素食新一代 (已結業)

今日無帶飯而且想食清啲，就揀食素一天薑炒時菜清清地，漢堡扒質地彈牙以假亂真，鮮茄豆腐好好味甜酸度適中豆腐入味得來又冇鞋到，南乳蓮藕炆得入味又夠粉，芙蓉煎蛋滑溜有蛋汁芽菜炒過但都保持爽口甘筍粥清甜，粥就煲得唔夠綿但就有飽足感仲送埋木瓜湯清甜味道好價錢平夠晒飽肚，如果多幾間就可以吸引更多人食素啦～

與朋友放工後約在荃灣, 我比較喜歡吃素食, 難得朋友也不介意, 當然不會錯過這些吃素的機會. 在荃灣吃東西多數也集中在近地鐵站的商戶, 今次去了同樣也很多人, 但不近地鐵站的小商場--荃昌中心. 於朋友OPENRICE一下那裹有素食, 便找到了這間食店. 由地鐵站一直行過去, 邊行當做運動. 來到這間小店. 門面雖不是很闊. 但看起來卻很平民. 當日我們叫了幾味菜. 五寶飯, 像真度雖然不高, 但很好吃. 素火腿扒質感很像. 不說也不知是素菜. 素叉燒是面巾. 還有素雞質感也很像. 這間小店是白飯任裝的. 所以不可與別人SHARE一碟飯. 如要吃飯可加$12白飯或$14薑飯. 這天我選擇了薑飯. 很健康很好吃. 日式鰻魚. 是由腐竹做的. 用紫菜包著. 雖質感不像, 但也好吃. 吉烈豬扒. 這個質感很像肉, 和五寶飯的素火腿扒很相似. 好吃. 原來素也可做到質感那麼似肉. 真的想向廚師偷師是如何做. 學懂就以後不用吃肉了. 

由於前(14-12-2018 Fri)晚同老公去公司o既BBQ,食得太多肉同熱氣,所以尋(15-12-2018 Sun)日晏晝,就同老公o黎呢o度食素食,出o黎前食o左少少o野,又滯住o左喇,但老公話照食佢o地$38.00 o既5餸套餐.呢日o既5個餸係薑炒時蔬,芙蓉煎蛋,南乳蓮藕,鮮茄薯仔同漢堡扒,湯係南瓜湯,我o地兩個都要少飯.叫完後,兩碗飯首先到o黎,等多一陣,5個餸同湯都到o黎.南瓜湯顏色好靚,味道亦甜,但唔太鹹,唔錯.然後開動喇,先食南乳蓮藕,蓮藕夠腍,南乳味好濃.薑炒時蔬,薑味亦好突出.漢堡扒係豆做o既,味道濃郁,口感OK正常.芙蓉煎蛋冇咩餡,我o個啲係芽菜仔,但我見到我老公o既又唔係,有綠色o既o野,係苦瓜嗎?點解同一種餸會有兩種餡?最後o既鮮茄薯仔呢? 鮮茄好甜,一啲酸味都冇; 薯仔夠腍,OK. 我o地係食唔晒啲餸,但又唔記得帶膠盒出街,於是要俾$1.00攞個外賣盒裝住走.到夜晚，我哋蒸返熱食時，我至食到原來係青燈籠椒。我老公發覺，芙蓉蛋係甜嘅，我都突然醒覺，番茄點會一啲酸味都冇?應該係落多咗糖，有時啲嘢唔好落多咗，尤其是呢間都幾多50歲以上嘅客人幫趁當飯堂。服務:叫完

