緣屋 札幌元袓蝦湯拉麵 (信德中心)

營業中

休息中

價錢來算拉麵正常發揮，但湯頭調味太重，吃完需喝大量清水解渴。配菜方面，味玉熟度不錯，調味不會過重。蔬菜方面，白蔥量多有甜味，但baby corn很軟，感覺放了好久。拉麵軟硬度不能自選，幸好上菜時偏硬沒發脹。侍應態度惡劣，入座後發現面對說普通話的客人才會有好態度下單會給你qr code，下單後會跟你說qr code點餐的餐品都無法供應。最後結帳帳單hkd172，用信用卡付款顯示hkd177，幸好看到才不被多收。

信德有兩間拉麵店，一間元祖級《味千拉麵》，另一間就係《綠屋》，綠屋主打蝦湯底，唔係用樱花蝦扮蝦湯底，真係用蝦頭熬煮，所以湯底非常濃郁，另外，我極力推薦坐bar枱，真係會有視覺同嗅覺雙重享受。🥢套餐 $123 x2 ⭐️⭐️⭐️味噌蝦濃湯拉麵+乳酪蝦多士+檸檬柚子蜜味噌蝦濃湯拉麵+炸日本赤蝦+原味乳酸梳打(+$5)阿sir食過幾次，首選一定係人氣一番嘅味噌蝦濃湯，拉麵一上枱已經聞到香濃蝦味，入口更濃郁，櫻花蝦係錦上添花，而拉麵我就覺得質感一般，有即食拉麵feel，加埋湯同叉燒一齊食還可接受，至於叉燒，只得一塊，味道同口感都普通無特別，整體而言係只得湯底有驚喜。小食方面，蝦多士真係有啲流，蝦膠太少食唔出味道；而赤蝦就大推，蝦味濃一口size又剛好，蝦頭蝦殼炸得香脆，勁正！二人共消費：$251

One of the best ramens I have ever tasted! The broths are rich, variability of noodles, and the environment is nice as well.

星期日十二點幾到達😀餐廳三成位有人坐我哋兩個大人一個小朋友 嗌咗三碗拉麵 分別係 1️⃣味噌蝦濃湯拉麵$83 2️⃣蝦濃湯餃子$88 3️⃣焦香醬油蝦濃湯拉麵$88。整體上湯係勁濃，亦都比較鹹😐，適合重口味嘅朋友，令我有飲大量清水都 好口渴 咁嘅感覺😑。 同埋啲餸都係非常之少，個人唔鍾意食麵嘅話叫湯餃子係其中一個選擇，現場睇menu冇乜其他餸菜揀，只可以另外配搭小食吧。埋單連10%服務費$285， 性價比 好低，下次應該唔會嚟😔。

喺上環附近返工，平時都好少幫襯，因為見平時好多遊客，難得琴日想食碗拉麵，就入去試下。叫咗個招牌濃湯拉麵，83蚊，加埋一，就91。等嘅時間都有十幾分鐘，拉麵嚟咗，個湯好濃郁，係好飲嘅。但係啲料實在太少，一嚿肥叉燒，半隻溏心蛋，一條粟米芯，其餘主要就係櫻花蝦，同埋葱坦白講，91蚊完全唔值，服務亦都唔多，需要自己斟水，自己結帳。可一不可再！！有啲拉麵館相對價錢會再貴少少，但料實在多，味道亦唔差。

本身無預過上環有野食，諗住求其搵m記食，點知喺信德中心搵到間拉麵食，星期六午餐時間都搵到位。見蝦湯拉麵幾吸引，就一於叫味噌叉燒🍜大滿足下啦。蝦湯底鮮甜，伴隨櫻花蝦乾提升味噌湯風味，叉燒5大塊但唔算肥，如果有用火槍燒一燒就香啲，麵質適中無太大鹼水味，份量夠飽，可能湯底比較油膩，食到一半可以加辣油七味粉提鮮同刺激。$108價錢夠飽肚，凍水提供👍🏻無水喉水味😁。去唔到日本都可以過嚟食碗過下癮😂。

