紫粵軒

大閘蟹當造🦀要把握時間嚐鮮😋昨晚與朋友到九龍東皇冠假日酒店品嚐🌟金秋大閘蟹宴（每位$748）餐廳環境非常優雅，用上我最愛的💟💜紫色為布置主色。呢個餐好豐富，滿足曬蟹控🦀🥢脆盞蛋白炒蟹粉伴青瓜海蜇頭頭盤已經有蟹食，蛋白炒蟹粉滑溜又鮮甜，仲食到帶子粒粒。😍🥣海皇燕窩蟹肉羹滿滿的燕窩好有氣派，配新鮮蟹肉，非常足料，每啖都鮮味爆燈💕🦀大閘蟹三隻每人3隻，每隻約四両，夠滿足。可以清蒸或桂花蒸，當然試曬2款。大閘蟹爆膏，回味無窮。❤️😍☕棗皇薑茶呢杯一試難忘，非常夠薑，又夠大杯，可以驅走寒氣。🥬蟹粉蟹肉扒菠菜苗蟹粉同蟹肉份量多，菠菜苗幼嫩新鮮👍🍚石鍋蟹粉帶子炒飯石鍋保持炒飯溫度，食到底都仲係熱辣辣🔥炒飯乾身有鑊氣😋餐廳同幸福醫藥旗下品牌 - 「好幸福」做緊聯乘活動，仲送左盒❤️好幸福特濃薑萡，食蟹之後服用暖胃驅寒。產品含高濃度薑提取物，薑味濃郁，一片薑萡 = 兩杯薑茶，仲更加入維他命B6，有助消除疲勞，保護脾胃健康。平時都食得，健康養生👍

識咗咁耐廣東菜咗食又食都係迎合老人家口味，因為上一次我食咗個大閘蟹宴覺得好好食，帶咗奶奶去食，今次帶咗我爸爸媽咪屋企人去食，真係100分。今次我食咗好多主題王牌嘅嘢，因為媽咪鍾意食片皮鴨，我就特別叫咗一隻片皮鴨。咁佢呢就介紹我哋點海鮮醬之餘，仲可以點蜜糖原來金可以跟配合得好好好好味另外叫咗半隻鹽香雞佢幫我哋燒過之後叫我哋配合柚子醬一齊食又係好味到癲。跟住我哋帶咗個蟹肉伊麵。另外再嗌咗個士多啤梨火龍果咕嚕肉，士多啤梨火龍果咕嚕肉真係好好食，直頭想叫多一碟外賣，熱辣辣，真係好好食另外再叫咗金沙蝦球，呢一個真係金沙蝦球天花板，鹹蛋黃好足夠，同埋佢上面有少少趣卜卜，加上啲蝦全部都係新鮮彈牙。另外因為我嗌咗一個獨立嘅蟹鉗比我個女$188.1隻（這個反而啲蟹肉太多這個麻麻哋）。嗌咗一個蟹肉菠菜都好食嘅都夠蟹肉一粒粒逐個拆肉㗎所以都係手工菜！今次識到佢哋個廚師真係酒店嘅水平，而且價錢都OK合理又唔係特別貴加埋先二千幾蚊我哋食咗好多個餸。飽到想嘔好食到而家要比五個正😙好食之餘，仲要係開心，因為食係好緊要，食到好食嘅嘢個人真係好好好開心我哋成家人都開心快樂地食了一個好高水平晚餐，共享天倫。心情特別好。

