美味餃子店

營業中

休息中

今天終於可以一試依間餃子店，平時途經都好多人排隊等位，剛好今天下雨天，無咩人排隊，當然要入去試一試有幾美味。餐牌簡單清晰，就點個韭菜餃配野葛菜魚湯。即叫即煮，賣相唔錯，皮略厚點，但勝在涵多，超多韭菜！個湯底都幾好無味精，略為清淡。而本人認為最出色的就是每枱都有的自家制辣菜甫，超美味，最特別係利用豆豉精華完美散發在粒粒辣蘿蔔身上，令人味蕾大開係超有驚喜的配菜。總結，軀殼係虛有其表的，美味係背後的靈魂！

由於我同L先生都非常愛食餃子🥟 🤣 每隔一排就會去食一次美味餃子店 🤤 除左因爲呢啲的餃子皮薄餡靚又大大粒之外 仲因爲L先生都幾歡喜佢既野葛菜煲生魚豬骨湯🤪.雲耳椰菜肉餃 - 10隻 HKD44；不專業評級：6.5/10韭菜肉餃 - 10隻 HKD43；不專業評級：7/10自製豆漿 HKD9；不專業評級：6.5/10.椰菜雲耳餃相對口感會豐富啲 有啲爽口既椰菜雲耳咬下🤤 韭菜餃就一向都無得輸 安全又好味💗 不過我地去親美味 都唔會揀煎餃🤭 因爲佢既煎餃太油了‼️ 之前試左一次 就比佢油怕左 一patpat油掛左啲凹位🤨 而且太脆拉🤣 個人不太愛食太脆的食物🙉.⚠️溫馨提示 我同L先生都覺得太子分店好食啲🤫推薦度：🌕🌕🌕🌕🌕🌕🌗（滿分十分）

知道有呢間美味餃子店好耐，名氣好勁，每次經過都見到好長龍，其中買外賣都有唔少人，見到有人即刻買完外賣即刻喺門口度食，今日難得放假就過嚟一試。5:30嚟到，嘩好好彩呀。竟然唔使排隊。即刻叫嘢食，點左椰菜雲耳餃拼白菜餃（湯餃），另外煎韭菜餃 ，凍豆漿。等左10分鐘左右，上湯一般，唔算好鹹，白菜餃好味，每隻餃子都好飽滿，唔算太多肥豬肉，白菜同豬肉分布均勻，椰菜雲耳餃扁身啲，冇甘濃味，個人比較鍾意白菜豬肉餃，韭菜煎餃煎得唔錯見到金黃色，韭菜同豬肉10分足料、食到好飽，店員充滿人情味，拎住手袋同一袋二袋仲會比個位你放嘢。總捨餃子店性價比高，見到後邊個小工場即包餃子，保證新鮮！

聞說這𥚃開了後多餃子店，剛巧中午經過太子，便決定試一間人氣最高的一間餃子店-「美味餃子店」。由於到達餐廳時已是2點多，在餐廳外等了大概5分鐘便可入座。個人喜歡吃煎餃，所以毫不猶豫地選擇了雲耳椰菜煎餃。或許我對這間名氣大的餃子店抱了太大期望，又或許我吃過好食很多，位於荃灣的「餃子屋」吧！這份煎餃令我挻失望的，味道真的有點普通，和街外吃的煎餃味道沒兩樣，與「餃子屋」相比，這碟餃子餡料不多鮮甜，只有死咸，餃子料也不夠多，沒有「餃子屋」般的餃子吃每一口都十分滿足的感覺菜脯方面也沒有「餃子屋」的野味，難道吃過「餃子屋」就會返唔到轉頭？😅讓我再試多幾間餃子店再做定斷。

