紫粵軒

呢個阿拉斯加蟹宴，簡直好味到不得了！首先係個蟹肉帶子沙律，鮮味濃郁，分量多！已經好耐冇食過咁好味嘅沙律喇！之後就係蟹肉海皇羹，呢個當然冇得輸啦，啖啖蟹肉，依家諗起都流口水！之後就喺度芝士焗蟹爪，同埋蛋白蒸蟹！份量就係多，好多好多！所以食完呢度已經開始飽啦！但係仲未完，之後就係黑松露醬石鍋海鮮飯，已經飽到食唔落，但係其實都好好食😋甜品有椰皇燉雪燕，呢個簡直係女士至愛，感覺好補，皮膚又滑，食完個身又暖！甜品始終有另外一個胃可以裝🤣🤣最後仲有個山楂凍糕，不過真係會食唔落.…因為已經太飽！正正正

昨日晚上經openrice 預訂有7折優惠(散叫，非套餐)，原來位置非常方便，在將軍澳地鐵站c出口行1分鐘便到。 店內環境寬敞寧靜，服務員細心周到。本來以為酒店價錢應該十分昂貴，結果六位只吃了合共$1600多，食物味道好，性價比高，環境十分舒服，下次一定會再來! 另外必需要預定片皮鴨(兩食)，由於我們沒有預訂只能遠處凝望別人的食物，期待很快可以吃到!

琴晚去著九龍東智假日酒店staycation 慶祝生日包個dinner 阿拉斯加蟹宴，價錢唔知hoho 各式菜名唔多記得仔細，請看相片阿拉斯加蟹肉沙律，宣賓奪主，隻蟹肉係爽口彈牙但無咩鮮甜味，得沙律醬味，hoho 驚喜係帶子好味，鹹得來食到新鮮甜味阿拉斯加蟹肉海皇羹，入面都頗多蟹肉，調味都唔錯，淡淡蟹肉加唔多鮮甜嘅蝦肉，味道可以芝士焗蟹爪，小妹最驚食呢哋，佢一個set 有2隻，我食著一隻已好飽，同隻蟹爪係完全無咩蟹肉，全程芝士蘿蔔餡阿拉斯加蟹肉蒸蛋白，2舊蟹肉加蛋白蟹黃，蟹肉無食，無胃口，同行食著話鮮甜 蟹黃無咩香味同味道魚湯浸時蔬，時蔬一般屋企煮嘅咁，魚湯鹹著哋，飲著2啖黑松露石頭鍋海鮮飯，黑松露好香，但食落無咩黑松露味，個飯炒得一般水準，無驚喜甜品有 椰皇燉雪燕同 阿膠山楂凍糕，味道可以話說食完個餐，小妹勁口乾，飲著好多水全餐來講可以好一般，食唔到幾多蟹肉，所以唔建議來食值得讚賞個茶同熱水有火熱住，夠體貼

整體服務酒店水準，有禮貌，四人限聚令下編到圓形卡位大枱，十分舒服和寬敞。朋友是會員有點優惠，但價格都屬高級。食物質素屬合乎價格水準，推介海鮮泡飯及錦鹵雲吞，用料新鮮，味道是預期的，賣相高級。

今日，我同屋企一行12人嚟到呢間餐廳，預約咗食晚飯🍽由於而家仍然係受限聚令影響，最多只可以四人一枱，換言之，我哋就需要分三枱坐啦🤭餐廳安排都算幾好🤗特登將我哋三枱放喺房嘅角落位置，我哋就算三台人行嚟行去互相傾偈，都唔會太阻礙其他食客，感覺私隱度幾高，值得一讚！📍事不宜遲，即刻睇吓我哋嗌咗乜嘢餸啦！💜子薑皮蛋💜叉燒拼燒腩仔💜黃金蝦球💜七味椒鹽豆腐💜京燒牛柳💜咕嚕肉💜柚子燒春雞（半隻）💜北京片皮鴨兩食💜白果腐竹浸時蔬💜炒麵💜荷葉飯我哋其實係九個大人，三個👧🏻🧒🏻👶🏻，食咗咁多嘢大概$2700 ，以酒店中菜廳來講都算合理⭐️😆

