素之樂創意蔬食料理

一直幫襯開素之樂嘅午市點心，無試過私房菜，趁住中秋做節就會一會佢。🔸🔹🔸🔹🔸🔹🔸🔹🔸🔹🔸🔹🔸🔹Dinner Menu ($328 / person, 兩位起)(精選拼盤) 酥香素魚柳、涼拌篙筍、椒鹽蓮藕、涼拌彩蔬｜⭐⭐⭐⭐酥香素魚柳 - 素鰻魚炸得酥脆，上面沾左沙律醬，增添唔少滋味。涼拌篙筍 - 篙筍水嫩多汁，麻醬加埋芝麻粒，令到篙筍食落唔寡。椒鹽蓮藕 - 椒鹽配所有野都無得輸!涼拌彩蔬 - 普通冷盤，無乜特別。(湯品) 茶樹菇燉湯｜⭐⭐⭐⭐好足料! 濃濃菌🍄‍🟫味!蘆筍三文魚米紙卷｜⭐⭐⭐估計蘆筍唔當造，變左時蔬三文魚米紙卷，d菜好新鮮，好fresh~清宮彩虹🌈卷｜⭐⭐⭐⭐⭐用腐皮卷住紅蘿蔔絲🥕、篙筍絲同木耳絲，咬落去索索聲，芡汁增添左腐皮個滑嫩程度，終於見到一道菜係有少少特色，有食私房菜嘅感覺啦!一葉酥｜⭐⭐⭐即係素春卷🫔，包D料唔多，加上點左葡汁，D汁搶晒D味，唔太食得出入面係咩餡。咕嚕酸辣雞｜⭐⭐⭐⭐食左D先發覺唔記得影相😂 菠蘿🍍同素肉比例好好，大概1:3。食到呢度已經開始有D飽嘅感覺，呢個時候上一道酸酸甜甜嘅菜式去解膩，非常好。意式焗法包｜⭐⭐⭐⭐⭐好大件，好抵食! 但真係開始飽，輕輕淺嘗一下試左個味就算。完全就係夏威夷風情🍕感覺，又係酸酸地甜甜地，幫手解一解膩。金湯雜菌蕃茄盅｜⭐⭐⭐原個蕃茄🍅釀滿滿嘅海鮮菇🍄‍🟫，配南瓜湯，味道不過不失。SOD酵素｜⭐⭐⭐⭐⭐酸酸地，唔識形容個味道，功能性一流👍🏻! 服務員話飲佢會幫手消化，飲左佢真係無咁滯，化到d胃氣!日式燉飯｜⭐⭐⭐⭐⭐個樣望落好普通，本來打算原個打包就算，但服務員強烈建議我地試少少先打包。一𢳂落去，原來內有乾坤，燉飯藏左喺入面，有D蕃茄茸🍅、素肉醬等濕濕地嘅食材，配埋外面層白飯🍚，感覺啱啱好!鮮磨合桃露｜⭐⭐⭐奶味重左D，有D粉粉嘅感覺，似加左奶粉落去煮合桃露而唔係用鮮奶，唔夠滑。🔸🔹🔸🔹🔸🔹🔸🔹🔸🔹🔸🔹🔸🔹整體感覺：食物以煎炸物為主，味道中上，惜創意同手工略為欠奉，唔太顯現到私房菜嘅特色；但餐廳以價錢同份量搭救，只係本人重質多過重量😆。服務員態度殷勤。…查看更多

致各位關心飲食體驗的朋友：近日在素之樂（香港北角渣華道56號胡日皆大廈）經歷一次極不愉快的體驗，實在不得不公開事件，讓廣大消費者知識餐廳的待客之道，以免更多人受害。是缘本人星期曰（14號）中午與朋友前往用膳，我們按時到達，並在指定時間點餐。然而最後一次食物剛剛送到卓上，不足五分鐘，我們還未用膳完畢，餐廳職員竟以｛需要交枱｝為由，強烈要求我們立即離開，同時把餐具收起。更令人氣憤的是，當時職員聲稱［外面有客人等這張枱］，但我們發現門外根本空無一人，完全無人輪候。這種明目張膽的謊言，純粹是為了趕客而編制藉口，對顧客極度不尊重。此外，我們亦注意到餐廳的食物質素下降，與以往水準相差甚遠。綜合以上經歷，該餐廳的服務態度可說是［差到無倫］—不但沒有盡力為客人提供舒適的用餐體驗，反而用欺騙和催促的方式對待顧客。我們原本期望享受一頓愉快的午餐，最終卻在憤怒和失望中離開。因此，本人強烈呼籲各位如你重視用餐品質和合理對待，請避免光顧此餐廳！…查看更多