完sem喇！完sem第一件事當然要同朋友行下街吹下水啦～🥳🥳🥳當日口癢想食餃子🥟，但同行嘅皇帝脷唔肯將就食連鎖餃子店，死都要黎食美味餃子店，既然咁推薦，咁就一於試試佢啦～哇！行到去門口見到都幾多街坊排隊等入喎！果然好有架勢喎！等左一陣終於入到座喇，不過就要搭枱坐，都會有些小逼🥺🥺我地試哂唔同料嘅餃子，隻隻都脹卜卜，食完三隻都有點兒飽喇🤣🤣個人比較推介韮菜餃同埋耐雲耳椰菜餃，比較多餃街坊生意，但價錢就唔算係街坊價😂😂勝在有人情味同份量大～有興趣可以試下

自從東張西望幫手做宣傳之後，多左好多人慕名而來，唔知係咪太多人呢個緣故令食物質素同員工質素都變得參差左(宣傳過後已靜靜地價格了)向太子工作既我，美味餃係我同一班同事們既飯堂之一，記得四年前湯底很濃郁，現今已變得淡味但鹹左，唔知係咪諗住咁樣可以提高返湯底濃度🤷🏻‍♂️真係不得而知，但個辣菜脯真係好正，覺得同湯餃好Match,所以一直光顧！5月8號去到電力維修，9號再去，中午3點人勁多，要排隊，門口仲有人拍野，今次5知邊間雜誌定電視台，等左一陣決定外賣算,外賣有個不好處：就係辣菜脯不能多給（一碗10隻只給2個）係鋪頭食想食幾多都唔會理你。#4年來吃過這間的所有東西了，包括車仔麵，當然最好吃還是湯餃同辣菜脯

6:50黎到門口，哇，咁快排長龍，16分鐘才入到餐廳。同朋友點咗雲耳椰菜肉餃湯餃和韭菜肉餃煎餃，再叫左碗野葛菜🐷骨湯。湯餃好快黎到，餃子大大隻，點埋辣醬咬一口，味道唔錯，皮薄有肉汁。之後再試湯，還可以。10分鐘後，煎餃到，看似披上黃金衣咁，擺入口，味道比湯餃更香，個人偏好餡料唔乾。

睇完東張西望後，黎左太子嘅美味餃子店試下，哇，條隊好長，排左一個中左右。叫左個雪耳椰菜肉餃再加個煎韭菜肉餃🥟/個人覺得普普通通，未至於要排成個中隊，先講雪耳椰菜肉餃，餃子皮比較軟熟，雪耳椰菜份量比較多，配上豬肉有鮮甜嘅味道。配上湯底，味道唔錯。/煎韭菜餃煎到個皮脆卜卜，金黃色，但太油膩，個皮比較厚身，變左好硬好乾咁，食落覺得唔好食。/感覺其實唔係預期果種水平，比較一般，亦冇驚喜，湯餃感覺還可以，但煎餃完全唔得。但係餃子🥟大大舊，好飽，價錢都合理。

最近總見到人龍排門外嘅餃子店，終於喺早早放工機會下唔使排隊就直入有得食！與朋友商量後就決定叫佢餐牌上「所謂」招牌野葛菜煲生魚豬骨湯+煎韭菜餃+白菜湯餃。我地每人飲左一小碗湯，都不禁有同感...「好大陣美極味」非常非常失望！簡直係衰過普通一間茶記嘅例湯尤如美極+水咁嘅味真心奉勸各位勿隨意相信什麼招牌菜講番餃子，韭菜煎餃大大隻又香又脆白菜湯餃配上旁邊嘅辣菜甫+醬油+醋 好好味總算將難飲過例湯嘅美極水感覺蓋過！另一朋友到埗加入再點多一份雲耳椰菜肉餃，即刻被比下去！難怪枱枱大部分人都點白菜餃呢！餃子偏大，份量有7隻10隻選擇，如果你係細食嘅就唔好為左5蚊多3隻去點個10隻份量啦整體餃子好味嘅，係皮偏厚但我本人就接受到嘅～至於服務就...你予左係街坊阿姐呼喝feel咁囉🤣如果門口只有幾個人嘅都值得排隊試下嘅～

