紹華小廚

營業中

休息中

真有趣，對上一篇好評是我的，但今次吃的幾款小菜……水準同煲仔飯的落差好大！如果可以，要給三個喊！！！小炒皇:一般人都要來配啤酒，貪其咸香惹味，可惜它做得味淡、油膩、而腰果竟然是腍的！！金銀旦白菜:自己比較喜歡較杰身的獻汁，這裏做得好似上湯浸住一樣。生炒骨:肉少肥多，吃到這時候已忍唔住order 了另外的泰國小食！事後有朋友提起，原來當晚是跑馬夜！不知道是否有關係？！

老爸無飯不歡，正值天氣轉冷，一於找檔好的煲仔飯讓他吃得開懷。上OP找了一輪，就决定來筲箕灣紹華，只因食評是一面倒的讚揚！它位置絕不難找，步出地鐵站D2出口一直走過對面馬路便到！熟食中心有兩檔食店，紹華和泰國菜館。7時多坐滿六七成客人，佔了大部份都為煲仔飯而來，心裏即刻滿有期望。要了潤腸排骨飯及老爸的臘味飯，加多個豉汁蒸魚雲。先送上例湯花生鷄脚，湯色啡濁，看得到經過幾小時煲製才有此效果，熱辣辣喝一口，噢…湯味又濃又夠火候，花生已煮到軟淋，連豬骨鷄脚也煲得一咬即化開，這碗一點都不例湯的例湯，十分出色！飯，大概15分鐘送到，店員為我添加較杰身的醬油，即時傳出撲鼻香氣。一個分鐘後拿拿聲開始食！材料都好足！潤腸一雙，大肉排也有五六件！調味恰好，肉香而帶着半肥瘦肉質，好味！飯粒分明，時間掌握時十分好，咬落乾爽又有煙韌的感覺，飯本身也夠米香。吃到第五六口便可以發現煲底香脆的飯焦，真的夠滿足！潤腸竟然碰也未碰已幹完了整煲飯。再看爸爸的臘味飯也是材料多多！臘肉臘腸潤腸鴨肶等等，以$52這個價錢來說，超值！蒸魚雲，豉汁味香濃惹人喜愛，魚頭雲膠質豐富，趁熱吃着，差點要叫一碗白飯來配合了！這個煲仔飯的水準加這

I actually got lost trying to find this place in Shau Kei Wan and had to ask for directions at a nearby mall. I must have looked pretty lost as the guy at the concierge offered to walk me there personally.   The restaurant turned out to be located just off the big street in a government run food court. The food court was small with only this restaurant and another Thai restaurant as the only stalls that sells food. The place was brightly lit and the tables were adequately clean. They are famous

有時唔想落街就會叫哩間野既外賣，佢D午餐大約$33，有中式飯、西式扒飯、炒粉麵、炒飯、焗飯等，日日都轉款，同埋包杯熱飲，好standard既茶記做法。今日食左呢個焗飯~「焗葡汁雞皇飯」：佢D焗飯不嬲都有保證，炒飯底炒得唔會好油；面頭既汁唔會太多亦唔會太少，剛好夠撈一盒飯；D雞都唔少，真係可以差唔多一啖飯一啖雞！配埋佢杯幼滑奶茶，咁就一餐lu~~

