紅伶飯店

營業中

休息中

油麻地 有間 紅伶飯店 都好多人去食，我就見到佢有個羊腩煲幾吸引就去試吓，沒想到都幾多人都有8成滿座，食物都幾多選擇，我哋叫咗一個煲+菜+粥和白飯，2 人約$560秘製羊腩煲有大細選擇，要了細$398，都沒想到幾大份，入面 羊腩 不少，炆得好淋身又入味，羊腩夾少少羊皮好彈牙，味道好濃郁，支竹大大片吸晒味不錯，當然仲有爽馬蹄，如果覺得味唔夠仲有腐乳可以點，但我覺得味道已經十分足夠將 羊腩煲 醬汁加上白飯一齊食最好味因為有濃味菜式所以另外叫個清少少的金銀蛋白菜仔，都幾大碟，味道剛好，菜都幾新鮮蠔仔肉碎粥 細$39有2碗剛2人份一人一碗不會太多，蠔好新鮮，有魷魚乾令到個粥味好濃，幾鮮甜又綿身

呢排天氣好凍 屋企得我同呀媽食羊 所以就約左佢出黎食羊腩煲😚 有兩層 我地係上面個層食～ 夜晚都好多人 爆哂🤣 之前食過呢間嘅打冷 覺得味道唔錯 今次黎食羊腩煲 有分大/細 我地兩個人叫左個細嘅 $398 share 🥰 係用原個瓦煲上 特別有風味 其實宜家整好 開gas 爐整熱滾起就食得 羊腩煲有馬蹄、枝竹、蔥等炆羊腩 味道偏濃味 好濃郁腐乳湯底 羊腩肉質腍滑多汁 大大舊羊腩 羊味唔羶！ 仲附送腐乳可以點～ 建議可以叫一碗白飯送 撈羊腩煲個汁！ 我地兩個人食到暖笠笠 唔洗加飯 叫左可樂送 已經夠飽😆 大大件羊腩 呀媽讚煮得好腍 ！佢牙痛都好容易食到😋 馬蹄好爽脆😌 枝竹好入味 充滿住腐乳湯底同埋羊肉香味！附送嘅腐乳我地都冇咩點 因為個湯底宜家好濃郁 唔洗再加😙

位於佐敦不起眼嘅後街，裝修維持舊有風味，餐廳客人滿座。秋冬有推出限定羊腩煲，平時食唔到，啱晒呢個凍冰冰嘅天氣，兩個人叫左一個細煲盛惠 $398。睇落驚唔夠食，叫多個滷水什錦，一碟有齊不同鵝嘅不同內臟，適合貪心嘅我，滷味入味唔會太咸。鵝腸偏多而且唔肥，食幾多都唔怕，除左有大量鵝腸，仲有鵝肝，鵝腎，紅腸...主角羊腩煲，原來份量勁大，兩個人食都好夠。每舊羊腩都跟煙煙韌韌嘅皮，充足骨膠原！配料中馬蹄，支竹有齊，羊腩煲嘅材料缺一不可。最值得讚係腐乳醬，咸甜適中帶少少酒香，蘸羊肉一流。羊腩無肥膏，肉質依然炆得入味軟熟，食到一絲絲羊肉，值回票價！

潮州打冷好吸引必點蠔餅 做炸嘢一流，香，鬆脆，唔油膩，可惜蠔嘅份量係小咗d椒鹽鱔球同椒鹽九肚魚兩味都好正，外脆內嫩生腌鰤魽 可能唔係季節，d鰤魽好細隻，肉係小但非常鮮甜韮菜豬紅不過不失，豬紅唔算滑但好入味，味道好好鹵水雜錦呢個係叫錯咗，因當日鵝片賣晒，一心叫個鵝加d雜錦，但叫咗個冇鹅爆炒豬雜好有鑊氣蠔仔粥本來想叫反沙芋，但因為有d超載，唯有留返下次再試總括食物味道好，環境係有d嘈，但大排檔就一定4個人8個餸仲要光盤

