緣屋 札幌元袓蝦湯拉麵 (信德中心)

營業中

休息中

味道係好食既，質素都唔差。係附近翻工，放lunch就帶d同事黎食野因為見到佢有lunch set好抵食我地total 4個人 一人叫左一個餐面好快黎到，小食等左半個鐘都未有於是向店員查詢小食大概幾耐會有但員工態度極其差只係答好快就有，然後就行開左，跟住就同d同事係到傾計，完全無幫我向廚房查詢小食幾耐有。最後小食total等左45分鐘先到😅收得加一服務費，咁樣既服務質素真係唔值，真係貼錢買難受，幾好食都好 唔會再幫襯

作為一個北海道迷，經過呢間緣屋日本拉麵，已經俾佢門口嘅廣告吸引住-橙紅色嘅味噌蝦濃湯拉麵。本身超級鍾意北海道嘅拉麵，主要係因為啲面條比較粗，容易掛湯，同埋啲湯底通常都比較香濃。今次叫咗炸雞同埋味噌蝦濃湯拉麵。拉麵湯底香濃，濃厚嘅蝦味撲鼻，未食已經聞到好香。拉麵面頭仲有一堆櫻花蝦，配料有略為煎過嘅叉燒，粟米芯同埋半隻溜心蛋，拉麵麵質好彈牙，每條麵都充滿味增蝦湯嘅湯汁，好味！炸雞比較遜色，炸粉多個雞肉，下次可以唔使叫。

中文comment 拉到底. Due to pandemic. This is my third time having ramen in HK. I m a seafood lover, got recommends this place with rich shrimp soup base. Ordered the spicy miso base ramen, Is rich, but prefer the classic / basic one. The soup base taste different. Between the 2. Garnish is so HK style, not a fan. Noodle is on point. Meat is ok. I personally really like their soup base, but not my friend. If u like seafood base. This is the place to go .my food partner also ordered a mini prok don, it

醬油蝦濃湯拉麵 $75湯底好濃郁蝦味，偏結身，第一啖超滿足😝啲蝦味湧入個口到，但食到最尾有啲膩同油🙈配菜有日本叉燒，粟米條，櫻花蝦乾，同糖心蛋🥰如果有蝦湯愛好者，呢個可以一試 7.0/10乳酪蝦多士 $38蝦多士炸得超級酥脆，但多士邊好油，中間既蝦膠味好淡，比乳酪搶左個味，不過估吾到乳酪同蝦多士幾夾 6.7/10激辛緣鬼拉麵 $78呢款係辣味既蝦湯，我覺得個蒜蓉辣醬味同蝦湯吾夾，辣味同蝦味分開出黎，融合吾到🙊碗菜有蔥條，日本叉燒，甘筍條等等，蔥條有少少草青味，有少少扣分 6.6/10

豚肉好軟熟，幾香，配飯一流但飯如果可以硬身啲就更好份量偏少，性價比一般！配有麵豉湯，味道普通～炸餃子🥟算唔錯，外脆內軟！整體而言味道尚可，但價錢偏貴，要加一。店員有禮貌，服務態度好，值得一讚。另外叫左個咖喱🍛漢堡扒飯，味道還好！不過佢嘅嘢食應該係即叫即整，這點值得欣賞。如果來這間食，可能食返拉麵好啲，丼類一般。

今日經過上環信德，行到攰攰地想食番碗拉麵，咁岩見到呢間緣屋，就俾佢吸引左入去下午茶時段好抵食，仲包埋野飲，份量可能會比正餐時段少，但其實都夠食。湯底色澤呈金黃色，仲有好多蝦乾係面，未食已經聞到好香。食拉麵一定係飲一啖湯先，一飲有驚喜，好有鮮味，配埋蝦乾， 成碗湯既鮮味又再提升。麵質都好彈牙，而且掛湯，每條麵都充滿湯汁值得一提係有粟米筍，好少見有拉麵有呢款配料，口味清新，可以減低拉麵既油膩感覺。總括黎講，呢間拉麵絕對值得一試

