影片
更多
2013-04-04
161 瀏覽
12月5日, 135週月快樂!天氣凍, 最好就係食暖笠笠嘅野暖下個胃, 呢一樣野怕且都非我地最鍾意食嘅煲仔飯莫屬! 搵搵喺東區有咩專做煲仔飯而又好好食, 竟然俾我地搵到喺筲箕灣有間幾多人讚嘅煲仔飯~ 放工夜晚就撘個地鐵去, 個街市唔係好顯眼, 夜麻麻唔熟路都幾難搵, 都搵咗一陣先搵到. 原來成個街市熟食中心其他舖夜晚都收咗, 成個場都俾呢間紹華霸晒, 個場雖然大, 不過食客都多, 坐低咗我地就慢慢揀我地嘅煲仔飯~::: 臘腸田雞飯 ::: $52 + $4估唔到一個煲仔飯有個例湯配, 加多$4仲可以配埋飲品~ 例湯入口好清甜, 唔似加咗味精, 令我地呢d唔係成日有湯飲嘅已經好滿足~煲仔飯又點可以冇臘腸, 田雞平時又少食, 呢個組合啱晒! 煲仔飯上枱, 打開蓋d蒸氣狂標出嚟, 好香~ 淋上豉油之後再焗一陣就得. 臘腸有2條, 田雞份量都唔少, 夠晒足料! 煲仔飯因為有臘腸嘅油滲咗入去, 寧舍香, 加上豉油好香甜, 真係名副其實正到痺~ 有d煲仔飯嘅臘腸好乾瘦, 似係焗過頭咁樣, 但係呢度嘅臘腸唔會好油, 但係絕對唔乾, 入口仲有d油潤感, 完全對煲仔飯嘅臘腸改觀~ 田雞就正正常常, 肉質
天氣凍, 最好就係食暖笠笠嘅野暖下個胃, 呢一樣野怕且都非我地最鍾意食嘅煲仔飯莫屬! 搵搵喺東區有咩專做煲仔飯而又好好食, 竟然俾我地搵到喺筲箕灣有間幾多人讚嘅煲仔飯~ 放工夜晚就撘個地鐵去, 個街市唔係好顯眼, 夜麻麻唔熟路都幾難搵, 都搵咗一陣先搵到. 原來成個街市熟食中心其他舖夜晚都收咗, 成個場都俾呢間紹華霸晒, 個場雖然大, 不過食客都多, 坐低咗我地就慢慢揀我地嘅煲仔飯~
::: 臘腸田雞飯 ::: $52 + $4
估唔到一個煲仔飯有個例湯配, 加多$4仲可以配埋飲品~ 例湯入口好清甜, 唔似加咗味精, 令我地呢d唔係成日有湯飲嘅已經好滿足~
煲仔飯又點可以冇臘腸, 田雞平時又少食, 呢個組合啱晒! 煲仔飯上枱, 打開蓋d蒸氣狂標出嚟, 好香~ 淋上豉油之後再焗一陣就得. 臘腸有2條, 田雞份量都唔少, 夠晒足料! 煲仔飯因為有臘腸嘅油滲咗入去, 寧舍香, 加上豉油好香甜, 真係名副其實正到痺~ 有d煲仔飯嘅臘腸好乾瘦, 似係焗過頭咁樣, 但係呢度嘅臘腸唔會好油, 但係絕對唔乾, 入口仲有d油潤感, 完全對煲仔飯嘅臘腸改觀~ 田雞就正正常常, 肉質都幾嫩滑唔嚡, 加上有成2-3隻咁多, 啖啖飯都可以食到肉, 非常好~ 而煲仔飯嘅精髓當然係飯焦, 佢嘅飯焦唔少, 脆卜卜嘅口感, 厚厚嘅飯焦配上甜甜嘅豉油, 好惹味~
熱辣辣嘅飯加凍冰冰嘅檸茶, 確實一流, 檸味足, 茶味濃, 正!
::: 荔茸肉碎潤腸飯 ::: $60 + $4
煲仔飯又點可以冇潤腸, 叫咗個荔茸肉碎飯之餘不忘加番條潤腸油潤一番~ 呢個飯同之前個臘腸田雞飯口感完全唔同, 荔茸加埋肉碎撈入個飯度令到個飯味好濃郁, 可以話係中式嘅肉醬飯! 荔茸好有芋頭香, 質感軟糯之餘又食到粒粒芋頭, 肉碎雖然唔太有肉味, 不過起碼都食到有肉嘅質感, 而且調味到位~ 潤腸同臘腸一樣, 都屬於有水準, 焗完個煲仔飯潤腸都好油潤, 咬落有油標出~
估唔到呢度嘅凍奶茶都頗有水準! 奶滑茶濃兩者比例亦絲毫不差, 叫咗少甜少冰亦無影響到奶茶嘅味道~ 食完煲仔飯再嘆埋個奶茶真係糖水甜品都唔洗食lu~
不愧為臥虎藏龍之地, 喺一個咁細細嘅熟食中心有咁好嘅煲仔飯, 一路食都一路有人, 咁凍嘅天氣開正佢地嗰範~ 好耐都冇食過咁好味嘅煲仔飯, 60幾蚊有湯有飯有飲品, 超抵食~
張貼