一直bookmark咗好耐嘅潮州打冷小店, 今次一行六人食咗13道菜都係300蚊, 其中仲有要有大份羊腩煲, 真係幾抵食滷水什錦 / 滷水鵝片 - 滷水就係去打冷必食, 鵝片少韌味道中規中矩, 反而什錦有齊雞腎、生腸、紅腸、墨魚、豬耳、大腸、腩肉、芽菜、豆腐等等感覺豐富D秘製羊腩煲 - 用原個瓦煲上好有睇頭, 羊肉唔算膻, 骨都比較多, 但配自帶嘅意大利barbarseco紅酒又幾夾, 開瓶費50/支黄金茄子 / 黃金雞軟骨 - 加咸蛋黃再炸到酥脆, 鹹香炸物幾時都係下酒佳餚辣酒煮花螺 / 豉椒炒蜆 / 酥炸脆皮大腸 - 大排檔鑊氣小菜冇失手白飯魚煎蛋 / 椒鹽九肚魚 - 白飯魚煎蛋D魚冇散哂, 椒鹽九肚魚外脆內軟仲好juicy, 做得相當好冰震芥辣墨魚片 / 鹹菜門鱔 - 正字"鎮", 雖說係名菜之一, 但感覺普通唔夠爽彈; 鹹菜門鱔都係平平潮州反沙芋 - 應該成晚最失望嘅菜式, 芋頭未蘸滿砂糖而且偏硬, 嗜甜嘅朋友可以考慮其他

正因為媽咪係潮洲人，所以就帶左佢嚟呢度食。原來想叫鹵水鵝片點知賣晒，繼而叫左鹵水鵝，都唔差嘅。蠔仔粥同蠔餅……掂👍🏻略為遜色就係油鹽水蜆，唔啱我口味。總括嚟講都係令我會再嚟嘅一間食店。

間唔時都會想食下潮洲打冷 油麻地紅伶飯店係老字號 咁就試試佢啦 冇book到位排隊都排左差唔多一個鐘🥲 有兩層 好旺場 但環境實在太嘈吵 🤣🤣 好有個種大排檔feel冰鎮芥辣墨魚片 $109甚少見到有地方有得食 墨魚片切得薄 唔會韌又爽彈 味道新鮮 仲有陣麻油香 配埋豉油wasabi令到個鮮味更出🫡 甜酸菜係底下墊住 食唔停口👍🏻滷水雜錦 $139超級多款 例如有生腸 紅腸 墨魚 雞腎等 基本上所有都唔入味…. 食材處理得幾好馳名煎蠔餅 $80份量好足 炸到好脆 粉漿唔厚 啖啖蠔仔 中規中矩蠔仔肉碎粥(小） $39叫左細碗都份量好多 就咁睇偏水 原來啲料沉哂落底 好足料 鮮甜唔腥 但就好大陣茜味🥲 最特別都係冰鎮芥辣墨魚片 其他就不過不失 如果要排咁耐隊既話 可以有更好既選擇🥲 要傾偈既話 呢間餐廳都唔岩你～紅伶飯店📍油麻地砵蘭街10-16號宜發大廈地下D及E號舖

店舖很大，有兩層高，很適合一大班朋友去，而且價錢相宜。❇️冰鎮芥辣墨魚片🌀表面平平無奇，但好好食，蘸wasabi 豉油，好有驚喜👍😋 必食之選！❇️滷水雜錦❇️蠔仔肉碎粥🌀大大碗，蠔仔份量多，味道鮮甜👍❇️椒鹽九肚魚🌀夠味，又夠鑊氣❇️勝瓜雲耳炒帶子❇️蒜蓉炒番薯苗❇️XO 醬小炒王❇️黃金田雞🌀夠鑊氣又脆口

