素之樂創意蔬食料理

營業中

休息中

地點算就腳，地鐵站直行，跟幼稚園共用樓梯，頗有趣。食物是好評的，不會吃得口渴已經是很好表現，沒有太多味精而又做得可口，就是用心製作表現。服務到位，座位舒適，枱之間的間距合適。

好朋友生日，想試新嘢，所以就嚟咗呢間係北角渣華道素之樂創意素食館，如果只睇佢哋個菜牌，唔睇英文，應該唔知道係乜嘢嚟嘅，只知道係新派素菜，因為之前都食過，對佢哋嘅食物都非常之有信心，所以就帶埋朋友，總共兩家人一齊去食。先來一個禦品燉湯，個湯雖然冇肉，但係好味好多菇。清哂。跟住就係頭盤四小碟：柚子苦瓜，柚子味同苦瓜冇衝突，將苦瓜嘅味減輕咗，容易入口。醃蘿蔔，爽口，味道正常。蜜汁燒雞，呢個正，非常似雞。仲有椒鹽鮮魷。火炙三文魚壽司，外型討好，好味。跟住一個木耳炒四季豆同雜菌嘅雜菜，豆邊都清理得非常之乾淨，完全冇渣。釀冬瓜係一個心機餸，靚，味清甜。因為我哋有芋頭lover，所以老闆特別安排咗一碟煎厚切芋頭糕，唔油，好香。得。我超鍾意佢哋嘅咕嚕肉，所以特別要求加大，冇令我失望，大家係清碟嘅。10穀養生燉飯，顏色啡啡哋色，裏邊好多菇，好味。不愧係佢哋王牌嘅產品。心思思想試佢隻西西里雜菌燉飯，所以要求老闆做一個，飯係黃色，裏面好多雜菌，入口有濃烈嘅香茅香味，好正。甜品係紅棗糕，糖水係果皮綠豆沙，唔係好甜，應該係自家製嘅。因為慶祝朋友生日，所以要求左壽包，老闆又好貼心咁安排咗水果。完美嘅一餐。

今日真漢子同大家去北角素之樂創意蔬食料理飲茶。睇 Open Rice 啲人話呢度一定要訂枱，我今朝打去話今日最快都要兩點半先有位，收線先醒起係喎，因為今日係十五。🌝去到的確坐滿人，但全部人都食飽喇，所以我叫嘅點心都唔使點等。阿姐仲話未係會員可以即時申請，埋單時有九折（茶錢每位 $15 另收加一）。😸有點心有小菜，粉麵飯等。但難得有素點心食梗係剩食點心啦。今次我點咗：🐽 叉燒腸粉 $39素叉燒係近似午餐肉或腸仔果種味道同口感，雖然唔似叉燒但亦唔難食。個腸粉我覺得係世界級，又滑，夾落去唔爛又唔痴筷子，但又唔係厚到索唔到豉油一塊膠咁，換言之好高質好好食。唯一可以彈係個豉油好輕微地略咸咗少少，但都可以接受。😛🦈 魚翅燒賣 $30燒賣相信係素食者最念念不忘嘅食物之一。呢度嘅燒賣又係好掂，完全同食緊普通燒賣冇分別，個皮帶點煙韌，個餡造得似傳統燒賣，唔會因為係素肉而散修修，又唔會過龍蒸到爛哂。一路食我個心都一路讚個點心師傅嘅技巧。👨‍🍳魚翅無論真定假本身都係冇味，但加咗就令口感更有層次，賣相亦都精緻咗。燒賣亦有黑松露版 $39。🍄🥟 一品水晶餃 $30呢個素食者唔會陌生，因為就係素食者少數可以响普通

老友生日，當然要食好西慶祝，可惜老友皮膚有毛病，好多野唔食得，終於俾我哋揾到一間啱佢嘅餐廳，一行四人齊齊去食素！$298 一位嘅私房菜，收加一服務費，但俾想像中豐富！1️⃣精選拼盤燒汁淮山、柚子涼瓜、醬拌杏鮑菇、麻辣手撕雞 - 不錯！2️⃣御品燉湯🥣有猴頭菇及多種菇類、杞子和腰果，要小心飲因為真的會燙到嘴，但又幾好飲！😋😋3️⃣吞拿魚壽司 - 一般！4️⃣椒鹽脆皮茄子 - ok!5️⃣白玉藏珍 - 賣相不錯！6️⃣香芒黃金大蝦 - 蝦的口感像度好高！7️⃣靈芝菇菠菜苗 - 較為濃味！8️⃣普羅旺斯扇貝 - 一般般！9️⃣鷄絲涼拌刀削麵 - 有青瓜絲、甘荀絲及素鷄絲，味道不錯！🔟精緻甜品 / 滋潤糖水 - 養生紅棗糕 / 紅豆沙整體不錯，坐位舒適，店員服務態度殷勤，鍾意食素的人士不妨一試！