好食，兩個人Dinner去食中菜，唔駛諗，必定食餐，一睇menu，只有兩個選擇，開心歡聚餐就經濟啲三百中後一位，呢個新出既阿拉斯加長腳蟹餐就五百到尾一位，俾個機會佢，試下新野，真係喜出望外，全程與蟹同行，啖啖蟹肉，唔孤寒，由前菜沙律、海皇湯、焗蟹腳、蛋白蒸蟹腳，好滿足，之後既時蔬、石頭飯同甜品都有質素，埋單仲有信用卡八五折，唔駛千二蚊走人。

今晚點了3人套餐，分別是：例湯、咕嚕肉、京汁燒蝦、XO醬蒸斑片、紅豆沙。例湯味道不錯咕嚕肉又簿又細、沒口感，但味道OK京汁燒蝦，蝦球太細，不新鮮，沒鮮味，味道也不好XO醬清班片， 簿簿的斑片，完全冇鮮味，overcook 所以「好鞋」，底層是豆腐，XO醬偏辣紅豆沙，煮得過火，紅豆爛晒，沒有陳皮香味總括來說菜式認真麻麻，樓面服務尚可，但女知客態度惡劣，對眼像生上頭頂一樣，來時沒一句歡迎語，走時也沒一句拜拜，極度冇禮貌，希望她繼續在這兒做直至將來能一位出色的知客為止。

姑姑生日，本來她一向隨性，不會太在意形式上的搞作。正值新春時節，在假期時段吃飯總要比平日貴，沒有幾家餐廳營業，也未必提供新鮮食材。而且咱們忙得不可開交，便打算將團年及開年飯與慶生一並完成。可是婆婆卻不是這樣想，她總喜歡以不同的題材吃千千萬萬趟。老伴雖感應接不暇，卻又不好意思推卻。結果，咱們又來了一記晚飯。由於這一陣子已奔波勞碌得身心俱疲，於是老伴挑選了他熟識兼在住家附近的「紫粵軒」應乎要求。預先訂好了檯位，咱們晚上七時左右進入餐廳。時值新年，「紫粵軒」都擺放著許多相關的佈置。入門處一顆大大的桃花樹，在紅台以外尚有數盆吉仔與菊花。以為在供應短缺的情況下餐廳會好多人？也不然。大概是精明的消費者都懂得審時度勢，何必在這些日子接受性價比低的體驗？只可惜咱們沒得揀。咱們被安排坐進半圓型的卡廂雅座，未點菜先奉熱茶。小的喜歡青茶故揀了至愛的龍井，老伴則選了他鐘情的普洱。兩個茶壼之下分別都有兩座瓦製的几砵，裡面放上爉燭，其燃燒的熱力便可為熱茶保溫。姑姑與影子姐姐都進入了煉仙的階段，認為年紀愈大新陳代謝便愈是退減，所以幾乎是闢穀狀態，甚麼也都淺嚐即止。於是老伴拿著餐牌主動發辦。為了健康，咱們必先要點一個

非常不愉快經歷餐廳雖然寫明用餐時間一個鐘頭零45分鐘但係作為一間五星級嘅酒店有五星級嘅價錢喺沒有人等位的情況下不斷催促我走點心選擇少服務態度差永遠唔會幫襯之後同職員理論態度極差！

最近多次來這裏開餐，由於晚市分兩輪，選了第一輪，食飯好趕，侍應服務態度一般。<特色鹽香雞>皮炸至金黃色，入口還有微脆的口感，雞肉嫩滑。<龍蝦湯響米海鮮泡飯>想不到份量頗多，裏面除有蔬菜粒，帶子，飯粒沒有煮得過爛，湯底味道濃而不膩。<雲耳露筍炒黑豚肉>露筍不新鮮有苦味，豚肉片很滑，整碟菜略嫌多油。<紫粵軒炒飯>眾人都讚這碟飯好味道，一碟簡單的炒飯，油份控制恰到好處，飯沒有乾身，保留了微濕的口感，蝦球彈牙帶子軟滑。