之前係電視見到後就諗住黎試下，放工去到差唔多晚上七點幾已經排長龍，等左大約30-45mins就入去。落左單之後差唔多等左20分鐘先有得唔餓都等到變餓。分別叫左煎韭菜餃同水餃各10隻，煎餃個皮略厚。水餃反而就薄啲同湯底都幾好飲，清清地。兩個人食十隻都幾鬼飽下。餃子啲餡係足既，但整體而言味道好一般，其實精粹係辣菜甫！！啲辣菜甫係食上癮，越食越辣最後都叫咗杯豆漿，我諗啲菜甫用嚟撈其他嘢果樣野都會變得好好食。

星期一平日夜晚二人，第一次幫襯！7:20pm開始排，例牌前面30+人，仲有一堆人keep住叫外賣7:55入座，即叫嘢食🥺8:15終於有得食😰8:35食完走人😀白菜餃賣晒😭雲耳椰菜肉湯餃(10個$48)-大隻，淋咗啲，無乜味😑韮菜肉湯餃(10個$47)-大隻，好食過雲耳😁兩杯豆漿@$10-ok, 無乜特別湯底好飲，但有味精👀辣菜甫，好食有啲辣，唯一可取！👍🏻好彩無叫煎！🥶睇個樣都見太油皮太厚，仲要再等耐啲先有得食。同枱好多人等到唔耐煩，一定負評👿總結: 可以再去，但要無人排隊先去。唔值得排咁耐等咁耐😩一係叫外賣囉🙏🏻

見到有報紙話香港數一數二既餃子店、突登行到老遠也來吃,好失望，等了30分鐘才有位，本人十分鐘喜歡餃子，但好老實這店的確難食，1）可以話大大隻好抵食,食完好飽。2）如果吾洗排隊都一定吾會再去！3）餡料有草青味，餃子鬆吾香，好散。4）湯底咸，冇粉葛冇生魚味只有重胡椒粉同味精味。5）另叫豬手麵，更加吾好食。唯一叫好dd，就係凍豆漿同辣菜莆叫做好味同夠凍。失望！言多於實。可能香港已經沒有一間可以好吃的小店。

太子出了名的餃子小店，中午時間，門口已有人在排隊，幸好單人不用排很久。餃子有分湯餃，煎餃，可叫7隻或10隻，但價錢只差少少，通常都會叫10隻。叫了韭菜湯餃10隻，店員給了一隻小碟，是用來盛載枱面自家製辣菜鋪的，辣菜鋪少少辣，好惹味，絕對是此店的賣點，難怪每個食客都會食不停。湯餃10隻，比想像中大隻，皮真的不算薄，但滑流，餡料足料，新鮮好味，不會太鹹，自家包確實不同，不錯吃。$47不算好便宜，但絕對是值得支持的小店。

最近一間餃子店係一個熱門嘅食店於是我就捉埋我個朋友一齊陪我去食下。估唔到平日下晝嘅兩點半都咁多人排隊唔單只係外賣仲有堂食都需要等一段時間，證明人氣係有幾旺，就更加之令我期待店舖唔算好大亦都冇乜裝修可言簡簡單單光光猛猛。而且揀嘅種類亦都唔算好多好簡單一睇就睇晒我就叫左七隻雲耳椰菜湯肉餃個湯係非常之清甜嘅而且魚香係好重飲得多都唔會口渴證明冇落味精呢一個大贊如果餃子嘅餡了亦都好豐富每一隻都大大粒完全係超出我嘅預期所以一個女仔食七隻嘅話應該係夠飽嘅不過味道上面唔算話非常非常之出眾但係佢嘅菜同肉嘅比例我就比較滿意啦因為佢唔會話好多肥豬肉然之後醃得好咸，好有住家嘅感覺呢一個係我比較欣賞嘅

餃子還是很好吃，但不知道是否太晚，去湯底加了很多味精 ，又一家出了名不追求品質的店.以前去可以喝二碗湯加十個餃子，希望老板看到後可以追求以前對食物的要求不要只為賺錢