦恰到好處，唔會太鹹想飲水點埋佢嘅自家製辣菜脯惹味到飛天🚀兩款餃子各有特色😝雲耳椰菜餃既有雲耳嘅爽脆咬口又有椰菜滑嘟嘟嘅口感，兩者配搭出色韮菜煎餃最適合小編咁重口味嘅人🙋🏻‍♀️好多韮菜，而且係用瘦肉而唔係肥肉所以即使係煎都唔會好肥膩✨———————————————🥑整體嚟講🥚餃子的確非常出色🏆價錢亦十分相宜✨食得多台灣日本菜轉食返地道野有時會有大驚喜喔🌞好味指數：8.5/10🏃‍♀️回頭指數：8.5/10

餃子一如以往既好食，好大隻，好足料。皮唔算薄，但真係勁多餡，勁大隻，佢一隻餃既大小大約係平時灣仔碼頭餃既三倍有多。食湯餃既話，佢個野葛菜魚湯好好飲，好夠味但唔係味精湯。記住一定要加辣菜圃，好多人中意點黎食，但我中意撈落d湯度食多d，加辣之後個湯既味道層次更豐富。每次夜晚去食都無晒白菜餃，以往成功食到都係晏晝去食先有，所以今晚只能夠食椰菜木耳餃頂住先，不過一樣好食，椰菜木耳夠爽口，咬落去覺得好爽哈哈😂煎餃都係必點，夠香脆又juicy，咬開仲有好多肉汁漏出黎。個人覺得煎韮菜餃最正，但一個人食一碟會有d滯，兩個人食就啱啱好。

呢間美味餃子店已經好多年，到而家都保持到水準👍🏻白菜🥬肉餃🥟$49(10隻)餃子非常之足料大大隻🥟餡料菜肉平均，皮薄餡靚。每次食咗5-6隻已覺得飽，但我都會叫10隻😆留幾隻打包返屋企。另外湯底係佢哋嘅招牌，野葛菜煲生魚豬骨湯，清熱又養生，冇味精飲完唔會口渴，就算幾飽我都會成碗飲晒。最後如果鍾意食辣嘅朋友，一定唔可以錯過佢嘅秘製辣菜脯，連埋餃子一齊食十分惹味🤤

🇭🇰<< 美味餃子店 >> 皮薄餡靚💰 [ $ ~50 ]👯‍♀ [ <10 mins ]📍 [ 太子大南街74號地舖]⏰ Mon-Sat ( 11:00-22:00)☎️ 2309 7308———————————————1️⃣ [ 雲耳椰菜肉煎餃 拼 韮菜煎餃 ] ʜᴋᴅ50一上枱已經俾佢金黃嘅顏色吸引咗😍每一隻都煎得金黃香脆🥟🥟而且皮薄到可以睇到入邊嘅餡料一入口，不得了以為自己叫左湯餃🍲餃子充滿肉汁，外皮脆口新鮮熱辣咬一啖，滿口都係餡🤩菜同肉嘅比例啱啱好，每一隻都脹卜卜調味亦恰到好處，唔會太鹹想飲水點埋佢嘅自家製辣菜脯惹味到飛天🚀兩款餃子各有特色😝雲耳椰菜餃既有雲耳嘅爽脆咬口又有椰菜滑嘟嘟嘅口感，兩者配搭出色韮菜煎餃最適合小編咁重口味嘅人🙋🏻‍♀️好多韮菜，而且係用瘦肉而唔係肥肉所以即使係煎都唔會好肥膩✨———————————————🥑整體嚟講🥚餃子的確非常出色🏆價錢亦十分相宜✨食得多台灣日本菜轉食返地道野有時會有大驚喜喔🌞好味指數：8.5/10🏃‍♀️回頭指數：8.5/10📲letus_eattheworld

話說而家九點後禁堂食，所以諗住打去叫七隻韮菜餃外賣，點知老闆（幫襯左10年，我認得佢把聲）話驚我放飛機，要求我去到間鋪先開始幫我整，我已經表明我已經喺大南街，差唔多到，但老闆堅持，我表示你咁嘅態度我唔食啦如果一間餃子店七隻韮菜餃都輸唔起的話，我諗唔到理由再去幫襯佢，太子區內餃子店多的是，我唔一定要幫襯你，同樣我都明白，多我一單唔多，少我一單唔少，可應老闆今日搵夠想早啲收鋪p.s.剛剛想上社交平台睇下佢有無專頁，一睇先知，原來唔只我一個話佢地服務態度差，咁嘅態度都可換來日日排長龍嘅氣勢，真心佩服香港人對食肆嘅要求可有可無

今日下午要去考車筆試，所以提早出咗深水埗，老公帶我嚟呢一度，佢話呢間平時排晒隊, 但係因為疫情, 所以依家唔算多人, 我地都係等左一陣就可入座.餃子湯底都係用野葛菜湯，原本打算都叫一碗黎飲, 不過老公叫我食左餃先.今次分別叫左雲耳椰菜肉餃, 同韭菜餃.呢個醬真係好好味,  又夠辣, 又有咸味既菜莆, 混入餃子入面, 真係好好食, 而且個湯又好好飲, 全無味精, 飲晒都唔覺得口渴.

唔知係咪少左人去食 啲餃子煮耐左 啲皮又軟爛又甩...開哂口，仲差過我自己包嗰啲😂 好失望..................…….................