朋友生日，想搵間地啲嘅中菜，大啖菜大啖酒開心放鬆吹下水嘅地方，於是揀左嚟紅伶，佢重開左喺油麻地之後其實都係嚟過一次，之前太多人潮聖一位難求，今次都訂早少少，坐低無幾耐都已經全場爆滿喇。 佢可以掃 QR 落單，亦都可以叫樓面同事寫菜，其中一樣鍾意呢度嘅野就係佢地啲樓面同事，幾位都好nice有講有笑幾識搞氣氛。今次叫嘅大部都係好常食打冷送酒菜，先嚟左個鵝片，幾好食唔會太肥；然後乳鴿肉地差啲，味道都好穩陣；滷水拼盤，揀左墨魚，大腸同鵝腸，兩個腸好食，大腸少羶但我鍾意，鵝腸爽口又唔會好碎。椒鹽九肚魚出色，好夠鑊氣入面唔會好水，亦好夠味；豆豉鯪魚油麥菜，唔錯，啲菜唔會搞到好腍，仲係爽口，黃金雞軟骨，驚喜，好夠鑊氣好黃金好脆口，食晒成碟就腬左啲啲，但好食最後食埋佢個 潮州反沙芋，佢有兩款，一係「傳統推沙」一係「紅伶焦糖」，咁試下「紅伶焦糖」囉，賣相就明顯好唔同，無咁多「沙」，佢啲焦糖會結左一大塊咬落有啲脆脆地又幾得意，無傳統果款咁甜，但係就無左本身成口「沙」果種豐富感。

紅伶飯店地址: 油麻地砵蘭街10-16號宜發大廈地下D及E號舖#yauyau_油麻地今次嚟到一間潮州打冷，我一直都好想試一次，今次約埋幾位朋友嚟到可以試多幾味。呢度每碟菜嘅份量適中，四個人大概叫五個餸就好啦。晚市多人，最好提早預約。🦑🦑冰鎮芥辣墨魚片$109墨魚片相當爽口，佢切得好薄令到我哋唔使咬咁耐，唔似出邊嗰啲咬到隻牙都酸哂都未食完，佢有啲芥辣同豉油，辣得來有少少攻鼻，非常開胃而且佢面仲有啲麻油令佢食落唔會太鞋。個底就有啲鹹酸菜，夾埋嚟食都好好味㗎。🍖🍖滷水什錦 $139有啲紅腸啊鵝腸雞腎，仲有啲我講唔出名嘅內臟，個底有啲大豆芽。佢嘅滷水汁整得非常可口，有滷水中藥嘅香味，但又可以整走中藥嗰浸草青味， 唔會令到你諗起飲中藥嘅痛苦回憶。另外嗰啲內臟油脂比較多，如果食唔慣肥膩嘢大家可以skip呢個菜。🍖🍖馳名滷水鵝 $130呢度我滷水鵝肉用咗啲比較肥同大隻嘅鵝，所以佢嘅肉質比較淋，皮下脂肪比較飽滿，佢嘅滷水汁好夾呢種鵝肉，好容易將滷水汁嘅香味融入去鵝肉之中，又可以消除鵝肉本身嘅肥膩，又可以提升鵝肉個種鮮甜香氣。題外唔好信個點餐系統話滷水鵝片賣哂，要問一問姐姐。🍘🍘馳名煎蠔餅 $80呢度嘅

油麻地打冷名店👍晚市時間好多人等位，最好提早打電話去預約。餐廳係典型室內大排檔擺位，未必有咁多空間放背囊/戰利品〰️🌟冰鎮芥辣墨魚片 $109評分: 4.5/5墨魚片好新鮮，食落好爽口，蘸上washi醬油好開胃，頭盤必叫！〰️🌟鹵水雜錦 $139評分: 4/5雜錦有紅腸、鵝腸、豬大腸等食材，鹵水係偏淡味唔會死鹹，食完好滿足🥰〰️馳名煎蠔餅 $80評分: 4/5係好多蠔仔既蠔餅！！完全唔會食到成口炸粉，又炸得夠脆口👍🏻〰️蠔仔肉碎粥(中) $79評分: 3/5同樣係用料十足既蠔仔粥，湯頭都好清甜，可以一試〰️環境: 3/5服務: 3/5地點: 3.5/5