之前都有提到，同事最近唔係太開心我就同佢去食好西所以我都以此之名，又同佢去食下嘢先！.今次我又去發掘啲正嘢先～而家夏季嘛，我就同佢去食 #明太子 ！！.我哋去咗位於 #信德中心 嘅日本店 #緣屋 !.緣屋 札幌元袓蝦湯拉麵上環干諾道中168-200號信德中心2樓228-230號舖.我哋點咗 #明太子丼 一嚟到，比一大球嘅明太子嚇親呀～～點餐嘅時候佢話係迷你丼但嚟到個份量都唔迷你架～我哋將佢呢球明太子同啲飯攪拌均勻先食可能明太子本身都有鮮味同微辣所以只配上丼飯，都唔會太單調而且我發現到一個更好味嘅食法～要用到我以下所講嘅菜式.元祖蝦濃湯雲吞雲吞一嚟到個蝦🦐🦐濃湯香氣撲鼻個湯好好味都唔需要講呀～個雲吞餡料非常足不過有一樣美中不足係個雲吞頂部皮比較厚影響口感了但呢個濃湯配明太子丼真係絕配完全可以帶到咗個味道出嚟呀～下次你哋都要試吓呀～～.明太子油麵呢個明太子油麵又係有一球明太子呀！！當然呢個都係要攪拌均勻先食啦～因為佢有D醬汁係底，等D汁可以均勻沾到麵上攸桐媽我食之前再加咗沙律醬有個酸酸地嘅味道，好好味.總括嚟講，緣屋嘅明太子食品👍🏻👍🏻坐得好舒服同朋友食下嘢係一個幾好嘅選擇••••••••

喺OpenRice見到札幌元祖蝦濃湯拉麵做緊外賣自取$100平$60，即管就係OpenRice個Apps度手機訂了晚餐落單啦。早上11.39下單，18.30轉為可取，一到上環信德中心即可取的確方便!!  這店的“元祖”. 據說是首創的特色濃蝦湯拉麵。1998年於北海道札幌開業的「緣屋」，創辦人以兒時母親利用甜蝦頭煮味噌湯的方法為靈感，結合傳統道也可以在港一嚐，這店的裝潢雖沒有一幻拉麵店般新穎，但其簡單的裝修更有道地日式拉麵店的風味。到信德中心自取後，回到家開飯，包裝上不同的食物分開包裝，很更方便、又能保存到味道。味噌蝦濃湯拉麵拉麵的湯底很濃，蝦味香濃感覺驚喜，但不會太鹹或太腥。拉麵的口感也很好，掛湯力很強，如果喜歡辣的可以選擇辣味增，是人氣之選醬油蝦濃湯拉麵拉麵的湯底既質感無咁杰身，不過油脂濃厚同樣蝦味極濃，醬油香味更為提升，配上掛湯力高的粗麵條是「拉麵控」至愛！ 拉麵同樣的口感很好徹底滿足味蕾！偷試左一啖佢既湯底，感覺蝦味比起我嗰個更為香濃突出

慕名而來試蝦湯底。星期三晚上，店內唔多人。我19:25落單，等足30分鐘碗麵都未到，以為是漏單，原來是職員錯誤地把我的麵給了另一位較後才到達的客人（難怪和我同一時間落單的外籍人士，碗麵一早到咗，仲要食完俾埋錢）。職員沒有say sorry,只是說同事搞錯咗，已經幫你跟緊ga la，語氣略帶一點嫌棄，態度有待改善。平心而論，湯底和麵都是不錯的，我點了味噌蝦湯麵，份量剛好，價錢也合理。如能改善服務水準和態度則更好。

《返屋企煮濃蝦湯拉麵🍜》———————————————-#緣屋 🇯🇵- 緣屋係北海道嘅過江龍，以甜蝦頭嘅蝦湯作為招牌，混入秘製湯底，獲獎無數👍🏻-喺公司附近就有一間，親身到店舖落單，就可以拎得～呢個係二人前份量嘅自家煮冷凍包，拉麵同配料一盒有齊晒💗-煮法非常方便，三步就可以做得晒😎1️⃣ 冷凍包唔使剪開，直接放入煲內，確保水位蓋過冷凍包，就可以大火加熱10分鐘🔥2️⃣ 準備1000毫升嘅水煲滾，展開包裝並取出麵條放入煲內，再用筷子打散，煮3分鐘即可，當然都可以按自己嘅喜好調整硬度🤩3️⃣ 麵條煮好之後就可以隔水放入碗內，然後將加熱好嘅湯包倒入就完成㗎啦😆-我見佢除咗拉麵之外，連丼物同其他和風料理都可以外賣自取，喺屋企都可以感受到日本風味🎌-拉麵嘅還原度極高，味增同蝦味都超濃郁，麵質彈牙，略帶點煙韌嘅口感🦐 而叉燒脂肪亦肥瘦分明，抵讚～-⭐ 參考價錢︰味增蝦濃湯拉麵： $108🍌 抵deal 指數：8/10