.我地平時都會食下齋，見到呢間既評價都幾好，就過黎試下。我地十二點幾到，職員問我地有冇訂枱，我地冇諗過呢間原來要book，好彩係職員都安排到座位比我地，只係一點要交枱，係食得比較趕，但天氣比較熱，我地唔想係街到再搵其他了。我地叫左三籠點心，一碟炒河，整體都覺得幾好食。珍珠蝦餃 $28餃皮好薄，所以拎起要小心啲，唔係好易爆，不過餡料好足，我諗有啲馬蹄、仿蟹柳/蝦既素肉。松露燒賣 $39我鐘意呢款素燒賣，雖然松露味未係好香，但佢既素豬肉真係似真實豬肉既質地，幾好食。叉燒餐包 $28呢個真係👍🏼👍🏼👍🏼👍🏼👍🏼，我食左一啖就同老公講好好食。叉燒包係岩岩焗出黎，包面塗上蜜糖，超香！入面既素叉燒係有炭燒過，好香炭燒味，仲好食過平時酒樓/點心店d叉燒包。豉油王乾炒牛河 $78老公話呢個炒河同佢心目中諗既有啲出入🤣河粉有啲幼，我比較中意粗河多啲。不過炒河都炒得有鑊氣，素牛肉似炒蛋質地，整體都ok既。茶芥 $12位茶係玄米茶，茶香味濃芥係素牛肉同芥辣薯片，兩款都好食同好有誠意。呢間素食餐廳環境好舒服，入餐廳前右手邊有一間士多，可以買素肉，都唔錯👍🏼餐廳姨姨都好有禮貌，好快手幫我地跟單，仲offer我地

晚市係做私房菜... 每位$288... 另收加一!呢晚嘅菜式有:4色拼盤 (唔錯)御品燉湯 (超清甜好飲)和風壽司 (像真度高)泰式芒果卷 (ok)黑松露蒸白玉 (ok)咖哩蘿蔔卷 (ok)翡翠炒花枝蟹柳 (普通咗d)糖醋咕嚕 (超讚... 用咗猴頭菇扮肉)藜麥香菜飯 (出乎意料嘅好味)芝麻卷 (正)紅豆沙 (ok)整體唔錯... 不妨一試!

响北角區... 呢間素之樂好出名... 地方乾淨衛生... 而菜式用心製作!👍👍👍晚市係做私房菜... 每位$288... 另收加一!呢晚嘅菜式有:4色拼盤 (唔錯)御品燉湯 (超清甜好飲)和風壽司 (像真度高)泰式芒果卷 (ok)黑松露蒸白玉 (ok)咖哩蘿蔔卷 (ok)翡翠炒花枝蟹柳 (普通咗d)糖醋咕嚕 (超讚... 用咗猴頭菇扮肉)藜麥香菜飯 (出乎意料嘅好味)芝麻卷 (正)紅豆沙 (ok)整體唔錯... 不妨一試!😊😊😊順帶一提... 餐前脆卜卜小食超級正... 尤其螺絲粉形嗰隻... 好食到停唔到口!🤭🤭🤭