Staycations 2今次staycations 酒店跟左$1200credit，而酒店嘅西餐就經常可以食到，中菜就比較少食，所以今次我地就揀左「紫粵」做晚餐，試試酒店嘅中菜部！入住前我哋就book定個二人「鮑魚聚寶盆菜」。入坐開茶後，好快就送上老火湯和白飯各兩碗，心諗「嘩！正喎原來盆菜有飯有湯跟」（因單張上沒有提及過），之後再黎埋個聚寶盆和卓菜一碟。微豆蓮藕湯，沒有味精，好味，飲完想再飲，可惜每人只得一碗卓菜就只是白菜上面加左幾粒紀子，清清淡淡，一般。重點係個盆菜，盆菜上枱時個賣相已經相當唔錯，跟單張上所寫嘅材料一樣，整個盆菜絕不欺場盆菜就食得多，好多時都好咸，越食越口渴。但今次嘅盆菜，唔單止唔咸，仲要好入味，最神奇係食到落底層都仲熱嘛這個盆菜每一樣嘅材料雖然唔係最頂級，但份量十足而且非常入味，特別係底層嘅豬皮、蘿蔔同蓮藕軟滑嘅鮑魚、大大塊嘅花膠、肥大嘅海參都真係好好味。其他嘅食材都一樣非常美味，沒有一樣是P.S 不過如果大家下次都想試試就要留意，原來傳單上價錢只是盆菜一個，酒店幫我哋book左嘅係餐，所以最後整個餐是$688啊！

今次選擇Crowne Plaza Staycation其中一個原因是紫粵軒。由於食飯朋友一共5人，響仲有限聚令之下，我地選擇咗外賣上房食。文思豆腐羮味道清雅炸蟹蓋係唐閣8成水準，6成價錢，相當抵食黃金蝦都幾好龍蝦脆米海鮮湯飯好足料，湯入面好多海鮮，我唔敢講都係新鮮，但起碼解凍解得好，肉質味道都保留到。甜品棗皇糕唔算好特別但都係合格嘅職員三番四次提醒我地片皮鴨外賣味道口感會打折扣，可是太想食既我地都唔理得咁多，叫左先算。我地番到去9秒9就開餐，雖然係凍咗少少，但都唔差。肉質同皮都好好食。佢片皮鴨最特別嘅地方係醬料。一般片皮鴨係用海鮮醬，有啲地方會用砂糖。但呢度嘅片皮鴨係用蜂蜜。雖然佢味道好好其實連蜂蜜都唔使用，但呢個配搭就顯得好特別。片皮鴨第二食係生菜包，鴨肉加筍同其他配料，我哋食剩少少，第二日返熱返都依然美味。黃金蝦味道都唔錯，但可能放入外賣盒後失去左Sohyang，感覺就好普通了。紫粵軒嘅出品其實都唔錯，如果唔係因為限聚令問題我就建議堂食，起碼每碟餸新鮮上枱一定會好食好多，而且一餐飯用咗10幾個膠盒，實在覺得太唔環保了。對唔住，地球... 🙏🏻🙏🏻🙏🏻

幾個朋友食飯，酒店有代客泊車，食滿$500 有免費3小時泊車優惠。👍食物新鮮，雖然種類不多。但味道好，感覺味道較清，少味精，👍加上多款信用卡現正有75-8折優惠，抵食。如果有大閘蟹食就更好，因為OpenRice裏面最多食物照片就是大閘蟹，仲以為而家有得食去到才知道沒有。　　　所以特登點左個釀蟹蓋，入邊蟹肉十足，味道鮮美又不太鹹不太油膩，推介牛肝菌菜膽湯亦都10分清新北京填鴨一隻分量很大，夠四至五人食，味道亦不錯。

天氣轉涼，紫粤軒再度推出"淥淥"無窮火窩套餐，但今年有限每日只售二十位，急不及待去訂位。今年訂價平咗，平日只係$398,可能將價就貨，花膠薄如纸，似鱈魚膠，好在個蠔汁保持水準，超好味😋主打牛肉拼盤同海鮮拼盤，雖然賣相一般般，但quality 仍是不錯的。唯獨是D丸，仍有好大進步空間，同去年一樣，唔夠弹，唔好食。雖然食物質量同我expect 嘅有D出入，（珠玉在前)😅,但埋單只$8xx,的確比去年平咗好多，加上好明顯understaff,但服務保持水準，也不能太計較。個人認為，我情願佢做番舊年價錢，比番好DD嘅食材比我囉。

今日去左將軍澳紫粵軒飲茶、今次巳經第二次光顧、因為他們的点心十分出色、尤其是錦滷雲吞更是一食難忘、-蝦餃、烧賣-帶子腸粉也十分美味-最近試左椰皇燉鮮奶核桃也好正、有時间會再去