之前紅玲喺佐敦永安商場後邊 間鋪細細間 老闆同老闆娘自己招呼客人 嗰陣時每一晚收工都會過去食宵夜🍽️🍻而家搬咗去油麻地間舖頭大咗好多 仲有兩層添 但係一日咁多客人等枱 👫👩🏼‍🤝‍👩🏻👨🏻‍🤝‍👨🏼 油麻地地鐵站出嚟行過去5分鐘都唔使就到舖頭我最愛一碟餸就係白色墨魚🦑 好新鮮墨魚點豉油Wasabi 🤭其他食物質素好高 份量都好大 成班朋友一齊去食嘢飲杯啤酒真係冇得頂 🍺🍻 提一提大家如果要去食最好打電話去預訂座位 😏

食物ok, 但明明說90分鐘用餐時間，我們用餐不夠半小時已不停收碟，未食完都想收，我仲係筷子在手夾緊。出面無人排隊，亦仲有空枱，一食完放低筷子全枱即收清了，擺明趕客，都唔知點解要客人食得趕頭趕命。

我一向對打冷的食物都是一般，不過呢間真係要 highly recommend 俾大家。地方好大，但清潔程度一般，2樓比較嘈，可能weekend嘅關係，雖然環境一般，但食物味道真係好好味😋，我們點了1) 滷水鵝 - 原本想叫鵝片，但職員話未切😔。鵝很有滷水嘅味道，亦有鵝嘅味，但沒有鵝酥味，可能我只食肉，沒有食鵝皮嘅肥膏🤣2) 冰鎮芥辣墨魚片 - 第一啖入口很香麻油味👍🏻，墨魚很軟滑，一啲韌感覺都沒有👍🏻。加上豉油和芥辣，會有食日本野嘅感覺😅3) 煎蠔餅 - 熱辣辣嘅蠔餅，入口很鬆脆，炸漿很薄，加上啖啖肥嘟嘟嘅蠔仔嘅鮮甜味，簡直是師傅和材料的絕配。記得點魚露食👍🏻4) 蠔仔肉碎粥 - 湯很鮮甜，一粒粒嘅米飯，一隻隻嘅肥嘟嘟蠔仔👍🏻😋。初初諗點解湯會咁鮮甜，以為只加了魷魚，到最尾才發現，有一隻手指尾指甲咁大嘅蟹仔🦀️😆5) 傳統反沙芋 (傳統推沙) - 這個菜式等了八個字才上菜😔，不過都值得等。第一啖咬落去，很趣口，亦很熱辣辣，芋頭入口很軟綿綿，好似食芋蓉一樣。甜度，不是太甜👍🏻6) 油鹽水蜆 - 這個煮法，少少鹹，帶出蜆嘅鮮甜味，感覺不熱氣。當然蜆非常之新鮮👍🏻總括，性價比非常之高，但每上一

呢間餐廳係出名嘅老牌打冷，地點喺油麻地就腳，趁有夜市約埋frd 黎，叫多幾樣就岩曬喇！1. 冰鎮芥辣墨魚片 $109黑魚係凍食 點芥辣同豉油 下面有酸菜，似日式食法，墨魚片本身有麻油，令每片更香口滑嘟嘟，減肥都食得！2. 滷水雜錦 $139抵食之選，入面有齊雞腎、鵝片、墨魚、豬耳、豬大腸、腩肉等等，全部都好入味，想食多幾款可以揀雜錦，不過想食肉就揀返滷水鵝較好！3. 必食推薦： 炸蠔餅 $80勁爆抵食，大過塊面，而且入面有好多蠔，唔係食緊粉，最鐘意潮式蠔餅嘅酥脆香口，不過要飲返多啲水！4. 霸王雞 半隻$169好食滑嫩！唔鹹而且保留到肉質，相比起出名嘅椒鹽九肚魚，覺得偏鹹同有骨，覺得霸王雞做得較出色！5. 椒鹽九肚魚 $109香脆，但嫌太鹹，肉質太軟，唔知係咪部份問題。骨有啲粗，但小心食都ok整體價錢合理，食物抵食有質素，仲叫左蠔仔粥同通菜，人均$160， 不過偏重味，建議飲返多啲茶平衡下