現今社會仍然有好多人都會對食素 有一種誤解 👀會覺得食素食/ 食齋 可能會唔夠飽肚 覺得好快肚餓但係其實唔會 因為有好多豆製品、蔬菜、麵粉類炸物等⋯乜都有今次千里迢迢嚟到北角呢間餐廳食素食🌽🥦🍆🍠朋友熱烈推介覺得性價比高同埋好飽肚的確我覺得味道係幾好 餸菜賣相亦都好吸引員工嘅服務態度亦都唔錯👍🏼/$268一位 十道菜式 (社交平台打咭有8折優 惠‼️)十道菜式亦會每兩星期都會轉換一次精選拼盤 (土豆絲、涼拌茄子、叉燒、豆腐乾) 作為開胃菜御品燉湯和風藜麥壽司香脆大蝦拌沙嗲汁豉汁帶子蒸豆腐黃金免治肉芝士球醬燒秋葵炒杏鮑菇糖醋咕嚕十穀養生飯甜品糖水食完野仲可以行吓旁邊嘅素食小超市 餐前小食有碟牛肉乾 我哋都覺得好好食 好似真係牛肉乾最後買咗一包返去🤪🤪

今日星期日，咁岩初一，黎到北角素之樂食齋，同之前一樣都係要提早訂枱，星期日午市分開兩個時段，11:00-12:30 & 1:00-2:30，我們今次食第一個時間段。一行4人，黎到都係行樓梯，因為揾唔到電梯，不過走就揾到電梯，下次就知咩入口了。今次叫左好多之前無食過的。餐廳一開始無上風味小食，最近我地張單Cancel左。率先上的是松露雜菌腸粉、松露水晶飽，呢兩個無論味道，質感都好相似，味道都好好食。蒸既蘿蔔糕同上次都係一樣咁好食，都係有蘿蔔絲既，好飽滿、熱騰騰，唔會似出面酒樓咁偏咸，我覺得呢個好出色。上湯雲吞麵麵質好爽，雲吞餡主要是菜、少量菇。蔬菜包餡既顏色都偏深，都是菜，味道都幾好。香芋包微甜，包既餡係芋蓉，唔錯。紅油炒（抄？）手 就是皮厚，我就麻麻，感覺咁多樣都唔值得點就是這個。糯米雞大大隻，好耐無食過咁大隻既糯米雞，一籠仲要有兩件，味道好好，餡料都豐富，應該係最抵食既點心。一客兩件既蘋果批，之前都食過，想食既朋友仔就要記得訂枱時候講低預留啦，不過$30先兩件仔我覺得唔平。由於我地屋企人都好大食😆😆，Last 仲追加左個松露雜菌炒飯、馬蹄蔗糕。呢兩個都係幾唔錯，馬蹄蔗糕係凍既，平均一

今日同屋企人午飯時間嚟飲茶，呢間嘅素點心不嬲都非常出色，如果想食素點心，呢間會係不二之選🥰午飯時間都唔會好多人，我哋前一日訂咗檯，所以完全唔使等位😊 環境走清雅風，坐得好舒服！今次叫咗好多樣點心，樣樣都唔錯，最鐘意佢嘅芋頭糕，好香芋頭味，偏向實淨質地，好味☺️ 春卷亦都非常推介，炸得非常香脆，唔講真係唔記得食緊素😆 另外個炒飯亦都做得唔錯👍 今次仲叫咗叉燒包，素菜餃、燒賣、獅子頭、煎餃子同蘿蔔糕，每樣都唔錯，下次一定會再嚟😎

繼上周父親節🙎🏻‍♂️周六日訂唔到位之後，今次早有預備，提前兩日星期四就訂咗四位既周六1200午餐💪🏻呢間餐廳都算隱蔽，唔係熟人或者唔係食過嘅熟客都唔會過黎，從以下門口就知啦。所以想黎既朋友，由此直接上樓梯，因為無電梯，的確不是對老人家好方便。上到去估唔到有咁餐廳。一入門口見到有屏風設計，外邊等候嘅人或者路過嘅人唔會見到入邊客人進餐嘅情況，都算貼心總體嚟說餐內環境呢都係優雅環境，亦都比較安靜都有些擺設，我們都好喜歡。第一次食呢間餐廳，素食質素都好好。我們由12點入座2半先結帳，一邊食一邊傾計，唔駛計住時間感覺真好，過左一個愜意既周未