今(10-12-2018 Mon）日放假，電髮前食個晏，但唔係好肚餓，諗唔到食乜，又唔想食咁多肉，突然諗起荃昌呢頭有素食店，就行嚟睇睇。環境比較迫，冇人理，我自己坐低，唔見有menu，亦冇俾，見好似個個都食唔知幾多餸嘅飯，我又驚食唔晒，於是我自己去收銀喥攞menu睇，睇唔見咩嘢兩，三餸飯，咁唯有叫$26.00嘅菜遠蠔油撈麵，同個女仔講咗後冇應我。隔一陣，我就再叫佢啦，佢答淥緊。啊，你唔應我我點知你落咗單未？之後睇到咩2:30pm前同好似4:00pm後有$30.00最低消費，咁我不如叫多樣，叫咗$7.00嘅凍豆漿。冇耐，凍豆漿到嚟，份量係一隻普遍水杯咁多。飲落都幾甜吓，豆味唔算濃。然後菜遠蠔油撈麵到嚟，菜遠係生菜，但明顯灼過龍，變成黃綠色，將麵撈勻素蠔食先，素蠔油都幾鹹，麵質都爽。2.8分服務:幾乎做熟客生意，個個入嚟坐底，唔使叫就知要套餐，只係個客自己再講邊樣餸要多要少。其他:喺等嘅時候，我至見到幾乎人人都叫嘅套餐，原來係$38.00嘅5餸飯，今日有木瓜湯，漢堡扒，薑炒時蔬，芙蓉蛋，南乳蓮藕同沙爹冬瓜，飯或粥，湯或豆漿都得。

兩個新一代相約到素食新一代食素，全因夠便宜、就腳，而且健康環保，身為新一代，點都要試下。大鄉里出城，不知遊戲規則，問店員有甚麼選擇。「你有無乜嘢唔食丫？無咪乜都有囉。」我和朋友假假哋都算係新一代，但卻一頭霧水。原來店員的意思是「是日套餐$38，五餸全包，粥飯可添，豆漿或湯，售完即止——無嘢唔食咪有齊五餸囉」。他身後的牆上貼有如此「餐牌」，只怪我們只顧看圖不看字，只看到觀音菩薩的畫像  牆上還有其他四字詞如「多飯少飯，走餸少餸，請早揚聲，耐心等候，外賣+$1」。嚟多幾次中文都會進步。朋友叫了少飯，但忘了少餸，最終都難逃淪為大嘥鬼的命運。觀眾切勿模仿，觀音在看。當日的五餸：1. 薑炒時菜2. 漢堡扒3. 豉汁南瓜4. 梅菜椰菜花5. 芙蓉煎蛋湯：木瓜湯以上配搭，僅三十八，還要粥飯可添。當今塵世，夫復何求。（看得四字詞多看上腦）地方的確略嫌淺窄，不過在人與人之間距離愈來愈遠的今天，吃飯時和他人靠近一點，亦無不可。不要倒瀉食物飲品害人害己便可。這兒雖然叫新一代，但其實賣的都是上一代——上一代的格局、上一代的簡單和上一代的價錢。有些上一代不時說我們新一代不濟。今次，我們食素，為環境和動物出了一分

又一間平價素，五餸飯包豆漿或湯都只係$38，款式天天不同木瓜湯，芙蓉煎蛋，素蠔油節瓜，鮮茄薯仔，漢堡扒，薑炒時菜無味精湯，木瓜煲到溶晒，夏日好解渴蛋煎到好香好厚實，調味唔多但夠味節瓜炆到好腍，素蠔油唔咸，美中不足係汁多咗少少冬菇椗做嘅素漢堡扒，彈牙薯仔經油炸，更香口除左白飯，可選配粟米粥，免費添加另單點了炸雲吞 $4/粒，腐皮卷 $4/條抵食小食，腐皮卷好大條，包住粉絲，冬菇絲，木耳絲；炸雲吞炸到外皮香脆，咬落脆口