位於香港九龍東皇冠假日酒店既紫粵軒推咗「金秋大閘蟹宴」，大閘蟹宴只係至到11月30日，套餐除咗大閘蟹，亦會有湯品同熱菜，大閘蟹仲可以選擇桂花蒸，趕係大閘蟹季完之前黎試下，唔係又要等多一年先食大閘蟹。餐廳位置寬闊，店員服務亦都好好。✨「金秋大閘蟹宴」晚市套餐🌟脆盞蛋白炒蟹粉伴青瓜海蜇頭坐底後會先揀咗蟹既蒸法，然後會上每人一份頭盤，蛋白炒蟹粉用炸脆米網裝住，蛋白滑身，仲有一絲絲蟹肉、蝦仁同扇貝，調味剛好。仲有酸甜爽脆既青瓜海蜇頭，好開胃。🌟海皇燕窩蟹肉羹跟住到湯品，用咗大量食材熬製既上湯，加上燕窩同蟹肉，仲有切條既帶子，好足料，上湯加海鮮鮮味十足。可以按個人口味加胡椒粉調味🌟大閘蟹三隻套餐包咗每人三隻大閘蟹，餐廳選用正宗江蘇大閘蟹，每隻約四両重，可以揀清蒸或桂花蒸。我地要咗各一半，桂花蒸大閘蟹打開會有淡淡桂花香，但蟹膏及蟹肉的味道又唔會俾桂花影響。大閘蟹肉厚，部份除咗飽滿既黃膏仲有白膏，較軟身黏口。鮮味十足。店員仲會等你食完一輪先再上第二輪，唔會放到啲大閘蟹凍晒。🌟棗皇薑茶食完蟹唔少得飲返杯薑茶暖胃，棗皇薑茶薑味濃郁，仲有淡淡紅棗甜味。💥💥另外客人仲會收到好幸福特濃薑萡同$5好幸福薑萡萬寧

紫粵軒 印象很好的酒店中菜館不論心理或生理 每次也感到幸福無比今次做孝順女 娘親開心女兒也愉快⍥ 醋香鱈魚粒 ❙ $128與其形容為粒 倒不如叫鱈魚塊更為貼切魚塊先炸 然後甜香醋快炒酸酸咪咪 清新又開胃⍥ 蜜汁烤叉燒 ❙ $188比一般叉燒淺色大慨是沒有太多色素的意思半肥瘦厚切叉燒挺軟稔 沒有太甜膩 但後勁濃郁偏鹹 些少失望⍥ 金沙蝦球 ❙ $298XXL蝦球賣相已令人垂涎欲滴大蝦黏滿鹹蛋黃脆波波密集恐懼症的人應該會頭皮癢吧！？香脆的波波 沙沙的鹹蛋黃 爽口彈牙的大蝦三種口感真的配合得太完美雖然有點膩 但我個人還是吃了三隻⍥ 砂鍋乾蔥牛柳粒 ❙ $298職員打開蓋後還聽到吱吱渣渣的聲音熱騰騰 「鍋」氣十足不少乾蔥 三色椒 芹菜 鴻喜菇最讚的牛柳粒份量也不少充滿牛肉香氣 又軟稔多汁白飯殺手 這個美譽沒有誇張⍥ 三杯金不換西班牙黑豚肉 ❙ $308黑豚肉很爽口好吃想不到拍檔是綿密南瓜片金不換份量極少 存在感低單吃是完全沒有其的香氣跟我們想像中的東南亞風味有點距離但整體也是好吃的小炒 ⍥ 銀魚茄子蒸豆腐 ❙ $158滑豆腐跟茄子厚度大小相若面頭放上不少銀魚簡單的餸菜

之前去紫粵軒多數是中午時段，欣賞其環境及座位分佈給人舒適的感覺，而且點心及炒飯麵例如龍蝦湯脆米泡飯質素好，服務也很好。今次因慶祝生日，又見酒樓推出套餐，菜式似乎不錯，網上預付又有折扣，所以特別來捧場，結果並沒有讓我們失望，的確性價比很高。套餐(每客人計)包括大蝦帶子沙律、竹笙花膠羹、脆皮牛坑腩(脆皮可口牛腩入口夠腍身)、黑蒜燴海參、海藻浸菜苗、紫粵軒炒香苗(熱度很夠)、雪耳燉木瓜(熱度夠)及桂花紅棗糕。另外因為是會籍平台apps的會員，還得到一客免費壽桃飽。個餐本身份量已足夠，每款菜式都很足料，加埋壽桃飽是豐富得不能再豐富。要特別讚酒樓的員工服務到位，不會過於殷勤，但又適當及迅速地回應到客人要求。曾經光顧過一些價錢貴一大截的酒店及米芝蓮級中菜廳，亦未必能給客人這種舒適的服務。