回顧返早前同一大班素食朋友嘅聚餐，今次揀咗北角嘅「素之樂創意蔬食料理」，亦係我最愛嘅素食飲茶酒樓，有冇「之一」呀？冇 😆（以下如冇講明就係純素）☘️我睇返我上次話佢哋腸粉係世界級喎，上次食嘅係叉燒腸，今次試蝦腸，個腸粉仍然係好高質，啲素蝦又爽口。講開蝦當然唔少得蝦餃，睇啲相都知有水準，脹卜卜咁，隔咗咁耐睇返都餓。😂 食厭咗傳統口味腸粉，又可以試吓松露雜菌腸粉，菇味好香濃，唔使點太多豉油都好好味。有咩好得過食一籠好食嘅燒賣呢？就係食兩籠喇 ✌🏻，仲要唔同口味，分別係魚翅燒賣同松露燒賣（都係奶素）。魚翅燒賣接近傳統口味，黑松露 fans 就必試松露味啦。🍄滿足完對點心嘅渴求，試吓啲小菜先。個燉湯好鮮味又足料，飲落感覺好滋補。蜜汁脆鱔我覺得必叫，其實係菇嚟，但食落真係幾似鱔，非常有特色。👍🏻招牌糖醋咕嚕（奶素，可改純素）同黑醋猴頭菇（奶素），簡直係哈林同庾澄慶，好少一齊出現，今次竟然同框，真係好難得。咕嚕肉口感好似真嘅版本，而且好爽口。另外嘅魚香豆腐，屬於「味來免治肉」系列，係結合咗魚香茄子同麻婆豆腐於一身嘅創意料理。🌶️除咗嘢食好味，值得一讚呢度嘅員工服務超好，有去過食嘢嘅朋友都會知道啦。💚…查看更多

港島區少有高質環境舒適CP值高的素食餐廳，一定會再幫襯，餐廳格離位置仲有好多款即食素食產品發售，素啲罐頭午餐肉，即食素豬腳薑，素肉丸，素魚旦價錢唔貴又多選擇，可買返屋企再encore…查看更多

已經食過好多次，佢係私房菜模式，定期會轉菜單。餐廳裝修係靚及有令人好平靜嘅感覺，最岩同朋友或家人傾偈。每次食都覺得食物好有心思好好食，即使唔係食開素食都會覺得好食。之前同親戚去食，食肉獸親戚都大讚好食及好飽，最後仲係外面嘅素食超市買幾包冰鮮素食番屋企自己煮。自己最中意食佢嘅炸魷魚圈，南瓜汁波菜，大蝦沙律同麻辣手撕雞🤗而且店員全都十分有禮及熱心，絕對推介畀大家的餐廳！…查看更多

4.19我同好友一起上到素之樂晚飯，佢地的餐食得兩種可撿，一係一人198蚊一位的輕套餐，一係一人398蚊的私房菜套餐，我哋撿咗198，最後埋單共計467蚊，但兩餸一湯一飯一甜品的份量係超級揾笨且求其，食物係味精湯，無味寡料炒飯，兩餸係唔同名但一樣加工素料熱炒，又係味精濃郁味道差唔多的餸菜，我心諗兩個大男人，你哋好意思端出來兩碟好似餵猫的份量的餸嗎？我即場反映咗點解個portion咁細既？個阿嬸服務員話：可以再嗌多個餸架(盛惠98蚊)，老實講味道麻麻但揾笨的低級cp值餐廳絕對唔會再幫稱第二次！最後我老友話，不如再去大快活食個飯來…查看更多