店舖嘅廚房係開放式嘅 望住師傅好有工序咁整拉麵 每碗拉麵都係獨立製作 由湯底做起 然後煮麵 最後加上唔同嘅配料 成個過程又認真又衛生🙊▫️ 迷你明太子丼($42）微微辛辣嘅明太子 可以話係日本嘅國民美食😍 無論係撈飯定撈麵都一樣咁夾🤤 明太子丼配上芝麻紫菜同蔥 另成個飯冇咁單調又冇咁漏😝▪️ 明太子油麵 ($88)粗面質感爽滑彈牙 油面底有少少醬料魚介味香濃 撈埋明太子沙律醬同蒜蓉一齊食 出奇地好夾🥰明太子令味道更加突出更加惹味😆▫️味噌蝦濃湯拉麵($78)用鮮蝦熬製嘅湯底又濃又入味 拉麵煮得剛剛好 唔會過硬或過淋 而且掛湯力高😋 配埋櫻花蝦糖心蛋同叉燒一齊食 實在係perfect☺

今日經過順德中心，見到呢間餐廳有新嘅食物主題，竟然係我最鍾意食嘅明太子！咁身為明太子fans二話不說就衝去試啦！🍡明太子迷你丼飯迷你丼上面有好多蔥，紫菜，同埋大量嘅明太子！睇見都開心啊！當我攪拌好食左啖之後慢慢散發出嚟嘅辣味，果客真係幾正㗎！而且明太子都幾濃味下，雖然話好似有好多白飯，但係食落都有啲咸！同埋佢啲白飯都幾硬吓，可能係因為加唔夠水嘅關係，所以食耐咗個口會有啲乾身！🍡明太子玉子燒呢度嘅玉子燒唔係我哋一般喺日本餐廳食到嘅玉子燒，佢食落有啲似奄列，佢嘅蛋唔算滑，但係佢好有蔥味！🍡叉燒蝦濃湯拉麵佢個湯底比較重味增湯味，反而唔係好突出到蝦既鮮味，呢點比較可惜！但值得一讚嘅係佢嗰5塊叉燒都好大塊下，而且都帶有少少肥膏，所以口感食落都幾有咬口！

ғᴏᴏᴅɪᴇ ᴛɪᴍᴇ 今次食咗緣屋試左佢既明太子系列同拉麵，見到有其他人食蛋包飯都好正！想試🥰明太子油麵($88) 望落去以為冇咩汁，但係其實係哂底😆明太子份量好多，基本上係啖啖都有好多🤩真係好滿足(⁎⁍̴̛ᴗ⁍̴̛⁎)鹹鹹地咁好正！仲有比埋沙律醬同蒜，我就覺得會搶咗明太子味🥰仲有啲荀同叉燒😛明太子玉子燒($58)一共有四舊，呢款明太子啲味冇咁濃，記住要將面頭既明太子平均分🤩咁就啖啖都有😚味噌蝦濃湯麵($78) 呢款有叉燒、糖心蛋、櫻花蝦🥳叉燒唔會太肥，味道唔錯😋不過湯底油左少少😣至於麵既硬度可以揀，覺得正常都偏硬，中意淋啲記住揀軟！

之前去緣屋食嘢，見到有外賣裝嘅超級濃郁蝦湯拉麵都淨係買$108平時堂食一碗已經要咁樣嘅價錢，就買咗一Pack返去試吓包裝好靚㗎一打開就見到兩大袋嘅湯料再加拉麵，全部都獨立包裝好衛生Packing 有詳細嘅介紹，教你點樣可以煮熟個拉麵，步驟非常之簡單，只需10分鐘就可以還原到蝦湯拉麵嘅味道<濃蝦湯拉麵(二人份)$108>湯底係獨立包裝，裏面包左一片叉燒、玉米筍同埋櫻花蝦乾擺落滾水隔水煲一煲湯包，大概10分鐘就可以拎返起拉麵大概煮3分鐘，根據自己喜好去決定軟硬程度將拉麵好好，然後臨上湯底，加埋啲櫻花蝦，就係舖頭食到嘅味道啦過程大概15分鐘鍾意食拉麵嘅朋友，不妨買返一Pack 擺喺屋企，想食嘅時候就可以即時食到，超開心

最近工作忙碌，多左加班，放工後想第一時間返屋企休息，但又想食得好少少，最近發現冷凍包好啱我。朋友知我鍾意食拉麵，介紹左拉麵冷凍包俾我。今次試左緣屋味噌蝦濃湯拉麵二人前，而湯底更是由日本直送添。。煮法相當簡單。首先，加熱湯包約10分鐘，之後再煮麵3分鐘，就可以直接將湯包混入麵中，最後灑上櫻花蝦。賣相不比拉麵店食遜色。第一時間試個湯底，湯底味道夠香濃，而且蝦味也夠突出。麵質幾彈牙，我鍾意食軟身一些，所以煮耐一些。湯包中仲有一塊叉燒和粟米芯，真有驚喜。口感完全同係拉麵店食無分別，日後可以安坐家中食拉麵。