今日屋企冇煮飯，兩個人來到將軍澳皇冠酒店紫粤軒吃晚飯，兩個人食唔哂片皮鴨、冬瓜盅等菜式，但都可以試吓最近新出的精選菜式 香煎蜜椒澳洲牛仔柳：牛柳肉質好稔但鮮味，份量慷慨，伴碟有彩椒和雜菌都幾平衡，略嫌醬汁的黑椒味比較濃 蟹肉燕窩燴菜苗：比較清淡的菜式，可以中和一下黑椒的濃味，蟹肉和（海燕窩？）的份量都好多，鮮味又養顏，菜苗有幾款可以揀，我哋試咗菠菜，如果有得揀豆苗會更加好 龍蝦湯響米泡飯：餐廳招牌菜之一，平時在這裡飲茶一定會點，午市百幾蚊有一大窩超抵食，今晚叫咗一人份，餐廳用咗可愛的小砂鍋上菜，其實份量都唔少㗎，每人都裝到兩碗，鍾意龍蝦湯的香味，爽口的蝦肉、消暑的瓜，還有脆米加上泡飯的特別口感 七味椒鹽豆腐：這個是裝咗手機程式會員的免費贈品，薄薄的外皮好香脆，而豆腐好滑，好好食餐廳的環境幾舒服，餐桌距離夠遠，座位寬敞，服務態度亦不錯 無論是和家人吃飯或者見客，都推介這間餐廳，而且網上訂座或者用好多信用卡都有折扣優惠，性價比好高

紫粵軒是一間較為高級的酒樓，服務員服務很好👍酒樓內外環境都是非常舒適💯紫粵軒有很多款不同的晚市套餐，不過可惜沒有我們心中想吃的美食🍲最後我們散叫主餐牌的美食，而且我們吃過也覺得好食☺️推薦和分享給大家網友們參考📱我們點選了5款不同的小菜😆1️⃣脆皮燒腩仔$178真是很脆皮💖2️⃣花膠絲粟米羹$414熱辣辣，多花膠絲😁3️⃣黑椒珊瑚蝦球粉絲煲$328蝦球大大粒，又有好多粒🫰粉絲很乾身😚4️⃣香菇乾燒四季豆$168大大碟😆惹味🥰5️⃣砂鍋蒜香帶子炒飯$268炒得非常惹味，帶子粒多，足料，四人吃的份量😚📍餐廳名稱: 紫粵軒📍📍餐廳地址: 將軍澳唐德街3號香港九龍東皇冠假日酒店2樓📍

兩食片皮鴨網上預付連加一服務費=$347佢係兩食的 鴨鬆冇影到相片皮鴨皮係脆脆地 不過始終不及5年前在深圳海岸城購物中心某餐廳既片皮鴨香脆 但都不過不失生菜包鴨鬆我覺得ok,不過家人就麻麻地，始終口味見人見智。個年輕高瘦靚女服務員服務好好 勁溫柔因為用app 成為紫粵軒會員 所以有迎新優惠送椒鹽豆腐一碟（價值$88）侄仔好鐘意食我都好鐘意食 外脆內滑黃金蝦多士$128/6件 相中因為被家人夾走一件所以影得5件😂因為侄仔鐘意食所以黃金蝦多士最後叫多一份 所以收據中顯示$256金沙蝦 $298 一碟有8隻蝦既份量 咸蛋黃味有人鐘意食 有人唔鐘意食 好唔好味見人見智 我鐘意咸蛋黃+熱氣野+海鮮 就岩我食囉半隻炸子雞$238 好好味呀😍😍😍皮蘇肉嫩半隻特色鹽香雞$238 都係好好味呀😍不過因為有家人今日身體不適既關係 為左比佢早啲番屋企休息上晒菜後要外賣拎番屋企食😁因為我本身朋友介紹用$1000 join 左Afiniti member所以才會book呢間紫粵軒體驗吓因為Afiniti member有呢個消費滿$1000減$500既coupon優惠所以唔計網上預付了的片皮鴨，埋單只係$633👍

今日要去將軍澳做嘢，朋友介紹呢間飲茶，特登訂檯試試。星期日有分兩輪，我就食1:30。當日中午好爆，爆到餐廳出面𨋢旁邊都放左兩張枱，如果呢間係五星酒店入面既餐廳，好似唔太得睇。講返食物先食物方面叫咗：蝦餃，黑松露野菌餃，叉燒腸，金錢肚（無影相），梅菜蒸菜心（無影相）📸先講咗有影相既蝦餃大大粒，餃皮都做得唔錯，晶瑩，口感正常，不過同其他高級酒店中菜蝦餃比，係厚咗小小。蝦新鮮，起碼入面有一粒蝦，蝦肉都爽脆。黑松露野菌餃呢個好清新，瓜菜同黑松露既比例岩岩好，黑松露唔會太搶鏡，仲食到瓜菜既甜，好食。今次點心最好食係呢個蜜汁叉燒腸粉，腸粉拉得好薄，叉燒大粒有口感，甜甜的。我一個食咗大半碟跟住到無影相既食物…沙嗲金錢肚大大塊，蒸得好冧，但沙嗲醬有啲咸咗少少。梅菜蒸菜心呢個係大餐牌叫，我expect酒店中菜廳會用菜心苗同埋擺盆靚啲。但拎到過嚟就好似梅菜湯菜心…菜心仲有小小老值得一提嘅係呢度會用機械人送餐，幾得意Overall點心都唔錯，假日黎飲茶要預早訂位一定。

