美味餃子店

營業中

休息中

張枱已經唔係大，食完第一轉等加單時，好聲氣請她清理好張枱先，好讓陣間上餃子時有位放，點知態度極差，要你彈開不特止，仲要比說話你聽，不應該的嗎？真係無下次囉🤬。

平日放Lunch經過見到有人排隊就放棄，就係咁次次都食唔到就變等更想食🤩今日下午放半日大約1:30左右專登再來！條隊龍比平日更長大約等左半小時，終於食到！嗌左7隻韮菜煎餃同7隻雲耳椰菜湯餃🥟韮菜豬肉煎餃子餡料充足，韮菜夠香，7隻都夠晒飽！煎餃黎講已經唔算油膩！不錯👍🏻辣菜甫最出色，有豆鼓辣菜甫真係第一次食，原來都幾夾！🥟雲耳椰菜豬肉湯餃子同樣大隻，個人喜好湯餃多過煎餃，少一份油膩感。湯底係野葛菜豬骨湯底，味道都算清淡，豬骨味道唔算濃郁！環境其實算乾淨，服務態度亦唔錯。但唯獨一樣好差地方就係成間鋪好大浸油煙味，我把頭髮吸收晒油煙味

越來越多和好姐妹👭外出約吃飯都傾向於🤔光顧 #平民小店 呢☺️～這次的店是姐妹淘選的～美味餃子店（太子店）主打3款餃子🥟可選湯頭/香煎份量以10顆（大碟）/7顆（小碟）/雙拼➡️每一顆都是員工👩🏻‍🍳👨🏻‍🍳即場現包、現買、現煮，每次都很飽滿的！➡️最有名是湯餃 & 自家製辣菜脯🌶，可是在吃藥就沒吃到就不評囉～#韮菜豬肉湯餃 $47➡️ #香煎雲耳椰菜肉餃 $48 酥酥的，咬下去滿滿的熱肉汁跑出來😍（PS. 小心燙舌頭👅喔😉）味道個人覺得偏鹹了點～➡️建議煎餃盡快享用，不然久了會有油感！➡️有客人還跑來買2盒回家自己煮！➡️光顧當天是星期五，18:15🕡已經有10多人在排隊了🤭！飯點時間可能會多人喔！📍太子大南街74號地舖（地鐵🚇旺角站 C2出口，步行🚶🏻‍♀️約6分鐘）

相信住係太子附近既街坊都知道呢間餃子店，佢最出名既除左餃子之外，仲有無時無刻都存在既長龍..是日6:50分去到，條長龍已經出現左，心諗點解D人可以咁早黎到，好在小妹住附近，可以外賣返屋企慢慢嘆。但將心比己，如果我唔係可以外賣，見到條龍都已經走人轉地方啦，但條龍只有加沒有減，認真犀利。舖頭賣既野食貴精不貴多，除左餃子之外仲有粉麵，不過絕大多數人都係為餃子而來。餃子黎講，佢都唔算平，平均5蚊左右一粒，招牌係野葛菜煲生魚豬骨湯。我地本身想食白菜餃，點知已經沽清，最後嗌左7隻韭菜湯餃($42)同十隻雲耳椰菜餃拼韭菜餃 ($50)。以為外賣就好快有得拎，原來因為店內人數始終多，外賣都要等成15分鐘先有得拎。不過收左工等下都唔緊要啦~雲耳椰菜餃拼韭菜餃($50): 餃子好好好好大隻!!一啖咬落去全部都係餡，個餡菜同肉既比例好平均，係食到好濃既韭菜味之餘，亦都食到甜甜既肉味，好有住家媽媽Feel果種健康風味!!至於個湯，小妹就覺得偏淡，可能冇味精掛，不過個餃子夠好食就已經夠!!~睇下舊餡幾咁大夠，足料呀!!!每碗都會附送辣菜脯，辣得黎有少少香甜既味，唔知係蝦米定蜜糖味，甜甜地辣辣地咁，用黎送餃子，一

