糖宮甜品專門店 (金巴利道)

營業中

休息中

尖沙咀依間「糖宮甜品專門店」有好多時令當造嘅榴槤甜品，仲有唔同嘅糖水、甜品等等。即製酥皮榴槤卷伴榴槤雪糕（單點$62），表面鋪有朱古力醬、糖粉，酥皮口感薄脆，但因為一用叉拮就會碎，加上比較薄身，唔係類似千層酥皮，所以存在感比較低，D24榴槤因為係熱食嘅關係，所以不論係甜味定係香味都比凍食嘅更加突出，內有海綿蛋糕，口感鬆軟，配以榴槤雪糕食用，冰火交融。榴槤飄香（單點$52），D24榴槤食落啖啖肉，榴槤雪糕口感幼滑，榴槤甘露口感稠身，內有西米露，三重榴槤滋味白雪（單點$45），芒果食落好Juicy，味道香甜，綠茶雪糕味道濃香，內有北海道奶凍，口感滑溜，奶味醇厚，小丸子口感煙韌，忌廉汁西米露份量多。大雜圓（單點$40），芋圓、紫薯圓、地瓜圓口感Q彈，內有餡料，花生湯圓外皮口感軟糯，內有大量花生粒，食落好香口，芝麻湯圓味道濃郁，略嫌薑茶糖水薑味淡香。

一到夏天就會好想食甜品，特別最鍾意食棉花冰，今日朋友就帶我去一間尖沙咀好出名食棉花冰嘅糖水舖🫶🏻🩵甜品：榴酷瓏$80上枱超吸睛，忍唔住即刻打卡，用上半個蜜瓜，上面放滿榴槤棉花冰，棉花冰打得很滑，食完棉花冰仲可以食埋入邊嘅蜜瓜果肉，兩樣水果都係我最鍾意食，大滿足🍈🩵甜品：芋圓楊枝甘露$50朋友叫左芋圓楊枝甘露，楊枝甘露非常足料，芒果夠香甜，金柚唔太酸，入面仲有好多芋圓，芋圓煙靭有嚼口，口感豐富🤭🩵甜品：糖不甩$48好耐冇食過糖不甩，最鍾意係佢嘅香味，糯米煙煙韌韌，沾上配料花生粉、芝麻、黃糖粉，好有咬口，我仲加咗芋圓，係雙重嘅享受😍😍仲有貓貓店長陪食🐱🐱

呢間甜品店樓高兩層,主打中式糖水同榴槤系列嘅甜品,店舖使用QR code落單,簡單方便.地方闊落,staff親切有禮👍🏻朱古力心太軟伴雪糕(綠茶雪糕/士多啤梨雪糕) $62心太軟焗得啱啱好👍🏻裏面流心朱古力漿嘅朱古力味香濃,唔會過甜,蛋糕夠濕潤😍連埋雪糕一齊食,味道好夾😋法式焦糖燉蛋 $45面頭有一層焦糖😍燉蛋口感軟滑,布甸味香濃,甜度適中😋爆芒 $54用料包括有芒果布甸.芒果.金柚.爆爆珠.寒天粒.小丸子.芒果汁.芒果雪糕,非常豐富😍提升咗芒果嘅層次😋菠椰菠蘿汁 $32菠蘿味酸酸甜甜,帶有椰香,會幾開胃😍

天氣炎熱好需要冰凍甜品cool down 返今晚尖沙咀dinner 後去咗朋友推介既甜品店食返碗飯後甜品呢間店有2層氣派十足座位舒適一望到個menu 兩眼發光冇諗過竟然有咁多選擇我哋揀咗特色甜品三款💜榴槤飄香 $52我哋一家都好愛榴槤當然要一試啖啖榴槤肉口感十足仲有榴槤雪糕添一試難忘竟然同西米露咁夾😱😱💜菠多野結冰 $70一見到佢個名咁勁😂冇理由唔試㗎原個菠蘿上枱啲刨冰多到食唔晒配埋特色水晶涼粉滑捋捋小朋友大愛💜雪糕香蕉船 $40揀咗朱古力同雲呢拿雪糕仲有好多脆脆唔使講5分鐘內成個清晒三個甜品份量都好大我哋四個人share都食唔晒夏天真係要有透心涼嘅甜品調劑一下一定要再嚟🍧🍧📍糖宮甜品專門店 (金巴利道) (尖沙咀)尖沙咀金巴利道88號地舖及1樓#糖宮甜品專門店 #尖沙咀 #金巴利道 #甜品 #hkfoodie