紫粵軒已是我在將軍澳和朋友吃飯的不二之選, 除了在區內粵菜水平手執牛耳外, 平日的超值折扣令人均消費貼近屋村酒樓, 以酒店食堂來說性價比算是最高的一家. 今次點了北京填鴨, 折扣過後比之前關注組推介的國福尚座還要便宜, 北京填鴨二食, 味道水準中上, 肉切得較厚實, 但肉質和肉汁OK, 皮夠焦香也夠脆, 最有趣的是除了烤鴨醬外, 也附上蜜糖作為沾醬, 既鹹且避甜, 配搭有趣.小菜的海山骨最得我心, 也就是蝦醬炸排骨, 蝦醬深入肉裡, 基本上不用其他醃料, 味道香濃. 外皮極之香脆, 如薯片一樣, 送啤酒一流. 另外的黃金蝦也有水準, 除了鹹蛋平均沾在蝦肉身上, 外面的粒粒脆強化本身的口感, 蝦肉大而爽彈, 又是送酒的佳品.Tsz Yuen Hin in Crowne Plaza Hotel is my favourite restaurant in TKO. The Peking roasted duck has the quality at the same time it is one of the cheapest in HK. Using honey as the dip sa

朋友最近上網見到酒店中菜廳有promotion: 星期一至四，預付”片皮鴨兩食”、”叉燒燒腩仔拼盤” 同 ”海鮮泡飯”享半價優惠於是約埋住附近嘅朋友一齊嚟個晚飯歡聚🔸紐西蘭蜂蜜片皮鴨片皮鴨皮脆肉嫰最特別嘅係配附一碟紐西蘭蜂蜜🇳🇿🍯第一次試加咗蜂蜜嘅片皮鴨，原本怕會好甜，估唔到蜂蜜同片皮鴨又幾夾啵，陣蜂蜜味幾香😚另外，包片皮鴨嘅餅皮份量十足👍🏻，共有兩個蒸籠嘅份量，足夠4-6 人享用🔸鴨鬆生菜包 🦆🥬呢道係片皮鴨嘅第二食調味不過不失，生菜夠爽脆🔸叉燒拼燒腩仔呢到嘅叉燒 is just my cup of tea 🍵味道唔錯，叉燒肥瘦亦適中燒腩仔嘅皮脆卜卜，雖然做緊特價，用料都冇馬虎🔸龍蝦湯響米海鮮泡飯龍蝦湯熱辣辣都算有幾多海鮮料喎加埋響米脆卜卜，多一層口感表現中規中矩另加：🔸石鍋鮑魚粒叉燒煎蛋飯迷你石鍋碗～卡哇伊呢～ 既可愛又保溫♨️隻蛋嘅蛋白煎得金黃香脆，蛋黃仍然保留住微微流心🍳啲叉燒如同拼燒腩仔拼盤嘅質素鮑魚粒份量唔都少比海鮮泡飯更有驚喜🤩朋友們都好滿意呢晚嘅聚餐位於酒店環境舒適寬敞，服務不錯做緊優惠嘅幾款菜式味道不錯之餘，性價比亦非常高特別推介”紐西蘭蜂蜜片皮鴨” 同 喺正價menu