今次唔係平日食，星期六日果然係比較多人，今次終於都book到位。例牌好食又必清嘅風味小食入味牛肉乾本身想叫煎蘿蔔糕，但係發覺原來有蒸嘅所以就轉左軑啦。蒸蘿蔔糕真係好好食，佢一啲都唔肥膩，而且仲有一條條嘅蘿蔔絲，正。（平時就算新年我都唔係特別鍾意食蘿蔔糕，但係呢個真係好正如果個名係水晶包，但係就同胞真係冇咩關係。上面嘅黑松露好香好好食，入面係一啲菇粒，其實個味道都唔錯水晶餃，味道OK，但係唔係佢出眾燉湯清甜飲落冇味精apple pie 例牌必食底有好多豆苗，好嫩，送飯唔錯叉燒包， size幾精緻，出邊係全麥嘅，但係入邊味道唔係特別，下次嚟應該唔會再叫馬蹄蔗汁糕，蔗汁嘅味道唔係特別出，但食落都OK咕嚕肉，送飯好好食會員有九折，可以即場做會員。

今日再去【 素之樂 】，端午節臨近，順便做節，二人餐可以變增加為三人餐。燉湯：猴頭菇冬菇沙參龍眼肉妃子鷹咀豆，相當入味，還以為沒有肉的湯，味道會差一點和淡很多，但這碗不會。糖醋咕嚕：炸了出來的素肉，入口同真的咕嚕肉有九成似，而且味道貌相做到足，相當驚喜。點心拼盤：燒賣沒有上次的空洞，而且結實；蝦餃一般，餡料令我覺得其實佢似粉果多啲；春卷第一口好咸下，但點左醋就好啲。素魯飯：乾身左一點，用來撈飯就差左少少其他食品只屬普通，沒有特別。兩次光顧這餐廳，覺得味道會濃一點，但又未至於死咸，食後不會口渴，看來餐廳沒有使用味精等增味劑。

最近幾日想食清淡啲，就諗起食素食。素之樂開左咁多年，都係第一次去食，餐廳必須先訂位。咁啱餐廳有一張枱餘，所以我沒有訂位都可以食。最好食 - 蘿蔔糕：煎得黎一啲唔油，而且做到相當挺身，蘿蔔味出，配合多種菇同紅蘿蔔，十分合拍，是一件足料唔多粉的蘿蔔糕。最有驚喜 - 水晶餃：一向覺得素菜餃會無咩味，而且餡料碎濕濕，但今次沒有這情況，會好清楚見倒切到一絲絲，而且味道遍濃。差一點點便完美 - 素魚翅燒賣：餡料有空洞而且一夾便散出來，一點都不結實，味道是可以的。表現一般的素鮮蝦腸粉：外表的而且確近乎真的一樣，腸粉皮鬆散，一夾便鬆開來。比想像中容易接受的淮山麵：一向唔太喜歡淮山這類食物，估唔倒佢煮成麵會不一樣，都幾好食。下次想試下佢個燉湯，我諗都唔錯。諗下幾日後再去先。

北角一間隱蔽於幼稚園的素食餐廳。見到餐廳的水牌，按指示沿着樓梯上心總覺得走進入了幼稚園的校園，樓梯兩旁貼滿了老師的照片，戰戰兢兢地終於到了一樓，原來是一所只招待會員的素食餐廳🍴，與幼稚園共用樓梯罷了。服務員招呼實在是溫文有禮，把餐牌上的都逐一介紹了，也給我們考慮的空間，以今時今日香港的服務質素來說，實在是難得一遇！我們坐下服務員便奉上了兩碟小食，嘩！好好味喎！究竟是什麼來的？詢問一下，原來是黑胡椒素肉片和山葵餅！我們先點了個麻香風味白腸粉$30～腸粉呀！為什麼妳這麼滑溜溜，筷子🥢好不容易才能打你鉗住，配上胡麻醬，胡麻醬調得適中而且帶點柚子香，最啱夏天吃。香煎蘿蔔糕(3件)$28年糕～上枱時熱辣辣肯定是即煎，一口咬下去外面一薄脆，裏面是一條條粗粗的蘿蔔絲和冬菇還有一些齋蝦米、齋火腿的東西，無論賣相丶口感丶味道實在是滿分💯，必叫之選！一品水晶餃(3件)$28～個餃皮做到又薄又滑，個餡裏邊嘅菜苗和本耳炒得很香，皮薄餡靚！好味😋也是必叫之選！煎釀三寶$78～賣相非常吸引，豉椒味香氣撲鼻，齋魚肉有點硬，味道不錯。香酥春卷(3件)$28～熱辣辣丶脆卜卜，裏面是紅蘿蔔和木耳絲，小心燙嘴！薑汁芥蘭$7