一幻和緣屋也是來自北海道的蝦湯拉麵, 比起其他來說算是較獨特的存在, 相比起一幻的擴展, 緣屋較為低調, 只有上環和元朗兩間店. 點的是味噌蝦湯拉麵, 大量的櫻花蝦鋪在湯上, 視覺效果更強, 湯頭的味道較濃, 炒蝦殼的味道和蝦膏味尤其突出, 相反味噌的味道汁被壓縮在一旁, 如此濃重的味道, 除了感受到店家的誠意, 在寒冬下吃也不錯, 麵身夠曲夠厚, 掛汁力不錯, 叉燒和雞蛋則中規中矩, 但湯頭的確頗為厲害, 雖然未必每個人也喜歡.小食除了炸雞之外, 也有香港特色的蝦多士, 外表相當精細, 有點像西多士的炸法, 再加上上面的乳酪中和本身的油膩感, 見到店家的小心思, 值得表揚.

啱晒！在家就能感受日本拉麵嘅滋味🍜！最近好夾推介大家食呢家店嘅緣屋味噌蝦濃湯拉麵。試完之後，只能話，正到爆燈💥！一開始，湯頭濃郁嘅味噌同甘甜嘅蝦味就已經襲擊埋黎。麵條又係那種捲曲嘅粗麵條，煮到啱啱好真係咬落去Q彈得嚟唔會過腍。食到一半時間，啲櫻花蝦嘅香脆加上叉燒嘅滑嫩，真係話唔出嘅滿足😍。仲有個必試嘅係炸日本赤蝦，炸到外脆內嫩，唔肥膩一啲。點上幾滴檸檬汁，即刻提升咗蝦嘅鮮味，食落去就係開心嘅一個字—讚👌。感覺就好似喺那繁忙都市中搵到一小片寧靜嘅日本風味角落。落嚟要同班朋友話咗，一齊屋企搞個拉麵Party！🎉🥢🇯🇵

那天聖誕節睇完煙火，想找晚餐，最近就來到信德中心。看到拉麵店還未關門，於是就進去了，店舖面積不小，坐得很舒適。我和朋友各自點了一人套餐，有“濃蝦湯拉麵”連小食“炸日本赤蝦”和飲品，怎料拉麵和赤蝦都非常美味，好香的蝦味濃湯，很好吃。值得推介！不過，如果要小食的話，請早點到啊，因為在last order 2130之前，大約九時左右吧，就已經會沒有小食，只能點拉麵了。有機會再來嘗試其他食物和小食，雖然地點是有點遠。

上環食飯，去咗信德中心見到有間拉麵店，主打蝦湯，等咗一兩張檯就入到個base有得揀鹽味、醬油、味噌，味噌就貴啲，我同朋友各自叫咗醬油同味噌，但係覺得兩款湯冇乜分別，唔使俾貴啲食味噌碗麵就正正常常，唔算好驚喜，同一幻差唔多味，價錢連埋加一差唔多$100，性價比唔算好高但係可以接受

揾食唔使破產！今次嚟到呢間拉麵店，真係搵到寶了！店員介紹吓，話佢哋嘅味噌蝦湯拉麵係招牌，所以點都要試吓。先講講湯底，又濃郁又得意，蝦嘅鮮味溢哂出嚟，就算係平日唔飲湯都唔忍心浪費。🍜面條選了最軟，每條麵嘅Q彈啱啱好，唔會太硬或者太爛，湯汁掛住麵條，每啖都係滿足！叉燒肉呢，切得厚切得靚，烤得香香地，個糖心蛋都係溏心嘅，一流！🥚再黎講吓埋隨餐落黎嘅小食，唐揚好過癮，外皮炸得香脆，入口即化，肉汁鎖住曬。另外個炸日本赤蝦，真材實料，蝦肉彈牙之餘，味道都正。🍤總結，個食味真心掂，無需要好多嘢化宵，質素與價錢成正比，黎到呢度食個lunch，真係食得之餘又開心之極！下次再黎，都係揀呢個，實在太正喇！👍