夜晚喺尖沙嘴食完飯經過呢間小店，主打多款特色甜點，中西合壁，有凍有熱，仲有唔少特飲供應，實有一款啱你心水。店內雖小但五臟俱全，上下兩層，堂食或者外賣亦可，價錢親民，值得到訪。好耐無食中式糖水，所以要咗幾款同屋企人share。薏米腐竹雞蛋花，可以補陰益血，補脾和胃，味道清淡，飲落暖笠笠，十分滋潤。芋圓紫米露，煙煙韌韌，帶點口感，甜度適中，令人一試愛上。天氣熱辣辣，最適合食雪梨，能降火化痰，潤肺止咳。雪耳津梨燉椰肉份量十足，真才實料，飲落清甜滋潤。南北杏雪耳燉木瓜同樣出色，帶天然甜味，淡淡材料。而楊枝甘露就正常發揮，酸酸甜甜，滿滿芒果香氣，港人至愛。

天氣太熱了，同朋友在尖沙咀去完飲茶，又不想喺街行，可以食啲冰涼甜品解熱環境幾舒服，冷氣又夠涼😍掃QR code落單都好方便，睇Menu有相😍叫咗一個爆芒😍：如果喜歡芒果，又鍾意配料樣樣都有啲，食爆芒就啱晒啦😚裏面啲料都好多，有芒果，芒果布甸，金柚，爆珠，寒天粒，小丸子等….芒果又好甜，我又好鍾意食布甸😍爆珠食落去咬嗰一刻好過癮😂小丸子又好煙靭芒果拿破倫：唔好睇menu啲相😂睇相好細件，嚟到嚇一跳，份量都唔少，食落口感鬆脆，芒果香甜，配搭吉士醬好夾，食完之後好飽😂（呢個需時）除咗芒果類嘅甜品之外，見仲有其他甜品如雪花冰，水信玄餅，仲有中式甜品。下次可以再嚟試埋其他。

同frd食完一餐飯 唔想咁快散場 梗係要再轉場吹水 續下攤啦😆🤭 所以食甜品係必須的 咁先滿足一日🥰🔖菠多野結冰(一路向西篇) HKD70以半個菠蘿底裝乘菠蘿雪花冰，唔會過甜，味道清淡且帶菠蘿嘅酸甜味，非常refreshing，好推薦作為飯後甜品。而且另有菠蘿西米露，味道較雪花冰甜，而菠蘿酸酸甜甜加上西米露嘅椰汁，配合得天衣無縫，十分開胃清新🔖雪耳津梨燉海底椰 HKD40非常滋潤，生津解渴，雪梨煮到軟淋，非常香甜，雪耳爽口，整個糖水好推薦大熱天時飲，馬上降温，而且仲滋潤養顏

店內有可愛貓咪，在尖沙咀飯後想來個甜品的話，位於金巴利道的糖宮真係幾唔錯，裝修新穎，地方細細地但出品一啲都唔失禮，價格尚算親民。大約幾十元就可以品嘗到甜品，款色多而且味道不錯。樓上好像是貓店長的家，不對外開放，貓店長沒偷懶的話就會出來巡視業務。營業時間2PM-1:30AM重點推薦洛重西，榴酷瓏 打卡一流榴槤飄香鍾意榴槤的不能錯過，真係有啖啖榴槤肉！佛系芋圓份量很足，有芋圓有涼份小丸子和雪糕，吃了晚飯的話要小心太飽抹茶紅豆奶凍抹茶控必點，奶凍質地濃厚，抹茶味濃，份量夠2人吃菠椰菠蘿汁 西冰冰果汁都是採用現叫現做的，所以需要等一會才有。用料足，絕不是加香精的糖水。個人最喜歡這種原汁原味的果汁。

