美味餃子店

營業中

休息中

特意前來食餃子，唔想講太多，只想講食品的味道：D8個齊齊坐，煎餃、米線、湯餃都有叫，而我就叫左10隻韭菜湯餃。就咁睇圖，好大碗，餃子係一個湯匙咁大；湯底，住家湯，食唔出有味精，唔油所以飲哂成碗；餃皮唔厚唔薄；餡料好足，多韭菜少豬肉，多汁，唔重味精，住家味，比起上次另一家清淡好多！深信咁受街坊歡迎，其中一樣係可以係街外食到清淡無味精食物！如果本身食開味精，未必岩你，但十分岩我呢個健康人士。或者覺得湯餃太清淡，想heavy少少，煎餃都唔錯。試左朋友一件韭菜煎餃，濃味但唔係味精味，新鮮煎所以好香口，多汁。試左朋友個白菜餃，同樣清淡足料。呢個菜圃係前菜，太碎，辣辣地，冇特別。總結：食左10件餃子，飽到夜晚唔洗食飯，細食可以叫7隻或者同朋友share。想食住家味餃子要試，難得出真食到無味精食物，加上足料親民價。後話：對我而言，支持小店係欣賞店主用心經營，感受佢地對食品質素味道的堅持。一家店舖多了人前來到訪，除左因爲社交媒體報導，唔少得當然係小店的「真功夫」，唔係點會長時間都大排長龍。所以特意到訪小店，唔想評論「值唔值得排咁耐」，只想評論食物嘅質素，從味道出發。睇到條龍咁長都照咁多人排隊，都為店主

之前見到電視有節目介紹呢間既餃子🥟，因為我同朋友都好鐘意食大大粒餃子，所以今日我地兩個特登放左工慕名而來。我地七點幾到到，好多人排隊啊，我地前面有成30幾張枱，唔知究竟係因爲聽日係公眾假期定係其實日日都咁多人排隊呢😳我地應該真係等左一個鐘到先入到去食啊🤔🙈我地叫左雲耳椰菜肉餃拼韭菜肉餃既細碗（7隻），因為都想試下多啲款式～其實本身想食白菜肉餃架，點知白菜肉餃已經賣哂了🤦🏼‍♀️等左一陣終於有啦！！！雖然都唔算等左好耐，但係我覺得佢既出餐速度可以快多少少😳-🎈雲耳椰菜肉餃拼韭菜肉餃（7隻）嘩啲餃子係每隻都大大粒咁，其實本身朋友都想叫10隻架，但真係好驚食唔哂都係叫7隻算了🙈因為隻隻都大大粒，都真係有啲吃力架如果自己一個食哂😂再講佢既味道，雲耳椰菜肉餃唔算好突出個味，相反韭菜肉餃係超有驚喜🙆‍♀️所以話食餃子最好最好梗係要食韭菜餃，最原始的就係最正的😎至於佢呢度既湯底都係招牌的，係野葛菜煲生魚豬骨湯，配埋啲水餃又真係幾正的！對於一個餃子控黎講，食到足料既餃子已是一件樂事了，好想試盡全香港既餃子店啊🤩

見咁多人排隊，電視又訪問埋，以為真系咁好食，點知……湯底有些野葛菜味但很淡; 餃子系大隻，但賣相味道都好一般，個人認為八方雲集仲好食過佢。而且仲要排半個鐘😢試一次就夠了。唯一讚是菜甫夠辣又香！

星期六日出深水埗行到攰攰地，梗係想坐下食下小食!點知! 呢間美味餃子店真係排晒長龍呀！我地lunch已經望過見到30幾人排諗住4點度下午茶時間黎食，點知條隊都係有20幾人，我地就放棄左轉外賣!其實$47-8/10隻都唔係平，所以梗係要試真d! 韮茶煎餃($47/10隻)，白菜湯餃($48/10隻)! 湯餃個湯係野葛菜魚豬骨湯，本身要$26一碗，所以可能湯餃係貴d!個湯底好味!都幾清甜但又夠味!湯餃同煎餃都份量十足!大隻餡夠多，皮又唔會好厚!佢會俾埋辣椒菜莆，而最特別係佢加左豆豉，更加香，更加惹味呀！但都幾辣下!滿滿既餡料!辛苦晒包餃子既姐姐們!但真心好味!難怪見到好多人特登揸車過黎呢度食!

見到網上有唔少人推薦呢間餃子店，話都算唔錯，咁岩經過呢頭，就獨自黎試下。我係下午5點幾去，門口已經排左好多人，但係間舖係冇得攞飛，要係一條龍咁排隊，輪到你再問你幾位，先編人入去。店舖既餃子款式選擇唔多，但價錢都算親民。因為本身唔太餓，咁我就點左細碗韭菜肉餃，D餃子好大隻，用佢個匙更幾難「筆」，個湯底係野葛菜生魚豬骨湯，飲落比較重野葛菜味，蓋過左魚湯既鮮甜味，個人黎講覺得冇乜特別。韭菜肉餃好多韭菜，但食落就唔覺有肉咁，有多少少肉餡會好d，不過個餃子皮厚薄適中，算係普通。佢個菜脯都幾辣，好彩有另外比碟仔，點少少試下都ok。