細妹話之前經過見到排長龍，所以原本星期日想食呢間，點知上openrice check地址時，先知原來星期日休息，所以今日上完瑜珈堂後心思思想食呢間餃子👉🏼👈🏼🤤大約1:40到，已經有七至八位客人排緊隊，排咗冇耐店員問有冇一位，我即刻舉手🙋🏻（好似有D儍🤣🤣）一個人去食嘢嘅好處唔洗等好耐就可以入座😝事不宜遲，快D睇吓食乜先貪心嘅我緊係雙拼啦店內貼出不同媒體介紹店鋪嘅報導見人叫豆漿又忍唔住想試唔太甜唔知點解我覺得有順喉嘅感覺好正好多客人都加呢個辣菜脯一齊食我點嘅《雲耳椰菜肉餃拼韭菜餃》嚟啦先試吓湯底，嘩好好味呀！唔怪知同檯另一位客人飲哂D湯雲耳椰菜肉餃韭菜餃咬咗一嗒唔覺意跌返落湯都冇散D餡出嚟好足料，好結實一個人缺點就係唔可以試太多下次我要試埋煎嘅餃子🥟

美味餃子這間店舖我聽已經聽咗年幾兩年，但每次去到都很多人排隊， 今次的起心肝，足足排咗半個鐘頭 ，終於可以入去食我喜歡食水餃了， 我叫了一個韭菜水餃， 這個水餃的湯底不是普通湯底，而是他真材實料的野葛菜湯 ，我初時都擔心這個菜湯非常之涼， 但是食下覺得很配合這個水餃味道， 水餃水餃非常之大隻， 裏面充滿著韭菜、 肉碎; 淡淡的 餡料，滿足到我這個味蕾; 他跟隨亦有一碟 配料給我們 ，下次我一定會嚟試其他水餃！

特意前來食餃子，唔想講太多，只想講食品的味道：D8個齊齊坐，煎餃、米線、湯餃都有叫，而我就叫左10隻韭菜湯餃。就咁睇圖，好大碗，餃子係一個湯匙咁大；湯底，住家湯，食唔出有味精，唔油所以飲哂成碗；餃皮唔厚唔薄；餡料好足，多韭菜少豬肉，多汁，唔重味精，住家味，比起上次另一家清淡好多！深信咁受街坊歡迎，其中一樣係可以係街外食到清淡無味精食物！如果本身食開味精，未必岩你，但十分岩我呢個健康人士。或者覺得湯餃太清淡，想heavy少少，煎餃都唔錯。試左朋友一件韭菜煎餃，濃味但唔係味精味，新鮮煎所以好香口，多汁。試左朋友個白菜餃，同樣清淡足料。呢個菜圃係前菜，太碎，辣辣地，冇特別。總結：食左10件餃子，飽到夜晚唔洗食飯，細食可以叫7隻或者同朋友share。想食住家味餃子要試，難得出真食到無味精食物，加上足料親民價。後話：對我而言，支持小店係欣賞店主用心經營，感受佢地對食品質素味道的堅持。一家店舖多了人前來到訪，除左因爲社交媒體報導，唔少得當然係小店的「真功夫」，唔係點會長時間都大排長龍。所以特意到訪小店，唔想評論「值唔值得排咁耐」，只想評論食物嘅質素，從味道出發。睇到條龍咁長都照咁多人排隊，都為店主

之前見到電視有節目介紹呢間既餃子🥟，因為我同朋友都好鐘意食大大粒餃子，所以今日我地兩個特登放左工慕名而來。我地七點幾到到，好多人排隊啊，我地前面有成30幾張枱，唔知究竟係因爲聽日係公眾假期定係其實日日都咁多人排隊呢😳我地應該真係等左一個鐘到先入到去食啊🤔🙈我地叫左雲耳椰菜肉餃拼韭菜肉餃既細碗（7隻），因為都想試下多啲款式～其實本身想食白菜肉餃架，點知白菜肉餃已經賣哂了🤦🏼‍♀️等左一陣終於有啦！！！雖然都唔算等左好耐，但係我覺得佢既出餐速度可以快多少少😳-🎈雲耳椰菜肉餃拼韭菜肉餃（7隻）嘩啲餃子係每隻都大大粒咁，其實本身朋友都想叫10隻架，但真係好驚食唔哂都係叫7隻算了🙈因為隻隻都大大粒，都真係有啲吃力架如果自己一個食哂😂再講佢既味道，雲耳椰菜肉餃唔算好突出個味，相反韭菜肉餃係超有驚喜🙆‍♀️所以話食餃子最好最好梗係要食韭菜餃，最原始的就係最正的😎至於佢呢度既湯底都係招牌的，係野葛菜煲生魚豬骨湯，配埋啲水餃又真係幾正的！對於一個餃子控黎講，食到足料既餃子已是一件樂事了，好想試盡全香港既餃子店啊🤩

