素食新一代 (已結業)

自從重陽節當日帶過細妹嚟食五餸餐後，佢好滿意，帶好朋友Joey妹一齊去幫襯之外，今日下晝仲買咗三份外賣嚟探肥媽，同Joey妹&我一齊分享！$38+$1外賣，有(五個)餸有飯有湯/豆漿，款款都好味，實在係超值之選！炒蛋有菇喺裡面，略嫌老，但好香，點茄汁，好好味！娃娃菜同豆角軟硬適中，完全冇渣！翠玉瓜清甜，拌汁食味道剛好！塊素肉扒完全冇得輸！細妹話夾包食以為真係扒！是日南瓜湯，我冇飲，但細妹表示滿意！我飲豆漿，濃淡甜味適中，如果大杯啲就好！素食新一代，絕對係一間值得支持嘅小店！