同細妹喺醫院探完媽咪，大家都未食lunch，決定去呢度食個豐富嘅晚餐。心情係十分悲傷低落嘅！但遇見有禮貌親切肥哥哥老闆，佢友善嘅招待，頓感片刻溫暖！我同細妹一人一份套餐，要乜有乜，多粥多飯得，多菜唔要飯又得，因素扒賣哂變咗兩條珍寶size鮮竹卷，邊食仲邊問答我哋夠唔夠？話有乜需要即管講！嗰刻真係感動到有啲想喊！我諗起昏迷中嘅肥媽，如果我能帶埋佢一齊嚟食就好，可惜，今生已再冇機會…講返啲餸，我同細妹唔要粥飯係啱嘅，因為淨係餸已經係四人份量！南瓜大大舊，出奇地軟腍又微甜、雞蛋同豆腐本身係我至愛，兩款同樣好味，我點咗私伙七包茄汁！茄子亦夠腍，炒雜菜就係椰菜同白菜，總之卅八蚊一大份，真係抵到唔知邊度搵？細妹要湯我要豆漿，豆腐甜淡適中，如果大杯啲就更好了！總而言之，小店本身已值得支持，食物美味價錢又合理，再加埋親切友善嘅服務，下次有機會，我會再去嘅！（只係希望下次唔係帶住悲傷嘅心情去！大家到我嘅專頁或blog就知我悲傷嘅原因！)肥哥哥，俾心機！

荃灣工作嘅我，每日都要出外食飯，而一般餐廳快餐大多缺乏蔬菜，久而久之，發福不少，真係好煩⋯⋯經同事介紹下認識尼間素食小店，見佢外賣回來一大盒素菜，有塊素肉，炒蛋同大量蔬菜，好豐富好吸引，仲跟埋一碗素湯同白飯，所以自己都去試試店面細細，一眼睇曬，只可容納十多人左右，今日五點半放飯，不是繁忙時段，有位坐我叫左個套餐小飯，餐牌每日都唔同的賣相都幾好，有兩碟餸，份量好多，淨係食餸都好飽，口味比較清淡唔多油，個湯更淡，只有小小甜味，冬瓜湯可清清熱氣都好，其實間唔中食下素都好，唔好食太多肉，感覺健康d之後我仲keep住每星期都食兩三次，多數都係外賣，因為堂食已經無位坐了外賣加一蚊，同樣日日不同款式份量多，但就感覺唔環保♻️

自從重陽節當日帶過細妹嚟食五餸餐後，佢好滿意，帶好朋友Joey妹一齊去幫襯之外，今日下晝仲買咗三份外賣嚟探肥媽，同Joey妹&我一齊分享！$38+$1外賣，有(五個)餸有飯有湯/豆漿，款款都好味，實在係超值之選！炒蛋有菇喺裡面，略嫌老，但好香，點茄汁，好好味！娃娃菜同豆角軟硬適中，完全冇渣！翠玉瓜清甜，拌汁食味道剛好！塊素肉扒完全冇得輸！細妹話夾包食以為真係扒！是日南瓜湯，我冇飲，但細妹表示滿意！我飲豆漿，濃淡甜味適中，如果大杯啲就好！素食新一代，絕對係一間值得支持嘅小店！

原本諗住去荃灣嘅中心地帶睇下有咩素食啦，之後唔覺意發現咗呢間嘢，份量好大份，味道也算可，略嫌有少少太油同埋啲員工都算好nice 見到係家庭式經營最後，呢個價錢幾抵！

幾年之後，重臨舊地，共餐對象都係細妹，同樣係往大鵬灣拜完外公、外婆、同肥貓寶寶後，今日係2018年4月5日(四)清明節公眾假期。我同細妹講：「嗰度地方好細，位置唔多，如果冇位(我絕對唔想坐出面)，就唯有去第二間吧！」細妹同意，我哋於是碰碰運氣！下午3：45嚟到，咁啱遇上走鬼，門口張摺枱即時要收，我望入店內，見差唔多全店滿座，店主伯伯問我係咪一個？我話兩個！咦，咁啱有張枱可搭，兩個位！我同細妹講句「唔該」，即刻坐低。坦白講，論環境，呢度絕對狹窄同擠逼，我哋坐低咗都唔敢大郁，但呢間家庭式經營小店，我絕對希望帶細妹嚟食多次，因為我睇咗Openrice食評好耐，我想試嗰個五餸套餐，尤其我好鍾意食炒蛋同好想試嗰塊素肉扒！我推薦細妹食呢個套餐，$38五個餸，飯同粥二揀一，我哋兩個都要哂粥，但細妹唔食俾埋我！本來我諗住食唔哂加一蚊攞個兜帶走，點知煮餸嗰女仔(店主伯伯個女)話：「妳睇吓食唔食得哂先？」而結果，我竟然真係食得哂！冇錯！係兩碗粥！原來啲粥唔係淡茂茂，係有鹹味嘅！煲得好綿！好好味！唯一不足之處唔係即時煮滾俾你，感覺唔太熱！講吓五款餸，唔係想hard sell, 但真係五款都好味！！1)炒菜心

