美中·鴨子 (荃灣廣場)

營業中

休息中

美中·鴨子 (荃灣廣場) (荃灣)📇地址：荃灣大壩街4-30號荃灣廣場L5樓508-510號舖🕐營業時間：星期一至日11:30-15:00；17:30-22:30💸人均消費：～$350/人👏🏻抵讚位：平日晚市去食，6點左右就入座，啲staff都好識做咁俾左張卡位我地兩個人。鋪面夠大，所以枱與枱之間有番啲距離，坐得舒服😌🍴Food QC：「烤北京填鴨 半隻 $198」鴨件有十零件，都算多，但得面頭個幾舊有皮痴住，下面個啲都係鴨肉🤣 同埋啲鴨有so味，鴨肉佔嘅比例太多，食到最後勁飽食唔哂「土雞蛋脆煎坷仔 $158」呢個好特別，以為會係蠔餅嘅樣，點知佢係一條條嘅長方型🤣 入口好脆，食到落左好多蠔仔去煎😍 我同朋友都讚爆呢個菜👍🏻「小籠包 6隻 $78」爆汁嘅小籠包，皮薄多汁，雖然個賣相唔係特別靚「春卷 2條 $44」大大條嘅春卷，入面嘅餡雖然同平時酒樓食嘅炸春卷一樣，但佢勝在夠大條同多餡🤣「金腿鮮菌炒飯 $98」呢個炒飯都係要讚嘅菜式，炒得好乾身，，啲飯粒粒分明，同埋唔會食落覺得好油😌😯有待改善位：店員嘅態度有啲麻麻地🥲 放低啲餸亂放咁，叫得多野食左少少，成碟野就咁放枱邊。同埋勁快就收走哂我

星期五同媽媽去了荃灣廣場，望咗好耐都唔知道食咩，最後決定都係食中式食物，去了美中.鴨子。記憶中好耐以前去過一次，今次我地食午餐2人餐，3百幾蚊有6樣食物（半隻片皮鴨、醉雞、糯米燒賣、叉燒酥、小籠包和蛋白炒蟹肉，另外我再叫了一個欖菜炒飯。埋單時$5百幾蚊，餐廳服務好好👍🏻，環境舒適，上菜快速適中，食物味道唔錯（媽媽好嘴刁都覺得唔錯，下次可再食😊），食物量合適唔會太少。本人特別推介叉燒酥真係好好食。下次我要再次黎間店既點心我見好多人食

夜晚約咗朋友到美中鴨子食飯，慶祝生日。環境幾奢華時尚，價錢都同樣貴，不過食飯係ok嘅。片皮鴨 半隻 $198隻碟好有中式畫風，味道ok，不過就細份咗啲。小籠包 $78小籠包個皮唔會太厚，入面有肉汁，好食而且算比較唔貴。炸蟹鉗非常大隻蟹鉗，大約拳頭左右咁大隻，可以一隻隻叫，價錢唔記得咗，好似50-60蚊一隻，價錢唔平，但好少地方可以逐隻叫。上湯菇菌浸豆苗食咗好多熱氣同油炸嘢食，叫返個清淡啲既菜食吓。整體份量係足夠，略嫌價錢偏貴。

唔需要講，大家睇圖。隔離嗰台塊鴨皮打曬聖光咁，係平滑係脆面係靚仔嘅; 我哋隻鴨好似燒味舖砍落黎咁。其實！我哋落單先，但隔離黎先都唔緊要，等左十分幾鐘，黎到冇煙，唔熱，可以話佢微暖囉，餅都凍曬，正常係半透明，黎到冇三分鐘都變白色。咁熱鴨熱餅先好食架嘛老闆。我哋小投訴，佢係唔會理你，都係話啱啱新鮮片出嚟嘅咋喎嗰啲廢話。呢餐就咁望住隔離，食我哋隻巢皮鴨☺️，喺正隔離大家又一樣價，咁都放上枱，好難唔比較姐。

受氣既一餐，食餐俾錢，仲要受氣。1. 在”沒有顧客等候”及”有吉枱”的情況下，仲未上齊菜就催埋單，之後又多次催交枱，態度又唔好。2. 加單既時間，部長一臉不滿，黑口黑面，語氣奇差。“仲有冇嘢要加？”，“仲有冇其他嘢要？”好似阻住佢收工，但當時距離佢哋收工仲有2個鐘🤬如果酒樓要反枱搵錢，我哋明白。但個場又唔爆，菜又未齊，點解要催呀😵😵大集團係時候重新培訓啲員工啦。部長都咁，其他人會點😩 (反而另外兩個侍應態度好好👍🏻)題外話，奶油津白咸咗d，炸蝦球外脆漿好硬。