傳聞好好味嘅餃子店，連電視台都有訪問過，今日終於嚟到試吓啦～一嚟到只見到條長長嘅龍尾，連鋪頭門口都見唔到🤦🏻‍♀️等咗一陣，終於都入到去，我地4個人叫咗4碗椰菜湯餃，因為佢最出名嘅係個湯底👉🏻野葛菜豬骨魚湯～ 另外仲叫咗份煎餃share由於人手包嘅關係，再加上佢地真係好好生意，所以又等咗一陣...終於等到上菜，餃子堅好味，椰菜爽甜，餃子皮好滑，而且厚薄適中，我鐘意湯底果然好味，有屋企老火湯嘅味道最正係枱面嘅無限添辣菜圃，我地差唔多食哂成樽

慕名而來去到太子的美味餃子店，週未晚飯時間需等30mins才能入座今天點了雲耳椰菜餃，煎餃湯底是野葛菜湯非常清甜可口，好好味也有清熱氣的功能而餃子椰菜雲耳餃，非常好吃，料多薄皮

餃子得個大字三隻味道如果唔睇差不多可以話你知食唔出分別價錢也不平，其他食物如猪手也一般般，唯一可以一讚嘅係辣菜圃！煎餃比較好啲，一啲都唔明白點解有咁多人排隊！今次轉成拜訪有啲感覺失望！應該唔會再去食！

前排睇完電視節目介紹，今日黎開深水埗呢頭就諗住試試。但一黎到就見到勁長既人龍最後等左差不多40分鐘先入得舖頭唔算大，人手都唔算太多，見到職員瘋狂包緊餃子，完全無停過手，都覺得其實佢地都好盡力了，不過客人真係太多，點做都唔太應付到。餃子唔算貴，<$50就有十隻，兩個人食叫20隻已經飽到唔洗食下一餐。餃子好大隻好足料，但如果係想中意食到好大舊肉既感覺既話，呢度唔太岩你。味道當然唔錯，識食一定係落埋辣菜甫，更加香口。雖然話就話係幾抵食同唔錯，但唔會再有下次，因為真係排好耐、等餐都等左好耐

本人係旺角返工如果有時間都會黎食下餃子，我知道預咗要排隊，咁我等咗半個鐘入到去坐，即刻落單，點知等咗半個鐘都無野上枱，追問第一個佢話張單排咗第一叫我等多陣，再等3個字就話就黎起，再等5分鐘都無野食，初初以為包唔切啦，但眼見成枱人遲過你黎但都食完走哂，個下真係好嬲囉！好明顯係漏單！！最後真係無時間食逼住係隔離5分鐘食完個牛腩麵趕返工！真係要永久blacklist，見comment都話成日漏單同埋無哂個種餃都唔會講聲！漏單咁頻密真係寧願唔好再黎！講真都只係因為旺角附近食厭咗先搵新鮮野食，個餃子完全唔值你用咁多時間去食囉！

今日晏就嚟到旺角 朋友話想食餃子🥟🥟 於是我地揀左好出名ge美味餃子店😝😝😝下就食飯時間都幾多人 我地等左十幾分鐘先入得👍🏼 因為之前試過韮菜煎餃 所以今次我就叫左招牌雲耳椰菜肉湯餃 試下個湯底🤤🤤🤤🤤個湯係生魚豬🦴湯 但一啲都吾油 感覺好清又重魚味 餃子大大隻 餡料質地係好實 塞滿成隻餃子😍😍😍 吾會食食下散曬 另外d饀都好貼餃子皮 但略嫌餃子皮有d厚 食落調味都啱啱好 而且份量都好大 我一個女仔食十粒真係好飽好飽🤣🤣🤣推薦:⭐️⭐️⭐️⭐️

已經係下午茶時間去排都咁多人😆因為一個人毒食所以都排左10分鐘左右就入到去叫左個雲耳椰菜拼白菜煎餃十隻2款菜味都好香 由其係白菜每一隻餃都大大隻一個人食十隻真係好飽🥺雖然價錢係貴d但都值呢個價下次一定會試湯餃🤪🤪🤪

完全係普通到暈，個湯完全同個餃子唔配合，有點亂溝一通！我認為係水準之下！大家食時感受下，入面嘅材料超普通，大而無盪，完全係浪費時間去排尼條隊，如果屋企冇人識整餃子嘅人先會接受到這質素！一般識整餃子嘅人都未必欣賞！

一向都好喜歡吃水餃 知道太子呢間美味餃子店一直都係人氣餃子店雖然附近有好多都係同一類型做返嘅餃子店 但係唯獨佢哋到今時今日都仲係引來大大條長龍甘啱今日係附近做嘢於是想起嚟食 嚟到嘅時候果然大排長龍 保守估計如果要堂食的話應該要排一個鐘 於是我就決定要買外賣返屋企 唔我就買咗10隻大嘅韭菜水餃 🥟$47 分湯上我拎到返屋企 餃子皮依然係QQ的🤤厚薄適中 餃子餡料豐富 超多韭菜 每食一啖都感到滿足最終我自己一個當然係食唔晒10隻 都幾飽肚 好吃又便宜

等左接近一個鐘頭，入到去已經落單叫椰菜餃，然後個15分鐘後話冇貨。重點係，我已經入到去，坐低左，落曬單！如果冇嘅話一早講啦唔該，做生意唔係咁做個囉？如果冇咁多人手，冇咁多貨，就唔好賣咁多廣告啦！浪費人既時間。一直以來都食開，完全明白要等位，但今日真係不能接受，冇諗過會變成咁樣。同埋如果你做唔到咁多客，係咪一早應該截停人龍，而唔係比所有人都入晒黎然後話冇貨呢？失望到極！好地地嘅一間小店變成咁，祝你好運。