餃子店越開越多,但揾間好食嘅,呢間算唔錯。門口放嘅Menu 已經滿佈係牆上可以俾人一目了然,在等位時間諗定食咩由於唔太肚餓,只係叫咗碟煎餃餃子好大隻,而且即叫即製,外皮脆又熱辣辣,咬開d汁差啲爆出嚟,所以要小心食。肉和菜嘅比例剛好,而且脹卜卜,好足料,落埋辣菜甫同醋一起食

🥟講到餃子，相信好多人都識呢間人氣餃子店！今次係我第二次幫襯！🙈第一次幫襯嘅時候，我覺得好難食😂但唔係喎，個個都話好食㗎！可能之前失準？好啦！咁我決定比多次機會再試吓！結果個答案都一樣🙈我覺得唔值得排隊去食，不過之前係疫情下無乜人，咁就算啦！🙈但我覺得比佢好食嘅，有其他選擇😣佢個煎餃，煎得勁油，食到好快就已經唔想食！湯餃嘅湯無乜特別，而皮亦唔係特別薄，饀又唔算特別香，叫做試吓就算嚕🤪

食過返尋味，再次會訪位於太子同深水埗之間嘅美味餃子店。今次可能因為落雨，唔需要排隊。餐牌呢兩年都冇咩點轉變。我哋兩個人分別叫咗大碗雲耳椰菜肉餃同埋大碗韭菜肉餃。最欣賞嘅係佢招牌野葛菜煲生魚豬骨湯，唔似有味精，飲完一啲都唔口渴，清熱又養生。每粒餃子都好大舊，材料十足，我食第五隻已經覺得有啲飽，仲要留肚飲晒啲湯。佢嘅韭菜餃係我favorite，佢嘅雲耳椰菜餃都唔差，唔會好大浸豬肉味。最緊要係要試佢自製辣醬，頭一啖可能覺得有啲辣，但你夾啲辣菜甫連餃子一齊食，就非常野味，粒粒唔點唔過癮，店員極力推介😋👍

黎到呢到每次都要排隊，不過無計，好野緊係多人食，大概10-20分鐘。餃子有7隻同10隻揀，大大隻好夠味，韮菜味又濃又多汁，正，加埋辣菜譜。煎餃定湯餃睇個人喜好，不過煎食呢到都真係比較油。同埋呢到湯底的話都算係出名，大大碗自家煲，健康既感覺，仲可以直接叫湯飲。另外仲有車仔麵，有啲都唔錯，但唔記得左係咩。想食怕排隊又近可以買生餃都抵買。

呢間位於太子嘅餃子店成日都大排長龍，今次放工即刻去食，好好彩地唔洗等就有得入🤣我就叫左7隻韮菜煎餃（$42），味道非常之唔錯，大大隻脆卟卟，煎得岩岩好唔會太燶，咬開有啖啖湯汁流出，非常好味😋其實呢度嘅湯餃係比較出名，但因為果日想食煎餃多啲，唯有留番下次再食喇💕

荔枝角長沙灣真係食到無哂新意，加上限聚令，都唔敢多人一齊出去食lunch網上睇到呢間餃子店幾多人讚，一於黎試下Lunch時間依然好多人，門口先量體溫，就由呀姐安排你坐邊有淨餃子或者加麵底，雲耳椰菜餃、白菜肉餃、韭菜肉餃，仲有煎同湯兩款食法但提提你叫煎餃等10-15分鐘係最基本，你要有足夠時間先好叫餃子隻隻漲卜卜，皮唔算太厚，佢既重點係湯底，湯底係野葛菜生魚豬骨湯，就咁飲已經好好飲，再加埋個辣菜甫，好濃味，正當晚打邊爐即刻買d返去比家人試試，原來無左個野葛菜生魚豬骨湯既時候，街市買開既餃係比較好食

喺太子有好多間出名嘅餃子店，但係食過咁多間，最好食嘅都係家庭味道重嘅美味餃子店平時放工經過都一定超多人排隊， 身為街坊嘅我梗係揀平日下晝去食啦😝識嗌一定嗌韭菜拼雲耳湯餃! 坐低第一件事一定係要裝一碟佢嘅辣菜脯😜 超級好食超級惹味😛呢間鋪頭嘅餃子都係超大隻超級足料，一啖一定食唔曬餃子方面，皮薄餡靚，唔會一夾就穿 韭菜餃味道香濃而又超重味， 一啖咬落去真係爆汁而雲耳餃味道清啲，但雲耳有口感而且比韭菜餃更加juicy, 係我既最愛一碗好食嘅餃子，除咗個餃子好味，個湯底都係好重要㗎佢用咗野葛菜去煲佢嘅湯底， 清而不膩，又好飲我諗我已經食過無數咁多次所以好推薦大家一定要去試下

一入去門口量體溫都正常之後坐下睇餐牌叫野食之後有個帶住鄉音女人黎落單，我落咗一個雙併之後我再想落車仔面諗左五秒都唔夠佢叫我等多一陣再落，ok咁我諗清楚之後再叫人落單但我不斷揮手都冇人再理我當時不是繁忙時間眼前有最小四個可以落單都見到都唔理，最後食了個雙併就走左，味道只可講正常如果話好好食就一定未到，最後帶著一個不太好心情走，完..............................