嘗試過很多間拉面只有這間拉麵是百吃不厭的基本上很多款式都做得很出色，我今次order了 火灸味增的拉麵。湯底很濃郁的蝦湯拌有軟硬適中的面條確是不錯。朋友點了緣鬼，緣鬼有分正常辣及加辣。真的有點辣，但味道很好吃。另一個朋友點了辣味增 這個也比較辣；湯底也很濃呀。基本上，建議大家可叫個飯，加入湯度就變成湯飯 很不錯。午市有一人套餐小食一款拉麵一碗飲品也很划算 大約連加一約$130 不過很飽😎女生可叫一碗面 加一碗飯 share來食也很足夠。

早前，我公司老闆娘把上環信德中心的拉麵店 <緣屋 札幌元袓蝦湯拉麵> $50 coupon 給我及同事各一張！那麼，趁到期日前幫襯吧！其實！我第一次幫襯，令我期待初嚐濃郁鮮香蝦湯拉麵的滋味！Menu火炙拉麵 $88這是一間蝦湯拉麵店，可媲美 <一幻> 的貨色！拉麵麵質彈牙，掛湯，我慢慢食，食到尾仍然好熱！蝦湯底入口濃郁鮮香，只是湯底較油扣分！配料：一片薄切叉燒豚肉粒、兩條燒過口感爽口的粟米芯、火候恰到好處的溏心蛋、櫻花蝦微脆、燒香蒜柚子梳打 $22口感清爽！加入一片新鮮檸檬，果酸倍感清新！ 入口清涼，未至於冰凍至透心涼！

侍應嬸嬸，你唔洗驚啦，我地唔會再黎食。兩大兩小去晚餐，兩小都係自己用餐。3歲嗰位食得比較乾淨，歲半嗰位戴左圍兜以為ok, 到食完拖住爸爸出去洗手時，我聽到一位較年長既女侍應講「喂，周圍都係麵呀」，我先意識到歲半嗰位可能痴左d麵喺衫，一路行一路跌d麵落地。當下我有d唔好意思，我同3歲小朋友坐喺位，跟住嗰一兩分鐘侍應嬸嬸不斷徘徊，不斷講「周圍都係麵」，但佢又冇去處理，講到我真係覺得我要攞張紙行過去執返，最後其他員工去執左。走緊嗰陣嬸嬸嘆左好大口氣彎腰執野，原來仲有一條麵碎喺我地枱對出。確實係需要咁大聲嘆氣我先留意到佢服務緊我幫我執返條麵碎。回想起較早時，我地將熱湯食物放滿大人嗰邊張枱，所以我將佢地個膠水壺放喺小朋友嗰邊。侍應嬸嬸3秒衝過黎話「嘩，好驚！」抱走個膠壺。其實裝滿左水冇咁易推得郁，不過當刻冇諗太多。到「周圍都係麵」之後我先明白到侍應嬸嬸唔鍾意我小朋友喺嗰度食野。咁我地都唔會再去啦，大家都開心！

同同事放lunch行到上環信德中心黎 大概1230 到 等左5 分鐘入得 好多人食 叫左個一人set 主菜：元祖叉燒拉麵 首先試左啖湯 好出色 濃厚既蝦味 加埋d櫻花蝦一齊食 叉燒得一塊 不過不失 拉麵粗身 叫左硬面 好爽口 半隻蛋同兩條corn 整體黎講都出色小食：炸雞估唔到炸雞都咁出5舊 都幾多肉 炸皮好薄 肉汁多 即炸好熱 加埋醬好夾 餐仲跟杯烏龍茶 大大杯 因為驚唔飽仲叫左個白飯 真係好大碗 建議兩個人share 加埋一 大約140 蚊 講真 真係交夠功課 會再黎