12月5日, 135週月快樂!天氣凍, 最好就係食暖笠笠嘅野暖下個胃, 呢一樣野怕且都非我地最鍾意食嘅煲仔飯莫屬! 搵搵喺東區有咩專做煲仔飯而又好好食, 竟然俾我地搵到喺筲箕灣有間幾多人讚嘅煲仔飯~ 放工夜晚就撘個地鐵去, 個街市唔係好顯眼, 夜麻麻唔熟路都幾難搵, 都搵咗一陣先搵到. 原來成個街市熟食中心其他舖夜晚都收咗, 成個場都俾呢間紹華霸晒, 個場雖然大, 不過食客都多, 坐低咗我地就慢慢揀我地嘅煲仔飯~::: 臘腸田雞飯 ::: $52 + $4估唔到一個煲仔飯有個例湯配, 加多$4仲可以配埋飲品~ 例湯入口好清甜, 唔似加咗味精, 令我地呢d唔係成日有湯飲嘅已經好滿足~煲仔飯又點可以冇臘腸, 田雞平時又少食, 呢個組合啱晒! 煲仔飯上枱, 打開蓋d蒸氣狂標出嚟, 好香~ 淋上豉油之後再焗一陣就得. 臘腸有2條, 田雞份量都唔少, 夠晒足料! 煲仔飯因為有臘腸嘅油滲咗入去, 寧舍香, 加上豉油好香甜, 真係名副其實正到痺~ 有d煲仔飯嘅臘腸好乾瘦, 似係焗過頭咁樣, 但係呢度嘅臘腸唔會好油, 但係絕對唔乾, 入口仲有d油潤感, 完全對煲仔飯嘅臘腸改觀~ 田雞就正正常常, 肉質

位於愛東邨熟食中心的紹華小廚，便是我現在喜歡的一間，老闆是從前銅鑼灣新翠華的員工，所以領略了怎樣煮出一煲好味煲仔飯的精髓。例湯是蓮藕豬骨湯，雖然用了豬骨來煲，但湯色卻不油膩，味道更是十分清甜，真估不到例湯水準如此不俗。先來的是「蒜香牛頸脊加潤腸煲仔飯」，食材舖滿整個飯面，蒜香十足，牛頸脊亦相當嫩滑，還吃到濃厚的牛味，是意想不到的組合。煲仔飯飯粒分明，軟中帶煙靱，當吸入了潤腸及蒜香牛頸脊的油份，更添味美。第二煲是「荔茸肉碎臘腸煲仔飯」，起初覺得會是好睇不好食的形象，像兩球芋頭雪糕放在飯面上，賣相精緻。當品嚐過後，發現大錯特錯，芋蓉及肉碎與米飯經充份攪拌後， 已混為一起，肉香、米香及芋香並在，美味的一煲。「豬潤黃鱔潤腸煲仔飯」的火喉十分好，豬潤仍然是嫩滑爽口的，黃鱔亦是爽口兼沒有泥味，可能兩款也是沒有油份的關係，並沒有與米飯有太多的連繫，幸好潤腸將兩者尚可結合起來，味道是不俗的。最後的一煲「荷葉乞兒雞臘腸煲仔飯」本是相當期待的，但出來的效果卻令人大失所望。一打開蓋時，看見有塊荷葉舖在食材上，覺得應會有點荷香，可是真的非常之弱抑或接近沒有，幸好雞件沒有雪藏味及尚算嫩口，眼看這煲煲仔飯是最沒有

住係港島區想吃好味的煲仔飯, 見天氣凍凍地, 就上openrice睇有咩好介紹原來筲箕灣有熟食中心, 真係剛知道, 孤陋寡聞, 哈哈哈~由於係第一次黎食, 所以都唔係好識路! 原來就係愛東村旁邊既一座buildling, 好似d政府街市咁不過就係係地下, 唔洗上到最頂層先係熟食中心!一入去, 個亞姐就問幾位, 我地以為有幾間食肆, 所以就唔出聲, 入去睇下先!埋到去, 見有人外賣, 所以就去拎張餐牌睇下先啦, 係食煲仔飯喇, 咁先坐低, 2人排排坐!老公愛吃田雞, 就叫了一個排骨田雞煲仔飯, 另外叫左一個荷葉蒸雞煲仔飯等左十分鐘左右, 細心的亞姐拎左兩個煲仔飯上黎, 自動波開蓋倒醬油, 再蓋蓋, 等多2分鐘就食得!荷葉蒸雞煲仔飯真係有一塊荷葉架喎! 不過食落無咩荷葉味!煲仔飯係應該先煮好飯, 再放生的材料下去再煲熟的!老公說雞的肉汁入唔到飯內, 食唔出有雞味既飯, 估計飯同送應該係分開煮, 最後才合併但本人喜愛的飯焦多的是! 太好了!料多飯多, 兩個人食都幾飽呢!見對面有兩母子食羊腩煲, 估計應該係街坊生意, 好熟架步咁喎!環境尚算乾淨, 而且以港島區的價錢, 都算合理, 下次會再黎食

