緣屋 札幌元袓蝦湯拉麵 (信德中心)

營業中

休息中

作為一個北海道迷，經過呢間緣屋日本拉麵，已經俾佢門口嘅廣告吸引住-橙紅色嘅味噌蝦濃湯拉麵。本身超級鍾意北海道嘅拉麵，主要係因為啲面條比較粗，容易掛湯，同埋啲湯底通常都比較香濃。今次叫咗炸雞同埋味噌蝦濃湯拉麵。拉麵湯底香濃，濃厚嘅蝦味撲鼻，未食已經聞到好香。拉麵面頭仲有一堆櫻花蝦，配料有略為煎過嘅叉燒，粟米芯同埋半隻溜心蛋，拉麵麵質好彈牙，每條麵都充滿味增蝦湯嘅湯汁，好味！炸雞比較遜色，炸粉多個雞肉，下次可以唔使叫。