阿媽話帶我去食素點心，佢食過幾次話味道唔錯，環境都唔錯，價錢就比一般茶樓貴少少，我試過都覺得唔錯，怪不得會座無虛席，所以想去就最好訂位。🥢珍珠蝦餃 $30 ⭐️⭐️⭐️蝦餃口感ok，有啲爽口，但味道就一般，因為比較清淡。🥢松露水晶包 $39 ⭐️⭐️⭐️⭐️呢個好好味，𥚃面超多菇，松露味又夠出夠香濃。🥢香煎蘿蔔糕 $32 ⭐️⭐️⭐️⭐️好多蘿蔔好足料，仲有粗條口感，好味。🥢香酥春卷 $33 ⭐️⭐️⭐️⭐️春卷都好足料，食落外脆內爽，都唔錯。🥢羅漢齋腸粉 $39 ⭐️⭐️呢個麻麻地，雖然腸粉算滑唔厚身，但我覺得餡料有啲少。🥢叉燒餐包$36 ⭐️⭐️⭐️⭐️呢個一定要訂，限量供應，叉燒口感好似，再加上好味嘅叉燒醬，還原度好高。🥢茶 $16/位三人共消費：$262…查看更多

好一段時間沒來這店，會員咭也不知放了到那裡。店員說講電話號碼都可以，亦不需補領會員咭。經開飯喇訂坐，也同享會員九折優惠。今天中午約友人品嚐健康素食，點心加麵食，整體滿意。服務周到。只是枱與枱之間的距離實在太密，不然會加分。素菜包：包皮鬆軟，菜饀充足。羅漢齋腸粉：👍🏻👍🏻用料十足，腸粉晶盈薄身，豉油點小小不用多。蒸芋頭糕：👍🏻跟一般酒樓不同，有芋頭粒，入口鬆化，味道也好。五穀迷你糭：👍🏻👍🏻健康有益，軟熟有口感。番茄湯麵：蕃茄湯底，麵身幼滑。奉送餐後甜品馬蹄糕。…查看更多

相隔多年後再一次回頭光顧。食品質數無變，味道也保持到，職員禮貌一如以往的好，親切有善，面上充滿笑容，每度菜上菜時也細心介紹，善意提醒小心熱，因為有輪椅，職員善意提醒應那個位置較好。值得讚！中美中不足是電梯要行幾級樓梯才可到達。如果電梯能直接由地下上到去舖面樓層就更好。扣佢十分總結今次光顧體驗，值九十分。…查看更多

比較少留意到有點心為主的素食餐廳。本人喜歡吃點心而親戚吃素，所以便去了這間午市接近飲茶為主題的素食餐廳。一直很喜歡吃他的脆膳，另外收銀處旁邊有小超市，可以買一些素食產品回家…查看更多

走入素之樂，空氣中既有股清新感喺度，一家人濟濟一堂嚟個素食盛宴，真係開心到爆！一開始個三文魚頭盤已經震撼到我，色彩繽紛又閃閃發光，食落去鮮甜得嚟唔油膩，真係創意爆燈💡！到咗主菜，個素鮑魚同芒果蝦就更加出彩，賣相掂過鋼鐵俠嘅盔甲，色澤亮晶晶嘅！邊個話素菜無滋味？呢啲菜譜絕對擊中你嘅味蕾，令你愛上呢個綠色嘅饗宴。嗰個仿蝦，韌味又惹味，真係做得啱啱好！而且佢嘅小食都唔係蓋嘅，講到蝦餃嘅皮，透明得嚟又得嘅彈性，簡直可以頂天立地。最後，個蘋果批（應該係酥？）唔算太甜，鬆化得黎又冇過於油膩，一啖一啖嘅幸福感，就好似食一雲咁輕盈。只係喺湯品同芝麻糊稍為鹹咗少少，不過總體嚟講，呢餐飯，簡直係素食界嘅驚喜箱🎁！啱哂想享受清新健康生活嘅你我佢。下次一定要記得早啲book位，因為好嘢，人人都想嚟啖！…查看更多