冬天凍凍地, 胃口特別好, 收工走咗出去食煲仔飯.去到時6點半左右, 仲好早, 好多位, 選咗個電視位就點菜啦~睇之前d食評, 話芋頭fans唔可以錯過荔茸肉碎煲仔飯, 即叫, 同時我都係咸蛋fans, 加埋佢啦唔該朋友心思思, 諗咗好耐, 就叫咗排骨潤腸~等緊嘅時候, 送上例湯, 因為冇叫野飲, 之後再要兩都冇加錢睇咗陣新聞, 就有得食啦~佢嘅排骨好有鳳瓜排骨feel, 佢隻私家醬油甜甜地, 好好撈飯, 之後自己都加咗好多之前有人講佢條潤腸有怪味, 我都食到呀, 唔知有冇食錯呢?好似薑味咁, 都ok嘅~我嗰煲終於黎啦~食咗兩啖, 又加多d醬油, 變到醬油飯咁咸蛋整爛佢, 將所有野撈好~有冬菇粒一肉碎, 味道都幾match, 再咬幾口潤腸~~滿足的一餐, 甜品都唔要啦~

你冷嗎？身心皆冷？這星期太陽一直在跟我們玩躲貓貓，天氣驟然轉冷，大家紛紛喊著要吃火鍋、吃雞煲。在網絡平台上看到人說冷說熱都是尋常不過之事，有時想，城市人的大腦應該很遲鈍，所以只能以感官直接判別身體冷熱，卻不能感受自己對別人的冷嘲熱諷、冷眼旁觀及冷言冷語有多麼冰凍。即使本不是冷血，心還是會不自覺的被日常所接觸的人、所見所聞同化、冷卻下來。不想讓自己身心都隨天氣冷下來，便約了食友秋冬之際去吃炭燒煲仔飯。店門在商場前左轉的橫街，我們繞了一個小圈才找到。整個愛東邨熟食中心其實只剩下紹華小廚一家店，老闆從前是在新翠華舊店工作，除了保留了麻辣海鮮、疆土羊肉和蝦醬肉眼根等創意款式，現在仍不斷創新，像是2012年全新推出的野菌鵝肝煲仔飯和2010年推出的泰式豬頸肉煲仔飯等。點餐後先來例湯，蓮藕綠豆豬骨湯清甜不俗，有趣的是我們四碗的湯渣分配大不均，最後我要從湯渣過多的食友碗中取蓮藕。光喝湯不夠的可加二元或四元加配熱飲或凍飲。想不到點些什麼小菜，看到鄰桌的小菜亦不甚吸引，便索性一人來一煲煲仔飯便算了。當然不忘每煲都加臘腸或膶腸，為飯添一分豬油香。這裡加雞蛋、鹹蛋、臘腸或是膶腸都是加五元，比外頭不少店便宜。

一直想搵間好食嘅煲仔飯,尋尋覓覓原来两間出名嘅煲仔飯就在樓下今日先介绍 紹華小廚愛東邨街市熟食檔得返一檔 紹華小廚樓面哥哥叫佢介绍,有問有答，又教你落豉油焗幾耐夠细心加分炭燒煲仔飯真材實料有飯焦,唔似有D店放D飯落個煲就叫煲仔飯滑蛋牛肉飯,隻蛋金黄色時間剛好，撈埋落D牛肉同飯度, 正呀豬膶黄鱔煲仔飯, D黄鱔好肥美，好新鮮, 豬膶我本身麻麻都0K加咗個羊腩煲,都幾足料羊腩都算多冬天一定再來幫襯