最近食得肉太多，想食得清清地，同事話原來公司附近有間齋鋪好味得來又唔貴，咁我就即管去試吓啦。店舖好細，坐低左都係唔好郁嚟郁去，如果唔係一定會撞跌野。全間店只可以坐大約10個人，喺午飯時間全場滿座，我都要等左一陣先可以有個位坐下今日我叫咗一個呢啲套餐，每樣餸都會有少少，仲有湯，而且可以選擇食飯或者食粥，唔夠嘅可以無限加，總之食到你飽為止。店舖雖小但五臟俱全餸嘅種類好多而且都好豐富，最重要嘅係有一種家常小菜嘅味道，以食齋來講真係煮得好好味，最重要嘅係佢唔會煮到好油，而且唔多味精，食完吾會好口渴。而且套餐嘅品種日日都會唔同，好有新鮮感真係一餐好健康嘅素食。

這間素食店在荃灣屹立了很多年了，由於面績不大，所以很多時經過也擠滿了人，近來接觸素食多了，小的偶爾也變為座上客，除了全日供應的五餸飯外，還有非常多的選擇，這次吃了全餐以外的食物。送的粟米甘筍湯，清甜啊！羅漢上素麵湯底貌似很濃郁，事實卻不然，選擇這個其實重點是可一次過吃各式各樣的菜蔬呢。水餃麵非常大碗，端來時簡直傻了眼。水餃麵除了量多，水餃亦非常大隻，外皮很薄身， 餡料有甘筍，綠葉菜及木耳，淨吃餃子已飽了，吃罷混著雪菜的麵條後，幾乎飽至動彈不能吃。

服務差, 套餐不可添飯粥, 常餐可添, 所以套餐食完都未飽, 食物尚可二人套餐已加價至135, 三人套餐又加價至190, 不如去間寛敞美麗的餐廳食, 不用如此激氣又谷氣.

呢排FIF比較上火，所以想食比較清淡既食物。係荃灣搵下搵，係有名餃子店隔離就見到佢。一於入去試一試！基本上都會有４款素菜，配飯或粥，仲會有湯或豆漿比你揀。36蚊完全係超抵食！先講碗湯啦～完全無落味精，非常清熱下火，飲完個人好清新！４個素菜方面，佢就有素扒、炒蛋、娃娃菜仲有沙嗲蘿蔔。素扒好有口感，完全好似食緊有菇味既漢堡扒咁，超正！娃娃菜就夠清淡，岩哂我下火！而炒蛋就出乎意料咁好食，勁香啊！而蘿蔔數量真係好多！！蘿蔔都好夠甜無渣，不過沙嗲味唔知點解好似唔係好夾咁～跟住就係白飯一碗。食飯期間，都聽到有人話要加飯加粥，睇黎飯同粥都係任加！３６蚊咁樣真係好抵食。臨走個陣仲聽到有人講，兩份蛋，走蘿蔔。下次FIF都試下咁樣叫先！有時想食清淡d？呢到完全可以下火之餘又好食！絕對會再番黎叫兩份蛋！完全係良心價錢！加油啊小店！雖然坐係逼少少，但好食又抵，唔介意啦～