好耐冇食片皮鴨🦆就心血來潮入美中鴨子食晚餐 見到入面都好多人 但我哋算好彩😙即刻就有位前菜🥗有青瓜 豆卜 豆 花生😙因為嘢食嚟得比較慢🥲好肚餓嘅我哋差唔多食哂前菜先食到主菜半隻片皮鴨🦆等咗30分鐘先上檯 等到有啲唔耐煩🥲🥲片皮鴨有正常配料同醬 啲鴨皮幾脆 同薄餅皮都夠薄😋薄餅皮入面有鴨油香加配料的爽脆中和 係好食嘅片皮鴨！ 👍🏼👍🏼唯一缺點係薄餅皮要快食 如果凍咗口感就大打折扣🥲叫咗半隻片皮鴨 2個人食啱啱好 麻辣水煮魚片🐟一上檯都幾大碗 望落去好紅 好似好辣🌶️但其實食落 唔太辣 魚塊同配料都算多🔥本身期望會係一塊塊嘅魚片 但佢係用一舊舊嘅魚塊 我鍾意食落口舊舊肉嘅口感👍🏻不過同行友人就鍾意食魚片嘅口感多啲😂叫咗2樣嘢 但加埋白飯 食到好飽先走🤰🏻呢餐人均$280 個人覺得幾抵 食到好食嘅片皮鴨！😚😚😚

評分: 5/10總結: 性價比低，食物質素一般同埋煮出來既野食唔入味，以後唔會再來食😢詳情:見到Openrice有咁多人話覺得呢間唔錯，咁就入去試下。晚餐叫左四碟包括，北京填鴨，松子雞米，干扁四季豆，水煮牛肉... 水煮牛肉用了質素一般的肥牛，水晶粉唔入味。干扁四季豆炒出來完全無鑊氣🤧填鴨肉質一般好硬😪松子雞米上碟時係唔熱既全家人都認為食物質素一般。連埋加一用左大約900蚊，性價比低。唔知點解咁多OpenRice食評話好味😢以後唔會再來食

終於等到入秋，嚟到十月、十一月，當然就係食蟹嘅季節。美中·鴨子平時主打北京填鴨，今次亦推出咗期間限定蟹粉美饌系列menu，對於我呢個好蟹之徒，當然唔會錯過。今次呢個蟹粉menu，有十幾款用蟹粉做嘅菜式，一場嚟到，我哋揀咗其中四款，另外仲叫咗雲吞鴨湯同松子魚等等。蟹粉蝦球 $268先係有蟹粉炒蝦球，大大隻嘅蝦球爽口彈牙，加上大量鮮味蟹肉蟹膏同蘆筍、紅椒等蔬菜一齊爆炒，非常惹味香濃。蟹粉百葉包 $168呢道蟹粉百葉包，用層層百葉皮卷住中間嘅豬肉餡料，面頭同樣淋上金黃蟹粉，加埋粒粒毛豆，食落非常有口感。蟹粉小籠包 $150嚟得食京滬菜，當然唔少得小籠包，喺肉餡入面加入埋蟹粉，肉汁同蟹油交織出完美嘅湯汁，味道層次更加昇華。清炒蟹粉(配法式多士) $420到重頭戲嘅清炒蟹粉，滿滿一碟金黃濃稠嘅蟹粉，蟹香味比其他幾道蟹粉菜式更加濃郁，鮮味到不得了，配埋烘到香脆嘅法式多士一齊食，食完齒頰留香。上海砂鍋雲吞鴨湯 $190原個砂鍋上嘅雲吞鴨湯，份量足夠4人享用，鮮甜嘅鴨湯飲落夠晒暖胃。鮮肉雲吞皮薄餡靚，口感滑溜。仲有鴨肉同菜膽，夠晒豐富。松子黃花魚(半條) $148另外亦都叫咗半條松子魚，黃花魚炸到香酥

位於荃灣廣場的美中·鴨子以蟹粉入饌製造配合傳統粵菜烹調打造一系列精緻蟹粉菜餚滿足一眾蟹迷·蟹粉小籠包（$150/5隻）皮薄餡靚是基本重點是超多湯汁 · 好像喝了一口蟹黃湯非常鮮甜 · 濃烈的蟹香裡面是滿滿的蟹肉同蟹皇教人滿足的小傢伙蟹粉百頁包（$168）同樣爆汁的百頁包非常有驚喜 · 肉餡超多汁單吃已經很不錯沾滿蟹粉多了一份鮮甜 · 又是另一種風味蟹粉蝦球（$268）完美演繹蝦兵蟹將蝦球大大件 · 超級爽彈加入巨量蟹粉 · 除了口味更多層次亦令整體更為矜貴清炒蟹粉配法式吐司（$420）本日焦點所在 · 這種澄黃絕對是奢華的化身每一口都非常奢侈 · 是幸福的膽固醇蟹粉非常甘香濃郁而鮮甜感受濃香的蟹膏 · 還有一絲絲的蟹肉原汁原味的蟹餚 ·絕對令人回味無窮