由於當年住東大街，所以佢開檔無耐已開始幫襯，今日天氣又涼返，就同太座落嚟嘆返煲呢度小炒食唔食都唔怕有損失，但係炭爐煲仔飯唔食就係你嘅損失啦我分別食過佢嘅：黄蟮煲仔飯、北菇滑雞煲仔飯、滑雞田雞煲仔飯、窩旦牛肉煲仔飯，加多條潤腸就very good添，其實煲仔飯要食大路而傳統嘅，呢啲先食到優劣。每張枱面都放咗支用金屬瓶裝嘅、店方自己加工過嘅甜豉油任你落，豉油濃杰甜香，有畫龍點睛之效。飯到時自己先加啲甜豉油落煲飯度，跟手再冚返蓋焗焗佢約一兩分鐘。當再開蓋時，嘩...嗰陣飯餸香味簡直係兜口兜面噴出嚟，加上陣炭香味，WOO醒神哂，開餐LU飯餸新鮮足料，飯身夠爽，火喉控制得好，你估用炭爐煲咁易？！最後嘅飯焦，我除咗食埋老婆嗰份外，仲幾乎挖穿埋個煲底呀

說起港島的煲仔飯，港島中西區的坤記老店、永合成等老字號，水準多年來也保持穩定，但來到港島東，自從登龍街人氣炭爐燒煲仔店新翠華結業，幾位老細同大廚拆夥各自「開枝散葉後」，戰局其實是亂作一團；比方老闆之一在北角熟食中心開的店，水準已是「無謂冒險」，另一邊由廚師在東大街開的新翠雅，無論創意和水準也貼近舊店（另文再述）這裡的無味精老火湯,是夜的任添任飲,朋友是湯人,也覺得甜得來足料好飲。

上星期食完蛇王芬的煲仔飯, 唔知點解又好想多次煲仔飯....幾星期前, 有兩本雜誌介紹過係港島東有間隱世小廚食煲仔飯. 放咗工就去試試. 荷葉乞兒雞煲仔飯 $48 –雞好滑, 有塊荷葉仔蓋住個煲仔飯, 幾特別. 但可能塊荷葉唔夠大, 食唔到荷葉焗落d飯的香味. 荔茸肉碎煲仔飯 $48 – 老闆好有心思把芋蓉變了兩個雪球放肉碎上, 唔會把煲仔飯變得太濕或一pat pat. 肉碎應再多DD, 但鐘意真香芋的人, 一定話正! 這里的煲仔飯種類夠特別. 炭爐煮的煲仔飯有焦焦地的炭飯味, 夠風味! 其實這里還有小炒, 下次再試吧!

香港島東區有兩間本地人氣的炭燒煲仔飯店，筲箕灣#紹華小廚#招牌芋蓉煲仔飯，飯香軟熟，由於炭的高溫下形成飯焦，而芋蓉鬆軟可口，每逢冬天酷愛吃到飯焦和臘味滋味的本地為食人，也會看圖索騏大塊朵頤！

氣溫急速下降又挑起吃煲仔飯的意慾很久以前已在報章留意到紹華小廚的存在今趟終於決定一試！地點不算十分方便地鐵出站後行錯左去愛東商場一問下原來熟食中心是在比鄰的街市內....熟食中心其實有四個舖位紹華小廚佔用兩個另外兩個空置即全個熟食中心的坐位也是給紹華小廚的客人。由落單到上枱只等了十數分鐘比想像中快了許多首先到場的是芋蓉肉碎煲仔飯芋蓉是兩球雪糕的樣子肉碎中夾雜着幾粒冬菇從未在其他地方吃過這款煲仔飯所以才特意選了這款味道不過不失只略嫌肉碎份量不足另一到場的是麻辣海鮮煲仔飯配料有魷魚、海蝦、炸魚塊最驚喜的是個麻辣汁雖然只是小辣但第一啖食落口對於我這個不嗜辣的人來說已經很刺激幸好吃多幾啖已開始適應感覺上麻辣海鮮比芋蓉肉碎做得出色！