.最鍾意食西式甜品嘅我🤤甜品🍧係第二個胃😂呢一間真係值得推介！雖然地方比較隔涉…唔近地鐵站🥲但如果想食宵夜嘅朋友揸車嚟呢度一流👍🏻舖頭亦都好多打卡位好chill🥰本身最想試佢個椰皇，但咁啱賣晒🥲唯有下次再嚟過🤟🏻🍰芒果🥭拿破崙 （必點❣️）要做到鬆皮係超鬆軟既拿破崙呢間好出色🫶🏻今次再配上當做芒果，好夾。吉士醬都好滑，唔會過甜。我睇相以為好細件🤣但原來一份有四件好大件😆抵食👍🏻🍮法式焦糖燉蛋🔅焦糖燉蛋表面係一層金黃色嘅焦糖，入面係濃郁嘅蛋液，口感滑順，甜而不膩👍🏻🍌玉桂香蕉窩夫伴雪糕🍧窩夫分量二人岩岩好，食落外脆內軟，即叫即整非常新鮮🌟送到黎嘅時候熱辣辣，窩夫配士多啤梨雪糕食好夾🫚薑汁芝麻湯圓🌰熱辣辣嘅薑汁湯🫚再加上芝麻湯圓，皮薄芝麻味重👍🏻🧁🍰🍨唐宮甜品專門店📍 尖沙咀金巴利道88號地舖#甜品控 #foodie #育兒親子樂 #尖沙咀 #西式甜品

同舊同事喺附近食飯食到一肚氣，跟住就搵到呢間甜品店下一下火。因為一行有九個人，都心大心細佢會唔會無位。點知打開個店門，一陣陣嘅榴槤香味超撲鼻，所以決定點都要等到佢有位爲止。不過等咗陣都好快安排到2樓俾我哋。成個餐牌都好多選擇，其實好多樣嘢都想試。不過俾佢頭先嗰榴槤味吸引到最後都嗌咗個榴槤雪花冰嚟食。唔知係咪榴槤食品製作需時，其他唔係食榴槤嘅同事一早已經刮到碗底都未到幾個榴槤控。等多咗陣，終於上檯啦。冇我喺樓下聞到嗰陣咁強烈嘅榴槤味，食落去個雪花冰係淡淡嘅清香。就算隔籬同事唔食榴槤，佢都唔覺得味道強烈到接受唔到。加埋啲脆脆片同小丸子，口感相當不俗。除咗雪花冰還有好多選擇，有個菠蘿雪花冰見同事叫都好正，下次有機會要試下。

平時糖水店都好迫坐得好辛苦，但哩間尖沙咀糖水店就坐好舒服🥰🥰好闊落推介❤️🥣甘露邪榴圓用左真榴槤蓉，超級香🥰😋而且令到成碗楊枝甘露好厚身，食落好滿足👍👍仲有好多芋圓💕🍈榴酷瓏超大盤😍😍😍上台已經好吸睛用上半個蜜瓜🍈上面再放上榴槤棉花冰棉花冰好滑👍🏻👍🏻🧇芒果窩夫伴雪糕窩夫好香口🥰擺盤有心思仲有可愛貓貓店長🐱💕😍➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ 好味指數：😋😋😋😋😋環境指數：🪴🪴🪴🪴🪴回頭指數：💖💖💖💖💖🔖 糖宮甜品專門店 (金巴利道) (尖沙咀)尖沙咀金巴利道88號地舖及1樓

呢間甜品舖位於尖沙咀，有2層咁，座位頗多～店主仲養佐2隻可愛嘅貓貓🐱好得意～🔸榴酷瓏(榴槤雪花冰)💰80用佐哈密瓜🍈裝住雪花冰，每啖都充滿濃郁嘅榴槤味～仲搭配蒟蒻，食曬面個啲哈密瓜入面仲有好多白涼粉～最後仲可以食晒半個哈密瓜肉😍🔸洛重西💰70用西瓜🍉裝住洛神花嘅雪花冰～味道酸酸甜甜幾特別，配料有蒟蒻、爆爆珠、藍莓，仲有黑涼粉係西瓜入面，食埋啲西瓜肉真係夠曬飽肚！🔸櫻花水玄信餅💰40水玄信餅配埋綠茶雪糕，外觀精美，有著淡淡嘅櫻花香氣，加埋黑糖入口後甜中帶點茶香味～綠茶雪糕味道都算濃郁