精緻精緻的中式小菜館，環境地方不錯。星期六下午在餐廳內只得一半人客。桂花糕伴凍鴨件賣相精緻…鴨片伴桂花糕，口感一流皮脆鴨香又有桂花味！霸王雞丁以為好辣，因為眼見好多辣椒。吃上來味道啱啱好，味道上有少少似鹽酥雞。羊肉搶湯麵羊肉有羊肉味，湯麵仔擔擔麵。夾埋一齊食又幾好味喎。小籠包皮薄多汁，饀料夠熱，味道非常好。豆沙鍋餅就一般豆沙冇豆沙味。

ʟᴜɴᴄʜ、晚飯時間經常門口都見到人龍平時與家人食晚飯都會選中菜廳來到這裏每枱都一定叫鴨😜是餐廳的必食招牌我們點了招牌烤北京填鴨（半隻）北京填鴨賣相亮澤金黃, 鴨皮充滿油香, 肉質非常嫩滑, 就算即食不包餅皮都很好味, 必食推介👍🏻紫甘藍雞絲粉皮雞絲粉皮麻醬很香濃, 粉皮很通透味道弄堂酸辣湯酸辣湯非常足料, 有肉絲、筍絲、木耳絲、冬菇絲及鴨血絲, 口感豐富有層次, 酸度適中, 十分開胃, 足夠四至六日享用四川麻辣大盆雞🌶麻辣大盆雞份量有點多, 味道很香麻辣味, 食到小辣的朋友也可以食到, 內有寬粉吸收了辣汁很惹味金華火腿扒津白香濃清甜帶少少鹹香味, 食材新鮮、津白份量多成都紅油抄手醬汁調教得很入味, 溫醇且帶點微酸、餛飩啖啖肉、湯汁微辣濃香😍灌湯小籠包小籠包外皮夠薄, 滿滿湯汁很滿足, 有驚喜松子黃魚醬汁中有松子、番茄醬、青豆及蔥, 魚肉嫩滑、炸粉厚度適中, 醬汁本身的酸甜, 送飯一流香芋海鮮鍋飯看似像雞皇飯, 味道香濃, 每一啖都食到醬汁, 非常ᴄʀᴇᴀᴍʏ新派設計的中菜館, 裝潢帶點歐陸式, 整體ᴄᴘ值不錯, 頭盤、小菜、海鮮、甜品款式種類多, 位置舒適開揚, 枱與枱之間有空間感,

提早同媽媽食生日飯...媽媽講左N次要食美中鴨子...早大半個月打去訂位~適逢HSBC有優惠套餐...套餐包括:皮旦豆腐海蜇頭：頭盤冷食唔錯~陳醋味正!!!醉雞：酒味都濃郁入味松露小瓜蝦球玉帶：微微黑松露味既帶子蝦仁,味道唔錯菊花鮮魚羹：全晚最唔掂...成碗野胡椒粉味...其他味道唔知去左邊...填鴨：套餐本身得半隻...我地奇多半隻~2個字好味!!!蜜汁火腿：我個人就覺得麻麻...因為太甜...但其他人就覺得唔錯...小籠包：正常發揮另外散叫左左羊肉湯麵同牛肉餅...牛肉餅估唔到都唔錯~有D似九龍城果間清真店既味道~羊肉湯麵既粗麵要讚~好掛湯啖啖羊味~總括黎講...食咁多次都冇失手過~會keep住耐唔耐去幫襯~!

同朋友聚會，朋友選擇了這間，因為他很想吃北京填鴨。烤北京填鴨因為人數多我哋揀咗全隻，北京填鴨皮薄肉嫩，油脂豐富，烤到脆卜卜 雞絲粉皮青瓜爽口，雞絲嫩滑，粉皮彈牙，加上麻醬10分惹味。🫶🏻小籠包皮薄餡多，一咬開就多汁。💦寧波乾炸小黃魚炸得香脆可口，無骨啖啖肉。南瓜餅唔會太甜，南瓜餅煙煙韌韌，很好味。😝

4人填鴨套餐$328，抵食。美心集團其下的京川菜，環境優靜，食物水準高，特別是小籠包，皮薄汁多，夾在醋碟上湛也不破，片皮鴨不肥，皮薄另有肉片分開，用來包著吃的皮多，不會吃剩料欠皮，其他的食物也沒有劣評。它另有提供一人套餐$78 或$98，有一小食和一碗麵，下次會試。當然有前菜$18， 茶錢$13 一位，加一服務費，最後不是單菜價！可能荃灣廣場食肆選擇太多，從中午12 點坐到1:30 ，入座率都只有3成，可悲。最高興可用八達通消費券（不是所有酒樓可用）及YUU 儲分。

叫左一隻片皮鴨，份量都ok，係啲皮唔夠薄，外賣都比左骨可以煲湯～皮嘅份量岩岩好，京蔥同青瓜略少。味道黎講都係中規中矩冇話特別難食定好食。比起北京樓就差少少。仲食左個桂花拉糕，冇咩特別好似糯米糕加啲桂花汁甘。