今日踩界去咗間好有名嘅素食餐廳，試吓佢哋嗰套 Colorful Veggie Delight Set，真係一個令人驚喜又滿足嘅體驗😍！頭盤係那個 "順滑苦瓜杯"，啖啖清新唔苦膩，過後嗰個"爽口蘆筍湯"暖笠笠，入喉順滑之餘還勁夠味，真係暖你心窩！緊接可以話係亮點嘅 "素海中寶"，潤口得滑嘅 "菇菇伴侶" — 紮實口感同濃郁香氣嘅豆製品俾人一種好食落肚嘅質感。呢啲菜式，實話實說，都係平平無奇嘅素菜做唔到嘅🌱。"金黃椰香飯" 最出彩，米粒分明得嚟還保持住椰子嘅鮮甜，呢個真係叫做一絕。最後吃到 "蜜糖焗蘋果"，甜度啱啱好，唔會過甜，蘋果啲酸酸甜甜好適合做收尾。今次嘅素食之旅，完全顛覆咗我對素菜嘅認知，發現居然可以有咁多變化同滿足感。下次再嚟，一定要叫埋多啲親朋好友一齊分享呢份健康同美味！🥗🍴🎉…查看更多

呢間素食夠哂驚喜！一坐低，就上咗幾款開胃小食，首先係嗰啲醬油口味嘅素肉和脆脆嘅海苔餅，簡直系人間美味😋，素肉嘅口感真係幾似豬肉片呢！之後係壽司拼盤，淨係話素，但個味同擺法都夠曲高和富，搞到人食指大動！而家仲記得嗰啲味道鮮美嘅羊角豆、吃落去爽口酸甜嘅蕃茄、夠晒勁辣嘅海帶同嗲味豆腐片。飯後仲有芝士菇菌酥皮點心，啖啖肉味，好食到停唔到口！每道菜嘅份量都啱啱好👌，仲唔會太飽，留低位置嚟試下蒸白蘿蔔，又軟綿綿，口味清新。食晒成晚，連肉都唔掛念，真係正！最緊要嘅系，一路食都覺得健康！下次聚會我一定再帶啲朋友來過嚟試！🌿🥢🍣#素食界嘅新星#味蕾嘅旅行#食得健康又開心…查看更多

平時係北角返工，呢一間係同事口中都經常聽到既素食餐廳。位置比較偏僻，基本上唔係北角人都可能未必知有呢間咁出色的素食餐廳!我同同事係5月既時候去食Lunch Set! 一般都建議大家去叫平日既lunch set(平均120蚊一個人)! 佢有2人set4人set，如果你係一行3人，餐廳仲可以幫你做3人份，價錢都係按平均既計返^^ 超級貼心當日我地就叫左二人餐 (再轉三人份)✿餐前小食 (★3.8/5)未上set 之前係有餐前小食!! 係花生同素既肉乾，都係好好食既! 大家唔好食曬先，之後既野食仲吸引!✿燉湯 (★4.0/5)set 會先上一個燉湯，燉湯好足料，好清甜，入面有腰果、鹿茸菇、龍眼肉等等，菇既香味味道突出，味道同一般以肉燉湯無分別! 值得一試。✿糖醋咕嚕 (★4.8/5) (必試!) 必試! 每一次黎素之樂都必食既糖醋咕嚕! 食落去同真正既咕嚕肉好似! 而且色香味俱全，連旁邊既菠蘿都好甜! 想無限encore! 送飯絕配✿野菌雜菜 (★3.8/5)同一般雜菜相若，無咩特別✿點心拼盤 (★4.0/5)點心拼盤有燒賣、蝦餃同春卷燒賣食落有少少粉絲係入面，正常蝦餃出色，似真正有一隻鮮蝦係入面；春卷比較出色，入面都係韭黃、高麗菜、紅蘿蔔等等✿素魯飯 (★4.0/5)素魯飯：係比較甜既素魯飯，飯身比較乾身D，但同咕嚕肉或者雜菜一齊撈飯食就好美味✿是日甜品 (★3.8/5)馬蹄糕比較普通，無特別。…查看更多

已經係今年1月頭去食嘅餐廳，平日去可以選擇叫套餐或者散叫，當日去到我哋選擇散叫，選擇只有10個餸以下，係食素菜，做得精掛。枱同枱之間有一定距離，坐得幾舒服，環境幾靜。大多數家庭客。我哋叫咗大部份選擇，菜式大部份都係用不同菇類或豆類副製品造，每個都好好味。最特別係個炒河粉嘅餸原來係菇切片，炒得好野味，真係唔似素菜。個咖喱好香椰汁味道，裏面啲菜入曬味，撈飯食一流。下次要試吓佢哋個dinner set ，更加多新穎菜式可以試。…查看更多