一家三口，兩大人一個3歲小朋友。早幾日喺 openrice 訂咗位星期日中午12:30，前一晚miss咗酒店打嚟 confirm booking 嘅call. 於是第二朝11點打返去話confirm 會嚟，聽電話嘅人話好呀無問題，跟住openrice 嘅booking 喺11:54AM被酒店取消咗…唔緊要，去到入面其實大把位。侍應帶緊我地入去之際，仲叮囑我地要90分鐘內交枱…. 我明白可能係公司叫佢地咁樣同客講，不過入面根本大把吉枱，正常都會睇情況… 仲叫人90分鐘內要還枱真係不免令人「下….」咗一聲…一坐低，先生想叫壺「菊普」，我聽到侍應A仲同侍應B講，俾壺「普洱」佢哋得架啦…. 跟住當然嚟咗壺普洱，我哋再同佢講要壺「菊普」，最後嚟咗壺「鐵觀音」，真係超搞笑…環境幾好，坐得舒服，枱與枱距離正常。嘢食我哋叫左蝦餃、奶皇包、酥炸蝦球、瑤柱蛋白炒飯等，水準正常，但真心一個點心收$70幾蚊，一個炒飯收$200幾蚊嚟講，我哋其實大把選擇，顧客所期待嘅絕對唔係呢個質素嘅服務！無下次！

位於九龍東皇冠假日酒店嘅紫粵軒 係酒店嘅中菜廳 作為酒店食肆 座位同埋服務都有返咁上下水準 成餐飯係食得comfortable 嘅黃金海鮮卷 $72 - 香口酥脆金箔水晶蝦餃 $75 - 面頭有金箔 好名貴咁樣 蝦餃就正正常常黑魚籽帶子餃 $75 - 帶子餃味道鮮甜 上面嘅黑魚子帶出鹹香味蟲草花上湯牛肉球 $65 - 呢個係驚喜 估唔到用碗上湯浸住牛肉球 又係另一種新食法 感覺冇咁油膩 但係佢落鹽落得好重手 有啲太鹹 😅蟹籽百花蒸魚肚 $72 - 唔錯 幾好食鮑羅萬有燴香苗 $328 - 見到價錢好似有啲貴 但係好足料 有鮑魚花膠海參 而且飯嘅味道食得出鮑魚汁 熱辣辣 飽肚又好食🍽 餐廳: 紫粵軒🏠 地址: 將軍澳唐德街3號香港九龍東皇冠假日酒店2樓#foodiehk #hkfoodie #foodie #香港美食 #foodporn #foodphotography #foodblogger #hkfoodpic #hkfoodinstagram #foodlover

過時過節同老人家食中餐都預咗要食套餐，沒想到，食品水準真係可以咁差，無一道菜上枱是熱的。前菜「撈起」真係得啖笑，劣質煙三文魚好腥。「瑤柱貴花雞」非常細隻。「蝦子海參」和「鵝掌鮑片」都是一樣的蠔油芡汁，一個字：咸。「海鮮泡飯」是用現成米通，我大仔見到米通以為是早餐的cereal 話要加牛奶。又上一課，以後真係要請工人姐姐調假，大時大節在家幫忙煮餐好，拒絕套餐

依稀記得這一間中菜廳，大約已有五至六年沒有來，踏入眼前的一刻跟記憶中別無多樣，一早在OpenRice訂上位子，準時入座。。。午市時段大部份點三又$68起跳，有少量點心會加入為三款合併點心，可以HK$118優惠價剔選三款~蝦餃HK$68 .正正常常如果要我具體一些來說，比坊間很多酒店式的體積，還要大些少，不過蝦餃皮就略為厚身，而且蝦餃餡切得太碎，未能真正吃到一粒或半粒完整的蝦肉～⭐️⭐️⭐️珍寶蝦腸粉HK$88 .顧名思義蝦肉本身很大隻，而且入口爽，雖然明知是雪藏，但口感以贏了不少，腸粉皮亦都拉得夠滑～⭐️⭐️⭐️⭐️黃金香煎小米糕HK$60 .這款點心自己就覺得有點像馬拉糕的變奏版，不過口感較輕，底層用上脆米視覺上沒有那麼單調～⭐️⭐️⭐️蜜汁叉燒 Hk$188 .好多時坊間的酒店都要二、三佰起跳一份叉燒,這裏只不過HK$200有找，但自己就覺得未係心目中喜歡的那一類型，色澤比較白及淺，雖然都屬於採用梅頭部份，但這一碟就較為瘦削，差不多只有丁點兒脂肪，口感上（較瘦）⭐️⭐️海班豆苗餃HK$68 .這一個自己覺得值得推介，每一單都有魚肉，而且非常飽滿，以這個價位實在（抵吃）⭐️⭐️⭐️⭐️雪菜火鴨絲炆米Hk$268 .