見咁多人排隊，電視又訪問埋，以為真系咁好食，點知……湯底有些野葛菜味但很淡; 餃子系大隻，但賣相味道都好一般，個人認為八方雲集仲好食過佢。而且仲要排半個鐘😢試一次就夠了。唯一讚是菜甫夠辣又香！

星期六日出深水埗行到攰攰地，梗係想坐下食下小食!點知! 呢間美味餃子店真係排晒長龍呀！我地lunch已經望過見到30幾人排諗住4點度下午茶時間黎食，點知條隊都係有20幾人，我地就放棄左轉外賣!其實$47-8/10隻都唔係平，所以梗係要試真d! 韮茶煎餃($47/10隻)，白菜湯餃($48/10隻)! 湯餃個湯係野葛菜魚豬骨湯，本身要$26一碗，所以可能湯餃係貴d!個湯底好味!都幾清甜但又夠味!湯餃同煎餃都份量十足!大隻餡夠多，皮又唔會好厚!佢會俾埋辣椒菜莆，而最特別係佢加左豆豉，更加香，更加惹味呀！但都幾辣下!滿滿既餡料!辛苦晒包餃子既姐姐們!但真心好味!難怪見到好多人特登揸車過黎呢度食!

見到網上有唔少人推薦呢間餃子店，話都算唔錯，咁岩經過呢頭，就獨自黎試下。我係下午5點幾去，門口已經排左好多人，但係間舖係冇得攞飛，要係一條龍咁排隊，輪到你再問你幾位，先編人入去。店舖既餃子款式選擇唔多，但價錢都算親民。因為本身唔太餓，咁我就點左細碗韭菜肉餃，D餃子好大隻，用佢個匙更幾難「筆」，個湯底係野葛菜生魚豬骨湯，飲落比較重野葛菜味，蓋過左魚湯既鮮甜味，個人黎講覺得冇乜特別。韭菜肉餃好多韭菜，但食落就唔覺有肉咁，有多少少肉餡會好d，不過個餃子皮厚薄適中，算係普通。佢個菜脯都幾辣，好彩有另外比碟仔，點少少試下都ok。

傳聞好好味嘅餃子店，連電視台都有訪問過，今日終於嚟到試吓啦～一嚟到只見到條長長嘅龍尾，連鋪頭門口都見唔到🤦🏻‍♀️等咗一陣，終於都入到去，我地4個人叫咗4碗椰菜湯餃，因為佢最出名嘅係個湯底👉🏻野葛菜豬骨魚湯～ 另外仲叫咗份煎餃share由於人手包嘅關係，再加上佢地真係好好生意，所以又等咗一陣...終於等到上菜，餃子堅好味，椰菜爽甜，餃子皮好滑，而且厚薄適中，我鐘意湯底果然好味，有屋企老火湯嘅味道最正係枱面嘅無限添辣菜圃，我地差唔多食哂成樽

慕名而來去到太子的美味餃子店，週未晚飯時間需等30mins才能入座今天點了雲耳椰菜餃，煎餃湯底是野葛菜湯非常清甜可口，好好味也有清熱氣的功能而餃子椰菜雲耳餃，非常好吃，料多薄皮

餃子得個大字三隻味道如果唔睇差不多可以話你知食唔出分別價錢也不平，其他食物如猪手也一般般，唯一可以一讚嘅係辣菜圃！煎餃比較好啲，一啲都唔明白點解有咁多人排隊！今次轉成拜訪有啲感覺失望！應該唔會再去食！

前排睇完電視節目介紹，今日黎開深水埗呢頭就諗住試試。但一黎到就見到勁長既人龍最後等左差不多40分鐘先入得舖頭唔算大，人手都唔算太多，見到職員瘋狂包緊餃子，完全無停過手，都覺得其實佢地都好盡力了，不過客人真係太多，點做都唔太應付到。餃子唔算貴，<$50就有十隻，兩個人食叫20隻已經飽到唔洗食下一餐。餃子好大隻好足料，但如果係想中意食到好大舊肉既感覺既話，呢度唔太岩你。味道當然唔錯，識食一定係落埋辣菜甫，更加香口。雖然話就話係幾抵食同唔錯，但唔會再有下次，因為真係排好耐、等餐都等左好耐