✨朱古力心太軟 配2球雪糕我地叫咗oreo cookies同matcha口味🍨👈🏻雪糕方面,曲奇味甜甜地 好香Oreo味🖤;抹茶味重奶味啲 食到最後先帶有抹茶味🍵｡心太軟好濃郁朱古力味,唔太甜🍫🤎.✨榴槤雪花冰又係榴槤喇~😚😚呢個有榴槤冰､榴槤肉､煙韌嘅珍珠､脆片👈🏻我地兩個都係好鍾意呢個‼️個榴槤冰嘅冰粒感好適中,唔太凍🦷｡質地綿密柔軟,一層一層狀,好濃郁榴槤味👍🏻💛而榴槤肉香甜濃郁😋.✨西瓜冰(走甜少冰)西瓜本身甜甜地 所以走甜令呢杯飲品變得天然 同埋好似飲緊西瓜汁水咁🍉好解暑/解渴

同朋友尖沙咀晚飯後去佐一間甜品店食甜品,店舖有不少特色甜品選擇！🧇榴槤酥皮拿破崙榴槤拿破崙係即叫即製嘅,酸皮非常鬆脆,除咗吉士醬再配上濃郁綿滑新鮮榴槤肉,啖啖嘅榴槤肉好似食雪糕咁,真係一試難忘🤤🥧朱古力心太軟焗得岩岩好,一切開就見到朱古力漿好流心,濃郁而不苦澀唔太甜,再配上雪糕, 不錯！🍡黃金芋圓糖不甩有芋圓同小丸子,煙煙韌韌好QQ,加上花生碎同糖粉好香甜,口感豐富！🍍🥥菠椰菠蘿汁新鮮菠蘿酸酸甜甜加上淡淡椰香味,味道好清新！餐廳有兩層,,樓上地方更加寬闊,最啱享受me time嘅好地方！仲有兩隻🐱貓咪喺度,啱喜歡貓咪食客可玩樂！

嚟到呢度先知乜嘢叫麻雀雖小五臟俱全🤣 初頭仲以為座位只有地舖嗰幾張，原來樓上嘅空間更大✨ 圍威喂坐大枱食又得，或者一個人坐高凳望住風景食亦得😋 好彩嘅話仲有兩隻貓貓同你同枱食添😍1️⃣ 朱古力心太軟伴雪糕🍫終於食到流心嘅心太軟，實在太感動啦🥹 心太軟唔會太甜啱啱好～香濃嘅朱古力流心真係太邪惡，識食一定會配搭埋雪糕一齊食😈2️⃣ 肉桂香蕉窩夫伴雪糕🧇窩夫係即整，外脆內軟好ᴊᴇɴɢ‼️ 亦都有將肉桂粉撒係香蕉面到🍌 好特別～ 我就揀咗要士多啤梨味雪糕🍓 估唔到一齊食又幾ᴍᴀᴛᴄʜ喎🥰3️⃣ 北海道奶凍🥛好滑捋捋嘅奶凍😍 仲識動ʟ動ʟ，超軟嫩，係好絲滑嘅口感😋4️⃣ 西冰冰🍉夏日熱辣辣梗係要食西瓜消下暑🤣 呢杯西冰冰涼浸浸夠哂凍，而且仲加咗啲火龍果粒同埋爆爆珠添🍧5️⃣ 黑牛🥤相信比較後生嘅人應該都未飲過黑牛🤣 店主將呢杯咁懷舊嘅特飲帶咗過嚟，仲額外加咗啲棉花糖，香濃嘅朱古力雪糕加埋煙靭口感嘅棉花糖，超濃泡泡夠哂多氣🫧