美味餃子店

營業中

休息中

First things first: * 餃子水準參差美味餃子店非常出名，有兩間分店，一間係太子，一間係長沙灣。我係非常鍾意食餃子嘅人。就算未黎過美味餃子店，喺朋友口中亦都對呢間鋪頭有一定認識，甚至睇過有節目介紹佢長長嘅排隊人龍。帶着非常之高嘅期望我終於去咗太子一試。我哋叫咗韭菜椰菜雙併，湯。老實講，我覺得佢個湯okay，野葛菜湯味道幾出。但係我更鍾意餃子湯係厚、濃、同埋稠，佢個湯符合唔到我呢三個喜好。至於佢嘅韭菜椰菜，因為廚房煮爛咗部分餃子，所以我哋一開始係食咗八粒先，佢之後再補返兩粒俾我哋。好奇怪，食第一碗八粒嘅餃子，我唔明點解坊間會傳得佢甘好味。但係當店員將補既果兩隻餃子拎俾我哋時，可能因為新鮮包嘅關係，呢兩隻餃子同之前嗰八隻餃子係完全唔同層次、味道，後上嗰兩隻餃子係鮮味好多！！如果佢嘅水準可以保持到喺後上果兩隻餃子嘅水平，我會願意再試。但係我食十粒餃子，個水平都可以咁參差，確實有啲失望。